والله العظيم ياختي، كامل رانا مغبونين مع هذو الاولاد انا وليدي راه في غرقة المهلوسات والله ماعرفت ماندير معاه ربي يهديه والله دايمن وغايضني وليدي ملقيت ماندير راني غير ندعي ربي يهديه ويصلح حالو يارب
ربي يكون معهم ربي يكون معهم يا ربي ربي يكون معهم ربي ينصرهم يا ربي يا ربي ينصر خوتنا الفلسطينيين يا ربي على القوم الظالمين والقوم الفاسقين🇵🇸🇵🇸🇵🇸✌🏻✌🏻✌🏻😭😭😭🤲🏻🤲🏻🤲🏻✌🏻✌🏻✌🏻
آه يا أختي كان لازم تزيريها أكثر و كان لازم ماتشريلهاش تيلفون ماتخميش أختي دوك يجيها الخير ان شاء الله تكمل أنا قريت بالمراسلة بسبب أختي لكن الحمد الله كانت نعمة عليا
بعض الامهات سبحان اللَّهُ، يعني بنتها اذا تحصلت على علامة مليحة من بعد بنتها تقدر تروح لطريق العاوجة، جيبلنا برك معدل مليح ...... ديروا في بالكم بلي كاين غلطات يجيبوا العار لرجل و ماشي كامل الغلطات نسمحوا فيهم.
نتي دورة وتقولي كانت معدلاتها عالية ومبعد كي معدلاتها عالية دير رايها وزيد يختي ولله تلفون لطفلة مش مليح قبل ماتجيب لباك نتي فسدتيها وربي يهدي ماخلق ان شاءالله
مشي تلفون لي يفسد الناس الناس هيا لتبغي تفسد روحها وتفسق روحها وتبغي تبع طريق العوجة حتى لو دارت تلفون بعد متجيب الباك عندي تلفون بصح نستعمله غي فقراية ولا نهدر مع صحاباتي مع العلم انا مزال مانجيبج الباك
صح بنتك غلطت مي الغلطة تاعها مشي عذر ولا سبب باش يحبسوها من القراية مهم راهي شريفة عفيفة هذا هو الصح كان خلوها تكمل قرايتها و خوها يديها ويجبها وفرات مشي حق عليهم يمنعوها من القراية راهي حق من حقوق المرأة الله يهديهم
طفلة❌❌ معدلات عالية✔️✔️✔️ ماشي هكا التربية ختي العلم الشرعي اسبق من العلم الدنيوي ركزتي غير على القراية والمعدلات العالية ونسيتي الصح لي هو التربية والاخلاق والشرف تع البنت والحياء ووووو ماشي هكا التربية ربي يهديها ويثبت عليها العقل والدين ويرزقها زوج صالح
هادي هي العقلية الذكورية تاع الجاهلية الرسول صلى الله عليه وسلم و اوصى بالبنات و اوصى يرفقو بينا غلطة عادي ما نلومهاش صغيرة و ما تعرفش بصاح الله لا يربح الذكور لي راكي عايشا معاهم ماشي رجال الراجل ما يديرش هكا
في رايي اكبر غلطة تديرها الام هي انها ماتحطش الاب في الصورة من اول مشكلة تواجه الاولاد لازم الاب يضرب بيد من حديد ويضبط الامور لان الام تغلبها العاطفة و تغطي عالمشكلة حتى تتفاقم و تغمق
جربت أختي العزيزة فريال التحلية لي درتي بصح للأسف مالقيتش سوبر كريم تاع القارص جاب لي تاع الفراولة جاتني شوية أنا نحب القارص خير وجي منعشة خير من الأذواق الأخرى .
