اجمل فزاعية للسيدة زينب بصوت ملة أم كرار القصيدة مكتوبة بالوصف أسفل الفيديو 👇🏻〰️👇🏻〰️👇🏻 

ليش محزمة تركضين بالحومة
صاح حسين يازينب المهضومة
❥ــــــــ☆ــــــــ●ــــــــ☆ــــــــ❥
خوية شبيج كلساع وجزيتيني
وانة كبال عينج ما تشوفيني
جثة بدون راس وماعرفتيني
عضامي مكسرة وجروح ملجومة
❥ــــــــ☆ــــــــ●ــــــــ☆ــــــــ❥
عضام مكسرة وجروح موجوعة
ليش مغيرة وشبيج مفجوعة
بعيونج دمع وبكلبج الوعة
ومن يا ضيم كلبج هواي مهضومة
❥ــــــــ☆ــــــــ●ــــــــ☆ــــــــ❥
ليش مهدمة وتمشين محنية
ولوج الكوم وانتي بمهضمية
عالتل واكفة ولا جياية علية
هذا اني القتيل السلبوا هدومة
❥ــــــــ☆ــــــــ●ــــــــ☆ــــــــ❥
هذا اني القتيل الداسوا بصدرة
ماتحجين خوية شبيج يالحرة
يبس ركيج عطش لو خنكتج عبرة
من صوب الشريعة رادة بهومة
❥ــــــــ☆ــــــــ●ــــــــ☆ــــــــ❥
اجيتي امن الشريعة وعندج حجاية
عينج ذابلة وراسج نشف ماية
ليش مكبعة بالعلم والراية
هدمج محترك عالهدم مندومة
❥ــــــــ☆ــــــــ●ــــــــ☆ــــــــ❥
تشب النار بذيال الهدم يختي
اليوم براية الكافل تكبعتي
حيلي وياج خوية لورحتي
ماكو جفوف ويكومج الجيدومة
❥ــــــــ☆ــــــــ●ــــــــ☆ــــــــ❥
ماكو جفوف عندة مكطعة جفوفة
زينب والسهم صاحبة واخذ شوفة
بلوعة من وصلت الشام والكوفة
وسفة على الشريعة فاضن دمومة
❥ــــــــ☆ــــــــ●ــــــــ☆ــــــــ❥
اتمنة الاشتراك بقناتي عالتلي كرررام
telegram.me/qs...
ملاحضة اني ماعندي غير هذه الحسابات
👇🏻〰️👇🏻〰️👇🏻〰️👇🏻〰️👇🏻〰️👇🏻
1️⃣الرأس المطبور والضلع المكسور
/ @um_baqer
2️⃣ديوان كعبة الاحزان
/ @ديوانكعبةالاحزان
3️⃣قارئات الحسين في الطف
/ @user-oj6gw1mz8w
اتمنة من الكل الاشتراك بهذه حساباتي
لطميه للأمام علي عليه السلام(( احا يا دار))
احا يادار وين اليوم راعيج
اشايل للنجف مايرجع عليج
يالعايف بناتك تجذب الونه
ابوي الحيد يمه اشلون اشيعنه
لون وياك بويه كون ماخذنه
ولامحرومه منك وانحب اعليك
عفتني ابحال حال الما أله چاره
ابوي الشال ضلت موحشه ادياره
خسارتنه الچبيره وهاي الاخساره
المنيه كون الي بويه مو ليك
شيفيد السواد امن البسنه
والخد امن اصيحن ورد اگطعنه
يالعايفني ونه تدفع ابونه
يابويه الراي كله تايه عليك
ترف كلك ترف وسوالفك ترفه
يبويه عليك ضلت بالگلب رجفه
والمثلك يبويه الچفن ميلفه
وتراب الگبر يابويه ياذيك
ياخيمة سترنه وضاله اعلينه
ماحاسب تروح انت وتخلينه
ماحسبنه هچي تريد تاذينه
وتخلي گلوبنه دم تنزف عليك
#غير_مبري_الذمة_الييعيد_النشر_
تمت بقلمي✍🏻الشاعرة والملاية العلوية
اليوم الروح ملت من الفراك
اتنشد عن اهلها ماخذة الراح
❥ــــــــ☆ــــــــ●ــــــــ☆ــــــــ❥
اليوم الروح تنشد عن اهاليه
