يافتاح ياعليم افتح علينا اجمعين اختي لعزيزة ومادا عن زوج لي فيه طيف نرجسية هل هده نطيحة تجيب معاه نتمنى تطرقي لناس هدو ايظا عايلته خاصة ادا كانت زوجة من ولاية اخرى وتكون تحت رحمتهم اكثر
أختي أم الين ربي يبارك فيك على الموضوع الشباب، أنا طيبة القلب ومانيش خبيثة و صادقة وحنينة مبصح منعرفش نهدر ونتقلق بسرعة يعني مثير استجابة و نبان راني قبيحة ومانيش مليحة و نودر حقي ،ما عرفتش كيفاش نبدل هذه الصفة
مساء الورد حبيبتي أنا أم مريم ارملة وأم لخمس اطفال حبيتك تعطيني نصائح كيفاش نبدى مشروعي وهو كراء مستلزمات الاعراس ليسارفيس والديكور لأن هذ المشروع مكانش في الحومة تاعنا حبيت نعرف كيفاش نرتب افكاري واولوياتي راني معولة نبدى قبل رمضان إذا سهل ربي أن شاءالله تثبتيلي تعليقي نحبهم يدعولي بالتوفيق والنجاح لابني في شهادة البيام
@@roumiessa9456 الحمدلله على كل حال أنا دائما امرأة قوية ومنحبش نبين ضعفي لحتى واحد من غير ربي سبحانو زوجي عندو خمس شهر فقط ملي توفى والحمدلله ولادي مخليتهمش يحسو بالفقد بزاف لاني حبيت نتحدى نفسي ونكون في نضرهم الأم القوية رغم كلام الناس إني صابرة على فراق زوجي ولكن ماخفي اعظم أنا سعات منرقدش الليل وانا نبكي غير باه ميحسوش ولادي بحالي لانهم يضعفو وأنا دائما تفكيري كيف نربي ولادي تربية صحيحة وفي هذ الدنيا كلام الناس لازم نخليوه ورانا ونكملو الطريق لانو الحياة تستمر وربي يعطيني القدرة ويوفقني في ما اسعى وشكرا
مرحبا حبيبتي،عندي يومين ملي كتشفت قناتك،الصراحة تحليلك للمواضيع عجبني👍نتمنى تهدريلنا على وضع الحدود مع الناس والتعامل الصحيح مع اللوسة ومرت اللوس،أنا أخطأت كثيرا في التعامل،كنت عفوية كثيرا معهم ونتحدث من قلبي معهم وكنت نهدر أشياء لم يكن من المفروض أن أقولها،كما أنني اكتشفت أن التواضع كثيراً خطير وخطأ كبير😢أتمنى أن تنصحينا كيف نعيد إعتبارنا مع أشخاص سمحنا لهم بالتجاوز معنا كثيرا وشكراً حبيبتي🙏
@@rachidbouchekal7562 مرحبا أختي العزيزة،بعدما تأذيت من هذا الموضوع أشد الأذية،إبتعدت لشهور حتى أستوعب الأمر وأتخطاه ،كما أردت أن يزول الغضب الذي بداخلي لكي أرى الامور بوضوح وبحيادية وأفكر بطريقة سليمة كيف أعالج الأمر،الآن تحررت من علاقات كانت تمرضني وتسممني وتسحب كل طاقتي،الآن تختصر علاقتي معهم على الواجب فقط لا أقل ولا أكثر(أتصل فقط إن علمت أن هناك مرض أو وفاة أو أي مناسبة مهمة)غير ذلك لا أعطيهم من وقتي ولا اهتمامي ولا من أعصابي،أصبحت أهتم بنفسي وبراحتي وبأولادي أكثر وليس لدي وقت بتاتا لأشخاص سامين في حياتي،الآن أصبت حقا حرة ومتهنية وأرى أفضل واسترجعت نفسي التي كانت ضائعة بينهم
شكرا حبيبتي على هدي الهدرة الي تحفز الواحد باه يايونصي بصح لي قاعدا في الدار دايما مكانش المساعدة في تحقيق الي بغتيه دايما افشلوك مثلا حبيت نخدم من الدار غير لي قلك مكلاه ماتقدريش ،،،،،المهم شكرا على النصائح ❤❤
جزائرية 🇩🇿تقدم دروس وحلقات دينية وواجبات وتحديات ختم القرآن وقيام وغيرها شعارها نلتقي لنرتقي هدفها الإصلاح والدعوة إلى الله وتقوية الإيمان وتجديد العلاقة مع الله والسعي لمرضاته في زمن كثرت فيه المادة وملهيات الحياة اهلا وسهلا بكل طيبة بيننا
كلامك كلو صحيح ، لكني لا اوفقك على انو الزوج كي يقولك ماخلصتش بلاما تسقسيه معنتها راهو يكذب ، هو يقول لانه موضوع مهم جدا بالنسبة للاسرة ، و زيد ربما يكون انفعل و احبط لانه ماخلصش لذلك كان يعبر على شعوره ، ماشي بالضرورة يكون يكذب
