الحكومة اعزها الله قادرة على اقامة مشروع لهذة العقبة مثل طريق الهدا. اوعقبة شهار. والعقبة هذة اللي تعرف بعقبة سنان بالنماص تحتاج لانشاء انفاق وجسور عالية. تربطها ببعض بدلا من اللفات الكثيرة حاليا وتوسعة الطريق من جهة الجبال. وعمل لوحات ارشادية للعابرين وكمرات مراقبة للطريق للحد من تهور بعض السايقين وتجاوزاتهم الخاطية نتمنى ترى هذة العقبة المزيد من الاهتمام من المسوولين من امارة المنطقة ووزارة النقل
صراحة مقطع مفيد انا طلعت بيها قبل سنتين وصراحة فيها خطورة وخاصة للسيارات المافيها عزم قوي رغم انها بتوفر زمن لأنها 12 كلم تقريبا والطريق التاني 150 كلم وقوقل الله يهديه في العقبات دايماً بورط العالم
اذا بتستخدم جوجل استكشف الطريق أول شي، وشوف إذا فيه تعرجات كثيرة قريبه من بعض بنض الطريق واوله وآخره اقل تعرجات معناته هذه التعرجات الكثيرة هي عقبة. جوجل أخذ المسارات من قائدين محترفين ومن القمر الصناعي بدون يقف على كل عقبة فيعطيك الطريق بدون علم بناء على من سبقك وهو محترف او متعود يطلع وينزل لذلك مثل ما قلت لاحد يثق بالخرائط لازم يستكشف الطريق فيها يكبر الخريطة ويتتبع الطريق ويشوف العقبات الي فيه ويضعه على القمر الصناعي ويشوف طبيعة الأرض.
معلومات كافيه ووافيه للطلوع والنزول من العقبات. لانه أغلب الناس يجهلونها.وقليلي الخبرة فالسواقه يفتكرون ان الخطورة في الملفات فقط. ولكن الخطورة في العقبات تكمن في الميول وشدة الانحدار او الارتفاع. الشي اللي يعرض السيارة للانحراف نحو الهاويه . عموماً قدمت عمل جميل وتستاهل الشكر والاحترام والتقدير عليه. وبيض الله وجهك.
من يوم عرفت نفسي مانزل الا مع هذا العقبه والله العظيم معاناه مره وخاصة منحنى بين الصخرتين من اخطر المنحنيات اسال الله السلامه لي ولكل من ينزل من هذا المكان
السلام عليكم ورحمة الله وبركاته يسعد ربي مساك وايامك .. افضل شرح لطريقة نزول العقبات استفدت منه جداً .. كنت ابحث عن شرح واضح ولكنك ربي يسعدك كفيت ووفيت .. يشرفني اتابع قناتك وتستاهل كل خير ..
الله يجزاك الجنه استفدت منك الكثر خاصه البوالين انا كنت حاس انها في الطلعات زي كذا بتسخن وهي ناعمه. فتكون خطيره جدا وحتي التواير مثل ما تفضلت لازم تكون جديده علي شان تمسك في الازفلت بارك الله فيك اخي الكريم
كفيت ووفيت بيض الله وجهك واحب انوه لموضوع يجهله الكثير في النزول مع العقبات الصعبة خصوصا (سنان) يجب الانتباه لفحمات الفرامل(الأقمشة) ضروري جدا تكون قطع أصلية وفوق ذلك محتاج تبرد كل ما سخنت بسبب الانحدار الشديد اما القطع التجارية أو ما يسمى رقم 1 فلا تغامر بالنزول إذا كنت مركبها لانها قد تسبب لك كارثة انت ومرافقيك لا قدر الله ، نسأل الله السلامة للجميع .
