إفتح قلبك - الموسم 2 I الحلقة 7 

ربي يفرج عليك ختي.. ادعولي ربي يعوضني في بنتي الله يرحمها عندها 12 يوم ملي ماتت ما قدرتش نصبر عليها..😢😢😢😢😢

نورمالمو هي ولية تسكن في دار والديها وداك نسيب لي راه تما يهز مرتو ويترجل ويتكعد من تما. شكون متفق معيا

الدنيا صعيبة يا ناس تسامحو بناتكم و لي طاح بين عينيه هاد الميساج يدعي لامي بالرحمة لان دعوة الغريب مستجابة

وين راه والي الجزائر وين راه وزير السكن عيب وعار عليكم من فضلكم ديرو حملة في الفايسبوك لهذه السيدة حتى تلقى خدمة ودار

عن ابي هريرة رضي الله عنه قال:قال رسول الله صلى الله عليه وسلم:"ما من يوم يصبح العباد فيه الا وملكان ينزلان فيقول أحدهما الهم اعط منفقا خلفا ويقول الاخر اللهم اعط ممسكا تلفا" ربي يفرج كربها

جميلة جدا هذه المرأة ما شاء الله كيف لم تجد رجل يتزوج بها ويسترها هي وبنتها الله يهدي بعض الرجال لا يقبلون الا بالمتبرجة او الفاسقة اما الطاهرة المستورة المتحجبة تعاني في مجتمعنا الله يهدينا

الاخت التي تبات في العراء في بلاد المسلمين وحدها تكفي لاخراجنا جميعا من رحمة الله حتى و لو بنينا 100 مسجد غضب الله شديد على قوم يتشرد فيه ابناءه و ربي وكيل كل انسان ليس في قلبه الرحمة كصاحب الفندق الذي لم يستطع حتى مساعدتها في هاته الظروف غير ارواح و قول حنا مسلمين و عندنا الكرامة ديرو رواحكم تبنيو فالمساجد و عباد مساكن مكانش حتى وين يسكنو .....ربي يفرج عليها و على كل محقور في هاذ البلاد لي ماترحم لا زوالي لا ولية لا متشرد لا مريض.......ربي يهدي

ياخوتي هذ المرا بنة فميليا نعرفها في بوزريعة.

شحال صعيبة كتكون بنت فاميليا و تضطر باه تطلب فلمحسنين باه يعونوك و انت عندك عايلة و اهل و يشوفو فيك .....لا حول ولا قوة الا بالله ...

اختي لعزيزة انا من باتنة مزوجة او عندي 5 اولاد اذا حبيتي ارواحي تعيشي معايا اكل رانا ضياف في هاذ الدنيا

أنا طميت 10 ملاين من خدمتى البسيطة و الله نمدهملها

قصة مؤثرة جدا ربي يصلح حالها هاد المرأة....الحاجة اللي غاضتي عندها 7 خاوة +اختين واحد موقف معاها زيد باباها كيما قالت حاج بيت ربي موقفش معاها حال رانا وصلنالو لا حول و لا قوة الابالله العلي العظيم

كاين بعض أهل غير تتزوج بنتهم يحسيبو خلص رحت مسؤ لية عليهم بصح ما يعرفوش بلي تحتجهم معها اكثر من قبل سيختو خوها يكون في كتافها ربي يفرج شحال نقعد نكتب لغدو وشك نكمل قلبي يوجعني

عظيمة المرأة هدي كلها كبرياء مالقري واش صاير وصرا فيها مازالها حاكمة في ربي عندها قوة كبيرة سبحان الله قاستني ربي يفرج عليها يارب

هذي لمرى بنت فمليا وماصلة نعرفها ساكنة في بوزريعة

من فضلكم رقم الهاتف تاع هذه الأخت او قناة الشروق انا من الخارج وأريد مساعدتها

ماتت المشاعر وماتت الأحاسيس ماتت الأخوة ماتت النخوة راح النيف

السلام عليكم انا عايشة في فرنسا و عندي دار في سطيف و راني حابا نعاونها هادي المخلوقة عيشكم اعتوني نيميرو تيليفون نهدر معاها

