جماعة انا واحدة علمي علوم ومردتش ادخل ادبي علشان هي صعبة والله انتو الله يكون في عونكم يبتوع ادبي بجد والله المنهج بتاعكم صعب وده ميمنعش انو عندنا برضو مش سهل بس مش اصعب منكم وغير كدة ربنا يوفقنااا كلناااااا❤😊
بص يمستر حضرتك بتقول كنت في علمي وشاطر بس محصلش توفيق ودخلت اداب في ناس يامه خالص بتبقي مذاكره واحنا كلنا عارفين ان هيا شاطره بس ربنا مش كتبلها التفوق وجايبه درجات زفت دا يعمل ايه حضرتك شمتان مع ان لو كان القرار ده نزل علي ايام حضرتك كان زمانك قاعد في البيت دلوقتي ده اسمه خراب بعيد عنك لان في ناس ربنا مش هيوفقها يامه هتروح فين يعني القرار ده نازل عشان كلو يخش خاص بالفلوس يارب الرساله توصل للجميع وليك يمستر
في كمية عبث في التعليقات رهيبة طلع في حرب مستخبيه بين شعبة علمي وأدبي وأنا طالبة ثانوي عام وأنا معرفش😂 مين قال أن العلمي أفضل من الأدبي كل شعبة مهمه +إلي داخل علمي عشان نظرة المجتمع أحب أقلك أغنياء العالم تقريباً ولا واحد في مجال علمي وكمان الفلوس إلي بيطلعها المذيع في البرامج بتاعته أكتر من إلي بيطلعها الدكتور في عيادته الناجح هينجح في أي مجال سواء كان علمي أو أدبي
يعنى انا دخلت علمي عشان نظرة المجتمع ده اللي بيفكر كده يبقي متخلف يعني انا ادمرت نفسيا و جسديا وطلع عين اهلي بسبب المصاريف وكل الكلام ده عشا نظره المجتمع يولع المجتمع بالناس اللي فيه وبعدين لولا بتوع الادبي اللي بيستقلوا بيه ده مكنوش بقوا دكاتره لان المدرسين اللي كانوا ف ادبي اللي ليهم فضل علينا بعد ربنا مكناش هنفلح اصلا وخاصة ف المجتمع اللي بقينا فيه ده
قاعده وفرضها علي الكل وده اسفه بجد جهل ومفيش حد بقا بيفكر بطريقه ادبي وعلمي دي غير الناس الجاهله دلوقتي كله بقا عارف نفسه وعارف هو عايز ايه مش شايف كميه الغش ولا السماعات والامتحانات الصعبه ده غير الحر وتعب الواحد وبيتريق هو في الاخر حسبي الله ونعم الوكيل
طيب ما احنا كمان في ادبي شاطرين بنجيب مجموع حلو السنه اللي فاتت الناس كتير كانوا جايبين 60% ودخلوا معهد علشان تدخلوا كليه انتى مش فاهمين فيها حاجه علشان مش موادكم ربنا كشف الظلم خلاص للى بتعرض له كل دفعة فى ادبى
انت حضرتك خلاص حكمت علينا ان كلنا داخلين علمي علشان نظره الناس والمجتمع صح وان ده قرار موفق علشان يبقي فيه عدل مش كده طيب فين العدل لما امتحانات علمي تيجي بالمنظر ده والادبي لأ ده عدل ولا اننا ما نجبش مجموع بسبب منظومه فاشله هو ده العدل هو اكيد المجموع ده رزق ربنا انا مش بعترض وحضرتك قولت في الفيديو انك كنت شاطر جدا وربنا ما كتبش لحضرتك مجموع عالي ف لو القرار ده نزل الوقت الي حضرتك كان المفروض تدخل فيه جامعه كنت هتقول ان ده عدل برضو كان زمان حضرتك مش عارف تعمل ايه وكمان انك متأكد انك مش هينفع تدخل كليه خاصه علشان الحاله الماديه ما تنفعش بالنسبه للأهل يا ريت بلاش كلام يحرق الدم احنا فينا الي مكفينا حسبنا الله ونعم الوكيل في كل واحد ظلمنا محدش يعرف الظروف معانا شكلها ايه حسبنا الله ونعم الوكيل
كلام سليم بجد، وحوار ان الكليات الأدبيه تتشال من علمي دا هيعدي التنسيق بطريقه مرعبه بجانب الامتحانات الزباله اللي بيحطوهالنا الله المستعان وحسبي الله ونعم الوكيل
