السلام اختي خديجة لا ماصعيبش اسهل طريقة هي يكونوا عطلة فالمغرب ويكونوا زيارة للاب ديالها واشاقائها ويفهموها وعودوا لها على المرض تماماها والطريقة باش تبناوها وكلما كانوا جايين عطلة تهيئها نفسانيا غادين نزوروا باباك وخوتك وبشوية بشوية غادي تستوعب غير البدية والله يبرد الأمور ويكتب الخير ليها ولجميع المسلمين والسلام.
السلام عليكم ورحمه الله وبركاته الاخت خديخة عفاك بغيتك تدعي مع بنتي صغييرة فيها السرطان وتطلبيلي الناس ادعيو معاها معرفتي استجب لنا الله وشافيها الحمدلله hiya daba f sbitar hna f España
السلام بنتي خديجة نصيحة لوجه الله انصحي هذه السيد بان تخبر البنت بالحقيقة خاصة وأنها تذهب إلى المغرب وانت تعرفين اصحاب الحسنات لو عرفوا انها لم تخبرها لبادروا هم باخبارها وهناك ستضيع منها البنت لو عرفت الحقيقة من احد آخر من الأحسن ان تختار الوقت والمكان المناسبين وتخبر البنت بدلا من ان يخبرها احد آخر
🙏❤️ من الاحسن دبا تقول لبنتها الحقيقة على قد العقل ديالها و بما انها كتلعب مع خوتها لي في المغرب تبدا تقولها هادوك خوتك و شوية بشوية ….غادي تفراح تبداها بحاجة اجابية 🙏❤️
السلام اختي ضروري تشوف مع طبيب نفسي ديال الاطفال هنا في اسبانيا او تشرحو الوضع او هو غادي ينصحهم كيفاش يتعاملو مع الطفلة باش متاثرتش نفسيا الله يسر الامور ليهم ❤❤
اهم حاجة تقول ليها ان ملي المرا كتحمل ما كتختارش داك الشي اللي فكرشها ولكن كاينين واحد الوليدات حنا كنختاروهم حيتاش بغيناهم وعجبونا وعاد هاذ البنية ما غاداش تتعقد حيتاش والديها معروفين ماشي مجهولين
اختي خديجة رجعت مدمنة على القصص ديالك اما بالنسبة للبنت لازم الام تستشار مع طبيب نفساني هو الي يساعد البنت والام بش يقوللها انها مشي بنتهم انا خويا مربي بنت استاعن بطبيب نفساني بش قالها الحقيقة
السلام اختي خديجة بالنسبة للاخت لي ربات لبنية خاصها حتى تولي عندها من 7 الا 8 سنوات عاد تگوليها بلا راها غير مربياها اما دابا لبنية عندها 4 سنوات ما غا تفهم والو
Salem moi je te comprend quand tu parles, et pour la dame il faudrait qu'elle dise la vérité c'est très très douloureux mais la vérité sort toujours ❤❤
السلام عليكم اختي خديجة راك عزيزة شوفي الأخ ديالي عندو نفس الامر مشي عند un psychologue وورالو كيفاش يقولها له وقال اها لت في عمر 6 او 7 سنوات كانت صعيبة عليهم ولكن الحمد لله الان الولد عندو 15 سنة وضعيتهم على مايورام نتمنى أن تكون هي كدالك
كل ما البنت كبرات غادي تكون اصعب، ملي يقربوا يهودو المغرب تقولهالها، تشوف شي وقت تكون البنت نفسيتها مرتاحة ، ويعاود لها القصة بهدوء، البنت مغاديشي تقبل فأول مرة ولكن غير بشوية عليها، وملي يشوفها أنها استوعبت الامر ، يديوها تشري لخوتها هدايا باش يغرسوا فيها فكرة أنها عندها خوتها و ملي نكونوا هابطين المغرب تاخد لهوم الهدايا. والله يتقبل منهم و تكون ابنة صالحة ❤.
كلما قلتها لها بكري كلما كان احسن ادا ما عرفتش كيفاش تدير تشوف بسيكولوكpsychologue يعاونها الدري ملي يعرف بحري يتاقلم ولكن ادا حتى كبر العرم النفسي دياله غادي يريب وهو غادي يتدمر …..
