استاذ شنوده قانون الايجارالقديم قانون تفصيل المنتفعين وأصحاب المصالح والتصميم على استمراره لمصالح شخصية ومستفاد منها ومش مهم عندهم اقتصاد البلد ينهض ومش مهم عندهم الناس اللي بتموت تحت الأنقاض يوميا بسبب عدم الصيانه لعدم تمكن المالك من الصيانه بسبب الايجار الذهيد توريث الشقق الي أبناء المستاجرين ويقولك ده اسمه امتداد مش توريث الشقق المغلقه عشرات السنين بسبب الايجار الذهيد الاف الحوارات والنقاشات وتوجد ايادى خفيه معطله للقانون لمصالح شخصية ومستفاد منها ومش مهم عندهم اى حاجه
مبادره الاستاذ محمود هي الصح ياخدوا فتره انتقاليه ثلاث سنوات لحد ما يثبته اني ما عندهمش سكن مع زياده الايجار ل 1000 جنيه وعلى الحكومه توفير سكن للي ما يملكه
احلي اقتراح قالة سيادة المستشار؟ التمليك هو الحل التمليك هو الحل التمليك هو الحل؟ كما للمالك القديم حق ان يرث ابناءة فاللحق وكل الحق ان يرث اولاد المستأجر الشقة هم مولودين تربوا فيها
@@farahmohamedtarek6249 حضرتها سيادتك انا بتكلم علي حاجه انا شوفتها وحضرتها اما الهبد ومن غير ورق الخلو ده كان بياخده المستاجر عشان يطلع من العقار ومزال بيحصل الكلام ده
نحن ٤ أخوة ورثة فى محل تجارى شارع رئيسى من ٤٥سنة ب١٢ ج حتى الآن ويتقاضى المستأجر معاش كبير ويسكن شقة إيجار قديم ب٢٠ لايوجد قانون ايجار قديم الا في مصر نا الحبيبة هل هذا عدل
أستغاثة من ملاك مصر لسيادة الرئيس بأنهاء كارثة الإيجار القديم أين الدولة والنواب من توجه سيادتك فى مؤتمر حكاية وطن بأنهاء القانون بصورة عاجلة وعاجلة إلى الأن مفيش أى تنفيذ لتوجه سيادتك
الدولة لما ثبتت الاجرة وخفضت الايجار ٣مرات ولغت ان العقد ينتهى رغم انه كان مكتوب بسنة فضل الساكن محتل ٧٠ سنة العين المؤجرة جايين الان تستأذنوا الساكن ان حق المالك يرجع لا دا فجر لايقبله عقل ولا دين ولا اى عقيدة ولا دستور اى دولة تحترم الملكية الخاصة
عندما تدخلت الدولة في العقد المبرم بين المالك والمستاجر وخفضت الاجره ثم تم تحديدها بواسطه لجان تقدير الايجارت التى شكلتها الدوله وإلزام المالك بها ثم تثبيت الاجره لعشرات السنيين وتوريث الوحده المؤجرة لأبناء وأحفاد المستاجر المتوفى وحرمان الورثه الشرعيين من ارثهم الشرعى مقابل جنيهات وقروش لا تغنى ولا تسمن من جوع ولاتفى بمتطلبات الحياة الكريمة فى الجمهورية الجديدة هنا لم يعترض المستاجر فعلى الدوله أيضا أن تتدخل لإعادة الأمور لنصابها الصحيح بالعوده للقانون المدني والقيمة السوقية والغاء التوريث المسمى ب الامتداد لورثه المستأجر
حقوق إيه تاني للمستاجرين؟ بعد كل الظلم. ٧٠ سنه قاعدين ببلاش علي حساب الملاك إللي اصبحو فقراء يبقي لسه ليهم حق ؟؟ الملاك عايزين تعويض عن قرب قرن من الظلم من احتلال املاكنا
قانون ظالم وكل من يتمسك بهذا القانون فهو فاسد ويستحل مال غيره بقانون استثنائى .. ويجب انهاء القانون والعودة الى القانون المدنى ليصبح عندنا قانون واحدة للعلاقة الايجارية .. كفاية ..
