الصلا عالنبي عليك اماما ، انا عندي 32 سنة و تعلمت منك بززززاف كل مرة كتلفتي الانتباه ديالي لشي حاجة اللي كنكون غافلة عليها شكرا و صباحك مبروك وبووووسة كبيرة فوق راسك يا الغالية
تبارك الله عليك للا مفتاحة .هاد الجيل ديال دابا محتاج إشوف امرأة بحالك وياخذها موديل فحياتو .امرأة الستينات والسبعينات والثمانينات فاش كانت المرأة و البنت أنيقة ومهليا فراسها وكتعرف لكل مقام مقال .أما دابا ولا كلشي مخنش ولابسين ملابس معندهاش علاقة بالمجتمع ديالنا .مابقا فيهم ما ينسق الألوان ولا ما يمشط ولا حتى يغسل .ما كاين غير خرك وخرج .ودابا عاد كثر التحرش والمصايب الكحلة .الناس زايدين القدام والمسلمين راجعين اللور .الله يشوف من حالنا .
انا تمنيت لوكان تكلمتي على هادوك الي يحضرو العزاء عند شي ناس توفالهم شخص والنساء الله يهديهم في دار الميت يقصرو ويحكيو ويدحكو وما يراعيوش شعور اهل الميت
هادوك هوما اللي اعطا الله و من فوق هادشي كا يجيوا متولين و مقادين كيف جلابه كي الصاك كيف الفولار فحال ايلا غاديه للعرس ماشي لعزا و يبقاو يكركروا و يجمعوا بحال ايلا ما واقع والو و ياكلوا و يشربوا عااااادي .و الله يرحم و مسكيييين اللي مد حنكو للتراب أما اللي باقي كا يدردك و صافي حتى يلحق عليه
ويلي ولي عليا ملي شفت الصباط.. تلفت لصبادرياتي.. و جرياني... من الدار لخدمة لدراري.. اميمتي.. بغيت. غير. نتعلم التباتة.والتقالة. و المشية. بشوية.. نهز. رجيلة. ونحط. لأخرى.. و الوووووو...ولغوات...كنت نقول الرجال ظالمين. ساعة. وقيلة. مظلومين..يدور...يلقا...دجيناتو.. مع.. دجينات مرتو...طبادرياتو مع صبادريات مراتو. دجاكتو.. و دجاكيت. مرتو.. و نيييت.. الله يحسن عوانهم.. اخالتي. مفتاحة. الانوثة. انقرظت. 🤔🤔😉😉
جزاك الله خير صراحة قمة النخوة و الأناقة والاتكيت ونصائح في محلها مشكورة واعتبرك في محل الأم أو الحماة شرف لنا أن تكون سيدة راقية مثلك تشرفنا وتنصحنا بالتي هي أحسن بكل تواضع وطيبة ورقي
هما أهل فاس المأصلين هكذاك متولين ومأدبين والأناقة والإيتيكيت فكل مظاهر الحياة فحال الأوربيين .لكل مقام مقال . مراة حبيبي فاسية كانت تحماق على راجلها لما مات دخلت دوشات ولبسات لبسة خاصة أنيقة ومحتشمة والهمة والشان . الله يرحم الجميع ويجازي بخير هاذ السيدة راه كلشي تربية ! عندها الحق احترام الناس حتى هو مشكور . فالموت أو الفرح . وهذا رأيي المتواضع
سلام عليكم ماما فتاحة اول مرة انشوف الفيديو ديالك و حمقتيني انا الام ديالي حبيبتي توفات لي هادا عام و تلات اشهر و يالله تزوجت محتاجة النصيحة دبال ام مغربية متةلة الله يعطيك كل ما تمنيتي درتي ليا النفس بهاد الفيديو
سلام الله عليك لالة مفتاحة ما اروع نصاىءحك ما اروع كلامك جزاك الله . والله العضيم بكيت من شدة تأثري بهذا الفيديو وكأنك تقرىءي ما افكر فيه. نعم ايتهاالسيدة . Vous êtes une dame et lady اتمنى ان نعود الى الرقي فانه خفيف جميل راىءع وليس مكلف تحياتي لك اختي العزيزة لالة مفتاحة وشكراًجزيلاً