هاتلي كدا في الفديو انه قال كل العلمي داخلين عشان نظرة المجتمع...بجد انتو ناس تضحك عايزين تلعبوا طول السنة و لما تتزنقوا في الامتحانات و تحطوا اعتمادكم علي الكليات الدرجة التالتة(الادبي) و في الاخر تنصدموا بالقرار و تزعلوا...و انا بتكلم علي اللي متضايق من القرار مش عليك خاصة
طيب يريح يجدع والله اول مره تنزل من نظري كده جماعه حبو الخير لبعض مش كده انتو مش شيفين ان احنا تعبنبن ازاي في المواد العلميه مش كل واحد مش فاهم حاجة ومجربش يدخل يقول الحمدلله علي نعمت ادبي راعو شعور الطلاب مش كده وبطلو فتي بقا وشوفو الي وراكم احنا نفسيتنا تعبانه لوحدها
@@user-mb7zg9yf7l ايوا ايه علاقة ده ب كلامك اللي فوق؟ يعني ايه يشغلوا الخاص من علمي وانتوا تدخلوا كلياتكم عادي؟ مش الخاص ده محتاج فلوس؟ ولما يشغلوها من علمي زي ما بتقولي يبقى محتاج اغنياء بقا
انا ملاحظ ان شباب ادبي عمالين ينزلو بوستات وبيهقو علي طلاب علمي ومنشكحين اوي.. حبايبي هفكركو بحاجه بس ربنا كاتب لكل واحد كليته وهوا في بطن امه.. وبعدين اي الغل والصفار د يشباب ما كنتو دخلتو علمي طيب طالما الموضوع عامل حرقان كده.. اصلا مصدرش ع موقع وزاره التربيه والتعليم القرار دا غير أن مباح لحد الان لكل طلاب رياضه كليات الادبي دا طبعا غير أن ادبي عددها قليل وكمان مجامعهم مش بتحصل كلياتهم ف احنا بنعوض مكانهم بطلو صياح وسيبوها ماشيه زي ماهيا انا مش منزل البوست عشان اقعد اشتم ف العيال او اهق علي ادبي.. بالعكس انا جاي بس بفوقكو وبقولكو كلها بتمشي بتوفيق ربنا مش شطاره مني ولا منك.. واعتقد كلنا في وقت حرج ونفسيتنا مش احسن حاجه مش وقته شغل الاطفال ده يشباب وحبو الخير لغيركو عشان ربنا يكرمكو في الاخر كلنا في مركب واحده وربنا يوفقنا جميعا ❤ ـ
احنا لو عاوزين نخش علمي كنا دخلنا وجبنا الدرجات الي عاوزنها بس احنا بنحب المواد الي في ايدينا وعارفين قيمتها إنما انتوا بتكرهوها وقعدوا تصيحوا منها انما لو ع الشكل قدام الناس طظ ف الناس هي سنه وهتعدي وكله هينسي متفكرش تسف ع حد غير لما تفهم اي الي ف الواقع يا عسل
جماعه القرار في صالح علمي وادبي ادانا فرصه نكتشف مجالاتنا كليات علمي(طب وصيدله وعلوم وعلوم اعاقه وعلاج طبيعي وبطري وكليه مش فاكره اسمها تطلع دكتور تغذيه وكليه زراعه من احلي الكليات العلميه اللي كان نفسي اخشها بس انا ادبي😅وكان فيها قسم حيوان تبقي دكتور بيطري منه وقسم تدرس فيه ازاي تزرع وتبفي بشمهندس زراعه) كليات ادبي(السن بأقسامها واداب بأقسامها و اعلام بأقسامها و تربيه بأقسامها وفنون جميله وسياسه واقتصاد وتجاره بأقسامها و اداره واعمال وعلوم اعاقه( اساسها ادبي) وخدمه اجتماعيه ) كل شعبه وليها كليات مميزه تقدر تدخلها بحريه حرام لما السن تكون كليه ادبيه و90% من اللي داخلينها علمي و10% بس اللي ادبي عشان التنسيق عالي بسبب علمي ده قرار عادل
