اتنصب عليا من جوميا 🚫 || تجربة من سيئة لأسوأ !! 

طيب انت ازاي بتقول ان انت اتنصب عليك من جوميا وبتقول للناس تدعمك بالشراء اونلاين من جوميا؟؟؟

والله انا طلب كوره توتر جالي بطه صفرا بتزمر هيا وعيالها 😂

جوميا بتنصب ع العملا.. دفعت اشتراك جوميا بريمو لمدة سنة استخدمت منه شهرين فقط و تم وقف الحساب تماماً من طرفهم لأسباب غير مفهومة و غير منطقية... و تواصلت مع خدمة العملا رافضين إعادة الحساب و رافضين اعادة الفلوس ...

لو سمحت هو نزل هاتف redmi k30 مصر وسعر النسخه 128/6 كام لايك يا جدعان

الحمد لله انا مجربتش اشترى من jumia ابدا انا اشتريت مايك من نون وجالى بعد اربع ايام من الطلب والمايك كويس جدا والعلبه بتاعته جديده ونضيفه

جوميا كرهتنى فى الشراء أونلاين تطلب مقاس يبعتولك مقاس تانى بجد إستهتار وتجربه لا أنصح أى شخص بها إياك ثم إياك هاتندم مستهترين جدآ جدآ جدآ

انا طلبت اوردر ملابس رجالي وأطفال بمبلغ982وجالي مكانه ملابس داخليه رجالي متتعداش300جنيه وعملت مرتجع واستلموه وادوني وصل وبعته علي الماسنجر ليهم لقيتهم أدونيس قسيمه149وبيقولولي ده تمن الاوردر بتاعك واتواصلت كتير ومفيش فايده لو معاكي وصل تاني ابعتيه ايه اناباخد 100وصل ده اللي عندنا ولحد الان مش عارفه اخد فلوسي

أنا طلبت smart watch جال ساعه تانيه ومش شغاله جاه المندوب أخدها مني بعد ١٠ أيام ومكنش لابس جونتي طبي وألو فلوسي جايه كمان ٥ أيام بقالي شهر وفلوسي لسى مجتش بكلمهم مش بيرودو أسوأ تجربه

انا الحمدلله متعاملتش معاهم وكنت بفكر اتعامل واترجعت بعد التعليقات والفيديوا انا دايما بشتري من سوق ومفيش حاجة حصلت خالص وبيجيلي الحاجة زي ماهي وكويسة ولا خرابيش ولا عدم التوصيل

انت بتقول ( وتمام كدا ) بس ليه ؟؟؟؟؟ قول ( وتمام كدا ، كدا تمام ) زي الاول اللي معايا لايك 👍👍

طب متشيل اللينك بتاعهم من الديسكيربشن بقا 😂😂

هذه المواقع اصبحت مثل الحوت يبتلع اي اموال قد تدفعها في شراء اي منتج وعندما لايعجبك او تريد ارجاعه يزيقوك الامرين وفي النهايه لايرجعون اليك اموالك ... احذروا هذه المواقع فقد كانت تسحب ارجلكم بتخفيضات وعروض وهميه وهاهي تكشف عن وجهها الحقيقي

انا حصل معى مشكله ان طلبت من جوميا خلاط جالى خلاط بدون مطحنه طلبت ارجع الخلاط عشان اجيب حاجه تانى قالت مش ينفع عشان انت فتحت الكرتونه مش عاررف ازى كنت هعرف ان مفيش مطحنه غير لم افتح الكرتونه ولبست خلاط بدون مطحنه على الفاضى بس والله ما هسبهم غير ماخد حقى بكل الطرق

انا كنت طالب موبايل من جوميا قبل كدا و مجاليش و بيقولى المندوب معرفش يوصلك رغم ان انا على شارع عمومى و مفيش اى حد كلمنى .. غالبا علشان كان ف فلاش سيل و ساعتها مرضاش يخلي الطلب يجى ولا اطلبة بنفس السعر و عايزنى اطلب بالسعر الجديد .. و بالمناسبة انا طلبت من سوق قبل كدا و كانو احسن بكتير