للأسف الشديد من الجرم أن يطلب الأب و الأم من البنت بعد الطلاق أن تفترق عن فلذة كبدها. ...? ? ? قساوة قلب .....و أمر لا يطاق حسبنا الله ونعم الوكيل. في أعراف و عادات سيئة

اختي سعاد الله اذا احب عبدا ابتلاه ربي يفرج عليك و على امة محمد .

امراة جميلة جداا قوية و بنت فاملية منورة و الله ما اعظمها هذا كله بلاء بلاء من عند الله لانه يحبك يا سعاد و نعم بالله الله يفرجك عليك و يعوضك ربي بالمأساة التي مريتي فيها

هاد المرة مسكينة العام لي فات كنت نروح انا و صحبتي نقراو فالجامع ديايمن مع العشية تجيب بنتها من لاكراش تحوطها قودمنا تصلي العصر تريح شوي و تروح كانت تعجبنا بزاف سبحان الله و بنتها بوبية الله يبارك ربي يفرج عليها

قلبي وجعني..... كان عندي أخ لوكان نلف العالم منلقاش كيفو... ربي يرحمه ويوسعها عليه... وانتي يا اختي ربي معاك

السلام عليكم ورحمة الله وبركاته لآزم تنحيوا اختها و رجلها من دار الوالدين و يخرج يكري و لا يروح لوالديه يبق عندهم أو يقسموا الدار و يجعلوا بابهم بوحدو و لا يحضروا ناس عقلاء لإعطاء تلك المسكينة حقها فين تكون ربما تجد مشاكل مع زوجة أخيها هذا ما أرى وآلله أعلم والسلام و الصلاة والسلام على رسول الله

لي معندوش زهر والله فلكبدة يلقا لعضم ربي يفرج عليها انشالله

نفس الحالة لي مرت بااها ماما انا وخويا تربينا بعاد بصح جدي ربي يرحموا هوا لي ربانا ربي يرحمك ياجدي

سس شكون يحب الحصة يخبط جام

حلقة اليوم شابة بزاف، وحزينة بزاااف، شعال، غاضتني، هذي، المخلوقة. الدمار، من كل، جهة وزهرها مسود، ولي، يقتل، اكثر لي، امها متحبهاشً وانا، اناكدلك سليمة ختي بلي، كاين بزاف، امهات مثل، هذيك الام جافيين، مع ولادهم والله يرحمها، فهذ، الليلة لانها ممكن تكون مرضت، نفسيا، اثناء الحمل، تعها مع هذ، البنت، انا سمعتها من عند، مختصة نفسانية تكلمت علي، هد، الموضوع واحد، المرة وربي، يهدي الجميع

مكاش ام متحبش بنتهااا اللي صرا ليماها نهار جابتها يقولولو اكتئاب ما بعد الولادة و المرا تكره وليدها غير يزيد و قادرة حتا تقتلو بعيد الشر و داك الوقت ناس كانو ميعرفوش الله غالب ربي يرحمهااا و بنتها ربي يفرج عليها فريمون تقطع القلب

اختك مغربية والله شفيتيني غزااالة ماشاء الله عليك ربي اعوضك حبيبتي لاتيأسي اختي كوني قوية 😘😘😘😘

سلام خوتي نصيحه اختي تقدري تطلعي السفاره الكنديه في الجزائر العاصمه وتمديلهم اسم واللقب نتاع زوجك وهوما يبحثو عليه انا راني متاكده يلقوه مسجل على خاطرش هنا ماشي كيما في الجزاير كلش موثق عندهم بضغطت زر يجبدوه وتتاكدي لاراه ميت ولاحي راه عندي احساس باللي راه عايش ويوثقولك البنت على اساس انها كنديه اذاكان عندك برك وراقي نتاع الشهود وتاخذي الوراق في جرتها