شكرا هلى كامل النصائح انشاء الله في ميزان حسناتك نعم انا حاب تزيد في الوقت كلامك كامل نصائح وتوعية بفضل الله الذي وضعك في طريقي وفضلك كنت نعرف شوية خياطة وبفضل كلامك وارشادتك راجلي كان من مالمستحيل انا نخرج ونتعلم وندي شهادة واليوم اللحمد لله اصبح الحلم حقيقة بفضل الله وفضلك ❤❤❤
السلام عليكم اختي نتمنى تدي سؤالي بعين الاعتبار انا متزوجة عندي 10 سنين بصح معندي حتى هدف😢المجال لي ندخل فيه نفشل ونخسر كنت خدام لباس بيا ونعرف واش دارولي حبست ملخدمة درت بروجي نتاع قاطو كيف كيف وراني دوكا نخيط ودرت ديبلوم بصح كيوالو نخيط مرة ونحبس شهورة وليت مورالي هابط حتى ولادي معدتش قادرة نقريهم قلبي يتزير ونبقى غير نعيط حتى نداوس انا ومولى بيني💔ارجوكي انصحيني انا لا بابات لا يمات قاعدة وحدي نعافر في روحي و مقدرتش وسمحيلي إلا طولت
السلام عليكم ورحمة الله وبركاته حبيباتي بدأنا بفضل الله دروس أحكام التجويد وحفظ القرآن ودروس إيمانية على التيلغرام مجانا نسأل الله القبول والتوفيق والسداد من أرادت المشاركة معنا تترك لي تعليق واعطيها الرابط بإذن الله نسأل الله العظيم رب العرش العظيم ان يعيننا على طاعته وحسن عبادته
السلام عليكم أختي تعيشي ديريلنا فيديو موجه للعجايز ..أنا عندي عجوزتي إنسانة نرجسية سليطة اللسان بسبابها تفرقت العائلة كي تقعدي معاها تقعد غير تمعني عليك وتقلل من قيمتك وتعايرك ..عندي مرت لوسي تظل وراها بالمعاني أصلا طلقت وقاتلي مرت لوسي لعجوزة هي سبابي وزادت رجعت ومزالت وراها أصلا راجلها تضل تحرش فيه وهو مداير رايو فيها يسمع بزاف لأمه ...حتى ولات تسحر فيه و تسحر فيهم وحاولت تسحرني أنا تاني على خاطر لعجوزة تظل تعاير فيها بيا ...ماشي تعايرها على خاطر تحبني لا تكرهني وماتحملنيش هي المهم توصللها المعلومة وتعايرها أيا جات عندي مرت لوسي تطلب في حاجة من حوايجي ومبعد فهمت بلي باش تسحرني بيها ، وهوما عاداوها وأنا تاني عدت ملنمشيلهاش لأنه كلش كلش والشرك بالله ..هي صح غالطة ومشركة بصح هدا كل بسباب لعجوزة تظل تعاير فيها بيا حتى كرهتني ..عجوزتي كي كان شيخي حي كانت قبيحة وكي مات شيخي زادت تمردت كثر وكثر .. مرت لوسي لي سحرتهم وسحرتني عاداتها عجوزتي وتفرغتلي ليا أنا تتهم فيا بلي ديتلها ولدها وبدلتو عليها هدا كل كي عاد راجلي مايدخلهاش في حياتنا ..يا عجابة النهار اللول تاع رمضان تعرض راجلي يفطر وحدو وأنا ماتعرضنيش تحب تستفزني يالوكان من بعيد وكي ماديتهاش فيها كي رحت في العيد تعكس فيا وتمعني عليا وتكبّر بالجارة وتعاير فيا بيها ومالفا نبات عندها اول عيد من لي مات شيخي عادت ماتقبلنيش كابتي كيما ديتها كيما جبتها روحت في الليل لداري ..قلت معليش ربي يسهل مرضت امها غير أنا لي وقفت معاها نطيب ونبعثلها الماكلة ليها ولأمها قلت معليش ربي يسامح بصح أمها ماتت وهي زادت تفرغتلي كثر وكثر ..أنا في داري تجي عندي وترميلي الهدرة زي عوايدها بلي أنا ديت ولدها ولقيتو واجد ولعرايس تاع درك يحبو يسكنو وحدهم وهجـ...الات حشاك تسب فيا بطريقة غير مياشرة وتقولي" الدكورة مافيهمش الخير أنا درك لي نسمع بيها جابت طفل نحزن نانفرحلهاش"... رغم أنه ولدها مداير فيها غير الخير الله غالب بحكم خدمتو مايقعدش لا ليها لا ليا عايشة وحدي كي الكلبة لولاد غير لوجهي هو يخدم ليل وانهار ...