اللي يقول شكلها خايس فعلا بالفديو تجي مخيسه لاكن قسم بالله عالطبيعه والله انها تلفت النظر بشكل رهيب وخاصه بالليل والله ياهي هيبه ماشاء الله حجمها ضخم جدا
بدون كثرة كلام وعن تجربة دامت 3 سنين ، كل الي أقدر أقوله ، الموتر " جبار " وأنشهد أنه محزم ظهر أقسم بالله موتر توثق فيه محزم ظهر من كل ناحية تخطر في بالك في الشارع ثبات غير معقول ما شاء الله تبارك الله وراحة خرافيه وفي البر قوة جبااااااااااااااااااارة ما شاء الله تبارك الله أقسم بالله لنا 3 سنين نكشت في رملة في البلد عندنا مستحيل ما أحد يغرز في أي كشتة لازم أحد يغرز سواء ياباني ولا أمريكي لكن الانفنتي للآن ورب العالمين شاهد ما قد غرز ولله الحمد الكفرات العريضة والقوة الجبارة تعطيك اداء ما ممكن تتخيله إلا إذا جربته ، وبالنسبة للي يتكلم عن الموتر وهو ماجربه نصيحتي له ينطم ويسكت ولا يكثر هرج
اللي يحط دس لايك وش وضعه ؟! طيب ماعجبك الموتر ما اختلفنا وضح رايك بالتعليقات وعط الرجال لايك عشانه صور الموتر وتعب وهو يتكلم ويوضح مواصفات الموتر والله يوفق الجميع
بس انت شف الفرق بالسعر كم فرق ٢٠٠ الف ريال والمواصفات تنقص عن اللكزس بشوي حتى ارخص من الباترول ٣٢٠ حصان مع انه اقوا وافخم منه ومواده اجود ومنظره احلا واجمل واشرس ومن ماركه بتنافس اللكزس والبي ام والمرسيدس والاسكاليد والماركات الكبيره يعني مغريه صراحه هالفئه
Faisal. RZ لا لا هذا بواجهة الشركه ماتخلي احد يشتغل فيه غيرهم يعني مثل الباترول النيسمو مايصنع الا بمصانع نيسمو في اليابان مايصنع بأي مكان ثاني لانه هو واجهة الشركه وتخلي انتباهها الاكثر عليه
بالنسبة لي انا الانفينتي افضل من اللكزس لعدة اوجه 1- السعر اسعار الباترول 2017 ابتداء 169ألف ريال الى 299 الف ريال اسعار النفينتي 2017 ابتداء 280 ألف ريال الى 323 الف ريال اسعار الاندكروزر 2017 ابتداء 188 الف ريال الى 315 الف ريال اسعار اللكزس 2017 ابتداء من 376 الف ريال الى 429 الف ريال 2- الدفرنس درفرنس اللكزس ماغيروه هو والاندكروزر من التسعينات ودفرنس التويوتا واللكزس قطعة وحدة يعني سهل التعليق مع المرتفعات 3-الكورونا الكورونا قطعة توجد في الدفرنس تساعده على انه يكون قطعتين ويساعد على قلة تعليق الكفرات موجودة في الباترول والانفينتي اما التويوتا واللكزس لا 4- سعة السيارة الباترول اكبر من اللكزس ب20 سم الانفينتي اكبر من الباترول ب4 سم تقريبا 5- طي المقاعد ( الصف الثالث ) حركة طي المقاعد في الصف الثالث للباترول و الانفينتي مثيرة وجميلة تعبر عن فخامة السيارة ام في التويوتا واللكزس حركة طي المقاعد على الجانبين لتوفير المساحة سيئة لانها قديمة جدا من موديل 96 تقريبا وتاخذ شبر ونص من مساحة الشطنة 6- القوة قوة الباترول خاصة يتفوق على كل من اللكزس والاندكروزر في كل الانظمة
الانفتي qx80 فخمة وقويه وارخص ويجيك دلخ ويشتري لكزس بي نص مليون وهذي تغبر على اللكزس وشي معروف ان نيسان متفوقه على تويوتا بالجيوب بالقوة والفخامه والاسعار والمواصفاات
ماهو عجز من انفنتي انها تجيب افخم وابواب شفط وكراسي رجال اعمال وكذا لانها واجهة الشركه الام نيسان لازم يزبطون فيها لازم يخلونها افخم من الباترول النيسمو والفي اي بي فصراحه غريبه سياره بجوده جدا ممتازه وقوه ٤٠٠ حصان وسبع نمر بهالسعر قد يكون بها عيب واتوقع العيب هو تطور المنافسين وهي لاتزال كنظام التسعينات
GT4cars ليش غير مرغوبه وهي من شركه قويه وتاريخها غريق وشركه يابانيه ثقه ذو خبرات عاليه وجوده عاليه وقوه عاليه المشكله من الوكيل نفسه يجيب الاقل من الاستاندر ويحطه لفئة الفل اوبشن ليش
