مشاء الله على الزوج من حيث تنظيف السمك ,الطبخ,دغيساج تاع لاسيات .. بصحتكم انا بحكم أنه هاوي صيادة نكره حياتي كي يجيب كونتيتي كبيرة ننغبن يعاوني في التنظيف هذا مكان و الباقي عليا بصح دوك نوريله المقطع نغيره شوية و نحفزه في نفس الوقت ...شكرا و بالتوفيق
بصحتكم بالصحة والهناء.ياختي راه عندك شاف فالدار. هههههه والله غير راه يشهي..المهم دارك تبان مشاء الله ربي يجعلهالكم عتبة مربوحة..ويبعد عليكم العين...بوسيلي لينوشة 😊
عجبني بزاااااف بيت الخزين والله فكرة هايلة شفتها عندك أول مرة وعجبتني الفكرة 😍 حبيت نسقسيك حبيبتي على ليبوات تاع ليزيبيس وهادوك اللي دايرة فيهم السكر والقهوة أسكو الدوغي تاعهم يحول مع الغسيل ولا لالا ؟ انا أمنيتي تكون عندي داري وحدي وندير ماعن تاوعي هكاك في الماغبغي بلونش بالدوغي ♥️
فكرة هايلة تاع بيت الخزين ربي يوفقك خدوج ،بصح ننصحك فيما يخص المكسرات ديريهم في المجمد باش ما يديرولكش هادوك الفراشات الصغار،اما لي زاغوم تاع الليمون وما شبه وين يتباعوا ،وعتبة مربوحة عليك بنتي
بصحتك ختي أن شاءالله عتبة مربوحة وان شاء الله يدخل علينا رمضان بصحة والعافية حابة نسقسيك ليبوات اللي لونهم ابيض اللي دايرة فيهم السكر والقهوة شحال يتباعو وصوريهم مليح نثبت فيهم
هاكذا عندي بعدا كيفك زوجي قالي بلا مانديرو حامل الاحذية وانا ماحبيتش خاطر جاية قريبة للكوزينة وبعيد للدخلة تاع الباب ستعملتو للمواد الغذائية تاع شهر وخففت عليا من الكوزينة روتين شباب يعطيه الصحة زوجك طبق يشهي ماشاء الله
