اتفرج على سحر نويبع واعرف سر رأس شيطان - ارض الفيروز سيناء 

من اجمل اماكن ارض الفيروز ..نويبع وراس شيطان
قبل ما نبدا ما تنسوش تعملوا لايك للفيديو وتابعونا علي الانستجرام علشان تكونوا معانا في كل تفاصيل رحلاتنا جوا وبرا مصر
فيديو جديد في واحد من اجمل الاماكن في سينا
اهدي مكان في مصر ..نويبع وراس شيطان
هقولكم انهاردة علي كل حاجه ممكن تعملوها في نويبع وازاي تستمتعوا فيها
بس في الاول خلينا اقولكم ايه هو راس شيطان
مبدئيا ناس كتير ما نعرفش أن راس شيطان هي جزء من نويبع ونفس الشواطئ والكامبز اللي موجوده
لكن المنطقه هنا كان في شاطئين مجتمعين في نقطه واحده بشكل رائع وأطلق عليها البدو راس شاطان
وبعدها الأجانب بسبب صعوبة النطق بقوا ينطقوها راس شيطان .. الاسم يكاد يكون غريب ولكنه فيما بعد أصبح من أسباب انجذاب الناس أنهم يشوفوا المكان
اول حاجه معروفه عن نويبع هي الاستجمام الحقيقي
الهدوء والطبيعه البدائية
في نويبع بتتخلي عن كتير من رفاهيات الحياه ولكن ليها سحر خاص يخليكي مستمتع بكل حاجه حواليك رغم الإمكانيات المحدودة
حتي الاكل بسيط بس نضيف جدا
في نويبع هتستمتع في أي مكان هتنزل فيه بجمال الجبال حواليك والبحر قدامك نقي وهادي في منظر رهيب
عشان كده هيكون المكان المثالي عشان تستمتع بشروق وغروب الشمس يوميا من وسط الجبال الجميله دي عالبحر
في جو جميل من الهدوء والعزله
الانشطه كمان في نويبع ليها علاقه بالاستكشاف وحب الطبيعه
من اجمل الانشطه هي الهايكينج واستكشاف الوديان
وبتشوف مناظر من اجمل المناظر اللي ممكن تشوفها في حياتك زي الكالر كانيون أو الوادي الملون
وطبعا من أشهر الاماكن وجملها وادي الوشواش
وده هتلاقو فيديو كامل عنه في القناة
الهدف الأساسي للسياحه في نويبع هي الاستجمام
عشان كده هتلاقوا اي كامب عالبحر بوسائل بسيطه بيحاولوا يوفروا حاجات تساعدك علي الاستجمام وتخليك تنبسط بالهدوء والبحر والخصوصية
هتلاقوا تفاصيل كامله عن المكان اللي نزلنا فيه علي الانستجرام
حتي المكان هنا باليل كان رهيب استجمام حقيقي ما شفتوش في مكان تاني
وبتشوف اجمل منظر للنجوم كنت اتمني تبان في الفيديو
تابعونا على انستاجرام
/ duaa.raouf
/ mohamedw_ph