لما الدولة تدخلت في العقود الرضائية وحولتها بالقوة الجبرية وبأثر رجعي للقانون الاستثنائي ولغت أي بند عن مدة العقد أو امكانية انهاؤه ماكانش فيه مشكلة ؛ ولما نفس الدولة تقرر الرجوع للقانون المدني الطبيعي من تاني المستأجرين ومحامينهم افتكروا ان فيه حاجة اسمها العقد شريعة المتعاقدين !!
اكبر دليل ع فساد هذا القانون وجود ٢مليون شقة مغلقة مع تقيد وثبات القيمة الايجارية ع ١٠ج هل من المنطق والعقل والعدل ان يرتفع كل شىء سواء سلع اساسية او خدمية ويظل المستاجر يدفع ١٠ج هل المستاجر دخله او معاشه او راتبه ظل كما هوو استحاله .. يبقى ازاى يظل يستمر يدفع ١٠ج
ده سؤال برضه مين علي حق ده سؤال بتقولوا دولة دستور وقانون فين حق الملكيه الخاصه اللي بيكفلها الدستور ملكي يتحكم فيه غيري وتقولي مين علي حق ده سؤال مش مظبوط من اساسه ومينفعش يتسال اصلا
واحد مستولى على محل او شقة بمساحات مهولة بإيجار لا يساوى ثمن ثمرة خضار ويبتز المالك ويترك فواتير متراكمة من نور ومية وغاز وبعد وفاته يتم تقسيم الشقق والمحلات مع ميراثه هل يعقل ان لا يجد ابناء المالك ما يرثوه وابناء المستأجر يرثوا اباهم ويرثوا المالك ؟ ويأجروا الشقق والمحلات من الباطن بعشرات الالاف من يتوقع منه ان يوافق على انهاء هذة السرقة والنهب لاملاك غيرهم
ما بحبش المحشي كرنب , السيد الاستاذ ممثل المستاجرين بيقول اى كلام واى محشي فى حله بيصيد فى المياه العكره ,,, بيقول الحكومة قامت بلبناء للملاك ,,, طيب ايه رايك مدام كلامك بدون اى دليل ولا برهان ولا بتنجان احنا ملاك قمنا بلبناء سنه 1980 الى 1996 لا الحكومة قامت بلناء فى املاكنا ولا الحكومة قامت بلمساعده فى املاكنا لان املاكنا من زمن السوق الحر ,,,,,, انا عاوز اسال سؤال واحد لحد امتى الكلام الكاذب دا على شاشات التلفيزيون ؟؟؟؟؟؟؟ كل يوم كدبه جديده من ممثلى ابناء ابناء ابناء المستأجرين لحد امتى الفساد دا
قانون الايجار القديم قانون استثنائى باطل وظالم ويخالف الشريعه الاسلاميه والدستور سيادة الرئيس السيسى نرجوا من سيادتكم التكرم باتخاذ قرار بخصوص قانون الايجار القديم ورجوع املاكنا المشروعه والمنهوبه منذ عشرات السنين قانون الايجار القديم اهدر مليارات الجنيهات على الدوله منذ عشرات السنين والتى يستفيد منه ملايين المصريين لان لايتم تحصيل الضرائب العقاريه لان الايجار لا يناسب النسبه المقرره
لو كانت الدولة عملها دعم ولدك مختيش الدعم لية وبنا عمارة فى وقت بناء العمارة بملغ لا يستهين بى .....الحاجة التانية لو اصحاب العمارات معملويش عمارات كان زمان مصر كلنا عشين فى خيام
ممكن اعرف هو ايه السبب ان العقار يوصل لملاين غير ان الناس اللى استاجرت خلت المكان يكون لى قيمه اعلى من الاول والافضل ييتعمل ايجار بسعر ثابت يزيد كل 10 سنين لان الايجار كل سنه يزيد بيخلى كل حاجه تغلا سنه بسنه يعنى مثلا حد ماجر شقه وارض زراعيه وزادو بعد سنه هلى هو ينفع يبيع الزرعه بنفس السعر السنه اللى قبلها ده مستحيل طبعلا يبقا الحل يكون الايجار موحد على حسب المتر وكل سنين يزيد يبقا الدوله هتزيد كل سنين مش كل سنه وبنسبه ثابته وصاحب العقار حقه يخلى المستاجر يمشى حتى لو كل 3 سنين بس لة استاجر حد تانى يبقا بنفس السعر