احنا بنقدر حضرتك جدا ، بس انا ملاحظه ان حضرتك اتهاجمت جدا من طلبة العلمي نفسهم اللي قولت عليهم داخلين علمي عشان المجتمع! و هما بنفسهم ك طلبه كدبوا دا، فرضا ان في فئه داخله عشان نظرة المجتمع دي هتبقى فئه قليله جدا و بعدين محدش هيشوف مستوى امتحانات العلمي و التعب النفسي و الجسدي و المصاريف و يدخل علمي عشان نظرة المجتمع اي بني ادم عاقل هيقول مش مهم المجتمع، و القرار دا لا ف مصلحة العلمي و لا حتى الادبي (افرحوا بنفسكم يا ادبي لما تلاقوا تنسيق الكليات الادبيه ف السما!) القرار دا ف مصلحة الجامعات الخاصه فقططططط و اي حد يقول غير كدا اكيد مش فاهم او مش وازن الامور صح، ياريت حضرتك تراجع الڤديو و متبقاش وسيلة للترويج لقرار فاسد..
اي ياجينو اللى نظره المجتمع ما يولع المجتمع احنا مش دفعه هبله عشان نمشي كما يسير القطيع اللى حلمه فى ادبي دخل ادبي واللى حلمه في علمي دخل علمي احنا عارفين احنا بنعمل ايه
ماهو مش كله كدا بقي في عقلية متخلفة زي اللي هو قال عليهم دول ويخلوا اللي جايبين 60 % ادبي يخشوا معهد بسبب ان العلمي يدخل كليات ادبي لي يعني حرام ف ده احسنن قرار والله
ايوه بس زي م انت قولت انت ممكن تكون شاطر و داخل علمي عشان حاجه طبية و تاني خطة هي ألسن مثلا و لا تربية و حقيقي ده تفكيري انا كان نفسي ف صيدلة جدا و طول عمري الحمدلله كويسة ولكن لأي سبب و بعد الشر لو حصل حاجه ف في دماغي يا السن يا تربية ف ب أي وجهة نظر اخلي اقتصاد و علوم سياسية و اعلام و السن و تربية و اثار و اداب و ترجمة و فنون جميلة و فنون تطبيقية و تجارة و حقوق و كل دووول لأدبي و احنا لينا التخصصات الطبية و حاسبات و معلومات لاطبعا مش fair خالص اغلبية الكليات دي اصلا لغات اكتر و مش هندخل في نوايا الناس محدش ليه دخل اللي داخل عشان النظرة ولا مش عشان النظرة كل العبث الطفولي ده بيآخد فترة ث.ع و بينتهي مش هنفضل طول حياتك نقولك اههههه يا اللي دخلت علمي و اااهه يا اللي دخلت ادبي ايه العبث ده اصلا لو عايزين نعمل كدن يبقى اوكاي نخلي اقتصاد و اعلام لأدبي بس كليات القمة اهه زي م انتم سايبين لينا الكليات الطبية و الهندسية انما مش معقوله بتاع عشر كليات كاملين لأدبي و يبقى في الآخر واحد جايت ٧٩ مثلا مش عارف يدخل فنون جميلة عشان واحد جايب ٦٩ ادبي دخلها هو لا والله خلاص يا جماعه يبقى كل الرسم و كل اللغات خلوها عند ادبي بقى و احنا منآخدش لا عربي ولا رسم ولا الماني ولا انجليزي ولا اي انشطة بقى قراار اكيد مش صح ولو هيتطبق يبقى مش السنادي يبثى عالنظام الجديد خالص اللي بيدرسوه و ناويين يطبقوه على اولى اعدادي ف خلينا موضوعيين و عادلين في قراراتنا ميبقاش انا و من بعدي الطوفان يا جماعه احنا كلنا اتمسح بينا البلاط السنادي و مش بعد كل ده ادخل معهد عشان ٧٩ ومش عارف ادخل تجارة و لا حقوق خليكوا رحيمين شوية و اي حد بيتريق على اى فئة ما هو الا طفل مش فاهم حاجه اصلا ده مش هيعمل حاجه غير انه يزود الحمل على اهالينا و بعدين حلني لو لاقيت شغل اصلا
والله حصل وكلامك بيعبر عننا كلنا لان بجد الواحد م حمل ضغوطات اكتر من كده.. والله العظيم الواحد مر ب اسوا ايام ف الثانويه عباره عن بكا وتعب ومستشفيات وظروف وحاجات تانيه كتيييير وف الاخر الواحد حتى ما يلاقيش ثمرة مجهوده ويطلع عيل ادبى يقول احسن تستاهلوا والله العظيم كل اللى يقول كده ما هو إلا مريض نفسى وحاسس بنقص علشان كده بيقول كده..