كان شرح لا يمل وتجربة ممتازة والحمد لله الذي سلمك وكفت الخلل كنت اتمنى لو بينت حرارة القير في الطلوع لأننا نعاني منها في الجموس وان كان عندك حل فهاته 🙏🙏
الله يسلمك و يحفظك يا محمد ... بالنسبة للموديل اللي عندي ما فيه اي مشاكل بحرارة القير لان له مبرد خاص فدائما الحراره بين 60 و 80، اقصى حراره وصل لها الجمس 105 و تعتبر معقوله مع الطلوع البطيء والمكيف شغال . البعض يضيف مبرد اضافي بخمسمائة ريال خاصه اصحاب الكابرس و الفورد لكن ما انصحك تركبه اذا كنت تعيش في منطقه باردة
الله يعطيك العافية يا علي يابطل .. سنان اخطر عقبه والدرون وثقت ارشاداتك وتوجيهاتك والحمد لله على السلامة .. وان شاء الله نسمع بقرار اقفال العقبه وتشغيل الجديدة حفاظا على ارواح فلذات اكبادنا الشباب . وتوقف مسلسل الرعب
بيض الله وجهك كنت جاي من الشرقيه بنفس تاريخ هذا التعليق جوجل ماب وهقني فيها ودخلتها على السادسه صباحا بلاندكروز vxr 2020 عندي خبره بموضوع القماشات نزلت 5 كم واصر الوالد حفظه الله الا ارجع صراحه النزول كان تعشيق ثقيل 1 منول مع دبل خفيف وبالفه الضيقه حفاظًا على البريك اعشق دبل ثقيل اضطريت ارجع الطلوع صراحه مرعب للاشخاص قليلين الخبره او الذين يستسلمون للخوف الموتور يجمل بعد توفيق الله قير ثقيل مع حجم الماكينه تطلع مرتاح وكانت بصباح فاضيه تماما يعني عزم الموتور تعطيه وانت مروق لكن ضيق اللفات كان هاجس ما كنت اعرف اسمها دخلت اطلع وشفت الشرح صراحه كفى ووفى تمنياتي للجميع بسلامه مجمل النصائح خاصه لزوار لازم اخذها بعين الاعتبار
فيديو جميل ومفيد يعطيك العافيه ....عندنا كذلك عقبة صعبة جدا في أبها وهي عقبة ريدة وفي اعلاها نقطة تفتيش وكثيرا ما يمنعون النزول منها لخطورتها وبالذات اوقات الأمطار....التدريب ظروري لمن يريد نزول هذه العقبات وتثقيف الإنسان نفسه بالتحدث مع أهل الخبرة ..... انا اسوق من عمر ١١ سنه والان عمي ٥٦ سنه ولا زلت اتعلم وبالذات في القيادة في العقبات فهي عالم قائم بحد ذاته في القيادة
اول شي توضع السياره في نمره قويه أقوى شي من البدايه .. ثانيا تخفيف الظغط على الفرامل .. ثالثا التوقيت مهم يعني يكون نزولك او طلوعك في أوقات بارده في الليل او الصباح بدري او اخر العصر ...في النزول تحتر الفرامل والطلوع تحتر المكينه ..
على مدار ٤ سنوات ف الجامعة طالعين نازلين اسبوعياً ٥ ايام مع العقبة ، بالفعل عقبة صعبة و خطيرة جداً خصوصاً وقت الامطار!! و وقت الضباب ، وفي نفس الوقت كانت متنفس ترفيهي بالنسبة لنا وقت الامطار وحن نازلين بعد الدوام ، احلى درفت مع المنعطفات 😂😂😂 الله يسقي ، مع مراعاة سلامة مرتادي الطريق ماندرفت الا ونتأكد ان مافيه احد قدامنا ولا ورانا.. نسأل الله السلامة للجميع.