حصل معايا مشكله مشابهه دلوقتي انا طلبت سماعه من جوميا والسماعه جت حالتها سيئه جدا الكرتونه مقطوعه والسماعه كلها تراب والمايك مش شغال كانها مستعمل قبل كدا قدمت طلب ارجاع المنتج جيه المندوب استلم السماعه وحد كلمنى من عندهم وقالى خلال تلت ايام الفلوس هتتبعتلك فى اقرب مكتب بريد لحد هنا تمام طلب الارجاع كان بتاريخ 11/7 لقيت مفيش اي رساله بفلوس جت بعتلهم يوم 15/7 ردوا عليا يوم 17/7 قالوا فى مشكله فى البريد هات رقم حسابك البنكي نبعت عليه بعتلهم الرقم ولحد دلوقتي محدش اتصل بيا ولا الفلوس جت وكل ما ابعتلهم مبيردوش

فعلا والله انا قبل كده اشتريت منهم موبايل ب ٣٠٠٠ وف الآخر الاقى علبة تونة بس انا مدفعتش الفلوس غير لما إتكد

اشتريت air dots من نون على أساس إنها الأصلية و بعد ما وصلتلي إنها حتى مش بخامة الهاي كوبي ده أقل من الهاي كوبي و رديئة جداً غير إن العلبة مفيهاش كيس الجلد و المضحك أكتر ان كان معاها كابل للشحن.. ما انصحش أي حد يشتري السماعة دي من نون ولا من أي منفذ بيع أونلاين و الأحسن تشتريها من التوكيل نفسه.

احلي حاجه في الفيديو...... وي تمام كدا كدا تمام 😂😂💙

اشتريت سماعه بلوتوث اسبورت من موقع نون بس جات بايظه برضو بس كلمت خدمه العملاء شرحتلهم اللي في السماعه قلولي مندوب الشحن هيجي ياخد منك المنتج بعد يومين وفعلا جه بعد يومين وبعدها ب يومين كمان بعتولي الفلوس علي الموقع أن انا اجيب بيها اي حاجه بس كانت تجربه حلوه

أنا وبتفرج على الفيديو جاني اعلان جوميا وكأنهم قاصدين 😂😂😂

انا اشتريت منهم تلفون كان عليه عرض كبير شويه بعد ما اشتريه وجالي ودفعت الفلوس المطلوبه و بعد تلت أو أربع ساعات اتصلو فضليو يقولو حصل غلط وعوزين 2000 جنيه كمان مع أن الاردر عندهم بالسعر الي انا دافع موقع معندهمش ضمير

مع احترامى لرأيك انا اشتريت عشرات المنتجات من جوميا تقريبا من اول ما اشتغلت فى مصر وعمر ما حصل معاهم اى مشكلة

انا اشتريت من جوميا وجم بعد 20يوم قالولي اتلغي الطلب قبل توصيل المنتج بيوم واحد وجيت اجيبه تاني لقيتهم زودو السعر ولازم استني تاني 21 يوم او اكتر ومش عارف ارجع فلوسي ازاي

انا برضو كنت طلبت منهم مايك وجه العلبه فيها قطع واردت استرجاع المنتج ومبيرضوش وساره دي كلمتني النهارده ومش راضيه ترجعوا

حضرتك انا عايز اشترى جهاز galaxy note 20 ultra وسعره غالى وخايف يتنصب عليا تنصحنى بأيه

اشتريت لاب ديل من جوميا وكان فيه مشكله وحاولت اتواصل اكتر من شهرين علشان ارجعه لكن بدن اى نتيجه وبيحاولوا يخلعوا من موضوع استرداد المنتج . وللاسف اسوأ تجربه فى حياتى على عكس سوق.