نامو بالرمل ماعودو ليها
هاي نزولهم توحش مبانيها
فركاهم جمر وتالي ما طاب
❥ــــــــ☆ــــــــ●ــــــــ☆ــــــــ❥
فركاهم جمر تجوي بجرحنة
لبسنة الثوب الاسود مافرحنة
وين اهل المحنة اليوم صحنة
مهضومات للوليان نشتاك
❥ــــــــ☆ــــــــ●ــــــــ☆ــــــــ❥
من نشتاك انسير عليهم
حنان ويجبر الخاطر حجيهم
البين بساعتة ماخلة بيهم
يموت الزين ا يالموت بواك
❥ــــــــ☆ــــــــ●ــــــــ☆ــــــــ❥
يموت البي محنة وياه الزين
ماخلة من اهلنا من لفة البين
ولج حكج من اهلنا ماصبرين
مر طعم الصبر وشلون ينضاك
❥ــــــــ☆ــــــــ●ــــــــ☆ــــــــ❥
هذول اهل الحمية ونصبر شلون
ماغابت صورهم جوة العيون
حلوين المسية لويكعدون
وبيمن يهلي نزمط زماط
❥ــــــــ☆ــــــــ●ــــــــ☆ــــــــ❥
شيرد الابو بعد لو رااح
نفل الشوك بس يمهم ونرتاح
مايرجع بعد ذاك الوكت راح
اليوم خلافهم مكسورة جناح
نامو بالكبر والكبر خناك
❥ــــــــ☆ــــــــ●ــــــــ☆ــــــــ❥
خنكة ولا هو المظلم يطبلة
الطمن زين للمحد مغسلة
عنك وين يازينب نكلة
على ضهور الهزل ومشابكة شباك
❥ــــــــ☆ــــــــ●ــــــــ☆ــــــــ❥
غير مبري الذمة الي يعيد نشرة بقناة ثانية
بوية الحنين افكدناه خلوني اروحن وياه
❥ــــــــ ☆ ــــــــ ● ــــــــ ☆ ــــــــ❥
معصومة تبجي وبالحزن يابوية بس حاجيني
وياك اريدن موتتي يالرايح ومخليني
شلي بحياتي والعمر فراكك ترى ياذيني
شلي بحياتي بلياه خلوني اروحن وياه
❥ــــــــ ☆ ــــــــ ● ــــــــ ☆ ــــــــ❥
تخلص حياتي وبالحزن يابوية لا تنساني
هجرك صعب كلش صعب منة الكلب اذاني
شديت حملي وللحزن جنها لفتني احزاني
صار الكلب بس ينعاه خلوني اروحن وياه
❥ــــــــ ☆ ــــــــ ● ــــــــ ☆ ــــــــ❥
غالي تضل ياخيمتي انتة وية سوري العالي
عكبك صفيت بلا ابو بس الهضم يجرالي
يالدللتني ما كلت بعدك شصار بحالي
بعدك حزينة وبال اه خلوني اروحن وياه
❥ــــــــ ☆ ــــــــ ● ــــــــ ☆ ــــــــ❥
صار الحزن هو الي راحت عليك عيوني
وياك انامن بالكبر يا بوية لو خلوني
فدوى اروحن الشوفتك من شوفتك حرموني
المثلك بعد وين الكاه خلوني اروحن وياه
❥ــــــــ ☆ ــــــــ ● ــــــــ ☆ ــــــــ❥
خاب الأمل يوم الرحت يالماترد عليها
تدري البنية ابلا ابو حزن اليتم ياذيها
مودع الله بالغرب جنة خلص واليها
مصابك صعب ما ننساه خلوني اروحن وياه
❥ــــــــ ☆ ــــــــ ● ــــــــ ☆ ــــــــ❥
خلصت العشرة وانتهت يابوية ودعناها
معصومة تبجي وبالحزن يالنمت لا تنساهاا
بديرة غرب كلشي انتهى والعشرة فاركناها
راح الابو ودعناه خلوني اروحن وياه
❥ــــــــ ☆ ــــــــ ● ــــــــ ☆ ــــــــ❥
اتمنة الاشتراك بقناتي الثاني هذا رابطها
/ @user-oj6gw1mz8w