أنا عندي ايمان وثقه كامله ربنا وحده هيتدخل ويرفع الظلم البشع والقهر لكل أصحاب العقارات الإيجار القديم لأن الاغلبيه العظمي من المستأجرين شاعرين وحاسين بظلم بشع وأيضا رافضين قانون الإيجار القديم نهائيا اقليه جدا جدا جدا جدا من المستأجرين عايزين يعيشون ببلاش فقدين الضمير الإنساني والاخلاقي ويستخدمون مبررات المقدم والخلو و الحكومة ساعدت الملك هذه مبرررات خطأ ولاتفيد نظام تخدير الضمير المستاجر لو سكن عشرين سنه فقط إيجار قديم بيدفع ملاليم هو اخذ حقوقه أضعاف أضعاف أضعاف من الملك سواء دفع مقدم او خلو اوالحكومه ساعدت حرام ارحمو الناس لأن من لا يعرف الرحمه والإنسانية والعدل علي الأرض مستحيل مستحيل يراها في الآخره أنا أقول وجه نظري أنا ليس ضد المستأجرين او الملاك أنا مع العدل الإلهي الحقيقي
الحل فقط ويرضي كل الأطراف ولا داعي ان تتكلف الدولة اي مليم؟ التمليك علي عشرين سنة؟ والآ الدولة ستتكلف الاف المليارات لطرد سكان البلد؟ وكمان سيحدث ثورة جديدة ثورة للظلم؟ ولا الدولة ستحصل مليم واحد من الضرائب العقارية للملاك ها يتهربوا من الضريبة تحت مسميات؟ الحل التمليك علي عشرين سنة وسيدفعون ضريبة عقارية بدون الدخول في مشاكل مع سكان مصر أهل مصر؟
المغالطه التي يقوم بها محامي المستأجرين انه لايجوز منازعه مالك في ملكه والمؤكد أن المالك يقدر يبيع عمارته بينما لايمكن للمستاجر انه يبيع شقته لذلك فهو رجل ضلالي وليس لورثه اي مستاجر الحق في انه يقعد في الشقه
الملاك طماعين اخدوا فلوسنا وعملوا بيها حاجات كتير وقتها وصرفوا على عيالهم بيها ودلوقتى مع زيادة الاسعار عايزين يرموا الناس فى الشوارع وهما ليهم حقوق فى الشقق والمحلات عالم مفتريه
الخلاصه ان الحكومة تقدر تحلها في دقيقة زي رغيف العيش لا توريث لاي سبب كان لانه مخالف للشرع ولايوجد تأبيد للعقد الا في الزواج او يدفع القيمه المناسبة للإيجار علما بأنه لا يوجد مثل هذا النظام في اي دوله في العالم
مشكلة قانون الايجار القديم هي مشكلة دولة وسياساتها الفاشلة في المحافظة علي قيمة العملة المصرية اللي انخفاضها أدي إلي إنخفاض القيمة الايجارية المتفق عليها عند توقيع عقد الايجار القديم. الدولة هي المسئوولة عن تعويض المستأجرين علي النظام القديم ولو عايزينهم يخرجوا هاتولهوم شقق. هومما لية يتحملوا سياسات فاشلة لناس فاشلة بتدير البلد اللي ادت لانخفاض قيمة الايجار. وبعدين قيمة خلو الرجل اللي دفعها المستأحرين القدامي قيمتها قدتعادل الان مئات الآلاف ، القيمة الحالية للمقد دة يجب ان تدفع
الاتنين و الحل سهل بدون تمييز والحل هو زيادة الإيجار حسب مساحة الشقه مثلاََ شقه مكونه من حجره وصاله ومنافع يكون إيجارها ١٥٠ جنيه وشقه حجرتان وصاله ومنافع يعنى حمام ومطبخ ٢٠٠ جنيه وهكذا كلما زادت حجره بالشقه تزيد ٥٠ جنيه فى الاجره وده على جميع الوحدات الجمهوريه دون تفرقه فى مناطق وغيرها وبلاش طرد وبلاش توريث أمتداد وكفايه زيادة الإيجار لمدة ٥ سنين يزيد بعدها الإيجار حسب التضخم ويعيش الكل راضى
المقدم او الخلو ،،،معظم المستأجرين كان بيدفعوهم وبعد كده كان بيسكن بيهم او كان بيروح للمدعي العام الاشتراكي ويرفع قضية عشان يكون تهديد للمالك ويرجع الخلو او المقدم للمستأجر مرة اخري ....