اختي الغلطة اللي درتيها هبطت من فرنسا العرب واعريين متسلكش حتى من امك

Ça se voit que son frère est un brave homme, et elle aussi ça se voit ç est une femme bien allah yfaradj 3lihoum

خوها و نعم الاخ… ما شاء الله عليه ..ربي يوفقو و يفتحلو ابواب الخير ..و هي ربي يفرج عليها

علاش ماصبرتيش على راجلك و رجعتيلو و قبلتي الطلاق و ماقدرتيش تصبري على جال وليدك....رغم انو طلب سماح ....نضن الطلاق نتاعك هو الغلطة لدرتيها الاولى ...المراة لماتصبرش ماديرش الدار يا اختي ...

انا طلقت صغيرة او بطفلة او جاو خطبوني او مقبلتش غير باش منسمحش في بنتي باش تكبر معايا او نعطيلها حنانتي مكاش راجل يعوضني في بنتي او الحمد لله ولديا رفدوني

انا أيضا أعاني من قساوة واستفزاز امي ادعولي ارجوكم

والله متبان 52 حق ربي حسبتها فالعشرينات مشا الله

La pauvre الله يجبر بخاطرك

يا اخواني انا نضن ان الرجل الجزائري الكندي عمل لها خطة خطيرة على اساس انو ما يحبش يتحمل المسؤولية متاع الطفلة كي قاتلو راني حامل عمل نفسو عمل حادث وهذا انا دخلني فيه الشك لان في كندا ممنوع التكلم في الهاتف اثناء السياقة هذي مخالفة يعاقب عليها القانون.وايضا اذا حبت تتاكد اذا صح توفى تروح لشرطة المطار بقسنطينة لتتاكد انه حي او متوفي لانهم يقدرو يعرفو اذا دخل للجزائر اما حي او متوفي .والله اعلم حسيت ضحك عليها.ايضا الشرطة في كندا ماتتصلش بالهاتف لتخبر عن الوفاة بل ستجد بطاقة الاقامة عند الميت وتتصل بشرطة القريبة من بيته لإعلان العائلة.لازم تبحث في هذا الموضوع اكيد راه حي

لا اله الا الله محمد رسول الله صلى عليه وسلم 😭😭😭😭😭😭

اخواتي في الله ارجو منكم تدعولي ان يرزقني الله بالذرية الصالحة جزاكم الله كل خير

يا يما مسكينة قسمتلي قلبي بكيت حتى عييت😭 ربي يكون معاها نشاء الله .

بسم الله ماشاء الله خوها باين انسان طيب الله يحفظلو وﻻدو و زوجتو من الرد تاعو كي قالها ارواحي لداري و نساعدك باينا زوجتو كيفو امراة حنونة و طيبة لكان زوجتو جات العكس هو مايقدرش يقولها ارواحي لداري و نساعد ربي يهنيكم و يهني سعاد ربي يعينك والله مرحبه بيك في داري مكان ﻻ نسيب ﻻ زوج على العين و الراس