فيديو مفهوش كلام منطقي بربع جنيه ، مين قالك كل اللي داخل علمي علشان نظرة المجتمع. افترض واحد عاوز يدخل كليه ادبيه لاكن هو عندو ميول انو يدرس فيزياء وكيمياء وأحياء او رياضه اي اللي يخليه يدخل ادبي + كنت بتكلم انا وواحد صديقي رياضه بقولو انتم بتدرسوا كيمياء زينا اي المانع صيدله تكون متاحه عندكم وكمان الاحياء اللي احنا بنأخدهم في ثانويه مش هتفرق بذرة في الكليات يعني كانو فتحولهم طب واسنان وعلاج وبيطري وكل دا فهو رد وقال إن كمان احنا درسنا معهم رياضه في تانيه ورياضه تالته كدا كدا هيأخدوها ف اعدادي هندسه . الكليات في مصر والنظام المصري فعلا .غريب #وعاوز_اقول_حاجه لأدبي افرحوا اوي بالقرار لما هتلاقو إعلام والسن وسياسه واقتصاد فوووووق يعني لو فرحتكم مجرد شماته ف علمي فإتغفلتو
@@faridakhaled2878 طيب اي رائيك في تشجيعه للقرار وهو اصلا كان علمي وكان شاطر ، يعني لو واحد علمي لا قدر الله كان شاطر ولم يوفق يروح فين ، ومن امتى الكليات دي لادبي فقط ؟ اقنعني ازاي تجاره لادبي ؟ اقنعني ازاي تربيه لادبي؟ وبعدين انا اتكلمت بشكل عام ان الكليات في مصر بقت طبيخ الله المستعان
@@midoibrahim9552 تخيل كده يتعمل دراسة ع القرار ده والوزارة تلاقيه غير قابل للتطبيق ، هيكون شكلهم عامل إزاي😁؟ وع فكره احنا ممكن نصيح ونعمل هشتاجات بإلغاء القرار ده وفعلا يتلغي بس احنا دلوقتي مشغولين بالامتحانات، بس نخلص نشوف اي ده . دا والله بتوع ادبي طلعو حقده اوي دا انا معايا واحد ادبي كل م اطلع زعلان من امتحان يقولي اي اللي دخلك ادبي وهو طيب والله ع عكس صديقي رياضه بيهديني..
طب معلش ما طول عمر طالب الادبي بيحلم ب ألسن مثلا وفي الاخر مثلا جاب 55 في الميه هيدخل بيها كليه ف فين حق طالب الادبي ولا انتوا مش شايفين الا حققكم بس؟!!!!