في الستينات ولا كان في خلو ولا مقدم وعبد الناصر نزل الايجارات ٣ مرات والمالك اللي يتبلغ عنه انه اخد حاجة كان يسجن وكفاية استفزاز ا. شنودة ويا ريت تسيب ا. مصطفي يتكلم وتديله فرصته وكفاية انحياز للمستاجرين واضح انك مفصل البرنامج لمصلحة المستاجرين وانك واحد منهم ودي مش اول مرة تعمل كده سيب حد غيرك يكون فير وملوش مصلحة يتكلم في الموضوع ده
من الاخر كده إللي له حق هو المالك فقط المستاجر عايز يقعد يبقي المفروض يدفع الإيجار بالقيمه السوقيه مش يفضل قاعد ببلاش ب 3 و 4 جنيه إيه الظلم والقهر ده حرااااام
كلام معالي المستشار غير صحيح وغير مبرر نهائيا سواء دفع مقدم او خلو لو المستاجر عاش عشرين سنه فقط إيجار قديم يبقي المستاجر أخذ حقوقه أضعاف أضعاف من المالك
بعد اكتر من عشرين سنة حوار ( مجتمعي ) لسة السيد المسئول بيقول ( شائك ) مش عارف ماهو معنى شائك .. الوقود بنزين وسولار غير شائك … ! الكهرباء والخبز وحتى مصاريف التعليم والعلاج زادت ٥٠٠ ضعف حتى رسوم الحكومة زادت اقل شيء ١٠٠ ضعف .. الايجار الجديد من ٢٨ سنة غير شائك … ! الملابس صيانة السيارات وقطع غيارها .. الزواج وحتى الطلاق والمهر والشبكة زادت ٥٠٠ ضعف .. حتى أتعاب المحاماة وأجور الأطباء لكن الايجار القديم فقط هو موضوع شائك .. لا شك في وجود من يعرقل إصدار تشريع عادل ولا شك انه هذا المخلوق .. ( مستفيد ) العقارات تنهار كل يوم على رؤوس المستأجرين .. ومازال السيد المسئول من عشرين سنة واكتر بيقول شائئك وسوف وسوف نستمع وحوار من اول وجديد لانه شائك عشان كدة ( شائك ) لله الأمر من قبل ومن بعد .. وسيعلم الذين ظلموا أي منقلب ينقلبون .
المقدم اللي تم دفعة من جانب المستأجر في الستينات يصل قيمتة الآن لمئتت لآلاف الجنيهات. ادفعوا المقدم للمستاجر علشان يخرج. داغير التخفيض اللي أخددة المالك علي مواد البناء بغرض اسنئجار الوحدات.