أخوتي في الله أحتاج مساعدتك إن أمكن لوسمحت توصلو ندائي إلى أي شخص يستطيع المساعدة أوضح لك حالتي باختصار وأي استفسار سأجيب عليه حالتي خاصة جدا ومستعجلة إذا ممكن أنا حاليا تقريبا اعتبر متزوجة وهناك من يعارض هذا الزواج ويريدون فصلي عن زوجي بالقوة وتعرفين الجانب المادي يلعب دور كبير هذا ما يعيقني أن أكون مع زوجي وأي تفاصيل أخرى أنا مستعدة لأشرح لك حالتي بالتفصيل أنا من عائلة بسيطة أبي حاليا مريض إخوتي لا يعملون وأنا أعمل إدماج .... نفهمك بالدارجة خير.... عانيت في حياتي بزاف..بصعوبة باش كملت قرايتي وقولي ما كملتش قلت نخدم اللي جات وبديت بالادماج وطبعا ديما نحاول نتغلب على صعوبات الحياة لكن الظروف أقوى وأصعب والعمر يفوت الحمد لله يشهدلي الجميع بالطيبة وحسن الأخلاق طبعا قبل كنت بعيدة تماما على عالم الرجال ويخافو حتى يطلعو فيا عينيهم وبعد فترة فجأة وتعرفي البيئة والقرى تاعنا غير هدرة الناس يهدرو ويشوهو في سمعتي وليت نتعرض للمضايقات في كل مكان وأنا مانحبش المشاكل كنت نهرب من بلاصة لبلاصة تقدري تقولي محقورة ورغم كل هاذ الشيئ الحمد لله بقيت محافظة على مبادئ وأخلاقي ورغم محاولات التقرب اللي تكون ما استسلمتش ورفضت كل اللي يحب يتلاعب بيا ولا ما يناسبش اهتماماتي في المدة الأخيرة لقيت واحد كان معايا راجل بمعنى الكلمة حس بيا وقدر ظروفي وبغى يتحمل مسؤوليتي لوجه الله وطبعا فكر يتزوجني وهذا اللي كان يعني درنا الفاتحة برك مازالني في دارنا كنا متفاهمين على الصغيرة والكبيرة وقالي صبري عليا حتى نبني شوية ونكونو مع بعض في هاذ الأيام كاين ناس دخلو وما حبوش هاذ الزواج وراهم يحاولو بكل الطرق باش يحبسوه لدرجة هددو بابا بالقتل والعياذ بالله تقول كفار باش ما نطولش عليك أنا قلت نشوف مساعدات من عند ناس الخير واللي تعرف ربي ونزرب نوجد روحي ونروح عند راجلي باللي كاينة ويا لكان نكري مؤقتا وما ندير عرس لا والو الفايدة في الصح الله غالب لحد الساعة ما عندي والو

تمنيت هذا البرنامج تكون مقدمة أخصائية نفسانيةلان معظم المواضيع اجتماعية وكلهم نفسيتهم تعبانة

ربي يفرج عليها يا رب في هدي الليلة المباركة انك تفرج عليها و تسترها و تحرسها بعينك التي لا تنام 😭😭😭😭والله قسمتلي قلبي

و لله حسيت بيها انا يما راحت وخلاتني صغيرة بقات خيال صورتها منين باستني و راحت تربيت عند مرت الاب و سوفريت كذبوا عليا قالو لي انها خلاتك و راحت لبلادها و ما حبتش تديك عشت مقهورة نشوف بعيني و نسكت مرت الاب ما رحمتنيش تعايري ببنت الكافرة و لي دارتو فيا كفار ما يديروهش نهار كبرت و عرفت انهم هم من هددوها بالموت و بالقتل اذا قعدت في جزائر وقتها كان الارهاب مسكينة امنتهم و هربت مي كبرت حوست عليها الحمد لله لقيتها و ربي بعتلي زوج ما شاء لله هو داني عندها كي دخلت لدارها اول حاجة حطاتها قبالت الباب صورتي و انا صغيرة قاتلي ما نسيتكش و هم لي خلاوني نهرب و نخليك المهم شفتها و شبعت منها و اكتشفت انها مسلمة و جدودها مسلمين من داغستان و مرت بابا كانت تقولي يماك كافرة و تسكر و تاكل حلوف وووو وانا صفيرة ما نعرفش كرهتها صدقت مرا بابا هي كافرة بفعايلها ما شي ماما

هاذ المرءة ربي عاطيلها نور في وجهها حافظت على شرفها وخدمت وتعبت وعانات في حياتها وحماة بنتها هاذي امرءة عظيمة ربي يعطيلها ناس الخير لي يعاونوها والله المستعان

