إضراب طلبة الطب والصيدلة - شنو واقع ؟؟ 

مؤخرا واحد التلميذة ديال الباكالوريا قالت لي انها باغية تقرا الطب (هادا حلم ديالها من الطفولة) ولكن بسبب هاد المشاكل لي واقعة قالت انها كاتفكر تسمح فهاد الحلم وتدير شي حاجة اخرى! اولا، اي إنسان عندو شي حلم خاصو يتقاتل على قبلوا ويتحدى الظروف الخايبة كلها على قبل الحلم ديالو! ثانيا، هادشي لي واقع ف كليات الطب والصيدلة صحي جدا لأنه يربي في الطالب الحس النقدي وحس الدفاع عن النفس والوعي بالحقوق والواجبات .. كاينين طلبة لي دوزو التعليم العالي، قراو التخصص ديالهم وصافي مشاو بحالهم، ما تعلموا والو من غير داكشي لي كايقراو فالقسم .. ولكن فالواقع خاص الطالب يتعلم عدة أمور تُطور شخصيته وافكاره وثقته بنفسه، وهادشي لي واقع دابا مع طلبة الطب وغايتعلموا بزززاف د الأمور!! 💯

أحسن حاجة وقعات هاد العام هي الإضرابات ربما مترشحي الرئاسة القادمون ياخدو الموعظة و يخافوا من الشعب الذي لم يعد يصمت كما عهدناه.

الشعب كاملوا خاصوا انوض لهذا الفساد السياسي

أنا كأستاذ أتضامن مع طلبة الطب و اتمنى أن يحققوا مطالبهم العادلة و المشروعة و ينتصروا في وجه الطواغيت

كل التضامن مع طلبة الطب ❤️‍🩹

كل التضامن والصمود من أجل التعليم والصحة

كطالبة طب من أكادير كنبغي أول حاجة نشكرك على هاد الفيديو ثاني حاجة الموضوع الاساسي ديال الاضراب ديالنا شرحتيه بطريقة ممتازة إلا كاينة عندي إضافة هتكون هي أنه حنا كجامعة على قدها في أكادير كيقرا فيا كثر من ألف طالب لحد الآن مازال ماعندناش مستشفى جامعي (في الوراق مكتوب بلي مفتوح و لكن في الحقيقة راه باقي حتى ماكملش في البناء ) كنطالبوا يتفتح في أقرب وقت باش تكون الستاج كامل في سنوات الدراسة ديالنا و ما ضاع حق وراءة طالب !!

تحية نضالية لجموع طلبة الطب في جميع أنحاء المغرب على تضامنهم و تفانيهم في الدفاع على صحة المواطن المغربي و جودة التكوين. أدعوكم إلى مزيد من التلاحم لتحقيق مطالبنا المشروعة و للنهوض بالقطاع الصحي في المغرب . ما ضاع حق وراءه طالب💪✌️✌️💯

نحن طلبة الطب لن نرضى ان تدهس كرامتنا وتقيد حريتنا وتسلب حقوقنا المشكل ماشي غير فعدد كليات الطب وانما حتى فاراضي التداريب الاستشفائية يعني خصنا مزيد من المستشفيات الجامعية حيت كتمشي للسبيطار كتجبر مريض واحد مجموعين عليه 30 ديال الطلبة وزيد فاش غينقصو من 7 سنين ل 6 سنين غيتخرجو دفعتين في عام واحد كيفاش غيتنظم هادشي الوزارة براسها ماعارفاش كنحتجو على الضبابية والعشوائية لا يعقل تكون غادي فواحد الطريق ومعارفش شنو كيتسناك طلبة السنة الخامسة بقات ليهم 6 شهور ومعارفينش العام جاي شنو غيديرو فيه طالب طب كيشد 21 درهم فالنهار على الخدمات لي كيقدم والقائمة طويلة لي بغا يفهم كثر يقرا الملف المطلبي لطلبة الطب ولي غتلقاوه فالصفحة الرسمية ديال CNEM اي اللجنة الوطنية لطلبة الطب دعيو معانا بالفرج❤️

نقطة اضافية وهي ان الطلبة لي معنيين بهاد القرار ديال تقليص سنوات الدراسة حاليا هوما في السنة الخامسة يعني مزال لينا اقل من سنة باش نبداو السنة السادسة و الدولة مزاااال ماقالت لينا اش غادي يكون فيها وكيفاش غادي يدمجوا سنتين في سنة واحدة (سنة السادسة مع السنة السابعة)، علما ان السنة السادسة كايكون فيها تداريب نهار كامل وحراسات ليلية وهي سنة متعبة اصلا فما بالك تزيد عليها داكشي كامل لي كان خاص يدار في السنة السابعة (امتحانات سريرية، اطروحة، دروس طب الاسرة....)..، بخصوص المنحة لي كاناخدو فهي جد جد هزيلة ماتكفاش حتال التنقل والكتب (21dh/j) علما ان اغلب طلبة الطب من اسر متوسطة او فقيرة...

