بصحت مولات الدار ان شاء الله تكون وحدة لتستاهلها ساجية ونقية وتعرف تطيب وان شاء الله ذوقها في الأكل مايكونش كما ذوقها في الاثاث😊هذا ستيل نتاع لي زوتال مشي سيل ناتع ديار
يعطيك الصحه العزيز ما شاء الله يعطيك الصحه الله يبارك الله يبارك خويا ربي يحفظك حبيتك تشوف برك داري وتعطيني راي ربي يحفظك والله لا يخليك في ضيق ولا خلي لي النيميرو تاع ونعيط لك جاوبني ربي يحفظك
سمحلي يا أخي الالوان كثير غامقة بالنسبة للشقة صغيرة من الاحسن تكون الالوان فاتحة يعني بيضاء . كذلك الدخلة تاع الصالون مدام فتحتوه من الاحسن يكون مفتوح قاع اما الموبل تع الاحذية فهذاك خطأ كبير راه شوه الصالون و خصوصا في هذا الصالون بذات لان الصالون صغير و كثرة تغنجيق فيه راه يفقد الجمالية نتاعو كذلك الارضية كانت راح تكون اجمل لو كانت باللون الابيض او الفاتح لان الفوباركي يليق للاماكن الواسعة او الاماكن لفيها الاضاءة بزاف و كذلك لون النوافض الاخضر مجاش خلاص مع الباركي و الموبل و هو كذلك خطأ زيد حجم الموبل مثلا الفوتيات راهم كبار بزاف على الصالون و زاد طابلة و كراسة و هذا الحجم ما يليقوش بصالون صغير (طبعا انت خطيك في هذا مول الدار ميعرفش يخطر الاثاث على حسب المساحة تع دارو) زيد كذلك المرحاض اكرمكم الله الباب راهي تخبط و تقيص مغسلة الايدي المفروض متكونش ثم او نديرو الباب يفتح البرا مثلا او تنحي المغسلة يعني la vabo كذلك الدوش الزجاج كان لازم يكون شفاف ماشي sombre لان حسب منعرف ليدخل يدوش يدخل واحدو و يغلق الباب. كذلك المجيريا في وسط المطبخ راه كذلك خطأ لان المطبخ من نوع المودرن فوضع المجيريا في وسطها راه يفقد الجمالية تع المطبخ بالإضافة إلى الطاولة لكانت كبيرة بزاف و غطت على المطبخ. انا نعطي النصيحة لعندهم البيوت صغار كما عدل و مكاش الاضاءة الطبيعية بزاف اخطيكم من الالوان الغامقة روحو الالوان الفاتحة و خطيكم من الفوباركي راه يغمق الدار اكثر و اخطيكم من بلاكو بلتر في الغرف و اذا حبيتو تديروه ديرو غير في الكولوار و الصالون اذا كان واسع و استعملو اللاد الابيض او الاصفر الفاتح و خطيكم من لكيسون راكم تخصرو دراهمكم و النتيجة كارثة.
سلام عليكم أخي سؤال بسيط مانسألش شحال تسقام دراهم على بالي منا ل2030 وماجاوبنيش بصح نسقسيك خويا هل تخذو برأي المختصين في البناء والهيئات المختصة فالتعديلات خصوصا كي يكون فيها تهدام وتكسار. هل هذا ميشكلش خطر على البنايه كامل.....انا خوك جاوبني وبارك الله فيكم اما من حيث الخدمه ماشاء الله وذا حبيت تقول السومه مانقلوش لا😂
Mabrouk a3lihoum mais c'est un appartement dortoirs ils ont aucun espace ni pour jouer ni étudier ces gamins dommage juste des Télévision pour les occuper quelle tristesse . trop de lumières violet 😢 le cadre dans la chambre des maîtres est à déplacer TRÈS élevé par rapport à la tête de lit etc......