الله يكون معاك اختي الكريمة الله يقدم لك الخير عن طريق اناس طيبين اللهم آمين يارب العالمين ولاكن غلطتي كي اعطيتي الأمان لشخص مغترب وزوجتي غير بالفاتحة صح زواج حلال والله شاهد عليه ولاكن لازم نتقي الشبهات كي تدخلي وبنت في يدك بدون وثيقة ولا شهود كيفاش حبيتي الناس تصدقك وهذا راح يسيء ليك وللبنت لازم نتقي الشبهات انا تزوجت مع ابن خالتي في أروبا ودرت بالفاتحة والعقد ودرت عرس ومن بعد قعدت نستنا في الأوراق باش نروح ولاو الناس غير يشوفوني يقولولي سمعنا بلي تزوجتي وراه زوجك مشفناهش وحدة خوها هو لي شهد معايا في العقد كنت انا وبابا ويما خويا وزوجي والأم تاع زوجي لهي خالتي وكي تلاقيت مع اختو قلتلي صح تزوجتي قتلها ياك خوك شهد معانا قاتلي ايه سمعت بصح واش هذا الزواج انتي في جيهة والزوج في جيهة قتلها ياك فيها أوراق وفيزة ماشي غير هك ردو بالكم تزوجو فقط بالفاتحة غير كاش مشكل صغير طفرت فيك انتي وصغير وغلطة تخلصيها طول عمرك وتزيد تخلص موراك الطفل البريء الله يحفظ ويستر وليدات المسلمين اللهم امين يارب العالمين

حنا جزائريين معروفين بالشهامة والوقفة في وقت الضيق يا رب نداء هذه المرأة يكون مسموع ومحسوس وخاصة الناس لي يعاونوها فرصة انهم محضوضين عند الله سبحنو وتعالى خاصة لوجه الله والطفلة بنيتها وبنت كل الجزائريين والله لا يضيع أجر المحسنين

قصة تبكي وغاضتني المخلوقة بصح حكاية موت راجلها جاتني حكاية فبركها باه يهرب من المسؤولية وضاع حقها وحق بنتها ميت اوحي والعلم لله

حوجيانة حرقتلي قلبي مسكينة ....ياربي فرج عليها ولية مخلوقة تمحنت في هاد دنيا ...بكتني دم معاها زهر كيداير شابة كيما بوبية ربي يغفر لموك سعاد ختي .....مومن مصاب متحصيش شوكن ليكون في ظهرك يسترلك بنتك

Elle est vachement maline cette femme car tout ses arguments sont basés sur des individus décédés, sa mère morte, son mari mort, le témoin de son mariage mort, tu vas payer cash

وين راهم ناس جزائر وينكم سبحان الله طونوبيلات ماركة فيلات شركات وامرة متقدروش تعاونوها عيشكم عاونوها على وجه ربي يزيدلكم ربي يا ناس

الطلاق نتائجه وخيمة و الله من تصبر تنال اصبروا يكبروا الاولاد و ينسو كل الهموم

تحية من ليبيا إلي الجزائر البلد الحبيب بلد الرجال والناس الملاح اهل الكرم والجود وانا نحب الجزائر بالزاف

اختي علاش متبدليش الولاية كاين ولايات لكرا فيهم رخيس كيما مسيلة استوديو ب 800 الف وتشوفي خدمة ان شالله وربي يفرج عليك

بصح شكون يقول بلي راجلها مات ما يكونش لعبهالها يكون يهدر يدير حادث و مبعد يعيطولها ما تدخلش الراس

الام هي لي ديرلك الشان كي تكون حنينة وكي تكون قاسية وتحقرك والله الناس كامل يحقروك

اريد التواصل مع الاخت سعاد من فضلكم!! فيسبوك افتح قلبك و ارقام الهاتف لا يوجد مجيب للاسف