اي اللي أنانى معلش كل واحد اللي ربنا كاتبهوله هيدخوله ولو كان في حاجه مكتوب غير ده كنا هندخلها غصب عن اي حد وبعدين بتوع ادبى ماشاء الله عليهم شاطرين ومفيش فرق كلنا فى نفس المركب ماده ثانوية عامة وده ثانوية عامة باردوا فرق فى الشعبة بس كل واحد اللي ربنا كان كاتبهوله داخله وياجماعه كليتنا مكتوبة من قبل مانتولد يلغوا الكليات ميلغوهاش ملناش دعوة متشغلوش بالكم بحاجة خلى عندكم ثقة فى ربنا وان شاءالله خير واللى ربنا كاتبه هيكون ربنا يوفقنا كلنا يارب ♥
طيب وأما هما خلوا تربية و آداب في أدبي مين هيدرس فيزياء وكيمياء ورياضة وأحياء وحيولوجيا للأجيال الجاية اكيد مفيش واحد أدبي هيدخل قسم علمي في كلية التربية لا قرار مش حلو خالص يعني ولا قدر الله لو حد جاب مجموع مدخلهوش كليات علمي اللي بتاخد من مجموع عالي و مفيش فلوس للكليات الخاصة يقعد بقي من غير تعليم احسن ولا اي
لا هيقولك ادخل علوم نتحشر كلنا في علوم و حاسبات بقى ولو ملحقتيش و انت ممكن تكوني جايبة ٧٩ مثلا ادخل معهد و الأستاذ جايب ٦٩ ورا و داخل فنون ولا تربية ده قرار عبثي و مستحيل يطبق بالطريقة دي
بعيدا عن انو القرار بيتكلم عن اي بس دا توقيت يطلع قرار فيه ف ليلة امتحان كيميا كمان والله حرام الواحد نفسيته تعبت انتوا كمان بتكملوا عليه انو خلاص لو مجبتش مجموع كدا قصتك انتهت 💔
انا ادبي وحرفيا كمية التريقة اللي باخدها مش قادرة احكيلك عنها انا دفعة 2025 يعني هو كدة القرار ده هيطبق من امتى ده احسن قرار فالوجود ❤ تعديل جماعة الناس اللي هجمت عليا فالتعليقات وقالت عايشين دور الضحية ومحدش جه جنبكم وفين التريقة عمرنا ما سمعنا عنها انتي مش بتحبي الخير لغيرك جماعة انا هديكم نبذة عن اللي سمعته لما دخلت ادبي كويس انك عارفة انك فاشلة ومش هتقدري على علمي اخرك هتطلعي مدرسة متشتكيش من المذاكرة ادبي سهلة وللي مستواهم ضعيف هتعرفي فالاخر انك ضيعتي نفسك وفلوس اهلك مش هتلقي شغل وهتقعدي فالبيت فالاخر طموح ايه يا ام طموح هتطلعي ايه يعني وكلااام كتييييير قوي من القريب والغريب وفالمدرسة من المدرسين تخيلوا مدرس بيفكر كدة ومن زمايلي العلمي جماعة قبل القرار ده انتو كنتو بتدخلوا كليات ادبي وبتوع ادبي نفسهم مش بيلقوا مكان وكنتو مرتاحين ومبسوطين هل دي انانية منكم لا لان ده فالنظام كان مسموح وفالنهاية اي حد هيحب يبقى المجال مفتوح فالنسباله وتبقى عنده فرصة لكذا كلية وكذا مجال حتى لو على حساب غيره يعني محدش كان بيفكر بتوع ادبي مش هيلقوا مكان مثلا لكن دلوقتي ايه يعني اما ننبسط ان احنا فرصتنا زادت ندخل الكلية اللي احنا عايزينها لان بقى فيه اماكن فاضية كتير حتى لو مجموعنا مش كبير هنلحق كليه على الاقل مش معهد مثلا او حاجة دي مش انانية كل واحد يتمنى فرصته تزيد لان فيه ناس كتير كمان كانت بتدخل علمي عشان الفرص الزيادة والمفتوحة وعالاقل دلوقتي الناس اللي كانت علمي وقللت مني ومن ادبي دلوقتي بتصيح ومش لاقية الكليات بتاع ادبي وده حسسني ان ربنا جابلي حقي اتمنى القرار يتطبق من السنة الجاية لان الدفعة دي ملهاش ذنب مش انا اللي طلعت القرار انا قرايبي كتير فعلمي زعلانة عليهم اه بس مرتاحة ان فرصتي زادت دي مش انانية ده الانسان الطبيعي وربنا يوفقنا كلنا وشكرا لاي حد ناقش بادب كلامي كان للناس اللي مش محترمة ومش بتفكر وداخلة تهاجم وخلاص كليات ادبي دي حق ادبي اول ناس وبعد كدة ييجي الباقي عمركم شفتوا فالبلاد اللي برة حد درس مجال بيدخل كليات مجال غيره لا صح يبقى الاولى كل واحد يدخل مجاله ده الطبيعي بقرر تاني مش انا اللي طلعت القرار ❤
