#باسل_محرز يستضيف الفنان #مروان_محفوظ في برنامج #المختار عبر #المدينة_اف_ام المختار من الأحد إلى الأربعاء.. عبر المدينة اف ام. #المدينة_اف_ام #المختار #مروان_محفوظ
لا تكره أمر وعسى أن يكون خيرا لكم. استاذ مروان انت تنازلت على أغنية سألوني الناس للست فيروز اللي غنتها وصارت خالده بصوتها مثل كل أغانيها، وبالمقابل ابنها زياد قدّر موقفك المشرف وأعطاك لحنين تعويض طلي من الليل ويا سيف عالعدى طايل.. هدول من أجمل أغاني غنيتها. فالحمدلله على كل شيئ
بصراحة لو غناها مروان محفوظ كان الناس نسيوها مثل كل اغانيه و مثل عشرات الاغاني الحلوة اللي انشهرت بفترة ما و بعدين نسيها الناس لكن اغاني فيروز بقيت خالدة مع ان بعضها يمكن ان يكون عادي و لكن اسم فيروز يخلد الاغنية و يخلد اللحن
صح كلامك لانو التركيز الإعلامي والاذاعي كلو لفيروز طبعا مابسمع غير بس ماركزو كا كتير من الأصوات متل نصري شمس الدين وكتيرين في اغنيه لمروان اسمها طلي من الليل طلي اشتقنا لهالطله كلمات بسيطه حلوه كتير اسمعها
يا اخي هوي لبناني شو دخل سوريا بالموضوع ... النجاح لبناني والمستفيد سوريا ؟؟؟ لولا سوريا كان بلدنا اغنى بلد وشعبنا انجح شعب بالعالم . شو نسيت قديش قتلوا لبنانيين لو عاشوا كان كتار منن عملوا عجايب بابداعاتن ... ثم حضرتك لبنانى فينيقي ... روح اقرا عن اكبر اعداء للفينيقيين جدودك وحربن اللي دامت 301 سنة مع جدودنا وخاصة عن اسرحدون البطل السوري الاشوري اللي اخترع الارهاب وقطع الرؤوس ونفذها بملك صيدا اللي كان عم يقاوم احتلالو " ابيبعل "
@@phoenicanlebanese1575 لولا: حرف امتناع لوجود. بغض النظر عن معلوماتك اللي ما بعرف شو مصدرها، بس الفينيقيين مو بس بلبنان كانوا على فكرة. الفينيقيين كانوا على سواحل المتوسط الآسيوية والأفريقية يعني هلق بيجي مغربي بيقلك أنا أصلي فينيقي. صديقي ما فيك تنسب حالك لحضارة أنت ما بتعرف شو صار فيها. نحنا السوريين فينا عرب أقحاح وفينا مستعربة وأنتو نفس الشي وما تنكر أنك عربي. في اللي أصوله سريانية ويلي أصوله آشورية ويلي سومري ويلي عربي بيرجع أصله لشي قبيلة من ما قبل الإسلام وفي اللي أصله تركي ويلي قوقازي وإلخ.. وأنتو بلبنان لا تنسى الحملات الصليبية يلي خلفت وراها كثير بشر. بالمختصر لا تقول عن حالك فينيقي، افتخر أنك لبناني وبس لأن الفينيقيين حضارة ولبنان حضارة تانية. أما بخصوص إساءتك لسوريا، فأنت عم تسيء لنفسك لأن لبنان وسوريا ما كانوا دول منفصلة واقرا عن ١٩٣٠ شو عملت فرنسا.. السياسيين بلبنان عم يخلوكن تكرهو بعض ف مو غريب تكرهونا بعد مصيبتنا خصوصي أنه كل العالم لاقى حجة حتى يكرهنا. ولا تعمل لبنان لولا السوريين كانت نجحت، لأن المصيبة اللي عم تمرق فيها لبنان عم تمرق فيها سوريا والعكس صحيح. الكهربا ببلدك من وين عم تجي؟ وسوريا مش بحاجة فيروز ولا حدا بالوجود لحتى يصير الها قيمة. مثال واحد رح أعطيك ع الفن عنا روح اسمع شوي لصباح فخري (الشغلات المدسمة مو الأغاني الشعبية) وعطيني حدا بالوجود يعمل ربع اللي عمله لذلك ما تقلل من شأن بلد كامل لأنك ما بترضى حدا يقلل من شأن بلدك. على فكرة حتى لو أصولك فينيقية ف هاد ما بيعطيك كريدتس زيادة يعني 😂 أنت إنسان والهندي إنسان عادي يعني ❤
مظبوط عالدقيقة ١:٤٤ الكمان رجع لنوت الري (اول نوت من مقام الاغنية مقام البيات)... بذات الوقت استاذ مروان قال امممممم مفروض الامممم هيدي تكون ذات النوت الي قفل فيا الكمان بس في فرق بسيط اوطى شوي. و غنا الاغنية كلا اوطى من درجة الكمان .... طبعًا انا ما عم بنتقد عم اعطي رأيي. بجوز كان تعبان او مش مركز كتير ... بس ما بتعبي الراس يا ريت يسجلا عن جديد
كلام صحيح ...ولكن المشكلة بعازف الكمان ما بلش بمقدمة سألوني الناس ..انما هو بسياق الحديث يتكلم نفس لحن سألوني ادى الكلمات على وزن سألوني انما عازف الكمان كان ب وادي اخر
من مقبرة "دواليب الهوا " ؛ بتعرفها ؟ هاد يا سيدي أنطوان محفوظ ويا لي سماه مروان هو الاستاذ وديع الصافي ؛ وبتعرف كمان انو صاحب ها النشاز ب ٢٠١٩ هو الوحيد الذي توسط لإقناع فيروز بإفتتاح معرض دمشق الدولي ؛ وبتعرف كمان انو ها النشاز كان من بين الأصوات يااللي غنت مع نصري شمس الدين ؛ وديع الصافي و انطوان كرباج و نوال الكك وايلي شويري و وليم حسواني وجوزيف ناصيف ؛ وبتعرف كمان انو الاستاذ وديع الصافي غنى من ألحانو ؛ المقبرة الحقيقية هي التي نعيشها اليوم بعصر الواوا يا صديقي ؛ هذا العصر الذي طمس فيه الفن وتاريخه ؛ " فيروز " ليست صوتا فقط ؛ هي كل تلك الضيع و أهاليها ؛ هي درج اللوز ؛ هي منتورة ؛ هي هالة بياعة الأقنعة ؛ هي قرنفل ؛ هي سيلينا ؛ هي من زرعت الخير بهولو ؛ والملك غيبون ؛ وخاطر ؛ هي زيون يا الي ستها من ضيعة كحلون ؛ هي ملكة بترا ؛ هي بياعة البندورة ياللي ربيت مع عربيتها ؛ فصاحب هذا النشاز وأمثاله كانوا جزء من " فيروز " ؛ فيروز ليس مجرد أغنية شايف البحر ؛ و أنا لحبيبي ......فمن كان يرى أن " فيروز " أكبر من ذلك ؛ لا بد وأن يحترم أجزائها .