ساق الله أيام الشباب طلعت عقبة سنان عام ١٤٠٦ه كانت ترابية و وعرة كان نقطة شرطة اول العقبة ما ينزل الا الدبل فقط ممنوع السيارات الصغيرة أو الشاحنات مع تحيات دكتور زكريا العطاري بني هاشم القرشي المكي سعودي ودمي أخضر
نصيحه وقت النزول مع العقبات اتمنى الجميع ياخذها بعين الاعتبار وبالخصوص حقين القير الاوتماتيك بغض النظر عن الدفع فيها خلوكم على التعشيق الثقيل يعني يصير تعشق يدوي دي ١ ودي ٢ وتصير مساعده للفرامل وانتبه تعتمد على الفرامل بشكل كلي لانه بيحتر وماعاد يمسك وبكذا باذن الله امورك تمام
نزلت منها يوم الاحد قبل امس بسوناتا ٢٠١٦ قيرها توبترونك حطيتها في الاول واسيبها بس مشكلتها ماتمسك في الواحد تعشق اذا طولت في القير الاول ولكن من حسن الحظ تعشق في الثاني عند اللفات يكون قد هديت وارجعها في الاول الين وصلنا تحت والحمدلله ماطلعت ريحت الفرامل واصلا ماشديت ع الفرامل ابدا ومن حظنا كانت العقبة فااضيه مافيها احد اخذت راحتي في اللفات وبعدين طلعنا من تلاع لان هذي العقبة طلوعها بالنسبه للكوري هلاك ودمار
طلعت منها قبل ساعتين الله لايعيدها شفت الموت طبعاً السياره سوناتا ٢٠١٩ سمارت وخفت على اهلي احس كأني في حلم والساعه ١١ الليل ماشوف شي الحمدلله الي نجانا منها
وقت الضباب رررررعب فما بالك بضباب وبرد وصواعق وفجاءة ناس يصيحون وانت طالع وما تشوف الطريق زين هذا وانا اعرف العقبة وفي شهر رمضان الفضيل وتبي تلحق السحور وشغلة الله المستعان قريباً تخلص العقبة الجديدة ونرتاح بأذن الله
محتوى جميل ورائع ومليء بالفوائد وخبرات السنين .. شكرا لك من الأعماق على هذه الإرشادات والنصائح .. ولدي سؤال ! أنا من عشاق هذه الطرق وسبق أن نزلت من عقبة الصماء وصعدت جبال فيفا وجبال الحشر والجبل الأسود بسيارتي الإسكاليد .. وأرغب في تجربة هذا الطريق هل من نصيحة ؟
سبحان الله والحمدلله ولااله الا الله والله اكبر عدد خلقك وزنة عرشك ورضا نفسك ومداد كلماتك وملئ ماشئت 💖💖💖 (إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا)💖💖💖 اللهم صل على سيدنا محمد و آله و صحبه و سلم تسليما كثيرا عدد خلقك وزنة عرشك ورضا نفسك ومداد كلماتك وملئ ماشئت 💖💕
٩٩٪ من عقيب (جمع عقبة) الجنوب نزلتها وطلعتها المزفلت منها والترابية. لكن سنان بالذات أحبها على قلبي وأجملها وأقربها لنفسي. نعم فيها خطورة لكن المتمرس عادي عنده. أهم شي خلك منتبه للطريق ولا تسرح في المناظر لأن مناظرها جميلة... ولو أنه يغلب عليها الحيود والربحان
فعلًا اخطر عقبه فالسعودية لكن انا من سكان المنطقة وانزل واطلع منها بكرولا قير عادي ومتعود عليها لكن المشكلة المصيفين الي يجون عن طريق قوقل ماب يجيب لهم اسهل طريق لكن اكثرهم سياراتهم قير تماتيك ومو متعودين عليها بعضهم يمسك فرامل من اول ماينزل منها يوصل نص العقبه الا الفرامل مهوية والهوب نار والعه وتروح عليه السياره وناس كثييييييير جدا ماتو منها هم واهاليهم الله يرحمهم ويغفر لهم ونصيحه لاينزل او يطلع منها الا السواق المتمكن اما الي يمسك فرامل من اولها الى اخرها مابيسلم الا ان شاء الله
المفروض يستغل ذلك في السياحة بتوفير سيارات دفع رباعي قوية و جديدة و سائقين محترفين لتوصيل السواح الى النماص على هذا الطريق للفرجة و الاستمتاع بالمغامرة بطريقة آمنة و يتم تعليم السواح طريقة القيادة على هذه الطرق الخطرة .