تحية نضالية لكل الاساتدة الشرفاء حتى يتحقق مطالبهم والأساسي سحب النظام الماسي واتضامن مع طلبة الطب شكرا سي ابراهيم تنميرت

هناك مشاكل أخرى من غير تقليل سنوات الدراسة وضعف التجهيزات ونرجو من طلبة الطب ايضاحها وطرحها .

تبارك الله عليك، ان شاء الله تهضر على التنمية البشرية بالمغرب، موضوع مهم

هذا جيل المستقبل،جيل واع ومثقف ويعيي حقوقه وواجباته،مغرب اليوم ليس هو مغرب الامس،يجب مواكبة الحراك الحالي في التعليم والصحة من اجل النهوض بالبلاد والعباد

بالنسبة لمشكل الهجرة فراه انا شخصيا مكرهتش نخدم فبلادي ونخدم ناسي ولكن الظروف في القطاع العام (وقريبا حتى الخاص) ماكاتشجعكش واش واحد حياتو كاملة كيقرا تقاتل على الباك ديالو باش يجيبو باحسن نقطة ودوز مباراة ودخل قرا الطب سبع سنوات عاد زيد سنوات التخصص وتجي تصيفطو لسبيطار فيه مكتب وكرسي فقط هههه !!!! شنو غاندير انا لهاد لمريض؟؟؟ باش غانفحصو؟ باش غانداويه؟ فيعني المشكل ماشي غير في الخصاص باش تجي تزيد عدد الطلبة والمشكل يتحل.. لا المشكل في المستشفيات قادوا لينا غير فين نخدموا والعيب علينا ايلا ماخدمناش بلادنا واخا صالير برا احسن بكثيير ولكن ماشي هادشي علاش كتهاجر الاغلبية، الاغلبية كاتهاجر حيت ماكينش فين تخدم..

كل التضامن مع قطاعي الصحة والتعليم المتمثلة في الأساتذة وأطباء المستقبل ✌🏻✌🏻

حقيقة فأنت إبراهيم المغربي كل التضامن مع كرامة القطعين ❤

لا لتدمير منضومة التعليم والصحة التي هي ركيزة تقدم اي مجتمع

كل التضامن مع طلبة الطب ❤

الحكومة منتوقعوش منها تحل هاد المشكل مدام عجزت عن حل مشكل التعليم فمشكل الصحة غادي يكون كفس غير الله يحفظ

الوزارة كتزيد في عدد الطلبة بدون زيادة في الأراضي الاستشفائية المناسبة لسطاج، هاد العام تم انطلاق تدريس الطب في ثلاث مدن جديدة دون بناء كلية لهم و دون مستشفى جامعي، أكادير باقين بدون مستشفى جامعي، الوزارة خاصها تعمل إصلاح فعلي للمنظومة، الحل ماشي هو فقط الزيادة من عدد الأطباء ولكن هو أيضا مواكبة هاد الزيادة و الحفاظ على جودة التكوين

موفق ان شاء الله أخي العزيز. دائما تحليلات في المستوى 👍👍👍

اختيار الاضراب المفتوح هو نتيجة ما يقرب عامين من الاحتجاج ومحاولات التواصل التي كانت بدون فائدة مع الوزارتين بالاضافة الى ان العام المقبل سيمر طلاب السنة الخامسة اول من طبق عليهم هذا التحديث للسنة السادسة وهم لا يعرفون عنها اي شيء .والعديد من الاشياء الاخرى التي لا تنتهي.

تحية ليك خويا ابراهيم واكبر تحية نضالية للاساتدة الشرفاء✌️✌️

الله يسهل على طلبة الطب. يجب على الحكومة التفكير بجدية في تدبير ملفي التعليم و الصحة.