ادا كانوا هما كيشوفوا التبني بالكفالة مسالة عادية وانها بنتهم وماكاينش الفرق بينها وبين كون كانت مولودة فاكيد حتى البنت غادي تشوفها عادية ايضا ♥️نقدر نتكلم معك في الخاص ؟؟؟
السلام عليكم، اختي خديجة بصراحة قصة فيها بزاف ديال العبر وبالنسبة للبنوتة الله يحفضها من الاحسن يقولها الحقيقة ما حدها صغيرة ومن الاحسن يشوفو اختصاصي يعاونهم ويعاودو ليها.
لازم تخبرها و هي صغيرة لأنه الا ماخبرتهاش غادي يخبرها اي واحد آخر من العائلة كي تكبر و تسمع من عندهم خير و صغري تبقا معاهم و تتعود و يزيدو يحنو عليها لكن كي تكبر غادي تقلهم خدعتوني و ممكن تدور عليهم ... وفي الاخير امها ماتت و هما رباوها . ام عبد الرحمان جزائرية من اسبانيا
من الأحسن تقولها لها ،كاين وليدات متبنياتهم عائلات اسبانية ، فاجأني ولدي قال لي ماما عرفتي الولد فلان ؟؟ قلت له آه ،قال لي راه روسي 😮قلت انا ربما غير كيضحك مع دراري ،ولكن جاني الفضول ومع والده رجل طيب ،كانو لولاد يلعبو في الجردة ،قلت ليه راه ولده قال لولدي راه روسي ؟؟ الاب بدأ يضحك يضحك ،قال لي أربعة ديال الناس إل عارفين ، متخيلتش يقولها في المدرسة ، يعني الولد عارف وعمره خمس سنوات ، وعايش طبيعي ،لدرجة انه مرة في المدرسة تصاب كيهضر هو وواحد البنت حتى هي روسية متبنات من عائلة اسبانية، وعارفة حتى هي الأصل ديالها ، كان يوم في القسم يتكلمو على العملات النقدية ،وهما الاثنين كانو يقلبو على العملة الروسية 😂، نقول لهذ السيدة ،هاهو الوقت المناسب باش تقولها ليها ،خصوصا انها من اقرباءهم ، بالعكس غد تفرح ان عندها إخوان واخوات ،وغد يزداد حبها لوالديها لأنها كانت كتظن انها وحيدة بدون إخوان ،وفجأة أهداها الله إخوة من دمها ،هذ السيدة مسكينة وراجها الله يحفظهم ويرعاهم ويوفقهم في حياتهم .
حتى أنا مريت من هاد الشي كانت مي أم بابا تتقول لي راك بنتي ولكن باباك فلان ومماك فلانة مكنتش تنتقبل كنتف شعري دابا ماتت ودابا معنديش حتى صلة بوالديا معنديش معاهم
من الأحسن تمهلها من دابة وتقدر تقولا مثلا نتي عند بزاف ديال زهر حيث عندك جوج عاءلات كيبغيوك بزاف وتحاول تفكرها بيهوم كل مرة وتبقى تقولا مثلا اجي نحسبو شحال باقي باش نمشيو نشوفوهوم مهم كاين طرق خصها تزعم متخافش حتى انا غير متكفلين بية والديا ومكنتش عارفة وعرفت للأسف فسن 15وعانيت بزاف ودابة فعمري 46 وباقة كنحس بنقص كبير مقدرتش نتخطى المشكل
كاينين أصحاب الحسنات اللهم تقولها ليها نصيحتي تأخذ صور ديال الاخوان والأبوين ديال الطفله وتعلقهم في البيت وكل مرة تقول ليها بأن هادو راهم الاخوان ديالك والأبوين كذلك وتبقا تهضر عليهم اللهم تسمعها منها أو هي صغيرة ،باش تكبر معاها اما الى كبرات راها كارتة الى عرفات الحقيقة راه الاخوان ديالها مستقبلايقولو ليها الحقيقة اللهم تسمعها منكم أولا تسمعها من الغريب 4 سنين مزال صغيرة فكروا آش يقدر يوقع مستقبلا