سبحان الله وبحمده سبحان الله العظيم ♥️🕊 حٌباً لِرسول الله | صلُوا عليه ♥️ ' - سُبحان الله . - الحمدلله . - لا إله إلا الله . - اللهُ أكبر . - سُبحان الله و بحمدهِ . - سُبحان الله العظيم . - استغفر الله و أتوبُ إليه . - لا حول و لا قوة إلا بالله . - اللهُم صلِ على نبينا محمد . - لا إله الا الله محمد رسول الله. ً اللهم إني ظلمت نفسي ظلماً كثيراً ولا يغفر الذنوب إلا انت فاغفرلي مغفرة من عندك وارحمني إنك أنت الغفور الرحيم🌸 …
سُبحان الله🌹. الحمدلله💓. لا اله الا الله☁ الله أكبـر🌾. أستغفــرالله🌱 لاحول ولا قوة الا بالله🌹. سُبحان الله وبحمده🌿. سُبحان الله العظيم💗. لا اله الا انت سُبحانك أني كنت من الظالمين🍁 اللهّم صل وسلم على نبينا محمد وعلى اله وصحبه اجمعيــــن 🌼. اللهّم ثبت قلبي على دينك🌹
من الأشياء العجيبة اني الاحظ أن كبار السن في هذه المنطقه يتمتعون بل مهاره في القيادة على عكس من هم في نفس العمر يسكنون المدن. القيادة في هذه الطريق الوعره ورغم صعوبتها الا ان وقت الأمطار ونزول هيال الجبال وتراكم الطين الضباب في اجزا كثيره الا ان اهل هذه المنطقه حفظهم الله لا يعرفون التراجع وأكثر من يحصل لهم حوادث في عقبة سنان يكون غريب عن المنطقه أو من سكان المدن رحم الله من مات منهم
سُبحان الله🌹 الحمدلله💓 لا اله الا الله☁ الله أكبـر🌾 أستغفــرالله🌱 لاحول ولا قوة الا بالله🌹 سُبحان الله وبحمده🌿 سُبحان الله العظيم💗 لا اله الا انت سُبحانك أني كنت من الظالمين🍁 اللهّم صل وسلم على نبينا محمد وعلى اله وصحبه اجمعيـن🌼. اللهّم ثبت قلبي على دينك🌹
في العقبات الي يطلع اول مرة يتعب مع التكرار تصبح هينة شوف العقبات في الجنوب في فيفا. الثاهر. الجبل الأسود غقبة الماء الحار انا طلعت كثير عقبات بس القير عايدي ما شفت الحمد الله شئ مزعج شوف شعف بالقرن او الصماء ولو تبغى تتمشى في العقبات خذني معاك
جزاك الله خير واتمنى من كل الدول اللي فيها مرتفعات ان تعتمد عدة ساعات تدريب قياده كافي في الطرق الجبليه نهار وليل وضباب ومطر ولا يعطى الرخصه قبل التمكن التاااااام النزول من الجبال والفرامل شيء لا مزاح فيه وخطر فعلي
يا حبيبي في الجنوب في جهة جيزان طريق المهربين في الرميح اي غلطه تموت والطريق ماهو مزفلت واللي فالطريق هذاك اما يكون مهرب قات او حبوب او حرس الحدود وافضل سياره لذيك الاماكن الجيب والشاص او النيسان او الفتك واحسن قير القير العايدي حطه فالدبل الخفيف و حط القير فالواحد وعط السياره راحتها واذا صرت فنص النزله هد شويه وبعدها عط السياره راحتها والقير العايدي افضل خيار لهاذي الطرق
انا نزلتها وطلعت منها وبدون ما اعرف عنها شي بكامري 2017 توماتيك وحاطها بالواحد من اول العقبه الين اخرها كانت مغامره كل من قابلني او قلتله ما يصدقون وكان ايام برد وضباب ف اجزاء منها لكن الحمدلله عدت ع خير ولا راح اعيد التجربه في الاول والاخير حظوظ وع حسب روقان السواق والي معه انا كنت لوحدي عشان كذا ما احد يقلقني
الطلوع فيها على حسب قوة المكينه والاتدحدر السيارة وعقبة صعبه حتى لوطلعتها بسيارة صغيرة بالنسبه للسيارة الكبيرة الطلوع يجب تخفف الدعسه مع بداية الطلعه ...طلعت معها الجمعه الي فاتت وكان غيوم ماتشوف الطريق مع نزول المطر بقوة وبرد ماتشوف الخط واللفات وبرد يكسر القزاز ورياح والماء ينزل بقوة مع الرياح شي يبكي ...النزول يحتاج تروس وفرامل لان النزلات حادة .حبيت اضيف ان سبب صعوبتها حدة زوايا الانحدار والارتفاع طبعا مااتوقع التصوير راح يوضح حدة الطلعات والنزلات.
نزلت منها بجيب لولا الدبل ماكنت نزلت الفرامل هوت ف نصها و انتظرت تبرد لكن راح علي الهوب و الاقمشه الاماميه و نزلتها ف الترس الاول و الثاني و الدبل الثقيل علشان يمسك الموتر قاعد حول ساعه و نص حتى وصلت اول وادي يقطع الخط اهل السيارات الصغيره خاصه التماتيك لايقربها و في لوحه موضحه ف اول العقبة ان لازم تكون السياره دبل لكن الله الذي ستر منها و الحمدلله على كل حال خسرت ف قطع الغيار حول ٣٠٠٠ و عليها بسبب هذي العقبة
