السلام عليكم عمري امونه مبارك عليج الشهر امونه اطلب منج طلب والدتي عدها عجز كلى وكلش تعبانه يعنى حالتها خطره ياريت ثبتين تعليقي الي يكدر يساعد والي يريد روح يشوف😔 بعينه شلون عايشين حاليا امي عايشه على اوكسجين😔😔😔 احنه من البصره بنات رفعو منشور تشوفه امونه
يعني واضحه بنيه صابئيه وهذا الشي ميغير شي وتكول فطور لان تعرف الاغلبيه مسلمين تراعي مشاعرنه لان بنيه مؤدبه بعد لا تلحون لو تريد تخفي هويتهه كان ما صورت قبر والدهه بعدين احنه متعايشين سويه وشي اكيد يكولون فطور سحور بحكم التعايش الي بين المسلمين والصابئه لان البصره اغلبهه مسلمين شي اكيد يطبعون بأطباعنه
الي دايخين بديانة امونه ترى واضحة هيه صابئية وارواه نهويلا يعني اسقاه الرحمة همه هيج يترحمون وبالنسبة لااتجاه القبر همه قبلتهم عالقطب الشمالي والكتابه هاي لغتهم الاراميه وموضوع الصوم همه يصومون بسنة ٣٣ يوم عالمدار السنة يعني موشهر كامل يصومون ايام متفرقه قبل الااعياد صيامهم نوعين صيام الامتناع عن الااكل والشرب وصيام الثاني هوه الامتناع عن الفواحش والمحرمات والاامساك عن القول والفعل قلبا وعقلا وضميرآ يعني امونه مصايمه لان رمضان ولامستسلمه هاي ديانتهم وعاداتهم وتقالديهم واكيد نحترم الااديان ❤
الف رحمة على روح والدج.وربي يصبركم.وعاشت ايدج على الطبخ البصراوي المعادل...انتي انسانة جدا راقية وجميلة في كل حالاتج.وطيبة وبراءة ونقاوه..وبكل اختصار طاقة إيجابية فول تعطين للمقابل من يشوفج.امونة الورد
بلعكس البصره هواي بي اماكن حلوه بس هي راحت مكان خارج البصره مكان مقابر هي ماصورت وضع البصره الحالي يعني خليجي البصره خير دليل مو معقوله ماشفتي بطوله وشوارع البصره والمولات بس طلعت خارج البصره مقبرتهم
رمضان كريم عليج ست ايمان المحترمه حبيبتي ولو تدخل مني انتي عارضه حياتج للسوشل ميديا او عندج متابعين يحبون يعرفون كل التفاصيل عنج المفروض تكليلهم شنو ديانتج حتى ميتفاجوون بلكتابه الي على قبر الوالد الله يرحمه او احنه كلنه انشالله اخوه او كل الديانات هيه خير او بركه انشالله ماكو تفرقه تحياتي
السلام عليكم ... شخباركم ان شاء الله بخير و عافيه و الله يرحم والدكم (العم العزيز ابو علاء) و يجعل مثواه الجنه ... نسأل الله ان يحفظكم و غاليكم ... اخوكم حيدر سعيد ...
حبيبتي امونه طلعتي صابئيه من انظف والطف الناس جنت احبج وهسى صرت احبج اكثر من عرفتج من اخوانه الصُبه الله يبارك بيكم ويكثركم بالعراق لان انتو من ضمن اصل وتاريخ العراق والله يرحم والدج ❤
ألف رحمة ونور ع روحه الطاهرة لوالدج يا أمونة بحق فاطمة وأبوها وبعلها و بنوها..رح أشمله بالفاتحة يوميا لوالدج بصلاتي ..كابتن بهاء من بغداد العراق أحبج هوايه ومن معجبيج
تسلم الايادي وبالعافيه الله يرحم روح الوالد امونه بيت اهلج بمناوي باشا طبعا جنه ساكنين ابيت ايجار من ناس صابئه شنو الاخلاق فد ناس محترمين وانتقلنا لغير بيت وبعد ماعرفنا اخبارهم الله يذكرهم بالخير
امونه بيت اهلج بالطويسة اشو منطقتكم كأنها الطويسة . . انا من الطويسة وكانوا معانا بنات صابئيات ايام المدرسة قبل كنت اداوم في متوسطة العشار واعدادية الخنساء ايام حلوة لاتنسى ايام التسعينات