بنتك دارت غلطة حياتها و نتي علابالك بالجهاد باش خليتي باباها يسمح لها تقرا ،كان عليك تخبري راجلك بأول غلطة وإلا لازم يخرجها من قرايتها يديرها و حتى واحد ما يعرف أسراركم و يذيع صيتها في حومتها... على الأقل تكوني ربحت سمعة بنتك و هي دوك تتعلم واش هو الحجاب و الفايدة تاعو، بنتك لازم تعسيها و بالاكي تأمنيها كي راهي ف الدار و ظلي موراها و هدري لها بزززاف على عواقب الأفعال تاعها كي تديرهم مورا ظهوركم.... أما قرايتها ممكن مع الوقت باباه يخليوها تكمل بالمراسلة و نهار تجوز يديها هو و لا خاوتها لكبار،روحي لو بلعقل و ما تعارضيهش كي يرفض، و بنتك وصيها تكون عاقلة و تبين ليهم بلي تغيرت و عقالت و لعل و عسى ينساو حكايتها... بصح سمحيلي ختي نتي السبب الأول لضياع بنتك خاصة كي سمحت لها تدير بورتابل و تتهاوني ف مراقبتها... ربي يجيب الخير و يرجعها لجادة الصواب و يحفظها من كل مكروه هي و خاوتها. المستقبل بيد ربي و ما تقلقيش كي ما كملتش قرايتها،في نفس الوقت حاولي مع راجلك بصح نتي علميها في الدار تدير الحلوى و تفنن فيها و كي تتزوج تدير بصنعتها مشروع خير من لي قراو... أنا واحدة من الناس قريت و راني قاعدة في الدار نقري ولادي و نربيهم... و في الأخير ما تقلقيش مني ختي لعزيزة ،أنا كلامي نابع من القلب.
ان شاء الله يجي نهار و تتقطع الانترنت من بلادنا.....لفسدت أخلاق المجتمع.....و نرجعوا للجيل الذهبي....و عيشوا اولادنا الحياة الطبيعية..و الله راحت خسارة...فالهواتف...ربي يهديهم....و الام ما تربيش بنتك بالعاطفة..جامي درقي عليها و تغطي عليها..المشكل يكبااار و يتفقام... عالجيه في وقتو......الحكمه نهار فقتي انو بنتك على علاقة مع راجل متزوج..كنتي هرستيلها البرطال على راسها و فرااااتو فضحتيها قدام باباها.....ما غاضتنيش كحبست لقرايه..خليها تتعلم صنعة فالدار...و ربي يبعتلها مكتوبها....قالك.هم البنات للممات....ربي يصلحنا وليداتنا و يهديهم . .. ..
والله يعني الطفلة مزالت صغيرة درنيلها تلفون عيشك هي واش تعرف مستحيل تستعملو في الجانب الايجابي باسكو تحب تشوف و تجرب بسبابو ضيعت قرايتها بصح ربي ان شاءلله يفتح عليها من جهة اخرى ويرزقها بالزوج الصالح
اي وحدة ف هاد ظروف تفهم بنتها بلي زلڨة بفلڨة مكانش لعب و مكانش غلطات هيا مخلينها تقرا بتحاويل و تروح تصاحب تاني هادو راهم جييل ربي يقدرنا عليهم و يصلحهم انشاء الله
يا اختي باباها عندو الحق وانتى خديتى موقف متاخر كان لازم تعسيها حت لوكان انت تديها وترجعيها بنتك ماشي ساهلا كانت تحب رايها يمشي وهي صغيرة وكي تكبر كيفاه الدير
المشكل انك مش معبرة العلاقة لي دارتها فالحرام وكل همك قرايتها ومستقبلها مع أنه لهاد المستوى الاخلاقي لي كانت فيه احتمال كبير ماتروحش بعيد بقرايتها المهم كل مايختاره الله هو الخيرة لينا حتى ولو ماعرفنا الحكمة منه
والله ربي يحسن عونك يا ختي ركزنا على قراية ولادنا نسينا الشيء الأهم اللي هو الدين والأخلاق لازم نحفظو ولادنا القرأن ونعلموهم الصلاة لأنو هو الشيء المهم في هذهالحياة حتى شيء ماينفعنا في هذه الحياة غير القرآن والعمل الصالح ربي يهدينا ويهدي ولادنا وأولاد المسلمين