باعجابة يتيمة بابا ميت وماما يعلم بيها غير ربي الفقر كلاها وتربي في بنت اختي يتيمة وخويا على قد روحو وهي حاسدتني في ولدها شافتني ماعنديش لي يوقف في كتافي راهي تحقر فيا حسبي الله ونعم الوكيل ... ماحبتش تتربى ديما نعطيها الأعذار ونقول درك يهديها ربي ..درك كي فطنت وعرفتها على حقيقتها لقيت روحي مريضة بالخلعة كل يوم نعاني مع نوبات الهلع ، شعري شاب وأنا 30 سنة لقيت بلي بناتها عاداوني بلا سبة كثر من عامين مادخلوش لدار خوهم ووحدة منهم تسكن قدامي 10د بالطاكسي توصل تضل تكحللهم في قلبهم عليا ولا هوما لي يعمرو فيها ولا الله أعلم أنا قدامي مايبينولي والو ....المهم قتلك بعد ست سنين حاسة بروحي فارغة طاقتي استنزفتها راني بالدواء تاع الاكتئاب عندي زوج ولاد صغار محتاجيني ماخلاتنيش نركز مع تربيتهم عندي مشروعي حابة نخدم على روحي ماش حابة تخليني في سلام كرهتلي حياتي صح ماهيش عايشة معايا بصح تتلاقايها غير مرة تستنزفك تمصلك دمك من النوع تاع العيباد لي تقعدي معاهم تحسي روحك تعبانة شغل كسرتي جبل ...نرجسية بأتم معنى الكلمة ...فرقت العائلة درك بناتي مايعرفوش ولاد عمهم صح لخرا شركت بربي بصح هي لي دفعتها لهاد الشي كون احتواتها ودارتها زي بنتها وماعايرتهاش بيا عمرها ماتلجأ للسحر مهما كانت شرانية.... بناتها مقاطعيني بلا مادرتلهم والو بلعكس درت فيهم غير الخير لي تحتاجني تلقاني واقفة معاهاه نكبر بيهم وكلش درك عادو مايعرفوش باب داري تقوللهم ماتروحوش ماعرضتكمش هي لي دارت الفتنة هادي كل مزقت العائلة ودمرتلي صحتي ..هدا كل السكات لي وصلني للمرحلة هادي لأني راجلي نانحكيلو والو نبلع برك وحدي في السم نتاعها ...درك خلاص قررت نروحلها من عيد لعيد ولا في مرض وخلاص تيليفون مانعيطش غير كي تتحتم الله غالب هي لي وصلتني نكون هكا أصلا كي صبرت عليها ست سنين اي معجزة كون وحداخر المرة اللولة بعد دور فيها بصح هادي هي ضريبة حسن الخلق وأنك تكوني بنت أصل تولي مكروهة ...سامحيني طولت عليك تعيشي ديري فيديو على قصتي وموضوع على لعجايز لي في عود يلمو الشمل يزرعو الفتنة ويجيبوها وراء لعرايس يحبو يخربولهم ديارهم... وربي يحفظك 🌹❤
اولا اذا عجووتك دارت السحر فهي مشركة ويجوز حسب قول العلماء قطع صلة الرحم وانت ننصحك تستمع لدروس التوحيد لشيخ عبد الرزاق البدر وتحافظي على صلاتك ودائما اذكارك صباحا ومساءا وديري الحجامة في المعدة وارقي روحك بروحك الرقية النبوية وانساي وابداي من جديد اللي اذاك وكلي ربي واكثري دعاءك اللهم نجعلك في نحورهم ونعوذ بك من شرورهم وربي يشفيك
انا العين تجيني بالاكتءاب نكون في أمان الله حتى نلقى روحي يامات وانا مدمرة ويديا مكسرين على شغل الداروالله الحاجة هذي ديما مفستدلتي ليبروغرام تاعي وديما الحاجة لي نديرها في راسي مانكملهاش ادعولي بالشفاء من فضلكم
ديري فيديو بالسوايع وما نملوش منك الله يخليك والله انا سكنت مع دار شيخي وكنت نخدم من نيتي وقاع يبغوني ودرك رحلت وحدي بصح دار شيخي ولات عجوزتي اي مناسبة ضياف ولا اي حاجة تقول لراجلي جيبها بكري وكاين اربع كناين موراياوالله ما تقوليهم والله انا صح طيبة والله بصح وليت نعيا وراجلي ماشي مساعدني يقولي روحي امي رآها قالت...وآخرين حتى يمشو كوافوز ويسقمو ارواحهم يجو ديما متأخرين بلعاني وعجوزتي قاع ما تقوليهمش كيفاش ندير بلا ما نغضب زوجي وعجوزتي الله يخليك جاوبيني
