صراحة كنت مثلكم نكره حصة ماوراء الجدران ونضل نسب ونعاير فيهم لكن بعدما اكتشفت أن الناس يجوهم برضايتهم الصراحة هنا منقدرش نلومهم لأن البيوت أسرار والراجل حتى لو زوجته تخدعه ميجيش لحصة كيما هادي يفضح كلش قدام الملايين وتبهديلة نعطيك مثال قبل 10 سنين عمي كان متزوج جديد وبعدها بعام طلق مرته وعاود ردها تخيل أخي والله الفترة الماضية فقط عرفت بالشي هذا تعرف علاه باسكو والديا ماكانوش يعمرولنا ريسانا بلخر وبمشاكل لافامي تخيل هذا غي طلاق وبيناتنا وأنا نظن ماخفي أعظم وكان بزاف صوالح معلاباليش بيهم ومدرقينهم علينا غي باش يقعد مخنا صافي صديقي نضربلك مثال أنا لوكان نخلي السيارة نتاعي محلولة برا بيانسور غادي تتسرق السارق ملام لكن اللوم علي أكبر راك فاهمني
صراحة ضحكت في الأول بالصح في قلبي غصة، هذا الإنسان باينة خلاه بلي مريض، باينة المخدرات سببتلو إنفصام الشخصية و أمراض عصبية كبيرة. بالنسبة ليه لا يمكن يفرق بين الحقيقة و الخيال. و من المفروض الحصة تتحاسب لي جايبينو يزيدو يكبرو في مشاكلو و يعايرو فيه يقولولو مهبول. 😢😢 ربي يفرج عليه و على عايلتو. الجهل واعر في بلادنا، زعما ماكانش طبيب نفساني خلاه نصح عايلتو؟
شبعت ضحك ، لكن كي وصلت للإتصال تاع الأخت و سمعت الإتهامات النرجسيه الغير منطقية ، تفكرت خالي لي يتعامل بنفس الطريقة مع خالتي و هي لا علاقة لها بما يتهمها به 😢😢😢 ... أصعب شيء هو الشخص النرجسي المختل الذي يكره لمجرد الكره
صدقني خويا يوسف غير اسلوبك مليح والفكرة ممتازة كمل دير ردات فعل على الحصص تاعنا وممكن تفوت حتى الحصص العربية خاطر هوما ثاني فيهم خرطي كبير وننصح تزيد تجيب معاك واحد اخر في الفيديو يكون من صحابك واسلوبو مليح صدقني غير تكون سلسلة gold في اليوتيوب الجزائري ترجع بيها اسمك للساحة كيما السلسلة لي دايرها PewDiePie مع صاحبو نفس الفكرة وبيها رجع تفاعل لقناتو بعد ما بدات تموت
حياتي قاع وانا نضحك غير على الفيديوهات لي ماتفوتش 4دق مي ليوم عندي كثر من نص ساعة وانا نضحك 😂😂 ضحك متواصل هستيري تڨول هبلت بارك الله فيك خويا يوسف زيدلنا الجزء الثاني رانا نستناو على احر من الجمر
يوسف نتا يوتيوبر رايع و محتواك بجودة وافكار احترافية ، و كنصيحة صادقة ساحة صناعة المحتوى الجزائري فارغة ماكانش بزاف عباد ، تقدر تستغل الامر هذا بش تشتهر كثر وكثر لأنو محتواك يستحق الدعم ، انا نتفرج بزاف اجانب و محتواك كيفهم و احسن خصك برك المواضبة وواحد مايفوتك ، كل الحب و الدعم ، إستمر خويا لعزيز مقاطعك يفروحنا ❤❤❤
يوسف عندي فكرة انا جزائرية و اشتركت بقناتك غير دوكا وحبيت نقولك إذا عجبتكم الفكرة إذا دير بث مباشر وتلعب ستامبل ڤايز وندخلوا معاك بالكود باه لي ما عندوش باه يلعب فول ڤايز يلعب معانا ستامبل ڤايز واش رايكم ارجو تقدروا تعبي اختكم من 🇩🇿 الجزائر 🇩🇿🇩🇿🇩🇿🇩🇿🇩🇿🇩🇿🇩🇿❤️❤️
أقسم بالله غير عندي بزااااف و بزاااف ماضحكتش كي ليوم يعطيك صحا أخي زدت لهذي الحصة نكهة خاصة و هذا يسمى إبداع الله يبارك على فكرة أنا متابع جديد تستاهل مليون جام ❤
اولا العنوان غير لائق ثانيا هاد القناة ترفد الطلابين من شارع تتحفهم و جيبهم باش يدخلولنا لوسخ لدار، و نتوما راكم تعاونوا فيهم واو ربي يجازيكم كل عملة راكو ديروها