كلامك ممكن يعجب البعض والبعض لا انا بعدا كلامك عجبني و انا عن نفسي حضرت لوحد الجنازة من العائلة الابن ديالها مات ومزال صغير والوقت الي جات الام ديالو لدار دخلوها خوتاتها لوحد البيت ولبسوها القفطان والشربيل كلشي حرير وبحال القفطان بحال الشد بحال الشربيل ملي خرجات عند الناس انا فنفسي قلت واش ميت ليها ولد باقي عزري وصغير وهيا لابسة هادشي واش عندها الخاطر والرغبة انها تلبس هكا ولاكن قلت مع راسي راه الموت ولات بحال العرس اللهم تلبس وتول حيت فجميع الاحوال الناس غدي تهضر
لالة مفتاحة بصراحة انا دكالية و متولة و موجدة جليلبات و شيلان خاصين للعزاء منزلين لبناتي لان الفرح كاين و القرح كاين و تباركالله عليك لالتي الله ارحمو عليها مولاي احمد العلوي لي لابسة البيجامة و فوقها جلابة ترجع تنعس و تخمر في دارها و في عاءلتنا ممنوع العباية الجلابة و الفولار ديال العنق من زمان و الان و لابد و اان الفولارباش نغطوا الراس اكون متاوي و مرة اخرى راك عزيزة و انتظر فيديواتك باحر من الجمر عاجبني راسي و انت كتكلمي لانني احب التاويل لشخصيتي و ابنيتاتي
J’ai presque oublié le style de femme comme vous, apparemment elles ont disparues de notre société, et ça me fait énormément plaisir de regarder vos vidéos car vous me donnez de l’espoir. Toujours je me disais si un jour j’ouvre une chaîne sur RU-vid ça sera une chaîne éducative et j’ai toujours voulu communiquer mon expérience dans la vie aux autres afin de leur faire gagner du temps et de l’énergie pour avancer dans leur vie plus facilement et correctement. Ces jeunes sont dans un monde qui devient confus et il faut absolument les guider. Merci beaucoup madame et bonne continuation
الله يعطيك الصحه والعافيه وطول العمر متصوريش شحال عزيزة علي متافقة معاك 100/100على كل كلمة قلتيها للاسف بعض النساءتيعطيو صورة غير مشرفة للمرأة المغربية المرأة لي معروفة من زمان بالاناقة والتاويل ومن لاشيء تتصنع العجب العجاب لا فبيتها ولا فهندمها اليوم بعض النماذج لا علاقة ليهم بالسيدة المغربية الأصلية الهمة والإناقة والتاويل حتى فالكلام رجعو البعض كلامهم مسترجل كلامهم بحال لي تيدابزوا معاك هادي من ناحية ومن ناحية واحد الظاهرة اللي كنت بغيت نعمل عليها فيديو لكن فالصراحة متشجعتش داكشي علاش بغيت نطلب منك تتكلمي عليه بعض النساء للاسف تيلبسوا بيجامة اوكيطما وتعمل عليها بينوار وتلقاها هاكك فالمارشي فالبنك فالشارع تتعملla marche وكيفما قلتي هادي فقط من باب الغيرة على المرأة المغربية وزيدي للاسف الشديد بعض صاحبات القنوات لي تتعمل فيديوهات بالبيجاما😡😡😡للاسف الشديد ،
السلام عليكم لالة مفتاحة متتبعة من الدزاير. الصراحة فرحت كي سمعت على هاد التقاليد المغربية في وقت العزاء. احنا في دزاير كنا بكري لباس ديال العزاء نسموه لباس الوقر يكون معمول و محطوط في الخزانة وقت ما نسمعوا بالقرح كلشي يروح للعزاء ببلوزة الوقر تكون مخدومة في الالوان الفاتحة و ما فيهاش خيوط بالذهبي او قفطان في الدقيق simple و نلبسوا في رجلينا des bas جداد و مشوارة brodée و ايشارب بيج المهم كلشي بالتاويل أما الآن يا خسارة كلشي راح.