سلام لحبيبة شكرا على الموضوع راني حابتك تساعديني في تفصيل دار مع العلم انو لتحت حوانت سكنة فيطاج 1 لمعرفتهاش ندير بيت ضيوف نساء +رجال +كوزينا +قعدة قدامها ايح أوالغرف الاطفال خير مع لكوزينا نوروني
و الله نعرف بعض النسا..يشعلو بلا نااار..يغلط الراجل يتعاااقب كالطفل😢😢..و هكذاااك و مساعفينهم الرجال..انا نخاالفك..الحل ف يد الزوج..اذا كااان عاقل ورزين هو اللي يهدي اللعب..كااين رجال..غير ترايي علييه..يهجرك..يحس رااايحة تحكمي فيه😂😂😂😂..ك عقلو ناااقص..يكسرك قبل مااتنوضي!!! و يبقى مجرد رأي ❤❤
صباح النور و البهجة و السرور و الصلاة على الرسول الدى ابشق له القمر و بكى له الشجر و سبح فى يده سيدى و سيد البشر انظرى بنبت و الله العظيم استعملت كل الطرق جهدت مع هدا الزوج فى جميع الميادين و الان حست رانى متزوج بمهبول بعد فوات الاوان ان متقاعدة وقمت باشغال يدوية الى حد الان عندما اتكلم معه على امور البيت يخرج عن الموضوع اتعصب و انفعل بارك الله فيك رب يسترلك و ليدتك جاوبنى
اطلبي من ربي سيحانو هو الرازق زوجك مجرد سبب انا تاني كان عندي نفس المشكل والله التقرب من الله هو الحل كيما تتقرب من الله كل عسر يصبح يسر كنت نطلب راجلي ودرت كامل الحيل معاه دون جدوى بصح نهار هداني ربي و اقتربت من الله والله والله كل شيء سهل المشاكل تاعنا كامل راهي بسبب أخطائنا ولو كانت صغيرة جدا تعكس علينا وهذا عن تجربة شخصية
السلام عليكم اختي تعيشي اهدرينا على الطفل اللي مايحبش الكتابة ،راهو في اولى متوسط وكي يجي باش يزرب ينسى الحروف مالڨري راهو حافظهم وهذا المشكل بداه في سنة3 راهي دارتلي الخلعة تاعو كي طلع للسيام ،مع انو ذكي ويحفظ بلخف الله يبارك
أختي هذا يقدر يكونhaut potentiel intelectuel )hpi يعني عندو ذكاء اكبر من لي في سنو لكن يكون عندهم مشاكل أحرى تقدر تكون مع التركيز أو الملل في القسم و مشكل مع الكتابة ما يحبوش يكتبو و خاصة في سرعة الكتابة. اناوليدي منهم و راني ندربو شوي شوي لكنو صغير على ابنك. شوفي كاش مختص يساعدك
@@younesyounes7987 و الله يا اختي رانا كيف كيف الصبر ان شاء الله. لازم تبدليلو المادة كل ربع ساعة مع استراحة 5دقايق كل مرة. اذا قدرتي تسجليه لكاش رياضة يكون احسن ولا شطرنج مثلا. أولاد كيما هذو ياخذو جهد.كبير و اذا عندو خاوتو راح يكون صعب بزاف. الله المستعان
@@motaharikabilbit يعني الراجل يحب مرتو ماتوقفش معاه الند للند خصوصا الرجل لما يكون مزعف وعلابالو بلي غالط يحب مرتو تجوزلو ماتناعدوش تقولو ايه باه تمشي الامور يعني تتنازل لصالح العلاقة وهو وحدو يتكاكا لما يروحلو الزعاف مديت مثال من الواقع وحده نعرفها مليح لمل يزعف راجلها تناعدو وترجعلو الهدره وهو يزيد يزعف خطره قالها ياجدك قوليلي ايه وديري رايك بركاي تغنانت معايا يعني المرا كيما قلتي تعرف راجلها كيما المثال لي مديت راجلها يحبها بزاف وتاع دار ولكن ماتعرفش تمتص غضبو خرجلها عيناني وقالها قولي ايه مره فحياتك مام تكدبي عليا ياسيدي نتمنى تكونو فهمتوا الميساج. 🌹🌹🌹🌹🌹
حركتي عقولنا و قلوبنا يا متحركة والله الكلام لي راكي تقولي فيه صح 100/100.كثريلنا من هاد ليفيديو انا وحدة نسحق نجاهد نفسي باش نتعلم نهدر نكون ناوية حاجة ويستفزني و نلقا روحي في جهة وحدخرة عكس قاع واش كان في بالي
