﴿وَالصبح إذا تنفَّس﴾ اللهم اجعل هذا الصباح صباح خير لا يضيق لنا فيه صدر ولا يخيب لنا فيه أمر واجعل لنا في كل خطوة توفيقاً وتيسيراً وأجراً 🌿🤍 #صباح_الخير
العلاوه : مرحبا في حفلة اِشيوخنا الرّوسَ الكبار النّويشر تفخر اِبصِيته اَلادِ اِعضِوِي يا سفر ما كِلّ موضوعِ يصلح بِ اِختصار يمكن الاوضاع تخرب معك ما تستوي سفر الدغيلبي : البقىَ لَلعزوه اللّي لهم قدرُ ووقار والنّويشر شيخِ رَبعه وطيّب وِاِحمِوي اِن سرَحتوا ما ازين المشي في وضح النّهار وِان خطفتوها مع اللّيلِ حَيلَ الله قوي العلاوه : وش علوم الطّايره بعد وصلت لَلمطار كبتن الطّيّاره اظِنّ ما هو ببدوي العرب حطوا لهم قِبّةٍ راحت مِزار فالنّهار النّاس نِيّام واللّيل اِسرِوِي سفر الدغيلبي : كِلّ طيّاره لها برمجه وِاِلْها مسار دِقّ رقم الحجز واِحجز ودوّر لك خوي رَبحَوا التّجارِ في سوق الاسهم والعقار وانتِ بين الفِرقِ والذّود والذّيب اِيعَوي العلاوه : ما حَدٍ ينجَح على طُول من دون اِختبار والسّوالَ المِلتوي له جوابٍ مِلتِوي ما يهيّض خاطري غير صوتِ اُمّ الحوار ما نبىَ بنكٍ تجاري وبنكٍ تنمِوِي سفر الدغيلبي : اَصغرَ اصحابك عتيبه يجي شبّاب نار دَوّرَ ابا الحارث اللّي يشبّون الضّوِي مِهنِتك لا هي بشينه ولا فيها اَفتخار راحِ عمرك وانتِ وسطَ الحلال المَقنِوِي العلاوه : اَصغرَ اصحابك بِنَ الحارث يسبّب دمار يحشر اَخصامه لِحالِه ويكويهم كَوِي انتِ لا تبني جدارٍ ولا تهدِم جدار شُوفِ لك مِهنه ونِعطيكِ دعمٍ مِعنِوِي سفر الدغيلبي : اَسمِعِك واعوذِ باللهِ مِن سُوّ القرار اِعقلوا يا قومِ وِش هالكلامَ الفوضوي دِمتِ لا صاحب معالي ولا انتِ اِبمستِشار وِش تِدَوّر عند قصر الاميرِ اِبن اِجلِوي العلاوه : راحَت الدّعوىَ مِقامَر مثل لعب القمار وَرّدَوا حبلٍ تِمَدّد وحبلٍ مِنطِوِي انته اكثر مِن يروحِ اِلْ طويلِين العَمار كَنّ وِدّك تِشتِوي لك صقر ما ينشوي سفر الدغيلبي : اِبتِعِد يا حارثي مَنته اِبطلاّبِ ثار لا تِحِطّ اِيداكِ بين اللّهَب والمَجذِوِي جيّت الحكّامِ نوماسِ ما هي بِ اِحتِقار وانتِ رَوحاتِك ما غيرِ اِضعَويٍ فِ اِضعَوي