شوفي أختي راه واخا توصل عشر سنين مغتفهمش غير تقولها ليها هي وباها عن تجربة الكبرات عارفة غاتجيها عادي ولكن الكبرات معرفاش❤ انتما فين كاين المشكل وتسلم أمرها لله متخمم متفكر هي ديرها فيد الله وتعيش حياتها متخليش شيطان ينكد عليها حياتها بالافكار الخايبة ❤❤❤
السلام عليكم. تعاود. ليها. قصتها على اساس. واحد البنت. ماماها. توفات. وناس. اخرين. رباوها. تقيص. مغديش تجي وتقول ربيتك طريقة مباشرة اوا. غير. ماتخليها. حيت كاينين اللي غدي يسبقوها ويعودو ليها من الاحسن من عندها. ....عمي. ماشي هو اللي قالها ليها واحد. السيدة اللي قالت ليها ما تقبلاش الموضوع راها تتنعس غير بمهدئات الله يسهل عليها
Khas tgolha matkhlich HTA tkbar khalt mama rbat bant ohiya. Lidartlha sbo3 ogathalha dB 3andha 6 o3arfa bli mrabyinha okat3raf HTA mamaha ha9i9iya okatgol lkhalti nti mama machi syda liwldatha
مساء الخير ختي خديجة ،تنظن اذا السيدة حاولات تهضر مع البنيتة بطريقة ايجابية غيكون سهل على الكل تقبل الوضع والتعايش معاه بحال تقولها بان البنت محظوظة ان الناس عندهم أم وهي عندها اثنتين يعني متقولش هديك امك وانا غير ربيتك لا احنا بزوج امهات والناس عندهم عائلة واحدة وهي عندها اثنتين يعني عندها حظ في الدنيا اكبر ،يعني حوار من هاد النوع وكل يوم معلومة صغيرة ماشي الحكاية كلها فيوم تحكيلها مني تكبر وتولي تفهم اما حاليا توريها فقط النقاط الايجابية من كون الانسان عندو أم ولداتو وأم حباتو و رباتو
لاحول ولاقوة الا بالله العلي العظيم فعلا قصة للعبرة للأسف الشديد البشر خطير جدا والطمع طاعون كما تدين تدان السحارة خدام الأجزاء بحرمانها من الورث اما الاولا على الاقل شرالها دار في المغرب وشرات دار في إيطاليا ربي كبير سبحانه وتعالى يمهل ولا يهمل ولو على حين والحمد لي الله على كل حال الدنيا دوارة والزمن طويل العمر قصير الصحبة الغدارة كثرات بزاف ليستفيد الجميع
السلام عليكم اختي خديجة احنا كان عندنا نفس المشكل ديال هاذ الأخت كانت الام التي ربيناها مريضة مع انها كانت اخت امي من الاب وجابت لنا الوحيدة وهي في ستتة أشهر كأنها عندها غير شهر من قلة التهلوا واخدناها وربيناها لكن الشيء الوحيد الذي كانت تعمله امي هي كل عطلة كانت تديها الدراهم لي كانوا في البادية وكانت تقول لها هادوا اهلك وهذا ابوك لكن البنت لي اسمها مريم من صغرها لم تتقبل الوضع كانت تمسك بأمي بقوة وتقول لها انت امي وابي الذي مات هو ابي وليس لدي غير انتم لكن اختي مع مرور الزمن بعدما ماتت امها الحقيقية وابوها الحقيقي والطبع كبرت الصبح تقول سوف اذهب عند اخواتي في البادية واحن عليهم مع الزمن اختي تتصلي الأوضاع لكن الواقع لازم يقول لها الحقيقة وهي صغيرة حتى تتقبلها ونحن نجحت معنا عندما صارحتها منذ صغرها كانت ومازالت تموت على امي وابي الله يرحمهم وكذالك علينا ونحن دائما نفكروها في أخواتها الحقيقين الصراحة راحة اختي خديجة فمريم الان دائما تساعد اخونها الحقيقين وتمشي لزيارتهم الحمدلله كانت فكرة امي صحيحة عندما اخبرتها منذ صغرها