هو ليه اصلا بيتريقوا انا مش فاهمه دماغهم بجد بجد انا دخلت من كام يوم فيديو تاريخ ل أدبي وفعلا الكلام صعب ومكلكع ومحتاج مجهود وحفظ كتير وفهم برضو وكذلك الجغرافيا ف بجد بحس عندكوا أصعب من علمي ف ميولي كانت علمي ل اسباب كتيره واهمهم اني حرفيا بكره التاريخ والجغرافيا كره محدش يتخيله والفلسفة والكلام ده وبموت فالاحياء وبرضو قدرتي عالحفظ مش قد كده وبنسى بسرعه حتى الجيولوجيا عندي بنساها وبرضو حاجات فالاحياء وكل المواد محتاجه حفظ بس اقل من مواد ادبي شويه ف عادي يعني انا شايفه ان كل واحد وشغفه وقدراته والشعبتين ليهم مجالات وكلها مطلوبه
مع احترامي ليك ولكن القرار ده هيبقى من اسوأ القرارات اللي خدتها الوزراة 1-موضوع ان الطلبة بتشوف ادبي أقل ده من زمان علي حد كلام مستر خالد صقر (لما قال انو اتكسف يدخل ادبي) 2-احنا اغلبنا داخل عندو حلم بكلية كبيرة ولكن لما تقول 99٪ من الطلبة دخلو عشان التباهي ده غلط 3-علمي رياضه بعد ما كان بيحتكر حسابات ومعلومات دخلو معه علمي علوم وهنا انا بتكلم على علمي رياضه لما يلاقي نفسو مجبش هندسه وفرصتو طبعا هتقل مع حسابات ومعلومات ولما يتلغي التلت كليات دول طالب علمي رياضه هيعمل ايه مع العلم ان هندسة تنسيقها هيكون عل حسب اول 15 الف طالب الباقي بقي هيدخل ايه القرار حلو بأنو هيرجع لأدبي وضعها والكلام الجميل ده ولكنو بيظلم طلاب علمي وبالأخص علمي رياضه
حلو انا ليه كطالب أدبي مدخلش كليات علمي او علم رياضه و علمي و رياضه يدخلوا كليات أدبي اللي هما أحق بيها و يعلوا علينا التنسيق كفايه بقا ام الاستحقاق اللي فيكم دا و الانانيه
@@AmmarMohamed893 كلامك كله غلط لان اساسا اللي درسته في مسيرتك التعليميه كله هتدرسه في الكليه تاني بس مع منهج اكبر اوعى تفتكر انك اينشتاين او مجدي يعقوب و عندك المعلومات الكفايه غير اي حد دا غير انك بتنساها في الاجازه فا لول يعني ثانيا الموضوع عمره ما كان بالصعوبه دي ميول و الشاطر هو اللي يحقق حلمه بناءا على ميوله
حسبي الله و نعم الوكيل احنا زعلانين عشان امتحاناتنا جايه صعبه و ممكن منجبش مجموع و انتو شمتنين فينا حسبي الله فيكو بجد ما هو مش هيسبكو انتو كمان برضو خلي بالكو
القرار يعتبر بيحاول يحقق العدل بس هو في وقت غير مناسب لان قرار زاي ده مفروض يتقال من الاول وقبل القرار لازم يكون في واعي مفروض لو بتعتبرونوا زاي ولادكم او اخواتكم كنتوا حضرتكم هتنصحونا اي الصح انا علمي ودخلت علمي عشان خفت لقدر الله اني مجبش كليات علمي ودي حاجه متقللش مني ومش غلط اني افكر كده وفي نفس الوقت حسيت اني مش موافقه في مواد ادبي وفعلا حاجاتهم مش سهله علمي وادبي الاتنين في مستوي واحد .وحقهم يبقا ليهم كلياتهم الخاصة بس احنا هنتظلم لان الوقت عدي ومفيش في ايدنا حاجه نغيرها .