والله غير قطعتلي قلبي يارب السموات والأرض إفتح لها أبواب رحمتك

تباين صغيرة انخلعت كي قالت عمري52 سنة

بكيت بكيت بكيت بكيت واكثر حاجة بكاتني كي قالتلو "توحشتك خويا وهو قالها انا تاني توحشتك وتحضنو بعضاهم" قلبي تقطع يارب حنن قلب اخ قاسي على خوه أو ختو

الله المستعان الله المستعان ربي معاك ماما سعاد والله فيك طيبة وباينة متربية بزاااف بزاااف ربي يحفظك ويحميك وربي يعطيك ما تتمنايه

انا شبعت بكاء. مكاش كيما الأخوة. ربي يفتحها في وجها

سليمة بصح ولله غيل بزااااف عليك كل خميس تبكي كيشغل كتبهالك طبيب راني حاس بيك 😪😭😭😭

حلقة مؤثرة جدا والام ممكن كانت عندها ظروف هي ما تعلمش بيها ممكن سحروها عليها زيدتها وهي كارهتها نعرف حالة كيما هدي امراة كانو عندها زوج بنات الاولى تموت عليها والثانية سحروها عليها فالنفاس من صغرها تكرهها طيشت بنتها قالتلهم مانحبش نشوفها هديك البنت رباتها جداتها . هدي دنيا فيها ناس ما تخافش ربي

لوكان رجلها لول مشكش فيها و طلقها لوكان راهي لباس بيها مع رجلها مسكينة تغبنت في حياتها

واللهالعظيم انا هاد المرأة أعرفها عن قرب وشهادة لله واش حكات كامل صح هذن المراة فحلة ومرا تاع نيف و انسانة متمسكة بالصلاة قساة عليها ليام نشاء الله ربي يفرج على جميع مومن

الجزائريين رجال و انشالله يعاونوها احنا في تونس انقولوا جزائر بلد أنجبت الرجال

نفس قصة ماما تمرمدت من صغرها وتيتمت وتمرمدت ولحقتها الضروف حتان للكبر و راهي ثمانين عام والحمد لله منخليوهاش

اختي سعاد ادا تقدري تسكني عندنا فب بشار مرحبا بيك دار خالصة وانت ما عليك غير تخدمي

مسكينه تغيض شحال بكيت ربي يفرج عليها نشالله ربي مايضيع حتى واحد

حيرني كيفاش ماجاتش في بالو ختو ناسيينها قاع الله يلطف من الوقت لي رانا فيه

52 ans !!!!!!!!!!!!!كأنها 25

ما أعظمها إمرأة من الجزائر 45مليون تحية ليك و رفع القبعة اختي الفاضلة ربي نورك بنورو ماعليا غير انقولك اصبري لأنو ربي ابتلاك في هده الدنيا لانو اللي راه يستناك عندو فوق اعظم بكثير نقولك ربي يفرج عليك و نتمنيى من السلطات المعنية ان تعطيها حق في السكن تحتمي فيه يارب و صراحة هلكتني لما قالت لخوها حاباك في كتفي ياحليل جوزت و قاسات بزاف وشكر خاص للمومنين اللي رفدوها وصبرو عليها و قناة الشروق اللي رايحين يدفعولها مقدم سنة مشكورين و انشالله تلقى خدمة تقتات بها طعم القوت يارب .

والله بكيت تقول قلبي كان معمر والله غاضتني ربي يفتح عليها 😖😖

اختي سليمة هذي مراة جيبيها تعيش معيا انا وبنتي

قصتك كيم انا وبالاك انا أسوأ منك انا فان صرالي نفس القصة القلب يتقطع

الكراء في قرية صغيرة لا يتعدى 3000 دج ... لماذا الاصرار على العاصمة هل العيش في شارع في العاصمة احسن من العيش في بيت في قرية صغيرة