انا اعرف واحد صاحبي كان ليشتري هاند فري للايفون جاله للاندرويد و حاول يكلم خدمه العمله اكتر من مره بس مفيش رد ف اضطر أن هو يبيعها وخلاص .

انا محصليش اي مشكله من جوميا او نون او سوق غير مره واحده وهي من سوق وطلبت منج ترايبود كان مكتةب عليه خصم من ٤٠٠ ج لحد ١٣٠ ج علي تراي بود والتراي بود شكله كويس لا هو فخم جداا ولا هو يعني معفن لا يشول كاميرا خفيفه مستريح جيت بقا افتح العلبه الاقي تراي بون من اول كتفي لحد كوعي كدا بظبت يعني قصير فشخ وبلاستك و ردئ جداا

معلش عندى سؤال مهم ...اقدر افحص المنتج من المندوب وافتحه وهو واقف ولو فى اختلاف مستلمش المنتج ومدفعش تمنه للمندوب فى حاله نظام الدفع عند الاستلام ولا دا غير متاح؟!

اشتريت شاحن لابتوب وطلع مستعمل والكرتونه مقطعه وتعبوني في استرداد الفلوس على الحساب وكلوا علي مصاريف الشحن اللي المفروض انهم اللي يتحملوها لان العيب من عندهم ومره تانيه اشتريت فلاشه ولقيتها غير المواصفات تماما

اشتريت ايربدوز من سوق ولقيت ان السماعه اليمين كانت بايظة بس سوق حل المشكله ورجعلى فلوسى

فعلا كان في حد اتواصل معايا برضوا اسمه سارة علي الميل بتاعي وكنت بتابع مشكلة ف السحب وان الحساب البنكي معلوماته صح واتحول عليه فلوس من سوق افيليت ولكن ف جوميا حولوا فلوس شهرين ومكتوب ان المبلغ اتسحب ومفيش اي فلوس وصلتني والشهر التالت كان مبلغ كبير ولغاية دلوقتي المبلغ معلق وغلبت معاهم تواصل مفيش اي فايدة المبلغ ده كان هيفرق معايا جدا في تطوير القناة وشغل 3 سنين بس الحمدلله وحسبي الله ونعم الوكيل فيهم

اقذر عمليه شراء في حياتي حصلتلي كانت مع جوميا لسه طالبه منهم مروحه وطلعت سيئه وحبيت ارجعها رفضوا بحجه إني فتحت الكرتونه .امال كنت هعرف منين انها حلوه ولا وحشه غير لما افتحها حسبي الله ونعم الوكيل فيهم ربنا يخرب بيتكوا يابعده😡😡🤲🤲

هو بص يا باشا جوميا وسيط بين البائع والمشتري الاصل في الامر التأكد من سلامة المنتج قبل الدفع فعند استلامك المنتوج هو قانونا بمثابة قبولك به وتعرف المقولة القانون لا يحمي المغفلين فبقبولك المنتج والدفع قانونا هو تأكيد من عندك ان المنتوج مطابق الآن هناك مشكل في الفيديو وهو قانوني واظن انه قد يفضي إلى متابعة من طرف جوميا هو اولا المنتج الذي تضهره ليس هناك ما يثبت انه هو ما توصلت به أو على الأقل ليس على الحالة التي توصلت به عليها ثانيا هو مقارنتك بين جوميا ومنافس لها مباشر في السوق المصري وهو ما قد يؤول قانونا بالمنافسة غير الشريفة على اساس انك لا يمكنك ان ثبث ان ما عرضته في الفيديو هو ما ارسل لك من جوميا ومع استحالة ذلك فتصبح في التشهير بشركة ينجم عنه خسارة مادية لصالح شركة منافسة وهو ممنوع لتفهم الموضوع كإشهار مسحوق الغسيل دائما لا يدكرون اسم المنتوج المنافس بل يقولون منتوج آخر فالمرجوا منك ان تنتبه ووصف شركة بالنصب وبينكم خلاف مالي اصلا حسب قولك من برنامج الإنتماء وكونك على علاقة تجارية مع الموقع الآخر فهو سيزيد من تعقيد الوضعية القانونية فالمرجوا الانتباه والله ولي التوفيق.

