السلام عليكم ورحمة الله وبركاته بالفعل احسن دواء اللاكتاب هو الرجوع لله .الاكتئاب من الشيطان يحزن الانسان هناك دعاء نفعني كثيرا اللهم هب لي نفسا مطمئنة تؤمن بلقائك و ترضى بقضاءك وتقنع بعطاءك وتخشاك حق خشيتك.
انا فهاد الحالة 7 شهور كنحاول و كندوز و لاطباء كيعطيوني دوا مكاناكلوش كنصلي الصبح و الصلاة كنحفض القران ولادكار و مزال ف لاكتءاب و الوساويس لله احيب لينا الشفاء
Tbarkalah khti siham bsaha salon brit nswlk chno dik loun hit chft tma ha m3a bleu ilakan momkin tjawbi I lawn lin9dr ndir salon wnb9a 'bdal rir les coussin
ما شاء الله تباركة الرحمان الله اعاونك ويزيدك تالق فكرة على الاكتئاب لمسة خاصة فالديكور كلها شيك ابداع تفريزات مرتبة منضمة نظيفة فكرة على التقرب من الله سبحانه وتعالى بالجوارح كل هذا بلاضجيج ولارياء ولاعتاب راقية بالمعنى قمة التواضع استمررررييي انشاء الله غتكبر القناة بفضل الله وجهدك وتواضعك شكررررا جزييييلا استاذتيييي ❤❤❤
واش نقوليك اختي سهام..من سنواات كنحس براسي داخلة دوامة الاكتئاب وكيف قلتي ماحاس بها حتى واحد كنكااابر بوحدي نبكي نطيح ونوض ونتلف..ومورا الحجر الصحي مابقيت قديت نصبر على الأعراض لي تعرمت علي ومازاال كنعاني منها ومشيت عند الطبيية وشخصت لي الاكتئاب وخرجت لي أدوية تبعتهم 7 أشهر ..فجأة نقصت منهم حتى قطعتهم بمرة مني لراسي. من بعد يومين شداتني شي دوخة مجهدة قلت غتفوتني صدقت مزمنة ماكتفارقنيش وزادت مابي مابقى عندي خاطري ولا خاطر اسرتي ولا العمل ديالي ..ماخليت الطب الباطني وغيره ..فغشت الماضي مشيت عند اختصاص الراس والاعصاب عاودت له كلشي الاعراض لي عندي من ٱلام العظام والمفاصل والسياتيك والسخفة المفرطة ودقات القلب المتسارعة طنين الاذنين والخلعة على شكل نبض قوي فم المعدة او القلب بحال دقة وتفرفيرة كنسخف بعدها..والنعاس طاااار علي بالليل كيجيني غير فالنهار..المهم داكشي مجهد شدني سنوااات..الطبيب شخص عندي الاكتئاب والاعصاب ومتبعة دواهم كنحس بلي الدوخة نقصت علي بزااف ولكن بالدوا غير نقصو نطيح...ماكرهت نحبس كلشي ولكن جربت وندمت تزادو علي الاعراض...والحمد لله مقابلة صلاتي ومصحفي والصيام والاذكار والاستغفار تقبل الله منا..وهانحن نترجاو رحمة الله..دعواتكم OumTilila
@@aitdaoud9486 اللهم ٱمين يارب العالمين ويحفظك واحبتك من كل شر...داكشي اختي لي كندير ومن طبعي ولا أمن ولا ازكي نفسي على الله ..ومع التقدم فالسن اجتهد اكثر في التقرب الى الله حسب جهدي الله يقوينا ويتقبل منا...وكلي رجاء في الله وأكيييد عندو حكمة فكل شيء واكيييبد قادر يصلح حالنا للأفضل وماعليه بعسير..سبحانه من يقول للشيء كن فيكون..الحمد لله كثيييرا في كل الأحوال..نعمه علينا لا تعد ولا تحصى اللهم لك الحمد والشكر كما ينبغي لجلال وجهه وعظيم سلطانه 🤲
أدوية الإكتئاب صعيبة بزاف، وكتولي إدمان صعيب تقطعيها، هذا علاش قد ما تشخص المرض بكري قد لي كتقدري تعافاي منو ،الله يشافيك ويعافيك يارب وحاولي تنقصي بشوية بشوية وأكيد قربك من الله غيعاونك على تجاوز هاد الأزمة الصحية بإذنه سبحانه
@@manzilsiham123 إيوا هاني متبعة مع الطبيب على رجاء نتحسن ونتشافى نهائيا وهو ينقص لي الدوا بمعرفتو حتى نحبسو إن شاء الله..بالفعل صبرت على الاكتئاب ماعالجتوش كنت مشطونة بالسياتيك والٱلام المزمنة ديالو..وتجاهلت الجانب النفسي لي خذا الدق بالتدريج من كل الجهات..وعند نفسي أنا قوية وناشطة وإيجابية ماجانيش حتى على البال بلي غير كنمتص الدقات كيف المنشفة (الجفاف حاشاكم) وذاك الظغط ولد الانفجار ديال الاكتئاب وكل الاعراض المصاحبة له...اما التحاليل والطب الباطني قالوا ماعندي حتى حاجة عضوية...ايوا الحمد لله على كل حال شافانا الله وعافانا جميعا وشافى الاخت سعاد ويطمنا عليها وهو ولي ذلك و القادر عليه OumTilila