يجب انشاء كليات والمستشفيات الجامعية على مستوى المدن والقرى وتوفير اللوجيستيك اللازم والموارد البشرية من اساتذة واطقم التأطير ديما مغرب الله يصلح الاحوال ♥️👑🇲🇦❤️

+القضية ديال طب الاسرة لي ماعرفنا واش بغاو يرضوها اجبارية ولا يعتابروها تا هي تخصص و لا غي باش يعطلو امتحان التخصص و الاطروحة و لا اشبغاو بالضبط هادشي كامل غي باش ينقصو من القيمة ديال الدبلوم و يشدو بنادم هنا مافخبارهومش بلي الطالب همو هو الكفاءة لي غايخرج بها قدام المواطن داكشي علاش كيقلب على الهجرة اما باش يجي شي واحد يقول لاواه الاطباء د المغرب هامهوم غا الفلوس و الراحة بغيت نقولهوم راحنا اكتر وحدين كانشوفو الناس كاتعاني وسط السبيطارات و كيفما كان الحال راحنا بشر ماشي قلب من الحجر ( طبعا لا اعمم)+ المنحة لي حاشا واش تكون منحة قدام ديك تمارة لي كانضربو ليل و نهار طبعا حنا بغينا الطب كمهنة شريفة ماشي على وديت الفلوس كدرجة اولى ولكن فاش كاتشوف الواحد قرا و ضرب تمارة كتر من سبع سنين و مزال كيتسنا واليديه يخلصو ليه الكرا راه تا هوا ماتيكونش مرتاح

الادمغة تهاجر للبلدان التي تقدسها وتحترمها

بغينا نشوفوا شي فيديو على الموضوع ديال الممرضين والاحتجاجات ديالهم

7na awel w7din bghina bladna tzid l9ddam w aktar w7din kayfkrou f se77a dyal lmrid 7it hadik mas2oulia dyalna 9ddam allah. J'aimerai bien voir plus de vidéos comme celle ci qui expliquent au grand public 3lach nedna w derna boycott. Un médecin bien formé = un patient bien pris en charge✌️ #جودة_التكوين_الطبي_خط_أحمر #صحة_المواطن_المغربي_خط_أحمر

حكومة صماء.لاتهتم بأي من القطاعين التعليم والصحة رغم انهما قطاعين مهمين.ما يملأ رأسها هو المونديال لأن فيه ميمي

😂😂😂😂تعجبني طريقة التقديم المزيد من التألق فعلا أنت شخص ممتع في التقديم وشرحك المبسط دمت متآلقا

وفين نسيتو الممرضين الا ينتمون للقطاع الصحي مع العلم انهم يشكلون وحدة اساسية في المنظومة الصحية

كل التضامن مع طلبة الطب✌✌

باش يوفرو لهم الظروف ميبقاوش يهاجرو قررو إسدو عليهم هنا بدبلوم مسوي والو برا ويخدمهم بلي بغاو وكفما بغاو.