اشتريت باور بانك منهم قبل كده و طلع بايظ كلمتهم و هددتهم ع التليفون اني هفضحهم على جروبات الفيس في ثواني الكول سنتر قالي بعتنالك قسيمة شراء بسعر المنتج اللي اشتريته .. كلمهم لو عرفو انك يوتيوبر هيردولك الفلوس فورا

طلبت اوردر من جوميا وتم الغاء الطلبيه بعد ٥ ايام لعدم توفرها 😅 تم الدفع مسبق وحتى الان لم يتم رد المبلغ الى الحساب البنكى

انا اشتريت (Air bods ) من نون و جت الفردة اليمين بتشحن عادى و بتشتغل و الفردة الشمال بايظة خالص ..... ولا بتشحن ولا بتعمل اى حاجة

انا برضه اشتريت منهم كابل تايب سي واو تو جي تايب سي مش شغالين مرجعتهمش وبعدين بعد كده رجعت سماعة فيدفي وبعد اسبوع رجولي تمنها في كوبون و تم وقف الدفع عند الاستلام ومش عارف استعمل الكوبون الخلاصة ان الواحد ميشتريش اي اكسيسوري للموبايل من عندهم

انا مشكلتي كانت مع جوميا ون كنت دفعت فاتورة وجاتلي رسالة ان العملية فشلت والفلوس ما رجعتش تاني

تقصد لازم نشتري من official store ?!

جوميا نصبت عليا و طلبت اوردر ولغيته قبل الشحن ولم استرد فلوسي حتى الان ونصبوا عليا ورفضوا ارجاع الفلوس ومش عارف اعمل ايه

كتير جداا بيشتكوا من جوميا....بس بصراحه سوق كوم ناس محترمه جداا بتعامل معاهم من 6سنيين وحصلي مشكله قبل كدة وحلوها بسرعه جداا واسترديت فلوسي الحمد لله.. سوق كوم محترمين جدااا

الفيديو اللي فاات مأختش قلب 🙃😂😂

جوميا غلطاتهم فادحة... أنا أشتريت تليفون بالتقسيط لمدة ١٢ شهر وظهرلي فعلا في الطلب أنه تقسيط ولكن نسوا يبلغوا البنك بعملية التقسيط والبنك عمل عليا مديونية لأنهم لم يبلغوه بالتقسيط... فأعتبرها كاش ولغاية النهاردة ٢٣ يوليو ٢٠٢٠ المشكلة ماتحلتش بالتجربة سوق أفضل كتير

انا طالب كوفر ودفعت سعره 250 ج فوري دفع مسبوق روحت البيت لقيتهم بيقولوا فشل عملية الدفع وبتصل بيهم ما بيردوش

انا مرة اشتريت قمر كدا بينور كزينه اول لما جه لقيته شكله مختلف و التغليف وحش اوي و شكلها مستخدم و مش بتنور و كل حاجة اكسرت

انا نصبت عليا جوميا ب 130 دولار كنت اشتريت حاجات منزلية خلاط او كدا اشكال بس لما استلمتها وجدت فقط منتج واحد

الحمد لله ماحصلش معايا مشكلة قبل كده .. اشتريت جراب موبايل وحاجة بسيطة كده اكسسوار كانت كويسة وجت مظبوطة سوق أفضل جبت منهم حاجات أكتر وكلهم كانوا كويسين الحمد لله ربنا سترها

غير قصة الشحن لو شاري اربع منتجات من نفس الاستور بياخدو شحن ع كل قطعه وكلهم خارجين من نفس المكان سرقه بصراحه

