السلام عليكم سؤال بعد إذن حضرتك ياسيادة المستشار، دلوقتي في حكم مدني عليا لطيقتي برد المصوغات الذهبية مع تعويض ١٠آلاف جنيه و المحامي بتاعها قدر المبلغ الكلي ب١٥٠ ألف جنيه و جاء اليوم معاون التنفيذ مع قوة من القسم لمنزل والدي كي يحجزوا علي منقولات والدي لاني مش ساكن معهم و معنديش فلوس و لا منقولات يحجزوا عليها و خبط علي الباب و لم يفتح له أحد. فهل كده ممكن المرة القادمة يستخرج إذن من قاضي التنفيذ أو النيابة بكسر باب منزل والدي كي يدخل و بحجز علي منقولات والحيوان أيه اللي ممكن يحصل؟؟!
عملت شبكة وكتب كتاب مع بعض والفرح كان هيبقاا بعد كتب الكتاب بشهر، ومضيت قبل كتب الكتاب ع قايمة صورية بإجمالي ٢٥٠ ومفيش أي حاجة من محتوايتها وصلت بيت الزوجية عندي لإنهم مكانش عندهم النية إنهم يجيبو أي حاجة أصلاً وإفتعلو مشكلة معايا من اللاشئ قبل ما يجيبوا كل الحاجة اللى عليهم وقفلوا التليفونات بتاعتهم وجريوا بعدها ع المحكمة رفعوا خُلع ونجحوا فيه ،وجايب شبكة ب ٢١ ألف بمقام ١٠ ونص جرام ومكتوبين ف القايمة وهما رفضوا أي طريقة للحل الودي تماماً من أول القصة لغاية دلوقتي، ف هل يا أستاذ أحمد ليا مخرج من موضوع القايمة اللى معاهم دي ومش عاوزين يسلموها ليا ولا منهم رفعوها عليا، ونفس الكلام ف الشبكة ليا حق إستردها ونسبت نجاح إسترداد الشبكة ليا قد إيه وهل ينفع أسترد القايمة أو تسقط بدل ما هي متعلقة معاهم كده ومتهدد بيها منهم على الفاضي لإن الجوازة ماكملتش ولا هما حتى جابو قشاية من أي حاجة مكتوبة فيها ... وجزاك الله كل خير
