أطرد الأحلام الشاعر: مصطفى بطران أطرد الأحلام ياجميل وأصحى قوم نقضي الليل في ضفاف النيل ننشد الفسحة شوف جمال النيل يا جميل أصحى وأسمع البلبل ولهجتو الفصحى الغصون ماخدات مع النسيم كسحة والطبيعة تخيل ثوبها كاسي النيل من جمال مسحة شتلة الياسمين مايلة بي صفحة ميلها بيشجيك ومن شذاها يجيك كل حين نفحة شوف وجوه الروض باسمة منطرحة وتضحك الأزهار ميتة بالفرحة ليك شجرة الفل ياخي منشرحة الورود (بالمر) لونها ليه محمر كأنو منجرحة ديك طيور منظوم روقها زي سبحة طايرة كالآمال في الفضاء سابحة في حدانا قريب ظلالها جات شابحة ياخي ما فايتات أظنّهن بايتات في الرياض صابحة النسايم لو عادية أو رايحه بي ندى الأزهار والعبير فايحة الفروع بتميل بالطرب مايحة والسواقي تئن بى نغم تلحن صوتها كالنايحة منظر البدر وبهجتو الفاضحة تبدو ليك في النيل كالدرر واضحة الطيور تختال في الغصون صادحة السرور ميل ورقو بتخيل كفتو الراجحة