ممكن تجرب تشتري من سوق او نون وغيرهم وتروينا تجربتك معاهم الي معي لايك عشان يشوف♥️

انا الحمد لله محصليش اي مشاكل مع جوميا او سوق وبشتري كتير منهم لكن جوميا انا كنت طالب ماوس وجالي ماوس غير الي كنت طالبه بس انا كنت عارف ان دا هيحصل بسبب البائع لان الناس كانت كاتبه ان مجالهمش نفس المنتج فاشتريت وقولت انا وحظي بقا فا مش هاعتبرها عيب عند جوميا كمان انا بفضل جوميا عن سوق عشان توصيلهم اسرع من سوق ومندوبين الشحن حرفيا مشفتش زيهم ومبيطلبوش تبس نهائي عكس المندوبين يتوع سوق لازم لما اشتري حاجه من سوق لازم اعمل حساب التبس الي هو بيطلبه

جوميا فعلا مصيبة بس سوق محترمين

يا حماعه بصراحه احسن موقع من حيث الصدق والامانه وسياسه الاسترجاع حاجه عاليه وراقيه جدا لاكن افضل انكم تشترو من التاجر سوق.كوم وىوده مضمون جدا لانكم مش بتتعاملو مع تجار بالعكس دي الشركه نفسها

انا كنت جايب ماوس وايرليس للشاشة عندي من جوميا و ماشتغلش عليها كويس بس كان شغال عاللاب عادي فقدمت طلب ارجاع رجعولي قيمة الماوس و الشحن في اقل من اسبوع و قالولي اني اقدر احتفظ بالماوس مجانا

انا اشتريت كبه من نون وكبه المكسره من جوه وقالوا لي انا استبدلها وفلوسك هتنزل لك تبع وعايزين ياخذوا المنتج بتاعي واستبدلوه والفلوس عندهم والكبه عندهم وما حدش رد علي

حصل معايا في چوميا ايه بص انا كنت طالب سمعات Bluetooth stereo Headset طالبتها لقيت العلبه متخربشه متقطعه و ده حصل بردو مع الهواري بردو و اخويا طلب سمعات i 11 كانت عليها خصم و الخصم ده اصلا ده سعره الحقيقي مكنش خصم فا قلل السعر لأ ده كان اغلى شويه و خلاه سعره الحقيقي و قالك ده خصم

والفيديو بيبدأ اتعرض اعلان جوميا صباح الضحك😂😂😂😂😂

الاعلان اللي قبل الفديوا عن جوميا 🤣

شركة قذرة .. طلبنا منهم كانت اول وأخر مرة موبايلين موتو اى فور بلاس .. الموبايلين طلعوا من غير سوفت وبيسخنوا لدرجة انى لما كنت ألمسهم أتلسع

انا صحبي اشترى من جوميا سماعة ايربودز هاي كوبي و طلعت مش شغالة

الكلام دا صح يا جدعان انا اتنصب عليا من جوميا في مابلغ فوق ٩٠٠ ج في اسمارت واتش فا يا جدعان محدش يتعامل مع جوميا ابدا

والله انا دايما بشتري من سوق واشتريت حاجات كتيره جدا مقابلتش اي مشكله بصراحه والمنتجات كانت كويسه جدا.

بص المشاكل مع الشركات ديه موجوده . بس بصراحه شديده الناس بتوع جوميا في التعاملات الماديه والارجاع زي الفل. لدرجه انهم لما اتاخروا عليا في ارسال المندوب لاستلام المنتج المرتجع قاموا بارسال المبلغ علي قسيمه شراء وده كان طلبي انا ولسه المنتج معايا لغايه دلوقتي. تقريبا لما اطلب حاجه حيستلموا المرتجع . يا جماعه انا بشتري من كل حته بقالي سنين طويله واول مره يحصل معايا كده. اخد فلوسي ولسه المرتجع معايا . بجد شابو جوميا رغم كل المشاكل التانيه . اول مره فحياتي اكتب كمنت طويل كده بس عشان ديه شهاده حق. المفروض جوميا تديني توصيل مجاني مش حقول طول العمر كفايه 3 سنين