مع احترامى ليك بس كلامك كله غلط انا دخلت عشان نفسى اكون حاجه وشايفه نفسى ان شاء الله حاجه كويسه وعشان اهلى بس انت بتقول المجتمع يحرق المجتمع على نظرته فى ساعه واحده وبعدين البلد دى اصلا لا فيها وظايف ولانيله هنطلع نقعد وخلاص
نظرت مجتمع اي وبتاع اي انتا بتضحك علي الموضوع و بتهزر عليه انتا نفسك كنت بتذاكر و كنت علمي و لولا ان كان في كليات ادبي موجوده مكنش زمانك واقف هنا دلوقتي بس هيا الفكرا ان احنا دلوقتي بنذاكر و بنعمل الي علينا و مش هرفين اصلا ممكن نجيب كام يعني انا علمي رياضه و قلت لو ربنا مكرمنيش بي هندسه هخش تجاره و خلاص و خليك صريح و متطلعش تهزر في الهبل الي بيحصل دا اسمو عك و خلاص بان اوي ان هوا بيقولنا خشو جمعات خاصه بجد حسبي الله و نعم الوكيل
يجدعان فككو منو القرار الوحيد الي بيدرس حتي في أحتمال ميطبقش أنو أصلا لا هيبقي في لا علمي ولا أدبي وهيبقي ليك مادتين أساسيين لكلو الي هما مثلا زي العربي والأنجلش والباقي ماواد التخصص الي هتتجه ليه يعني القرار الي هوا قالو ده من وحي خياله أو مألفة تقريبا
@@etharmaged2521 لا يروحقلبي اوعي تخافي ولا تقلقي اوعي تحسبي درجات تاني انت بتحسبي درجات والمصحح بيحسب درجات وربنا ليه حسابات تانيه خاالص هي والله مش بحسابتنا ابدا ابدا علشان خاطري متراجعيش تاني ابدا مهما حصل ، انتي تخلصي امتحان وتروحي بيتك تروحي تصلي ركعتين شكر ل ربنا إن الامتحان عدي بكرمه وتركزي ف الماده الل بعدها والله والله ربنا قادر إنه يخليكي مقفله ف الفيزيا بإذن الله يآرب يآرب صاحبه الاكونت دا تجيب 60 من 60 ف الفيزيا وتجيب فوق ال 90 % اللهم أقر عينها وعين أمها وأبيها يوم نتيجة الثانوية العامة ، دي مش صدفه ربنا باعتني اشاره ليكي ي حبيبه قلبي يلا قومي كدا صلي ركعتين وتوكلي ع ربنا وكملي مذاكره ومتخافيش من اي حاجه نهائي ي حبيبتي بالتوفيق ي جميله 🤍🤍🤍
انا زعلت على المرمطه وانت مش شاطر ليه دخلت علمى !!! اللى هو ازاى بتوع ادبى بيروحو يلعبو ويجو طالما محدش خد المواد اللى خدناها ولا جرب نظام الاسئلة ولا عد بالمرحله دى يبقى مش من حق حد يتكلم ويقول ادبى اسهل من علمى كفايا جهل وتقليل من طالب بيتعب وبيبذل مجهود وتعب جسدى ونفسى واى السبب بجد عايزه حد يقولى اسهل من ناحيه اى حضرتك عندك فيزياء احنا قصادها التاريخ واتحدا حد من طلاب علمى الل بيقول سهل يذاكر تاريخ ويحل ويذاكر كانو مادتو ويشوف ومفيش حاجه اسمها اسهل الاتنين فيهم تعب ودى مجرد ميول انا بحب مواد علمى فادخل علمى وهكذا
