والله ياختي بكيتيني نتاع الصح غضتيني والله ان شاء الله ياربي يعمر حجرك في هذا الشهر ويفرحك ويرزقك توام يارب يعوضولك لي ماتو والله من قلبي هذي الدعوة ننصحك ختي قومي الثلث الاخير وودعي وترجاي ربي وابكي من اعماق ربي قوليلو ربي راضية بما قسمته لي واحمد كثيرا ارجوك ياربي عوضني في ولادي وفرحني وربي اكيد راح يستجيبلك ونزيد نقلك كثري من الاستغفار والحوقلة والصلاة الابراهيمية وربي اكيد يعوضك نتمنالك الذرية الصالحة من كل قلبي حبيبتي
ربي يعمر حجرك ويرزقك من حيث لاتحتسبين 🤲 ربي يرزقك ذرية صالحة إن شاء الله ،تصدقي وكي تجي تخرجي الصدقة ادعي وأرقي نفسك بنفسك أتوكلي على ربي سبحانو قادر على كل شيء
ربي يثبت حملك يا رب نتمنى منكم تدعيولي بالذرية الصالحة و السليمة 11 سنة زواج نتمنى كي نرقد في الليل نشم رائحة ملاك راقد قدامي ربي لا تذرني فردا وانت خير الوارثين
والله صح حتي انا شفت التعليقات حسيت روحي منستهلش ولادي بصح الله غالب انا حقيقة عياوني مع ولاد ويضلوا يضاربوا وكي يقولي الناس زيدي بلاك تجيك طفلة نقول مستحيل و انشاء الله ربي يرزق الناس المحرومة
هاذا حال الإنسان انا قعدت عشر سنوات بلا أطفال وضرك راه عندي زوج مبيناتهمش بزااف في العمر راني هابلة تقول مقعدتش حتا عام وحدي مرات نضل نزعف عليهم ومن بعد ننعل بليس ربي يعطينا توساع الخاطر @@didadida500
امال نحسك بلي الزوج واولادهم هوما كلشي في حياتك و نحسك بعيدة بزاف اعلى أهلك ومتحكيش قاع على ماماك و على خياتك رب يحنن القلوب و انتي قوة ايجابية سيرتو ليا رب يوفقك في حياتك
ماتخافيش دائري الكوراج ونوصيك الوقفة الاولئ من ورأء العملية وقفي عادي و ماتخافيش ومشي تبرأي بسرعة عن تجربة وربي يسلكك على خير ودعي لولدي عنده البيام بنجاح فولي الله ينجح انس على الطاولة الولادة وربي يفرحك اختي في الله❤
حبيبتي انا ولدت في عز شتاء لي نقلهالك بيبي لبسيه ثلاث تريكوات و قرونيار وانتي دفي روحك سيرتو تقاشر وغطي راسك نأكدلك عليها وعادي متفتحيش تواقي وباب راكي تعرفي وربي يطلعك على خير
اختي لازم غير تلقاي روحك بالحمل اشربي زانيترا وأسپيجيك مرة في اليوم في نفس الوقت و روحي الطبيبة تعطيلك لوڤينوكس ،بيها يتثبت الحمل ومايتوقفش النبض ان شاء الله ،انا صراتلي هكذا ثلاث مرات ،وهادي المرة طاتلي لوفينوكس الحمد الله ربي راهو ساترها معايا ان شاء الله
ربي يرزقك بالذريه الطيبه الصالحه ان شاءالله تعالى لاتتركي الدعاء ابداً اختي ولا تقنطي من رحمة الله عليك بالاستغفار والصلاة على النبي صل الله عليه وسلم وقراءة سورة فاطر بكثرة وربي يفرحك ويرزقك ويرزق جميع المحرومين من الذريه يارب العالمين ربي كبير لايعجزه شيء في الأرض ولا في السماء.و هو السميع العليم 🤲
ادعولي ربي يكملي حملي عندي شهر مزال مابان النبض وراني ندمي و مهدد بسقوط وطاحلي بيبي من قبل قاتلي الطبيبة بعد عشر ايام ولي نشوفو النبض ادعولي ربي يتمملي حملي على خير
صباح الخير امولة احلى نفاس تاع الشتاء البسي مليح والبيبي حوايج الداخل رقاق والقغونياغ تكون سخونة انا بنتي ياسمين زيدتها 2017 في نوفمبر ربي يكملك علي خير
الف مبروك ربي يكملك نفاس الشتاء مليح على صيف عن تجربة دعواتك امال عند الولادة ربي فرج انا في مرحلة طلاق بسبب العنف الجسدي وربي سلكك على خير ويرزق كل محروم
انا ولدة خمسة أطفال في الشتاء أجمل ولادة وحد في صيف كريثا اشتاء خير تلبسي وتكل كلش 😂😂😂😂😂 رحمت ربي وراني ريحا نزيد في اخر شهر أكتوبر بل بيبي سبع ادعولي ربي يعطيني وقف سهلا مشترك جديد 😅😅😅😅