GT4cars بس للحين تبغى تحسين مثل توفير الصيانه وبعض قطع الغيار صدمت مره ع نيسان التيما والله تورطت ماحصلت لها قطع الا بطلبيه من الرياض ووديتها صيانه للمدينه المنوره تبوك وحايل والقصيم ماحصلت فيهم فالمشكله من الوكيل المفروض شركة نيسان تتقاول مع وكيل مميز وقوي يوفر كل شي نيسان الخامس عالميا في المبيعات كيف لو تجيب وكيل قوي ولعلمك للحين الناس ماعرفوا نيسان وماهي نيسان العريقه
هاذي تتقارن مع اللكزس ال15 وصراحه فيه تنافس قوي كل واحد يقول الزين عندي النيسان عموما تفوقت بالمحركات والراحه لانها بدون دفرنس واللكزس بعد مريح لاكن من ناحيه الشكل عزالله ان اللكزس عليه شكل تقل صقر ومن ناحيه الشكل هاذي مسأله ذوقيه ولاكن اغلب الناس شهد للكزس ان شكله جميل جدا تفوق على النيسان وعزالله يالربع الحق ينقال ماكذبت بحاجه النيسان قوه وراحه واللكزس شكل وفخامه وراحه لاكن مو مثل النيسان تنقص درجه
ياعزيزي 11:25 tow mode هـذا نظام السحب. اذا مثلا تسحب مقطوره وليس نظام المدن والراحه. هذا النظام يغير شوي من نسب القير عشان ماتعشق بسرعه وتفقد عزمها في حال السحب
ياخي انا ملاحظ عليك صراحة مالك بالسيارات كثير وفوق هذا تشرح للناس الله يعطيك العافيه بس فيه أخطاء كثيره وانا اشوف أنه عيب لمن واحد يعرف بالسيارات أكثر منك سواء مشهور وعنده قناه او لا ويشوفك الصراحه (يضحك على جهلك، يحزن على اللي يتابعونك وصدقوني،يحبط لأنك جالس تنشر معلومات غلط عن السيارات) مو عيب تعرف وبعدها تدخل هالمجال عموما بالتوفيق وترى زر Tow mode اللي جاي مع أزرار الدبل هذا حق السحب او الجر للقلصات وماشابه مو حق مدينه على قولتك ههههه ونضام الدخول تقول مو ذكي اصلا وشهو نضام الدخول الذكي (إنك تقدرتدخل السياره والمفتاح في جيبك) سواء تضغط زر تقرب من السياره تحط يدك داخل المقبض المهم موفقين انت واللي يتابعك يارب.
أخ عبدالرحمن اظن فيه خطا في السعر واذا كنت غلطان صحح لي بالنسبة لسعر الوكالة حول ٣٠٠ الف هذا للفل اوبشن اما سعر ٢١٧ الف هذي للدرجة الثانية اللي هي بدون رادار ونقط عمياء ومرتبطة وسطى متصلة. اشكرك ع التغطية الجميلة
اللي تقول عنه زر وضعية نعومه فالمدينه ، غلطان وانا اخوك. هذا الـ tow mode معناته وضعية القلص . يعني لو قالص معاك مركبه ثانيه تشغله. وشكراً حبيت اوضح فقط لاغير
ahmed ebra السيكويا ليست سيارة اوف رود او طرق وعرة وصحراوية فيها نظام دفع رباعي بسيط للدخول على رمل خفيف على شاطى بحر لكن هي سيارة طرق معبدة كالجمس والشوفر نظام القير خفيف للتسارع بدون عزم لتسلق المنحدرات او التغريز القوي اوسحب الاشياء الثقيلة وحتى اللوي او مخمد المطبات يكون اضعف من اللاندكروز او البرادو هذا هو الفرق تنتج تيوتا فئتين واحدة للطرق الوعرة بثلاث احجام لاندكروز وفور رنر وبرادو واف جي بينما للطرق المعبدة او التبليط سيكويا فورجنر راف فور واي سيارة اس يو في
يعطيك العافيه .. تعطي شرح توضيحي يساعد المشتري على اتخاذ القرار .. ولو كان ينقصك خبرة الديتيلز ، لكن عموما شرحك وافي وكافي بالنسبه للتعليقات .. فيه ناس مدري وش خانتها من التعليق ،، يا قلة ادب ياتعصب غبي . اللي عاجبه شي يبرزه واللي موعاجبه شي ينتقد باسلوب ادبي ماله داعي الفاظ سوقيه تنحسب عليك وتنقص من قيمتك ، والله يهدي الجميع
لاندكروزر GXR و لكزس LX 570 اذا كان الالندكروزر فل كامل 99% من الداخلية هو لكزس LX 570 نفس الحال من النيسان باترول بلاتنيوم سيتي و الانفينتي QX 80 لكجري يعني لحد يقول اللكزس غير عن الاند كروزر والباترول هو انفينتي الي مايعرف شيء عن السيارات لا يجي يتفلسف عاى رؤوسنا الانفينتي نسخة فخمة من النيسان اللكزس نسخة فخمة من التويوتا
فحبيبيًاما من عشاف انفنتي الحمد الله امتلك سيارتين منها q50وqx70s وهذي توي كنت بالوكاله سعرها ٢٣٦الف كاش طبعاً في عرض عندهم تدفع نص المبلغ والنص الثاني بعد سنتين ايش ٣٠٠