السلام للمفتاحة الله اعطيك الصحة وشكرا بزاف على النصاءح المفيدة والله اكتر من امتالك والله ارحم من رباك على حسن الخلوق وشكرا احب قناتك وبالتوفيق واستمري ان الله سيجازك انشاء الله
والله الا راجلي داز عندي للخدمة وقالي فلان مات الله يرحمو ياله نمشيو قلت لو لا منمشيش بالرومي قالي معليش قلت لا لا و تقول دوزني للدار نلبس جلابتي عاد نمشيو قالي شحال فيك البروطوكول قلتلو هداك راه الصواب قالك البروطوكول ههههه
استغفر الله العظيم حتى الموت فيها هههههههه صدق رسول الله صلى الله عليه وسلم قال في آخر زمن تصبح الجنائز مثل المحافل ولا يتأثر أحد بالموت والفقدان وتأمل في فناء الحياة الفانية يارب غفرلي ولجميع المسلمين
@@malika30198 سمحيلي اختي راكي مفهمتيش واقيلا مزيان انا محتجبة واكن كنت لابسة صاية طويلة و شميز و جيلي و دايرة اكسسورات مجاتنيش نمشي نعزي هكاك مشيت لداري ولبست جلالة عااااادية جدا و حيدت الكحل من عبني مراعاة لشعور الناس انا ماشي مشيت حضارة. راه لكل مقام مقال.
كتكلمي سيدتي على العزاء ارجوك ان تبحتي على الموت وسكراته ابحتي عن اول ليلة لدخولك للقبر بحتي عن ما ينفعك يوم لقاءك مع الله سيدتي فالعمر لم يبقى فيه اكثر ما مر اما لتيكيت والتقدم في الموت وكيف نلبس الله المعين
@@user-sf6pv2pr3f هذا العرب مبقاوش كيميزوا مابين الفرح والقرح... كيمضغو المسكة العلك والمكياج والشعر محلول في المقابر بحال مات مش وحتى المش زعما القط كيبقا فيك وكتسد ليك الشهية إلى ولفتيه... لا حول ولا قوة الا بالله... الله هون علينا سكرات الموت🤲🤲🤲
ما شاء الله عليك للا مفتاحة الله يطول بعمرك و نتمنى من الأخوات يشاركوا هاذ القناة مع العائلات دياولهم و البنيتات باش يتعلموا التاويل و الأصالة المغربية و المحافظة عليها و توارثها بين الاجيال. 🙏🙏🙏
Rak ghzaaala w frrra7tiiini had sba7 lllah yfrrr7ak w ytowwllina f 3mrak Rah bhaaalk llli m7tajiiin f had l youtiub bhaaalk a lallla lghzala nowwara lmtouwwla mital lmara lmghribia l7orra lghorra Lllah y3tek makatmnnay w ykhllilik l3zaz 3la 9lbk Ana yallah 2ans bach tzowwjt w 3ndi bnita hamdoullah 3liha w bghiiit un jour nwlli hakda bhaaaalk Matbkhlich 3lina b7al had les videos rak kadkhli lfr7a l9lob A3anaki llah w 7afidak min kol char
@@nezha9269 العزو جلابية عادية بلازواق وفولار والوجه مغسول والإنسان يكون نقي ما عدا إلا كانت العادة الشهرية. والإتيكيت ديال العزو تسد وا ف منا على النميمة والأسئلة الكثيرة والمحرجة. ومستحضرات الله ونتفكروا ف حكمة الموت ونستغفر وا. وتكون موعظة وتذكير.
تبارك الله عليك حنا في سلا هذا هو صواب ديالنا مستحيل تمشي لجنازة بلا جليلبة ومنعملوش لمكياج ونحيدو صباغة هدشي شفتو من عند العائلة والجيران أنا عندي 28 عام وعجبتني ماشاء الله عليك
عندك الحق في كل كلمة و انا بارطجيت مع ماما باش تستافد منك و عارفاها غتبارطجي حتى مع خالاتي😂 الله يخليكم لينا نتوما هما البركة و تاج فوق راسنا الله يطول لينا في عمركم💚