ربي يثبتلك حملك ان شاءلله الف مبروك حبيبتي انا تان زيدت غير كيما عندي ثلاث بنات وزدت جبة اجمل بنوتة وسميتها على ميمتي لعزيزة ربي يرحمها نجمة ⭐ انا تان وحمي جاني مخالف وساهل ولكن كنت نزيد غير بالعملية ❤
مبروك عليك امال ربي يكملك على خير نفاس الشتاء مليح خير من السخانة تقدري تلبسي تبربري روحك والبيبي تاني اشري حوايج خشان على روحك لانو البنيان يجي بارد❤❤ 🎉
يارب في هذه الليلة من ليلة الجمعة ربي يرزقني ويرزق كل محروم يارب ويفرح كل وحدة بالذرية الصالحة يارب نتمنى نن كل وحدة تشوف تعليق تاعي تدعيلي ولكم بالمثل
ربي يرزقك بالذريه الصالحه يارب العالمين ويرزقك من حيث لا تحتسبين عليك بالاستغفار والصدقه ان امكن والصلاة على النبي صل الله عليه وسلم وقرآءة القران آلكريم بالأخص سورة فاطر وربي يفرحك بالذريه الطيبه وجميع المحرومين من الذريه يارب العالمين ان الله سبحانه قادر لا يعجزه شيء في الأرض ولا في السماء وهو خير الرازقين 🤲
والله انا بعد ولادتي الثالثه قلت منزيدش حتي لقّيت روحي بالحمل الحمدلله نهار الاثنين نولد ديكلونشمو أنا في الغربة وحدي حمد لله ربي يسهلي نشاءالله ❤🎉😂 ألف مبروك امولة❤😂🎉
انا وحدة نموت على نفاس الشتاء ❤❤❤😊 مزيتش فيه بصح راني متمنياتو ياخياتي شحال نحب فصل الشتاء 🌧️❄️راني نتخيل 🍼البيي بيجامة دافية 🤱بنواغ تقشرات🧦 بتتوفة تيزانة☕ دافية يارب ارزقني ورزق كل محروم اميييييييين 🥺🤲🌺🌺
بالعكس زيادة الشتاء احسن من الصيف انتي لازماتك بيجامات بالبينوار تاعهم بالنسبة للبيبي تلبسيلو تريكو اللحم مع ڨغونياغ شتوية مش خشينة بزاف وتقمطيه وتغطيه بغطاء كوات تاع ولاد وربي يكملك
@@samybey6556 عجوتها صابت فيها الخير نهار تزادت آيات هي حكمتلها رحمة و آدم و قالت بلي عجوزتها و لوستها يشدو الأطفال من المدرسة يفطروهم و يردوهم و ككانت فضروف مادية ككانت تبني كساتها هي و أولداها ساعات العجوزة تكون احن من الأم الجافية لتحب غير الذكور و تفرق بين الخواتات تفضل وحدة على ختها و آمال إمرأة راقية محال تفتحلنا قلبها لكن حنا متتبعاتها القدم شفناها كفاش تنفس وحدها و تجوز العطل فدارها و عرس خوها راحت كيفها كيف الناس و واحد ميخبي الشمس بالغربال الفتات فالمجتمع ككتزوج و جيب دراري ترجع تقيلة على أهلها عكس الولد يحبوه هو و أولادو
امال راني ملعيد صغير حابة نرفد مي مكانش عندي بنت اربع سنين رحت لطببة قاتلي انفيكسيون و الله معرفت تقلقت شوية تعيشي رفدي تم تم ولا طولتي باش رفدي طلعيلي مورال و الله شحال فرحتلك يا امولة نبغيك نموت عليك
الف مبروك ربي يكملك على خير ان شاء الله ❤❤❤ ولعقوبة لمرت خويا ربي يرزفها الذرية الصالحة و ويفرحها ويعوضها حرمان 15 سنة انسانة صبورة ومسالمة ربي ان شاء الله يفرحها وكل محروم يارب دعواتكم 😢
مبروك حبيبتي صراتلي في كورونا جبتها في سن الاربعين بصح الحمد لله احلى ولادة واحلى نفاس واحلى تربية ربي سخرلي زوجي وبناتي دللوني احسن دلال على قدر ما بكيت كي عرفت الحمل على قد ما فرحت بيها كي زادت وهي الآن بهجت الدار ربي فيه غير الخير
ربي يرزقك بالذريه الطيبه الصالحه عاجلا غير اجل يارب العالمين عليك بكثرة الاستغفار والصدقه ان امكن والصلاة على النبي صل الله عليه وسلم وقراءة القران الكريم وبالأخص سورة فاطر وربي يفرحك بالحمل وجميع محروم من الذرية يارب 🤲 ربي كبير سبحانه لايعجزه شيء في الأرض ولا في السماء وهو خير الرازقين
الله يبارك ماشاء الله لاقوة الا بالله مانعرف علاه فرحت بزيادة🤣ربي يسلكك على خير اختي ويصلحلك في وليداتك ادعيلي معاك 14سنة زواج عندي غير طفلة لعقوبة لكل متمنية