طيب عند معلومات عن اذا سجلت كبائع على جوميا كويسين ولا ايه ؟

انا طلبت منتجين ودفعت الفلوس ولما مشيوا فتحت لاقيت منتج واحد 😞😞

انا حصلت معايا من سوق دوت كانت منتجات مش شغالة بس الحمد لله رجعتها ورجعولي الفلوس بسرعة عشان ابقي عادل متاخروش عليا

انا لو اشتريت بروسيسور وماذربورد ورامات من امازون شحن مباشر. هيعدي من الجمارك عادي ولا ممكن يضيع عليا. ولو دفعت علي امازون هل سيتم دفع اي مبالغ لما يوصل للبيت غير اللي دفعته قبل كده

ليه اخذت الفلوس ولا اخذت الكبه وكل ما اتصل بهم المندوب هيجي لك طب هنعمل شكوى انت مش عارفه ايه والكبه واخذاها واخذاها متكسره الوعاء بتاعها من جوه

انا اشتريت من جوميا موبيل با4000 ولما فتحت العلبه ملقتش الفاتوره الضربييه و الضمان الى مع الجهاز مش بتاعو يعنى السريال الى على الجهاز مش هو الى على الضمان وطبعا كلمتهم بس للاسف المشكله لحد الان متحلتش

طلبنا إسكرين بروتيكت لموبايل مرتين يجيبولي سكرينة موبايل تاني و رجعت الفلوس بعد شهر و حاجه زفت الصراحه

في فحساب سوق بتاعي 1000 جنيه و مش عارف اشتري بيهم

لو سمحت انا طالبت طالب من جوميا رجعتو قالولي هنبعت كود بل مبلغ اعمل اي لسا مفيش حاجة جتلي

والله انا عندي تقريبا نفس المشكله انا شغال علي برنامج التسويق بالعموله معا جوميا ولازم عشان تاخد فلوسك لازم حساب بنكي كلمتهم علي الفيس بوك علشان اخد فلوسي بطريقه تانيه قالولي ابعت ميل بعت ميل محدش عبرني رجعت اكلمهم تاني علي الفيس محدش عبرني والكلام دي بقالو شهور وانا مختش فلوسي لحد دلوقتي دي غير المشاكل الي بقابلها من شركه الشحن بتعتها دي شركه زباله وانا معاك اننا نصعد الموضوع مع الشركه دي وناخد حقنا

لقد نصب عليا موقع شوبين جوميا اخذو مني أكثر من 150000 دينار جزائري زعما أنه يجب إنهاء المهام اريد استعادة اموالي ارجوك ثبت تعليقي

انا من رأيى ان مافيش احسن من اني انزل اشتري اللي انا عايزاه بنفسي وارحم نفسى من التوتر وتعب الاعصاب ده وزي مابيقولوا كده علي عينك ياتاجر

كلهم كده يا عم عبد الرحمن . أنا رجعت موبايل ٣ مرات لسوق. ولزقه ٣ مرات لنون . ونون عمرها ما بعتتلي اسكرينه صح

طب لو المنتج جه بايظ بس من شركة علي الفيس بوك اتعامل ازاي علشان بيعملوا بلوك

لو سمعت هل مشكله السوفت وير اللي في موبيل redmi note 9s اتحلت ولا لسه ارجو الرد

اشتريت منهم هدوم طلعت قذره مش ممكن تكون الي علي الينك ولا التقيمات غش مش ممكن ومش عارف اوصل لفلوسي بقالي اكتر من شهر ومفيش فايده نصب سئ ومافي رد

انا اشتريت منها كم حاجة و المشكل الوحيد فيها هو التوصيل ياخد مدة طويلة مافيش مشكلة بالمنتجات

هي جوميا مطلعه عين أم الناس ليه كدا😂

انا اشتريت فلاشه واحد تيرا دخلتها واخرجتها اول مره دخلتها تانى مشتغلتش خالص رجعتها على جوميا ومرجعوش اديلى سنه الفلوس على البنك

حصلت نفس المشكلة معايا و مختش اي حق معاهم، تجربة زي الزفت.