المستأجر بعد اقتراح سيادة المستشار بالتمليك علي عشرين سنة وهو الحل الوحيد لمصر بدون طرد أهل مصر ؟ وبدون ان تتكلف الدولة مليم؟ وأصبح المستأجر مالك بعد ان دفع حق الشقة عشرة مرات من خلال الخلو زمان؟ويصبح المستاجر مالك وسيدفع ضريبة وسيدفع ضريبة وسيدفع ضريبة ؟
البلد تغيرت كل ١٠ سنوات والرؤساء كذلك وحدثت حروب وثورات كتيرة ، ليه القوانين لا تتغير كل مدة من السنوات لاختلاف الأزمنة ؟ هل يعقل أننا في سنة ٢٠٢٤ ما زلنا نعمل بقوانين من ستين سنة؟!!!!!!!!!!! 🤬🤬🤬🤬🤬🤬 أقل ما يقال عن هذا الأمر أنه تخلف دستوري وحضاري وإنساني ، ثم أننا نصيغ القوانين والدستور لإحكام العدل ، فأين العدل فيما يحدث من مهزلة إيجار القانون القديم الذي لا يساوي ثمن سندوتش فول الإنسان الفقير؟ إن كان القانون قديم نغيره ، فنحن من نصيغه ونتحكم به وليس القانون هو الذي يتحكم بنا. لقد قمنا بثورة ٢٥ يناير وثورة ٣٠ يونيو وغيرنا الدستور نفسه وليس قانون واحد. فهل هذا القانون أقوى من الدستور ، أم أن هناك فئات لها مصالح اقتصادية كبيرة تقف حائلا في تغيير القانون؟ نرجو من الحكومة التدخل لتصحيح الأوضاع وإعطاء الملاك حقوقهم كما فعلت في الماضي ووقفت بجانب المستأجرين ، ويكفي ما تحمله الملاك كل هذه السنوات التي قد تصل لأكثر من ستين سنة.
المستاجر الذي سكن عشرين سنه فقط سواء الدولة ساعدت المالك أو دفع مقدم أو دفع خلو المستاجر أخذ حقوق أضعاف أضعاف أضعاف من المالك معظم الشعب المصري بما فيهم القضاه عارفين فيه ظلم بشع وقهر لكل أصحاب العقارات الإيجار القديم أكيد ربنا هيرفع الظلم أجل ام عاجل
واحد سحتجى عامل اذكى اخواته على جروبهم وبيتريق على النائب اللى قال ان ٣٣٠ الف وحدة سكنية ستنشئهم وزارة الاسكان كفيلة بحل متضررى الايجار القديم وييقول استحالة دول مش هيكفوا ملابين المستأجرين دا فاكر ان كل المستأجرين هيخدوا شقق☺️الشقق لمن يثبت انه مستحق للدعم السكنى يا سحتجى افندى مش بونبونى هيتوزع عليكم
جميع المشايخ ودار الافتاء ومشيخه الازهر الشريف اكدت ان قانون الايجار القديم مخالف للشرع ولايوجد تأبين للعقود الا عقد الزواج وحرام عليكم ان تورثو المستاجر حق لبس من حقه وايضا حرام عليكم وظلم ان صاحب الحق الاصيل لا يرث ارثه
يا عم المستشار انت مستأجر مش مالك عايز تتملك فى ملكى رغما عنى طب من باب أولى حضرتك تحجز فى الإسكان الاجتماعى وتقسط مع البنك ولا هى تكية عايز تشارك الملاك فى ملكهم ده انت بجح اوى يا اخى
برضو بالعقل والمنطق دي شقة ايجار وليس تمليك مفيش ايجار مدي الحياة والاجرة كمان ثابتة مبتزديش لو المستاجر هيدفع بسعر السوق مفيش مشكلة للملاك لكن المستاجر فاهم الشقة تمليك وليس ايجار ومفيش ايجار يبقي تمليك دا مخالف للقانون المدني
سيادة المستشار فى اول الحوار قال ان رءيس لجنة الاسكان قال ان على آخر العام سوف ننتهى من قانون الايجار القديم ورجع فى اخر الحوار ان مافيش اى كلام على القانون حتى تاريخه
