حبيت أنبهكم لخطأ لفظي كنت نقولو ونبهتني أخت فاضلة رحمها الله وهو : ربي علابالو... والبال شيء يتصف به الانسان وليس الله سبحانه و تعالى . فالصواب أن نقول ربي عالم بهذاك الشيء...
ختيتي ربي إنور طريقك صاح قاع نغلطو فكلام حتى فكرتيني نهار قلتلو لبابا هديك مرت خويا قالت هكدا فينا أوفيك لاكن والله ندمت بعد وقت كرحت لدرنا قلتلو لبابا غلط مع العلم صاح هداك لكلام ولاكن قلت هدي مرت خويا إلا غلطت نشوفو في وجه خويا ونسامحوها والحمد الله رجعت المياه لمجاريها وخويا فرح كرجعنا مع بعض
ربي يبارك فيك اختي اطلب من كل من قرأ تعليقي الدعاء لي يصلح احوالي و اطلب منك نصيحة او طريقة باش نعاون وليدي فالمراحعة عندو بيام هاذ العام ربي يوفق جميع اولادنا يا رب
تعيشي ديرلنا فيديو على الموضوع تع مساعدة الزوجة للزوج في شراء لوازم البيت ماشي القضيان وإنما اجهزة كهرومنزلية او بناء بلاكارات يعني هذو الحاجات تحتاجهم المراة خاصة العاملة و اذا سنيتي الزوج ما يديرهمش وفي نفس الوقت نقول نوغمالمو هو يدير هذا الشي راني في صراع نفسي اذا راني في طريق صواب ول غالطة للعلم هو عمرو ما دخل في شهريتي
السلام عليكم ورحمة الله وبركاته هذا الموقف صرالي عندو يومين علقت على منشور في الفيس بوك عشيت في مشاكل مع الناس والجندارم حصلت الله المستعان مع اني كنت على حق لكن الباطل يغلب الحق ربي يكفينا شر الخلق
مشكورة حبيبتي.من المفروض أي واحد فينا يشوف انسان مبتلى يقول الحمد لله الذي عافانا مما ابتلاهم به وفضلنا على كثير ممن خلق تفضيلا أسأل الله السلامة والعافية راح ميصيبوش ذلك البلاء بإذن الله.
سوفي نعطيك تجربتي انا صدقيني كتت ذراري و كانت وحدة صغيرة معانا تقول يجليا ماشي رجليا و كنت نظل نهجر عليها طاك الوقت كنت 6/7سنين ذاك الوقت كبرت زوجت و جبت ذراري و بنتي كي كانت صغيرة كانت تقول يحليا هذا بسيييط و ناشي قصد الضحك ذاك الوقت و انما كنت مستغربة و الشيئ الاعظم و اللي صح صح صح خوفني و علمني مليييح مليح مليح نزم فمي هه انو كنت في عائلة الزوج و علابالك واش يوقع منواشات و كذا مرحلة من المراحل مرضت من الضغط و ولاو يحيوني لي كريز وحدة جا رتهم قالت عليا مهبولة و عجوزتها حكمت يما و قالتلها بنتك مسكينة مريضة صدقيني بكيت بكيييت لكن 3سنين من بعد فقط لا غير المرة اللي قالت مهبولة اقسم بالله العلي العظيم غير هبلت و لاو يحبسوها فالدار باش ما تخرجش و الناس من الزنقة يسمعوها تعيط و تكسر و عجوزتها مرضولها زوج ولادها و وليد وليدها بتلسكر زوج ماتو واواحد يظل فالسبيطار. والله غير وليت نخااااف بزاااف بزااف بزااف امالا بلاكو بلاكو بلاكو الدنيا راعي تجري و الرودة ترولي.