C'est pas normal قالت بلي كانت في فرنسا فالتسعينات وقعدت 8 سنين ووهذاك الوقت كان ساهل فالكوارط كانو الحراڨة لي معندهمش الكوارط غير يديباسو خمس سنين يعطوهم الإقامة خاصة هي امرأة لا لا قصتها في فرنسا فيها اللوش وقالت جاتها شعال من فرصة للزواج وما حبتش تتزوج كيفاش في فرنسا استحملت التمرميد والميناج وما قبلتش راجل يتزوج بيها فالحلال ويصرف عليها!!!!! c'est bizzard

مستحيل لكان هذه السيدة عمرها 52 سنة !!! ماتبانش تبان غير ف40 سنة

ربي كي وصانا على والدين ونطيعوهم زعمة هاذو لي كيما هك داخلين في وصايا كاين شي والدين هوما عاطيين قيمة لرواحهم يعني بلا ما تحس تلقى روحك طايعهم وكاين شي والدين لا حولة ولا قوة

ياربي معنديش باه نعاونها ماديا عندي غير الدعاء يارب فرج عليها و ارزقها من حيث لاتحتسب ياربي ارزقها بالحب و الحنان ينسيوها في شي بلي فات عليها 😭😢

ربي يفرج عليها ان شاء الله 😢

الله يفرج على كل مغبون ويشف كل مريض ويفتح على كل مغبون في هذ الجمعة ان شاء الله

خاوتها ماهمش رجاله لحم لا نتن ليه ماليه ختكم تبقى ختكم يصرا واش يصرا لخاوه ولاو يخمو غير على صلاحهم كون جا عندها دراهم كون راهم يجريو موراها ربي يكون معاك ختي

اللهم يا رب فرج همنا ويسر امرنا وارحم ضعفنا وقلة حيلتنا وارزقنا من حيث لا نحتسب

الله يبارك مثال للمرءة الصبورة اللهم افتح ابواب الرزق ابواب العطاء ويسر امورها

انشاء الله ناس مستغانم والجزائريين كلهم شافو الحصة وسيقف بجانبكي ماديا ومعنويا بادن الله لان شعبنا كريم وشهم ويحب الخير

شحل شابة أن شاء الله تلقاي وليد فامليا يسترك

ربي يفرج عليها ويرحم امها يارب

اللهم اغفر لأمي و أمهات المسلمين و عوضني..و عوض كل حزين..يا رب العالمين

و الله غي غاضتني بزاف ملي شتها ما رانيش مليحة ربي يكون معاها

سلام عليكم الله يبارك تقول في عمرها 30 سنة بوبية

هههههههههههه سليمة تيري برك ملي بدات تهدر المرأة وهي تقول يما اللّٰه يرحمها ،وكي لحقت ل40 دقيقة قالتلها ويماك وين راهي هههههههههههه احسنتي انت منشطة رائعة والعكس صحيح

L'animatrice n'écoute pas ce que son invitée lui raconte...mon dieu!!! Elle n'arrête pas de dire " yemma allah yarhamha " et à la fin elle lui sort " wine rahi yemak ?" 😒😒

ياويلنا من يوم القيامه والله نتحاسبو ياناس ديرو لخير لوكان بكلمه وحده متخلوش محتاجين ويتامى انا بابا متوفي وصح بابا خلانا دار الحمد لله بصح يما هيا لي وقفت معانا ويما مش خدامه غير بنسيج بصح الحمد لله ربي ليك الحمد لي نوصيكم بيها ارحمو من في الارض يرحمكم من في السماء

انا خويا كي طلقت قالي هاو ابحر هاي الزنقة في دار بابا و انا عمري 19سنة اظطريت الي الزواج برجل عندو 6اطفال و شفت الويل و يكبرني با15سنة و الان انجبت المهندس و الشرطي والبنوتة و نقولكم الصبر ما كاين والو في هاذ الدنيا الي يومنا هاذا ما زال شبح الماضي يطاردني نسيت الفرح من شدة الالم