كانت مباراه عمرى،لان الزمالك كان متفوق جدا وفاز ببطوله الدورى عن استحقاق وكنت أعلم أن الزمالك سيفوز لا محاله، لكن كان رهانى الوحيد هو أن لاعبي الزمالك لن يأخذوا المباراه بمحمل الجد، لانى أعلم نفسيهواللاعب الزملكاوى جيدا، كنت فى الاستاد وبعد هدف ايمن شوقى اصابتنى هستيريا وفضلت اقول اهلى اهلى ولم اتمكن من ايقاف نفسي لدرجه ان قلبى أوشك على التوقف. ايمن شوقى هو باولو روسي الكره المصريه.
ليا ذكرى عجيبة مع الجول ده ...كنت زعلان من أداء الأهلي ...أبويا الله يرحمه قالي متزعلش نفسك أهو طاهر نزل وهيشيع واحدة يتدخل ياما حد يكملها في الجول وخلاص .وقد كان.
الماتش و جول كابتن ايمن شوقي عمره ما يتنسي .. فعلا كنت خايف جدا بسبب مستوي أداء الأهلي في الشوط التاني .. كل الهجوم والفرص لصالح الزمالك .. الماتش كان رايح للاكسترا تايم .. في الوقت ده اتمنيت إن الزمالك يجيب جول وينهي الماتش .. لأن الأهلي بدنيا وقع تماما والزمالك كان في أفضل حالاته .. ولولا دلعهم كالعادة كانوا خلصوا الماتش .. و بالمستوي ده لو كنا روحنا لاشواط إضافية كان ممكن يحصل ما لا يحمد عقباه .. وفجأة كرة فاول من بعيد جدا ودعاء ملايين الاهلوية وصاروخ طاهر أبوزيد وانقضاض ايمن شوقي ع الكوره زي الصقر .. الحمدلله الأهلي كالعادة يفوز بالضربة القاضية الفنية ويخطف الكاس 😊
طاهر ابوزيد صالح سليم دبحوا بعد الماتش دة وقرر الاستغناء عنة هو وربيع وميهوب ومحمود صالح زي ما كان السبب في اعتزال محمد عامر ومصطفي عبدة والخطيب سنة 87 من ضمن خلافات الجوهري مع ادارة الاهلي سنة 86 انهم اخدوا قرار با اعتزال الاعبين الكبار والجوهري رفض الموضوع دة ومشي وبالفعل بعدها بسنة بالظبط سنة 87 اعتزل مصطفي عبدة ومحمد عامر شهر 6 سنة 87 وفي شهر 12 اعتزل الخطيب كمان صالح سليم هو الي مشي حسام وابراهيم حسن بجد لاتعليق في راي ان عبد المحسن كامل مرتجي كان افضل من صالح سليم مليون مرة بس لاسف مكانش مع اعلام
ههههههههههههه..الكابتن حسين السئ..😜 الكوره كانت دايما سخنه علي ايده....؟؟؟ وجاي يدلق دلوه...بيحسب الناس بتنسي روح ياعم ربي شنبك زي زمان...وشده فيه بأسنانك...زي ماكنت متعود