من فضلك متحركة نصيحة للأم اللي عندها أكثر من طفلين يدرسو ، كيفاش تقريهم ، علابالي تقوليلي تنوضي بكري يعطيك الصحة على النصائح المفدين انا سؤالي على كي تروحي تقريهم تتلف شكون تشدي ومعامن توقفي حتى تولي متعصبة بدون سبب، شكرا مسبقا متحركة ❤
شوفي حبيبتي كتجربة المتابعة من الاول من بداية الدروس مازال الحال كل طفل حصص له وقت المراجعة تشوفي شكون الى يفهم اكثر نقص من الوقت لكي تتفرغي له كل واحد بعيد على خوه حتى ولو في المطبخ معك خاصة إذا كان في الابتداءى الحفظ يكون بالتسميع نفسه او الاعادة كتابة لايمر اسبوع الا وانت تصفحتي كراريسي البنك وكتبه وفي نهاية الأسبوع استدراك اذا كان متاخر في الدروس واذا لم أستطيعي خلى واحد يعمل دروس في المواد الصعبة بالنسبة اليك. واتابعي نتيجته واحفزي اطفالك على كل صغيرة وشجعي وابتعيدى على اللوم دايما قولى تستطيع ان تفعل سوف تبرمجي عقله لسهل يصبح يفكر صحيح ويجد حل للمساءل قبل أن تتدخلى انت. ولا تتناقشو مشاكل الأسرة مع الابناء والدعاء اللهم يسرلى أمور كلها وحفظ االابناء اتمنى لك التوفيق في كل المهام والنجاح للاطفالك بنتي كلما توجهت للخالق فرجت الامور كل
والله غير كلامك دوا و عندك الحق في كل كلمة قلتيها عن تجربة شحال من حاجة هدرة عليها بعد سنين صراتلي ضركا راني نعود في نفسي على السكات ربي يقدرني على نفسي و الشيطان
اعطني نصيحة انا سجلت في المعهد تقني سامي في محاسبة والمالية نقرا يومين في معهد و 3 ايام تربص في مؤسسة راني متزوجة وعندي 2 اطفال راني مرتبكة وحشمانة شعور مختلط يعني كيف يكون أول يوم في المؤسسة مع خداما اسبوع القادم ندخل
واش رأيك في مرأة ماكثة في البيت وبغيت ندير دورة تاع الورد أو حلويات الكيك هل تنصحني علما غير من من شحيحة أو نشري بيها لوازم للبيت خاصة دورات غالية من زوج ملايين وطلع وأنا من جنوب ودورات في جزائر 😊 معنديش مدخول شهري غير راتب زوج ومعنديش صوالح ياسر في البيت مستلزمات واش رأيك
اختي يا مولات الراي الرزين ارجووووووكي انصحيني انا وزني قريب قنطار ولي زاد وزني دوا الاكتاءب نحب نتغير نحب ندير ريجيم ورياضة ونقوم بشغالاتي ونقري ولادي لكن في الصباح كي ينوض نشرب قهوة ونرجع نرقد ماندير حتى حاجة نتمنى نتغير ونطور من نفسي لكن الارادة زيرو عاونيني انت والاخوات بالنصيحة باه نبدا واش الحل 😢😢😢😢
كانت عندي صحبتي سمييييينة خلاه ديما يتنمرو عليها وكي جات العطلة تاع الصيف قالتلنا في الهودة اامدرسية نجيكم ضعيفة وخادمة لاتاي ضحكنا عليها قلنالها روحي تلعبي ثلاث أشهر ميكفيوكش وانتي قد البقرة واللله والله غير كي جات القرايا وشفناها معرفناهاش حرنا فيها قالتلنا درت القلب وتعبت بزاااااف بصح وصلت وين كنت حابا نوصل مكانش حاجا مستحيلة ابداي درك أخدمي على روحك متخليش نفسك تغلبك انتي سيدة قراراتك وليس النفس الامارة بالسوء كافحي وإجتهدي لأن الحياة تستحق الجهاد
السلام اختي تعيشي قولينا كيفاش نتعامل مع الزوج الانتقامي كي نداوسو يدس الكلمة الي نقلو وجعتني وولي مرة أخرى يرجعها لي على اساس هو الي قايساتو ماشي هو اللي يجرح بيها حتى الطلاق كي طلبتو على غش كيما قاع النساء الي يغلطو هاذ الغلطة الكبيرة راه غير يستنى باه نداوسو ويهددني باش يكبرها حاب ينتقم مني ويكون هو الي مطلقني وانا اللي غالطة ومتعباتو تعيشي اختي قوليلي واش ندير على خاطر راني تعبت بزاف وربي يحفضك