بس المفترض اننا في بلد فيها ناس مش كويسه كتير و هناك عدم ثقه متبادل بين الجميع و انا لما اشترى قبل الدفع افتح المنتج و اعاينه جيدا المعاينه النافيه للجهاله...في جزء من اللوم يقع عليك للاسف

انا لقيت العلان الي في الاول عن جوميا 😂

ممكن تساعدني أرجع ٣ بوكسر لأبنى سعرهم ٧٣٠ لأنى اتصلت بهم كتير ومفيش فايدة..وانا محتاجة ثمنها جدا..وده سعر غالى جدا سعرهم ٧٣٠ ج..

كنت بشتري منتجات من جوميا كتير مقبلتش مشاكل الصراحة واخر حاجة جبتها كان لاب توب لينوفو وشاشة ٥٥ بوصة بس لاحظت ان مفيش فاتورة ضريبية يعني كده مفيش ضمان غير اني لما نزلت المحلات لقيت الاسعار اقل بكتير جدآ يعني حتي عروض الفلاش سيل اغلاء من المحلات و خلاص بطلت اشتري اونلاين و بقيت انزل اجيب حاجتي من المحلات اضمن

انت قولت انك بتشتري من امازون. اشرحلنا ازاي نشتري من امازون وشحن للبيت علطول

سؤال معلش واتمني ترد ايه رأيك في نوفا 5t وهونر 20 دلوقت وهل ال8 رام هتفرق اوووي عن ال6 ولا اوفر وجيب ال6

ينفع تعمل تجربة أقوى وأتقل العاب على هاتف realme 6i بليز 😍 💓 💖

جوميا طول عمرها سيئة السمعة فى الشراء والبيع انا كنت عايز اطلب منتج سعره ٥٠ جنيه لقستهم حطين شحن ١٢٥ جنيه وهو منتج محلى وليس من الخارج فعلا شركة فاشلة وامازون سوق الان افضل مليون مرة منهم

فعلا هى شركة مش كويسه طلبت منتج جالى منتج تانى بنص الثمن ومرضيوش يرجعو سيءة للغاية

اشتريت من نون ولما طلبت استرجاع فلوسي قالى لازم حساب بنكى وللاسف مش معايا حساب بنكى .. حد عنده حل ؟

طلبت ساعه ومكتوب عليها من الخارج ومكنش فيه دفع عند الاستلام فيه فوري بس خايفه انزل ادفع احسن يتنصب عليا انزل عادي ولا اي والتوصيل عشان الجمارك ب ١٠٠ والساعه ب٣٠٠

داخل اتفرج فديو انتقاد لجوميا اروح اول ما ادخل الفديو اعلان لجوميا

اي سوق اون لاين في مصر لازم كل بيتفور ولازم ادخال الحكومه الالكترونيه في حمايه المستهلك

كلامك صح بيسؤأوا سمعتهم انا جربت وعندي مرتجع

انا حصل معايا كده من سوق . كوم اشتريت هارد ديسك مكسور و مش شغال و صنع في ٢٠١٠ يعني من زمان جداً حرام عليكم يا سوق

الواحد لايتعلم ببلاش الحمد لله كنت هشتري منهم موبايل لكن ربنا ستر

من كام شهر طلبت من نون اباجورة للمذاكرة الباكيجينج جالي زي الزفت الكرتونة حالتها كانت سيئة والمنتج من جوا فعلا كان مخربش كأنه كان مستعمل قبل كده!