ملي كيوصلني إشعار على فيديوهاتك كنحماق بالفرحة 😊

الدولة عندها الفلوس باش تبني الملاعب معندهاش باش تبني الكليات

السلام عليكم اخي ابراهيم أولا شكرا لك على هذا الفيديو التوضيحي ولي حنا محتاجين بزاااف خاصة في هذه الفترة الحرجة أما في مايخص مطالب طلبة الطب والصيدلة فهي معقولة جدا وواقعية : ✓ أولا : رفض تقليص عدد سنوات التكوين مع الإبقاء على 7 سنوات لتكوين دكتور طبيب عام مع تجويد التكوين بالزيادة في عدد المستشفيات والأراضي التداريبية وتقليص عدد الطلبة في المصلحة الواحدة فكيف يعقل الا مشيت غير لمصلحة واحدة تلقة 30 طالب أو أكثر هذاك المريض مسكين لي يمكن تكون نتا أو الأب ديالك أو الأم ديالك أو الأخ ديالك يوقف على راسو ثلاثة ديال الطلبة وفكل مرة يجي عندو طالب ويسولو نفس الأسئلة ويديرلو نفس الفحوصات لي دارهم الطالب لي قبلو راه لايعقل راحنا كانتعاملو مع إنسان ماشي دمية ✓ ثانيا : بناء كليات طب راه النس في كلميم والراشيدية على ما أظن ماعندهومش حتا كلية يقراو فيها كيقراو في ملحقة تابعة لكلية الطب الغير موجودة على أرض الواقع أصلا راه ماكايوصلو حتى رجليهم عامرة بالغيس كيفاش بغيت تخرج أطباء في هذه الظروف راه أݣادير لي في الظاهر كاتبان مدينة كبيرة وهادي يكون فيها أفضل مستشفى جامعي في المغرب كاتمشي لأرض الواقع كاتلقا المستشفى الجامعي CHU مغلق تماما وكانعرفو بلي راه الطالب لايمكن أن يتعلم بالدروس النظرية فقط أو في أراضي غير صالحة للدراسة هذا الطالب العادي فما بالك بالطالب الطبيب لي غذا هادي يولي طبيب وهاذي نعطيولو بين يديه المواطن يداويه وفي الأخير نعاتبوه على خطأ طبي لي فالأصل حنا السبب فيه راه هادشي خطيييير بزاااف لا علينا حنا ولا على المواطن المغربي لي يقدر يفقد الحياة ديالو بسباب هاد القرارات العشوائية راه حنا عامين وهاد العام ثلاثة سنين وحنا كانغوتو وكانديرو وقفات احتجاجية ومقاطعات واضرابات يوم أو يومين ولاحياة لمن تنادي كأننا نناشد الحجر الأصم راه الحالة النفسية اليوم ديال الطالب الطبيب حالة يرثى لها مدمرة تماما لم نعد نستحمل المزيد سئمنا فعلا من القرارات العشواء اليوم الحلم ديال بزاااف منا كايتبخر ولايمكن أن نرضى بمثل هذا ✓ ثالثا : ولي تعمدنا نخليوها آخر نقطة لكي لا يتم توجيه الاعلام اليها و تنسية كل ماسلف من المطالب المشروعة وهو الزيادة في منحة الطالب الطبيب لي راه كيسخر من جيبو من أجل شراء الكتب والمراجع الطبية لي كما يعرف الجميع الأثمنة ديالها جد مرتفعة خاصة على الطلبة لي الوالدين ديالهم من الطبقة المتوسطة بل الأغلبية من الطبقة الفقيرة ولي المصاريف أثقلت كاهلهم خاصة وأن هناك من يستيقظ في الساعة الخامسة صباحا باش يالاه يوصل مع الثامنة صباحا الى المستشفى أو الكلية خاصة في المدن الكبرى كالدار البيضاء والرباط وطنجة اليوم المنحة تعادل 21 درهم ولي ماكاتعطاش شهريا بل دوريا أربعة أشهر وبعض المرات أكثر . لكل هذه الأسباب قررنا تحت لواء اللجنة الوطنية لطلبة الطب والصيدلة و طب الأسنان في المغرب أننا نقومو بجموع عامة في جميع كليات الطب بالمغرب لمنافشة الوضعية كطلبة اليوم وأطباء الغذ وكطرف مسؤول عن كل ماقد يترتب عن هذا التي تم التقرير فيها عن اضراب مفتوح شامل لكل الدروس النظرية والتطبيقية والتداريب الاستشفائية والامتحانات في جميع كليات الطب والصيدلة بالمغرب إلى حين الاستجابة الى كافة المطالب المشروعة والواقعية كخطوة تصعيدية جد متقدمة بعد استنزاف العديد من الجهود والخطوات النضالية المنددة بذلك والتي كان ٱخرها الإنزال الوطني بمدية الرباط أمام قبة البرلمان يوم الخميس 8 دجنبر 2023 أمام قبة البرلمان ماضاع حق وراءه طالب ✌️

التضامن مع الأساتذة وطلبة الطب ❤❤❤

المشكلة الشفافية ماكايناش ، كايخططوا بوحدهم بلا مايتشاوروا و لا غير يشرحوا لعباد الله شنو كاين ، راه مستقبل ديال إنسان هاداك اللي كايلعبوا بيه ، الله يهديهم علينا