الأرض التى تم عليها البناء. على نفقة المالك. وليس للدوله. اى مشاركه لا ثمن. الارض. ولا مواد. البناء ولا اى مساعده. من الدوله . . . . نرجو مقارنة الأسعار اليوم. مع. أسعار. الستينات والسبعينات. . . . كل الأسعار تضاعفت. مرات. و مرات إلا السكن. . . . ارحمينا. يا. حكومه مفيش. على. وجه. الارض. شقه. ب. جنيهان. فقط. طيب. إرفعوا. الأسعار علشان. نعرف. نعيش. المالك. يتسول. وسوف يسأل المسئول أمام. الله
الغاء قانون الايجار القديم المخالف لشرع الله الذي لا يوجد به في العالم كله الا مصر الذي أهدر مليارات علي الدولة وأضر الثوره العقاريه وأنهيار العلاقات الانسانيه بين ملاين المصرين وانهيار العقارات بسبب عدم الصيانة وبسبب طمع وجشع المستأجرين باأغلاق ثلاثه مليون شقة بدون وجه حق مما سبب ارتفاع أسعار الايجارات الجديده وأزمة سكن وارتفاع اسعار كل شئ بسبب عدم حصول الدوله علي الضريبه العقارية
كل اللي بيكلمو لصالح المؤجر.. اسال الناس الكبيره كانوا بيبخرو الشقق علشان تسكن وكان طن الحديد ب١٠٠ جنيه والوب العربيه الفين طوبه من الطمي من الورق كانت ١١جنيه والساكن كان بيدفع لوالدك يا صاحب السكن مايقرب من ثمن دور عندك. انت عاوز تكسب والسكان يخسر. امشوا بالعدل مع العلم اني صاحب منزل والايجار عندي ب٨ جنيه بالأمانه لحد الان وعمرنا ما طلبنا زياده هتقابلو ربنا بكره امشو بالعدل...
العدل الحقيقي الإلهي هو إلغاء قانون الإيجار القديم الطبيعي سكن اوتجاري نهائيا ويكون الإيجار عرض وطلب بسعر السوق ومده محدده مثل كل دول العالم معظم المستأجرين بياخذون آلاف مرتبات ومعاشات ومعظمهم عنده أملاك وحتي الآن المالك بياخد إيجار شقه أو محل ثمن كيلو سمك او كيلو طماطم عيب عيب حقيقي المستاجر الغير قادر عليه يثبت ذلك رسميا من خلال معندوش أملاك ومعندوش فلوس في البنوك والبريد وشهادة مرتبه ومعاشه في حين ذلك إذا ثبت غير قادر الدولة ملزومه تساهم وتساعده رسميا مثل كل دول العالم أنا ليس ضد المستاجر الفقير اطلقا ولكن فيه سكان بيخذون عشره آلاف أو خمسه آلاف جنيه مرتبات ومعاشات ومازال صاحب الشقه اوالمحل بيأخذ قروش عيب عيب حقيقي لو مستاجر محترم عنده ضمير إنساني واخلاقي لو بدل المالك مستحيل يقبل الوضع القهر للمالك
بعد اكتر من عشرين سنة حوار ( مجتمعي ) لسة السيد المسئول بيقول ( شائك ) مش عارف ماهو معنى شائك .. الوقود بنزين وسولار غير شائك … ! الكهرباء والخبز وحتى مصاريف التعليم والعلاج زادت ٥٠٠ ضعف حتى رسوم الحكومة زادت اقل شيء ١٠٠ ضعف .. الايجار الجديد من ٢٨ سنة غير شائك … ! الملابس صيانة السيارات وقطع غيارها .. الزواج وحتى الطلاق والمهر والشبكة زادت ٥٠٠ ضعف .. حتى أتعاب المحاماة وأجور الأطباء لكن الايجار القديم فقط هو موضوع شائك .. لا شك في وجود من يعرقل إصدار تشريع عادل ولا شك انه هذا المخلوق .. ( مستفيد ) العقارات تنهار كل يوم على رؤوس المستأجرين .. ومازال السيد المسئول من عشرين سنة واكتر بيقول شائئك وسوف وسوف نستمع وحوار من اول وجديد لانه شائك عشان كدة ( شائك ) لله الأمر من قبل ومن بعد .. وسيعلم الذين ظلموا أي منقلب ينقلبون .
