إنتم بتفكروا إزاي ؟!!! كلكم عمالين تتكلموا بكل فخر عن المشروع وعن تفاصيل كتير مالهاش أي لزمة بالنسبة للجمهور ، ومتجاهلين تماماً الكارثة التصميمية اللي إنتم بتعملوها !!! إزاي بعد الصبر والإنتظار ده كله تكون سعة ستاد النادي الأهلي بعد مرحلتين 44 ألف متفرج ؟!!!! يعني بعد السنين دي كلها بقالكم 50 سنة بتحلموا وبنحلم معاكم بستاد كبير للنادي الأهلي صاحب أكبر جماهيرية في مصر وأفريقيا والوطن العربي وفي الآخر تطلع سعته 44 ألف متفرج بعد المرحلة الأخيرة ؟!!!! إذا كان الحضور الجماهيري للأهلي في المباريات الهامة والكبرى وفي النهائيات بيوصل لحوالي 100 ألف متفرج سواء داخل أو خارج الإستاد !!! طيب على الأقل إعملوا ستاد سعته 80 أو حتى 75 ألف متفرج عشان يبقى ستاد عملي يستوعب أكبر قدر ممكن من جماهير الأهلي ويبقى ستاد يشرف ، وفي نفس الوقت فرق السعة دة حيزود إيرادات الإستاد وحيعود على الأهلي بفلوس كتير حتغطي تكاليف الإنشاء وتكاليف فرق السعة في وقت أسرع !!!! المفروض إنكم بتعملوا مشروع القرن زي ما بتقولوا ، والأهلي مش حيبني كل يوم ستاد ، يعني لازم تعملوا أفضل وأكبر ستاد ممكن عشان يليق بمكانة النادي الأهلي وجماهيريته ، أنا أقترح إنكم تحاولوا تخلوا سعة الإستاد على الأقل 75 ألف متفرج على 3 مراحل بحيث تكون سعة كل مرحلة 25 ألف متفرج على الأقل . رجاء الإهتمام بتعليقي لأني متأكد إنه بيمثل كل جماهير الأهلي والجميع حيوافقوني على رأيي . على فكرة أنا مشجع أهلاوي عاشق للنادي الأهلي منذ حوالي نص قرن يعني عمري من عمر حلم الإستاد !!!
كل الاستادات تابعة للمحافظة وغزل المحلة شركة غزل المحلة والمقاولون العرب شركة المقاولون وانبي شركة انبي للبترول والإسماعيلي محافظة الإسماعيلية والمصري ستاد محافظة بورسعيد واسوان تابع لمحافظة اسوان قبل ما تكتب اتأكد من المعلومات فيه ناس هواياتها تخالف وخلاص
في هطل و استخفاف بعقولنا او سرقه علي حسب بقا بالدماغ و المنطق كدا مدينه رياضيه كاامله علي اعلي مستوي و بأعلي كل المقومات ف العاصمه الاداريه استاد ٩٠ الف و ملاعب كتير لكل الالعاب و اعلي سعه جماهيرية و تقنيه مكلفه 10 مليار جنيه (الاستاد لوحده مكلف 900 مليون ) و تيجي تقول ان استاد الاهلي ٢٥ او ٤٠ الف متفرج بس !!! و مستشفى و متحف و مش عارف اي يكلف ١٠ مليار !؟؟! زيه زي المدينه الرياضيه كلها اي الهبل دا