التعليم والصحة في اضراب مفتوح

كطالبة الطب اود اولا الشكر على هذا التوضيح لما يجري حاليا،ثانيا عندما يتعلق الامر بالوطن فانا شخصيا يهمني تقدمه و تطوره في سائر المجالات لذا ارغب فعلا ان اخدم بلدي ومصلحة مواطنيه على اتم وجه بدل الهجرة، فلذلك نحن نخوض اضرابا مفتوحا كآخر وسيلة ضغط على الوزارة بعد مسلسل نضالي، لكي ندافع اولا على حق المواطن المغريي في تلقيه خدمات تطبيبية ذات جودة في مستشفى محدث باهم المعدات تحت رعاية اطباء اكفاء، و ثانبا الدفاع على حقوقنا في تلقي تكوين شامل يعود بالنفع او على اقل معرفة مصيرنا الدراسي و هيكلة السلك الثالث بالأخص بدل الضبابية و الغموض، وايضا حقوق اخرى كالزيادة في المنح و تمتع بتغطية صحية و غيرها. ماضاع حق وراءه الطالب ✌✌

bravo 3lik khoya mawadi3mazayana wtahlil jayd jidan wal ihfdak khoya

يوتوبر رائع. الله يعطيك الصحة. شكرا جزيلا على اهتمامك لشؤون المغاربة.

الحكومة يمكن تنقص حتى 4سنوات من تكوين الاطباء لانهم يعالجون في الخارج ولا تهمهم صحة المواطن المغربي

تدمير التعليم العالي العمومي و مازال الهندسة و الاقتصاد . علاه شكون غيعمر هاذوك الجامعات الخاصة اللي خدامين كيتبناو . كلشي الفقراء غيوليو ياخذو قرض وها يكونو متفوقين و مين يتخرجو يخدم سنوات باش يرد القرض و شوف تشوف .

في الجامعة كانت الإجازة تؤخذ في 4 سنين و عندما تم ضغط المقرر بحسب 3 سنين أصبح الأمر كارثي . و سترى أشياء مجنونة . أي شخص درس الفيزياء في الجامعة سيشعر أن هناك مواد ناقصة . مثلا ندرس الفيزياء الإحصائية بدون دراسة مادة الإحتمالات . و هناك أشياء أساسية في الفيزياء لا ندرسها كالفيزياء الموجية و التي سنحتاجها في ميكانيك الكم و الكهرباء و البصريات . أما الإلكترونيك و الرياضيات التي كنا ندرسها مستحيل تفهمها في الوقت الضيق الذي كان لدينا . لا عجب أن الأغلبية يأخذ الإجازة في 4 سنوات

السلام عليكم، نقطة أخرى بالنسبة لطلبة الصيدلة، هي أنه ما كايناش ديك الحاجة لزيادة الأعداد أصلا عكس الطب ورغم ذلك كا يزيدو وبالعكس سوق الشغل فالصيدلة عامر أصلا وصعب تلقا خدمة وهوما كا يزيدو يكفسو هادشي بسبب زيادة أعداد الوافدين من الطلبة..

طلبة الطب هما أساس ديال كل بلاد❤

كل التضامن مع طلبة الطب راهم معندهم حتى شي اهتمام لا منحة لاعلاج مجاني لهم لا اطباء نفسانين يكونوا معاهم في مرحلة دراستهم واش لاكارد الليل كامل ب عشرين درهم وتحشم تعطيها لدري صغير حشومة عليكم راه قراو وتيقراو حتى تيصيبهم انهيارات وامراض نفسية فكل التقدير والاحترام لهده الفءة راهم في ضغط مسطرسييين شوفو من حالهم

تبارك الله عليك و صافي و شكرااا بزاف لتوصيل الصوت ديالنا للشعب انا طالبة طب بالعيون و نبغي نقول للشعب راه هدشي مديور على و،كم من الدرجة الاولى باش نتخرجو اطباء مشي جزارة و دعمكم غيكون قوة بالنسبة لينا ❤

كلية الطب والصيدلة أݣادير بدون مستشفى جامعي + لومفي تايهز 350 طالب فقط وحنا هاد العام 400 طالب زايدين هير كراسا وطاولات وقالو لينا العام الجاي ناويين يزيدو كثر الكلية ماهاتقدرش على هدشي + سطاج لي تايدوز مستشفى الجهوي الحسن الثاني لي تايعانيو فيه الطلبة من الاكتظاظ المستشفى الجامعي مسدود ومزال ماكمل واول برومو تخرجات بلا مستشفى جامعي