دابا مع الاسف شي وحدين زادوا فيه ولا يمشيو للكوافرة ويلبسوا الذهوبات ويقادوا الماكياج وعاد يمشيوا يعزيوا والادهى والا مر هو انهم تايبداوا يضحكوا ويعاودوا النكث وتايقولو ايوا انتما ففا س تاتلبسوا وتقادوا عاد تمشيوا للجنازة شكرا لالا مفتاحة سانشر هذا الفيديو قدر ما استطعت على الله وعسى يفهموا بعض الناس كيفاش خاصهم يكونوا فاش يمشيوا يعزيوا
ما شاء الله عليك كلامك موزون ومركز انا اول مرة كنشوف القناة ديالك غير هو التأويل حتى فالموت مشي ضروري حيت كلها وظروفها وحالتها النفسية المهم غير المرأة تعزي وهي سترا شعرها وممتبرجاش
ما شاء الله عليك ماما مفتاحة، كتعجبيني بزاف شي حويجات لقيت الحمد لله ماما معلماهم ليلي انا و خواتاتي و شي حويجات كنتعلمهم من عندك و كنصحح الأخطاء لي تعلمت فعمري 24 سنة، دمت متألقة و مفخرة للمرأة المغربية❤❤
Tbarkalllah alik katafakrini f mama hit almatni bazaf dyal tawil dyalna d Fès o lahya o lhachma wa lWalid dyali zadni rohaniya Allah y chafihom w ytawol amarhom w jit la France w taht f famille la hawla Wala kowata Ila bi llah damroli akli w charsiyti kantmanalak Sasha w istimrariya
تبارك عليك والله يخفظك راكي كتفوجي على الوليدة مريضة كنخلي ليها الفيديوهات ديالك في التلفزة على طول النهار الله يوفقك من فضلك حدثينا على التعامل مع الراجل❤❤❤
ضحكتيني وخا الموضوع محزن. غنحتاجو يكون عندنا أطنان الحسنات والعمل الصالح. والقيام والصلاة وان شاء الله صحف بدون غيبوبة ونميمة وصدقة كثيرة. هذا هو التاويل د الموت
kenz lkonouz CHANNEL احسنتي والله العظيم ايلا بنادم ولا تابع غير المضاهر بااار لهم غادة تعزي بجلابة وقميص وساك وطالًون قالك تاويل اويلي اويلي على تاويل حنا ملي كنسمعو الموت كننساو كولشي كنخرجو بلا عقل فين هذا اراس الي يقولك لبيي وهزي ساك وطالون اودي علا زمان وصلنا ليهر
تبارک الله والصلاة علی النبی علیک فکرتینی فالفامیلة دیالی انا من فاس من المدینة القدیمة کانت عمتی الله یرحمها عاد توفات کتنصحنی مسکینة نفس النصاٸح ذیالک الله ینورک کیف تتنورینا یالحبیبة دیالی شکرا علی هاذ النصاٸح
سلام عليكم ورحمة اللة وبركاته اول مرة شفت قناتك بصدفة هاذي مدة شهرين تقريبا شفت فيك المرأة العربية المغربية على الخصوص قمة في الأخلاق والاذب والرقي وهذا بتأكيد اسعدني كثيرا لأنه إن ذل إنما يذل على اعطاء المرأة المغربية فخر واعتزاز بنفس أمام العالم 😍😘 شكرا لك على النصائح المفيدة ومجهوداتك لإعطاء كما قولت المرأة المغربية صورة راقية أمام الجميع واصلي واستمري ولكي جزيل الشكر مني أنا نبيلة متتبعة لكي من المغرب سيدة أبلغ من العمر 48 سنة 🤗 الله يكبرنا في طاعتي الله👍
الله يعطيك الصحة اختاريت موضوع مناسب بحال جميع المواضيع اللي سبقو كتحيي فينا روح الاصالة المغربية وتاويل المراة الفاسية العريقة تستحقي الوسام في الوطنية وحي الهوية المغربية واعتقد ان المراة المهاجرةاكثر احساس بقيمة المراة المغربية
وتبقى عاداتنا المغربية الاصيلة ف الصدارة والقمة تعبر عن تكافل المجتمع المغربي بكافة المناسبات سواء أفراح او مآتم.. توفي زوجي وانا ببلاد الغربة للأسف بلد عربي مسلم ولم اجد من المعزين الذين هم جيران لي بالعمارة اي دعم يدخل في سياق البروتوكول المتعارف عليه بالمغرب ناهيك عن الثرثرة وفتح مواضبع لاعلاقة لها بمجلس العزاء استمري ف تقديم هذا النوع من الفيديوهات والله الغني عن العالمين..