حضرتك متخيل كام أسره هتتشرد لو اتلغا الايجار القديم وكام صحب محل هيتخرب بيته وكم الكارثه الي هتحل على اقتصاد البلاد وخربها وكم مشريع وشركات هتقفل وكم قدايا فى المحكم دائن ومديون ياباشا احنا لما دفعنا اجار 3جنيه و5جنيه كان الجنيه جنيه يعني يعتبر بعد 30سنه و40سنه احنا دفعنا حق العين للمالك على مدار 40سنه يعني المطلوب النقاش والحوار يكون المدين المالك ويحق الدولة فرض عقوبات وقانون يدين المالك على ان يملك العين للمستأجر ❤
المستأجر من حق ولاده الشقة طالما اتولد فيها ودفع مياه وغاز وكهربا شهر بشهر إقامة. معناه مفيش شقة تانية متسجلة له ولا. للاءولاد. وزوجته كمبيوتر. مسجل ام الحق حقه لكن موش من حقه شقة بالاسكان الاجتماعي ولا لولاده. لانه موش محتاج قيمة الشقة القديمة لوباع تجيب شقة جديدة يعني اولاد مستاءحرين لا حق أولادهم شقق اسكان . مجرد فكرة. خلي المستأجر مكمل بولاده نوفر للدولة اسكان اجتماعي،كلام اشرار. ايهما تفضل اسكان اجتماعي ام اسكان قديم. الدولة مستفيدة ايه من الايجار القديم نسبة من البيع. من الطرفين،،عقاب للطرفين غرقانا غرقانا
الخلو ال ادفع للمالك بأسعار زمان وصيانة العمارة على المستأجرين وهذا عرف سائد وليس على المالك ابدا وهل يصلح رمى الأسر وكبار السن في الشوارع لصالح الملاك الجدد
شئ صعب لما يكون اتنين ممثلي المستاجرين المذيع والمحامي بصراحة يا ا .شنودة انت حرقت دم الملاك في هذه الحلقة واضح انك واحد من المستاجرين لغتك تظهرك شوية تقول ما حق المالك مكتوب في العقد هما ال٥ جنية دول حقنا ؟وشوية تقول وحق المستاجر فين؟يعني يروح العاصمة الادارية؟وا مصطفي يقولك افرض انا مش عاوز ابيع شقتي لا لازم تبيعها للمستاجر ويقولك ان المستاجرين بيعملوا شراكة من الباطن وبيقبضوا ملايين ويدفعوا في المحلات ١٠ جنية عملت من بنها ودي مش اول مرة نسمع منك هذا الكلام المستفز في هذا البرنامج وهذه القناه اللي كنا نعتز وفرحانين بيها هذا المحتوي المتدني من هذا المذيع للاسف كفاية ظلم٧٠ سنه مستاجر حفيد المستاجر الاصلي والوريث الخامس للشقة بعد موت الجد والجدة والاب والام وحفيد المالك بيدفع ٤٠٠٠ جنية قانون جديد في نفس المنطقة وبنفس مواصفات الشقة هذا الجد اللي حرم نفسة واولاده من اكل ولبس وفسح و...علشان يوفر لاولاده بيت ملك يا ريته كان ساب دهب ولاحطهم في بنك ولا جاب جاموستين ده ورثهم لمستاجر واحفاده يا ريت ا شنودة متقدمش برنامج تاني لمناقشة هذا الموضوع لانك ممثل مستاجرين واكلين حقوقنا وقناة ctv لا تمثلنا او تمثل مشاكلناللاسف