. طلبة الطب من اكثر الناس لي كيتعدبو في قرايتهم. تيدخلو الكلية بعد الانتقاء بمعدل عالي واجتياز مباراة تعجيزية ومن بعد كتبدا رحلة الدراسة في كلية الطب ولي كطلب مجهود كبير مع العلم ان معظم الطلبة متتعطاهومش المنحةواخا جايين من اسر علي قد الحال. زيد على هاد شي كليات الطب كتعرف اكتظاظ كبير حتى لدرجة ان الطلبة مكيلقاوش فين يگلسو . . مني كيوصلو للسنة التالتة كيبداو يديرو الحراسة الليلية بالمستشفى مع الدراسة خلال النهار وهادشي تينتج عليه انهيار نفسي وعصبي للعددكبير من الطلبة لي مكيقدروش يكملو. ورغم الاكتضاض الكبير ديال الطلبة خلال السطاج ولي مكتخليهمش يستافدو. . وفوق هادشي كولو قرات الوزارة تنقص ليهم عام ديال لقراية يعني صحة المواطن غادي تكون في خطر. وهادشي كيخلينا نضامنو مع طلبة الطب ونساندوهم في النضال ديالهم

المشكل فإنشاء كليات جدد هو انه خاص يكون معاهم مستشفيات جامعية فين يقدر هاداك الطالب يدير pratique و يتعلم كيفاش يطبق داكشي لي قراه فالكلية ، و مني كنقولو مستشفى جامعي كنقولو staff كبييير متكون من أساتذة و أطباء مقيمين و متخصصين لي خصهوم يكونو على رأس هاداك التكوين و لي هما أصلا قلال 🤷🏽‍♀️🤷🏽‍♀️ كما هو الحال فبزاف الكليات بحال أكادير او الجداد لي تحلو فالعيون و الراشيدية و گلميم و لي معندهمش حتا فين غايديرو السطاجات

كل التضامن مع العزة والكرامة 🇲🇦

تحية للأطباء ديالنا، لعل وعسى هذه تكون نقطة تحول من الخضوع والذل والهوان الى النضال واسترجاع كرامة الشعب ❤❤

قناة تستحق المتابعة ❤❤❤

دولة ديال الترقيع و الحلول السريعة على حساب المواطن لنا الله ولكن عندهم الحق يعاملونا بحال هاكا لانه حنا لي ساكتين و كما يقول المثل "السكوت علامة الرضا"

الشكر الجزيل لك السي ابراهيم ألفنا ان نأخد اخبار الوقت المهمة والتي تعنينا جميعا في فيديوهاتك ، شكرا على مجهوداتك ( الدقة في البحث على المعلومة والخبر فضلا عن المجهودات المبدولة في تحليل الاوضاع من كل حذب وصوب) تحية نضالية لكل فئة تطالب بحقوقها

#ما_ضاع_حق_وراءه_طالب #جودة التكوين الطبي خط أحمر

كل التضامن مع طلبة الطب والصيدلة ✌️

كل التضامن مع المجتمع المدني ❤

أولا كنبغي نشكرك بزااف لي تطرقت لهاذ الموضوع لأن الاغلبية تاع الناس يقدرو يكونو ما فاهمينش الموضوع ، الاضراب جا اليوم نتيجة لمجموعة من الإضرابات و الإحتجاجات و اللقاءات و الاجتماعات لي كانت بين اللجنة الوطنية لطلبة الطب و الوزارتين الوصيتين التي باءت بالفشل و اليوم كطلبة الطب بغينا ما يتزادش من عدد الطلبة إلا فواحد الحالة هو أنه يزيدو من عدد المستشفيات أو يوسعو من المستشفى الجامعي لي غادي يدربو فيه الطلبة ثانيا ما ينقصوش عام من التكوين و تبقى سبع سنوات لأن هاد العام إلى نقصوه يعني طبيب الغد غادي يكون التكوين لي خداه ناقص و هادشي لي غادي يضر بقيمة التطبيب و الصحة في المغرب راه مازيان نزيدو من الأطباء ولكن خصنا حلول أخرى لي ما تأثرش على جودة تكوين طالب الطب و شكراااا❤

ياربي تعاون لوليدات ودير لفيها الخير

علاش الرأي العام مكيدويش على الممرضين ، رغم انهم اكبر فئة مضرورة في مجال الصحة ، غرييييييب والله

خلصوهم مزيان واحترموهم !!! واش شمكار كيدخل لصبيطار كيضارب مع الطبيب !!!!