اهلا خالتي مفتاحة كولك على بعضك حلو عفاك تكلمي لينا على التعامل مع الناس انا مثلا عايشة فالخاريج وعائلتي كلها تقلق عليا حين كحبو الهديا وتبدلو عليا بزاف حيت منقدرش نرضي كلشي وكاين الحوائج لي انا براسي خاصيني انا ولادي شكون نرضي والله عيت . تنصحني عفاك كيفاش نشد وا التوازن مع الجميع علما انا امي متوفي وانا مراهقة وكبرت كنعلم راسي براسي وكنغلط ومزال بغا نتعلم تدبير والأناقة والحقيقة راك مدرسة وام عدلي لينا فديويات على كل ما يخص المرأة را بعض المرات كاين لي مسكينة ملقاتش لي وريها
السلام عليكم انا قريت تعليقك واول حاجة الله يرحم مميمتك انتي غير مطالبة لإرضاء اي حد غير الوالدين الام الله يرحمها والأب لو مزال عايش الله يخليه لك عاونيه قدر المستطاع يعني على قد جهدك ورايتك هي الأولى لان فالخارج لو ماعندكش اللغة ومستوى تعليمي جيد ماغادي توصلي لوالو كتيرك غادي تخدمي خدمات لي دخلهم بسيط مايكفيكش نتي بوحدك والله معاك والله يعاونك.
السلام اختي لا يكلف الله نفسا الا وسعها اللي بغى الكادويات اعري على كتافوا اواللي غايبغيني غير بالطمع ما عندي ما ندير بيه المحبة تكون لله من غير طمع والسلام
ديريلنا اختي حتى شنو تديري فالخطبة دالولد البنت والتجهيزات للزواج،لكنازة ،...الانسان كيتلف شنو يدير وكيتفكر شي وينسا شي ولك الاجر العظيم على هاد المعلومات القيمة
C’est la 1ère fois que je vois votre vidéo bravo Madame ,quelle classe et simplicité je vous admire et je suis entièrement d’accord avec vous,tahyati d’oran🇩🇿👍👍👍👏👏💕💐💐💐
الله يعطيك الصحة على مجهوداتك اتجاه اخواتك المغربيات ما عرافتش اختي علاش المغربيات في او روبا عاملين هد الحالة تنحشم ملي كنشوفهوم هكك على غلها الجلابة حنا في تطوان عندنا جلابة د الصواب جلابة دالشتاء ديتل المليفة سخونة و هكدا كل وقت و ثوب الله يهديهم اختي عفاك و الله يخليك ركزي على الهندام ساعة ساعة فكريهم راها مسالة تاويل ماشي فلوس بارك الله فيك و الله ياجرك احسن جزاء
سيري الله يعطينا وجهك 😏 الا انتي مرا قولي شحال باش خيطي جلابتك ؟ واييه دختي حيتاش الصراحة دخلتي توري جلابتك جديدة طنزي على شي وحدين وتقهريهم .. والسيدة لي ماعاجباكش لابسة مولطو على جلابتها ماعرفتيها مريضة بالبرد ولا بروماتيزم ولا ... انا كنظن ديتي ذنوبها والله يهدينا ويهديك
@@oumloujiane7405 لا اختي انا مااشي يوتوبوزة ههه انا غير متصفحة في اليوتوب وبالصدفة طلعات عندي هاذ القناة لفت انتباهي العنوان وقلت نشوف هاذ ايتيكيت ديال العزاء ولكن بان ليا ركزات على المظهر ديالها كتر ما ركزات على الاصول 🤷♀️ هاذ ماكان الله يهدينا وإياكم
لالة مفتاحة تبارك الله عليك و كتفكرينا في تقاليد الزمانية و كنتمنى تهضري لينا على حنة الشهر السابع للحامل و السبوع او العقيقة كيف كيدوز تاويلهم بالتفصيل را محتاجة ليهم
و الله اختي كلامك معقول تبارك الله عليك عندي الواليدة بحالك اي مناسبة كاديرليها تاويلها والله ماكدبت و الوالدة ربي يحفظها ماشي سيدة غنية هي من بكري تبغي كلشي متول و ديما تخاصم اعليا تقولي ماشبهتينيش ولاكن شبهتلها في قلبها طيب و إن شاء الله نكون في كلشي بحالها شكرا سيدتي حتى انا من فرنسا تشرفت بمعرفتك
للا مفتاحة بارك الله فيك، على ذكر اسم الخياطة انا اشكرك على ذلك لانني من مدينة فاس و احب التعرف على الخياطات الموجودات بالمدينة للتغيير، اما موضوع الجلابة في اروبا اقسم لك بالله ان ما اراه من فوضى في طريقة ارتداءها يحز في قلبي و يؤلمني، لدرجة اصبح يضرب بنا المثل في اللباس ( المبهدل) الله يهدي ما خلق