و الله أنا من الدار البيضاء ركبت أنا و بنت خالتي في طاكسي أحمر نسيت التليفون ديالي عنده هبطت تفكرتو و الله العظيم اتصلت بالشيفور جابو ليا مسكين حتى لعندي بالحق اعطيتو واحد الرزق للموقف ديالو الله بجازيه خير
ولكن ربما اتصال البوليس بيك هو لي خلاك ترجع ليهم لفلوس في الحال .. حيت ما غاديش تقدر تاخذهم كيما قالوا ليك شي وحدين والبوليس ولات القضية ف اخبارو ! ولكن رغم كل شيء كان على اصحاب الفلوس يعوضوك في الوقت لي ضاع ليك .. باش حتى انت ماتضيعش .. حشومة عليهم .. اتمنى ان يتداركوا هذا الامر ويتصلوا بيك لتعويضك ..ولاحول ولاقوة الا بالله .
ما تسال والو فلوس الناس هاديك باراكا من تخراج العينين و تخسار الهضرة ، الجديدة ناسها الله يعمرها دار و مؤخرا نزحو ليها الهنود الحمر من كل قنت و اية ذلك تيقوليو قطعي اري خودي للرجل
صاحبي راك بدوي وخا شيفور ديال الطاكسي و كتعرف الجديدة كاملة ولكن خاصك تحمد الله و تشكرو تخايلوا معايا كون كانت الصاشية أولا الصاك اللي نساوه عندو عامر حشيش ولا فانيد ولا بودر أبيض وخونا مول( التجاكيطا المزيگة ) ما عارف والو حتّى وقفوا مالين الوقت كيفاش غيفاريها زعما ،اه صافي غادي يبقى غير يشوف ولسانو يثقال عليه ،، سير اصحبي تكمش وراها رخيصة بتعليمة ونهار ديالك معوض ليك ربي إنشاء الله و الخير كنديروه بلا ما نتسناو الخلاص عليه ، وكيعوضنا الله سبحانه وتعالى بلا ما نحسوا ،،الله يقدرنا على فعل الخير و يا ربي تبعد علينا ولاد الحرام واللهم أرزقنا القناعة والرضا بالقضاء والقدر خيره وشره وارزقنا حسن الخاتمة و خرجنا من دار العيب بلا عيب آمين يارب العالمين والصلاه والسلام على اشرف المرسلين سيدنا ونبينا محمداً صلى الله عليه وسلم
ماشي جيعانة اصلا مرآة كبيرة والفلوس ماشي غير مسلفاها وهي بالتلفة والصدقة مرضت وباقة مريضة كل واحد او ظروفو ولكن راه غادي دور معاه وهو اصلا ما رجعش الفلوس كن ما لبوليس مايرجعهمش راه غير الشمتة لي بقات فيه
اخي الكريم الله اغناك عنهم ربما مال مصدره غير معروف و الله هو لغيجازيك و الفلوس راه كدجي و كتمشي و ميبقاش فيك الحال و انا اقول لك فعلت خيرا عندما ارجعت المال لاصحابه و من قال لك كان عليك ان لا ترجعم فذاك قول مجانبةللصواب و المغاربة معروفون بالامانة و لا يهمك قول الاخرين انما المال لاصحابه و كان عليهم ان يعطوك ولو 1000درهم و هي حلالا طيبا عليك و حرام عليهم عندما لم يعطوك شيءا و ربما عطا للشرطة قهيوة و خلاوك نتا و الله غا اجازيك ان شاء ألله
لا ماشي بزز لان البوليس لي عيطو ليه اولا هو ماشاف الصاك المرا غير نزلت عقلت بلي نساتهم وماشت البوليس هو تخلع يسحاب لي مخدرات اما كن كان عارف اكيد ماغاديش يرجعهم وحيث ربي عالم بضروف المرأة رجعو ليها هو قادر يخدم اما عامرة غير أمراض وكبيرة فالعمر راه باقيا مريضة دااابا او اصلا غير مسلفة باش تشري فين تسكن
هادي كذبا باينا واش الناس نزلو البوصطة الفلوس بقات عندو كفاش داغي عيطو ليه البوليس والنمرة منين جاتهم حتى عيطو ليه هدا قال نزلو البوصطة ملي عيطو عليه البوليس جا عندهم لما سولوهم البوليس منين جاتكم الفلوس قالو غادين بها لعند النوطير هنا فين كاينا الكذبة فالأول قال نزلو عند البوصطة هاد السيد دارت ليه فالخوى باغي يسعا صنع هاد الفيلم باش الناس يتعاطفو معاه هاد السيد كيدخل ويخرج فالهدرة باش عرفو نمرتو حتى عيطو ليه هادي كذبة باينا
راه بصح سيد لي كان مع المرأة قاري او واعي صدفة موالف يدير الاحتياط غير نزلت المرأة من طاكسي لقات يديها خاوين فالبلاصة توجهو البوليس او هما لي تاصلو بلابوسط لي كايماركيو فيه طاكسيات كاع المعلومات ديال السائقين كاملين كاينة تما خدام رقم شيفور وتاصلو بيه اصلا هو كاع ماشاف صاك صدمو البوليس تبارك الله عليهم كالو ليه واش عند شي صاك خضر وراك كاليهم اه كالو ليه جيبو و دبا تحضر نتا وياه هو تخلع ماعرفش باش تبلا يسحاب ليه مخدرات ولكن فاش تفتح الصاك تشمت وحيث العيلات تصدمو وتخلعو مادوروش معاه داك ساعة ولكن راه كانت غادي ترجع عندو وراه لبابا باقين مراض الله يشافي الجميع كل وظروفو ولي فرقو شي حاجة غادي توصلو