زيدوهم سنة اخرى، يقراو فيها الأخلاق وحسن المعاملة لانه كاين شي طلبة في المركبات الجامعية خاصهم إعادة التربية، الطالب مزال كيقرا وكيقولم هو دكتور ، حالات صادفتها في المركب الجامعي بفاس خاطبته ب"ولدي" قال لي لا تقل لي ولدي قل ",أدكتور" أنا ماشي ولدك، أنا من وجهة نظري خاصهم سنة يقضيوها في التجنيد الاجباري قبل ولوج ميدان الشغل التعود على الانضباط

جا معاك ستيتوسكوب ههه بصحتك ...وشكرا لك حيت وصلتي صوتنا كما يجب وباحسن طريقة❤❤❤ تحية نضالية✌

حسبنا الله ونعم الوكيل..ولاحول ولاقوة الا بالله العلي العظيم واتوب اليه..الله ياخد الحق!!!

وأخيرا شي واحد دوا علينا💔

هاد الاسبوع غيبدا إضراب الممرضين حتى هوما حيث الدولة بغات تخوصص كثر الصحة كيما بغات تخوصص التعليم وراه اليوما أسسو التنسيقية ديالهم

فعلا مطالب طلبة الطب مشروعة و معقولة جدا ليست كمطالب معلمي اخر الزمن الابتزازية

المشكلة مكايناش تنسيق جيد بين الوزارتين ومكايناش المواكبة الحقيقية من اجل انزال المشروع الملكي، موارد كاينة ولله الحمد ولكن مهنية القطاعين وفعالية وزارتي الصحة والتعليم ليست في المستوى. هادي بلادنا خاصنا كلنا نكونو في خدمة وطننا الحبيب تحية وتقدير للطلبة والطب والصيدلة وطب الاسنان. الله يوفقهم يارب الله يصلح الحال ديما المغرب ♥️👑🇲🇦❤️

الله المستعان الله يدبر أمورنا أما صراحة هاد جوج قطاعات أهم من كل شيء وخاص يتلقاو الحلول

الحكومة ضعيفة الشخصية تنقصها الصرامة

la faculté de médecine de fès men na7iyt dorof dyal l9raya fiha we fe dak z7am ra karita 600 talib maghribi fa9at bela man7sbo les etrangers khashoum yglso kamlin fe amphi kayhez 350 korsi , certes kayn amphi wa7ed akhour kayban fih le prof fe sbora kaychre7 mais ra machi lprof en personne hadak ra ghir video 9edamk ila bghiti tswel le prof maghat9derch m7it rah fe l'autre amphi we bela manhdero 3ela les TP d'anatomie wach une salle fiha que des chaises autourt d'une table de dissection ghathez lik 50 wa7ed wach logique , we khlas bela manhedro 3ela les TP de biologie we biochimie li makaydarouch aslan m7it tout simplement le materiel makaynch ra ghir smiya dyal teb ama la formation est très mauvaise , Ae we mansawch les services de CHU li kayt7mlo ghir 20 wa7ed bzez mais db m3a 600 ghadi ytfr9o 80 3ela service iwa idan nta ka talib maghatwslkch noba bach tchof lmrid 7eta ykhrj we ybra we nta aslan machftihch we mzl mawslatk noba ra 3alaaam welah , hadchi ra ghir chwiya men bzaaaf dyal lmatalib

شكرا ليك خويا كنستافدو من المحتوى ديالك بزاف الله يسهل عليك والله يدير اللي فيها الخير لينا او لوليداتنا

الاخ إبراهيم نشكرك على هذه المجهوذات اللي كاتديرها

كل التضامن مع طلبة كلية الطب للأسف انعدام شروط التكوين .ماذا ننتظر منهم

تحية إجلال وتقدير لهم.

خاص حتا الشعب يدير إضراب و نوقفو معاهم هادا را مستقبل البلاد

Merci beaucoup pour cette vidéo Vous avez très bien expliqué notre situation. ما ضاع حق وراءه طالب✌🏻✌🏻

Bghit n3ref gha dak M6 ach kaydir , ma ma7eloho mina l i3rab

كاين واحد المشكل عندنا فاكادير وهو ديال chu مزال مبغاو احلوه لينا ومستشفى الحسن تاني فيه اكتظاظ ومفيهش الماطريال ...

