لو سمحت يا بشمهندس هل لازم اضيف مانع انسلاخ مع البستبان كل رشة فى القطن ، انا برش نصف لتر بستبان مع مانع انسلاخ وموسبيلان وابامكتين للعنكبوت ، اكمل على كده كل رشة بالتبادل بين المادة الفعالة للحشرى
سؤال يا بشمهندس بعيد عن الموضوع منتشر عندنا من سنتين رش مبيد النيماتودا على جميع الزراعات الحقلية رش ورقى بسبب وبدون سبب ايه رأى حضرتك في الكلام ده وجزاكم الله خيرا
امتى ارش المبيدات الحشريه والمغذيات فى وجود مايه فى الارض ولا وهى ناشفه وايه احسن ميعاد للرش ايهما افضل رش الارض بماكينة اليدوى ام الماتور وايه افضل ثنائيه الاشواط ام رباعيه الاشواط ارجو الرد وجزاك الله كل خير يارب
لو سمحت يا هندسة للأهمية عندى ارز محبل وهيطرد سنابل فيه ارز طويل وارز صغير فى نفس الحوض صغير جدا هل ينفع ابدر للصغير كيماوى ولا أرش احسن للأرز كله رشة تحسين ارجو الرد ربنا يجزيك خير يارب ولو هرش ارش ايه ارجو الرد حضرتك
السلام عليكم يا باشمهندس كنت عاوز اسال حضرتك انا كنت زارع فول صويا وانتبه كويس ممكن ازرع ثاني في نفس الارض الفول الصويا شهر 8 اللي احنا فيه مع العلم انا من بني سويف والجو عندنا حر جزاك الله خيرا
لو سمحت يا بشمهندس انا ختمت كيماوى اللوريا على عمر 55 يوم . لكن فى حد نصحنى بدرت شيكاره نترات للفدان على عمر 57 يوم فهل ده غلط على السبله انتظر رد حضرتك
اهلا وسهلا بحضرتك ،، انا وضحت فى اكثر من حلقة سبب عدم أفضلية إستخدام مبيد البيم فى المكافحة وذكرت اسم المبيدات السليمة والأفضل منه من حيث الكفاءة والفعالية وذكرت أيضا الإصابات ووضحتها جيدا باكثر من حلقة ، اما عن الأسمدة التى ذكرتها بالفيديو من إنتاج شركة اسبانية إسمها أرتال ومتوفرة فى مصر وانا ذكرتها عن تجربتى أنا الشخصية ورشحتها كأفضل أسمدة بناء عن تجربتى وذكرت ذلك جيدا حتى لايقول أحد أننى أروج لأى شركة وخلاص ولو حضرتك سمعت الفيديو جيدا كنت عرفت مقصدى ، خالص تحياتى ولومحتاج توضيح أكثر ممكن تتواصل معى واتس 01110470200
الكبريت الميكرونى يتم خلطه مع الزنك فى صورة كبريتات مفيش مشكلة من ذلك ان شاء ، ولكن لاينصح بخلط هذه المواد مع المغذيات مثل الأحماض الأمينية أو الطحالب مثلا
لو سمحت يا دكتور لو انا كنت زارع كمون السنة الفاتت هل ينفع ازرع كمون تانى فى نفس قطعة الارض الموسم الجاى ولو مينفعش ايه هى العماملات المفروض اعملها عشان لو زرعة الموسم ده اتجنب الامراض الممكن تحصل بسبب تكرار زراعة الكمون فى نفس قطعة الارض هل مثلا اعطى مع الرى كبريتات النحاس ولا اعمل ايه ؟ مع العلم ان مساحة الارض 6 قواريط وانوى تكرار زراعة الكمون فى كل موسم انا عارف انو ده هيعرضنى للامراض الفطرية والمفروض اتبع دورة ثلاثية فكنت عايز اعرف اخلى احتمالية اصابة التربة بالامراض الفطرية بسبب تكرار زراعة الكمون بنسبة 0%
ده بيرجع لعدة أسباب اهمها سوء حالة التربة او الصرف فى بعض أجزائها أو نقص لبعض العناصر أو خلافه ، حين إصلاح المشكلة ستحل إن شاء الله ، وإلتزم بالتوصيات اللى بذكرها دائما على القناه
لو حضرتك سمعت الفيديو جيدا مكنتش سألت السؤال ده ، أستأذنك تسمع الفيديو كويس وتفهم أنا قولت أيه محاذير نزول الأرض وإزاى نرش الأسمدة الورقية وموعد وطريقة رشها أو تسميدها مع الرى
حضرتك في أول الفيديو قلت ممنوع النزول في حقل الارز في هذا الوقت وبعدين ذكرت حوالي عشرين صنف مابين مبيد ومغذي لازم نرشهم في هذه المرحلة ، هنرشهم ازاي من غير ماننزل الارز ،،، هي قاعده ، دائما مع الكلام الكتير تقل الفائده ،
مع كامل إحترامى لحضرتك إنت سمعت بعض الأجزاء فقط من الفيديو ودخلت تسألنى وتنتقد طريقة كلامى وأسلوبى ولك الحق فى ذلك إذا كنت محق ولكن الأولى أن تستمع لكلامى جيدا وتفهم ماذا قولت وبعدها تستطيع الحكم والنقد كما تشاء ، أنا قولت فى الفيديو ونصحت بعدم نزول الحقل لتنقية الحشائش يدويا أو مكافحتها بالرش بالمبيدات ، كذلك عدم النزول لبدار أى أسمدة أزوتية وخلافه لعدم جداوها ، وهذا ماقولته جيدا بالفيديو ولم أقل شيئا أخر ، على العموم أشكرك على توجيه نقدك لى والذى كنت أتمنى أن يكون أكثر مصداقية وبأسلوب أرقى من ذلك