قناة واعرة بزاف استمر✅💛

خاص اصحاب الانعاش الوطني ينوظو حتى هما حيت هما اكفس طبقة مسحوقة

الله يعطيك الخير

انا كنت مشيت قبل شي شهر لكلية الطب باش ناخد من عندهوم consulting على ود شي حوايج و الصراحة الساحة عامرة بطلبة الطب كايديرو الاضراب ماعرفتش علاش ديك ساعات و حتى حنا كطلبة ديال التمريض و بزاف منا كانو كايديرو اضرابات على ود سوء التسيير القاعات ناقصين مشكل الاكتضاض فالستاج الخدمات اللوجستية الرديئة فالمستشفيات الدولة لخ...

شكرا جزيلا على تطرقك لهاد الموضوع طالبة طب فأنا من الناس لي تنشوف أن هاد القضية قضية رأي عام لأن في الأخير غوليوا أطباء ولكن واش قادرين أننا عالجوا الناس بهاد تكوين 6سنين حيدوا لينا عام وحنا متبعين نفس المنهج لي كيقرا بيه 7سنين يعني نفس المنهجية بغيت غير نقول أن لا يمكن تنقص عام بدون توضيح هادشي راه مستحيل فالعام 6راه غتجمع لينا les cliniques et les stages نوجدوا لدكتوراه ديالنا نوجدوالمباراة التخصص واش هادشي كامل يتجمع فعام مستحيل حتى والا كانت راه الآخير غتخرج زيرو من لخر حيت معطيتيش لأي مرحلة وقتها في الفهم والبحث زيادة على ذلك فراه حنا كنتشكاوا من الاكتظاظ وراه م غي 400وحنا طالعين راه700 واش منطقي حنا ماشي ضد زيادة التلاميذ ولكن لا بغيت تزيد زيد ف ال المراكز الاستشفائيه الجامعيه جيب المتريال ومرحبا إضافة إلى ذلك فراه زادوا شي كليات بدون مراكز استشفائيه جامعيه فين بغيتي هاد ناس يتعلموا

ليس التعليم والصحة فحسب فكل القطاعات متضررة ومنكوبة

لاحول ولاقوة الابالله العلي العظيم الله يخد فيهم الحق كلامك صحيح

كلام غي الصميم جزاك الله خيرا اخي الكريم

الاضراب والمقاطعة سر نجاح الشعوب في الضغط على حكوماتها والمغاربة اكتشفوها انتظرو وسترون الشارع المغربي يزأر 🦁

هاد العام بالضبط بين لينا بلي المغرب دولة فااااشلة خاص كلشي يتبدل من رئيس الحكومة للوزراء كلشي خاصو يتحيد الشوهة و الله حتى الشوهة بقات فكاس العالم و كورة تفو على بلاد

إذا كنت في المغرب فلا تستغرب

خويا نقولك الصراحة لا طلبة الطب ولا الصيدلة ولا الهندسة والفروع ديالها راه خاص إعادة النظر فهادشي والله راه المعاناة أنقولك فالمدرسة ديال الهندسة المعمارية كيكون تكوين مكثف فالتصميم والرسم بالحاسوب والمدارس ديال الفنون ولكن التطبيق على أرض الواقع لا يوجد أي مشترك في الرقم الذي تطلبونه وفالتكوين المهني كاين فقر فالمختبرات نفس الجهة وكل مدينة كيف كتقرى وفالتالي مجبر تدوز الإمتحان وتقرى فالدار وتسول وعلى ربي تفهم لي ناقص ولكن نقص كبير فالتصميم بالحاسوب لأن الدروس ديال مكلفة ماشي فمستطاع الجميع وبالتالي إذا بغينا نخدم مشروع بناع خاصنا صحاب الهندسة المعمارية وصحاب التكوين وبلاما ندوي على صحاب الطبوغرافيا هادوك بوحدهم فحين إذا مشينا لبلد تاني بجوجهم كيقراو تكوين شامل متفاوت في درجة العمق وهادشي عادي تقني متخصص ماشي هيا مهندس معماري ولكن كيتكلم نفس اللغة سواء فمكان المشروع ولا كيفاش كيتعاملو مع مختلف برامج التصميم.

كل التضامن مع الأساتذة و طلبة الطب ❤✌️✌️

شكرا لاهتمامك بالموضوع

حكومة فاشلة بكل المقاييس لا تعليم لا صحة مغرب المنكوبين

ان فكرة la thèse في السنة الخامسة هي ماستر وليست دكتوراة وهذه اهانة لاطباء المستقبل وعدة اشياء اخرى