حسبي الله ونعم الوكيل القرار خاطيء مية فالمية ومش ف مصلحة الطلاب واي انسان مريض من اللي ف ادبي ويقول احسن فلتقل خيرا او لتصمت هتندم بعدين يا قلبي الله المستعان ربنا يوفقنا صلوا عالنبي يجماعه وكل واحد هياخد رزقه فالاخر ♥
ياصاحبي طب ما تبصلها انت من منظورك كده تخيل انت تقعد تذاكر وطالع عين اهلك السنه كلها وجبت مثلا 80%وجيت تقدم علي كليات علمي ملقتش مكان علشان بتوع أدبي الي جايبين 70%و75% ماليين الكليات وفي الاخر تروح معهد ولا كليه خاصه هتزعل ساعتها ولا لا والله العظيم ياصاحبي انا مش حوار ضد القرار ولا معاه بس انا شوفت بعيني والله ناس من أدبي مكانتش بتلاقي مكان في كلياتها وكانو علمي الي جايبين مجموع اقل منه هما الي ف الكليه فا ديما نبص للحاجه من ناحيتين مش ناحيه واحده
@@user-xp4vv9xm3x انا فاهمه الحوار دا بس الفكره ان هما بيعملوا كل دا ف سنة٢٠٢٤ ف دفعتنا اللي بجد اتظلمت ف كل شيء ربنا يوفق الادبي والعلمي، الله المستعان
اي الكلام العبط دا بيطبلو للوازره وخلاص نظره مجتمع اي وهبل اي، هما نسيو عملو فينا اي ف الفيزيا ودلوقت كمان شالو مننا الكليات وعايزينا غصب نجيب مجاميع كليات القمه ولو مجبتش تدخل خاص وتدفع!!! محدش زعلان ع القرار الظالم دا غير الطلاب ال تعبت طول السنه م ال هيخشو طب بشاومينج والسماعات!
مع كامل احترامي لحضرتك...لسه مفيش حاجه رسميه بالكلام دا ولا قرار وزاري..مفيش داعي نعمل خضه من اللاشئ..احنا بس محتاجين دعم نخلص الباقي ع خير ووقت اما ننجح وتظهر النتيجة دا وقته..وأكيد يعني لو الكلام دا صح اكيد ف كليات هتبقا بديله لاداب وتجاره..من مجاميع اقل زي مثلآ كليات تكنولوجيه جديده ..ف انا مشوفتش الفيد الا للجدل و نسب المشاهده..لأن احنا مش محتاجين غير نعدي دلوقتي وقت النتيجه نبقا نتكلم ف النتيجه
انا ادبي وبحب اوووي مواد الأدبي جدا وحبه ادخل تربيه انا دخله عن حب وكذا حد قنعني اني ادخل علمي لان شاطره ف فيزياء بس انا محبتش ابدا علمي مش هدخل حاجه انا مش حبها حته لو شاطره فيها ادعو ليا احقق حلمي واجيب مجموع حلو وعلي فكره ادبي جميل أووي وتقيل مش سهل وقليل جدا لما تلقي حد ييفهم فلسفه وعلم نفس ومواد تقيله زي تاريخ وجغرافيا ومنطق دول اتقل حاجه عندنا وتاريخ حرفيا 8فصول كباااار جدا ومليان اماكن ومعاهدات وفرمانات وحروب و امته ده حصل وكان فين عارز حد ذكرته قويه جدا ولمح يقدر يرتبط التشابه بين فصول دي كله بفصول تانيه وشكرا
على فكره انا شاطر وكمان انا مش بشكر في نفسي يعني اي حد من مستوى وحش يدخل ادبي لا طبعا في ناس داخله ادبي عشان هدف انا كان في ايدي ان انا ادخل علمي علوم انا ما حبتش وبرغم ان انا في اولى ثانوي كنت مقفل مواد علميه كلها دخلت ادبي❤
اقسم بالله احنا بقينا في مجمتع جاهل و دوله جاهله وفاشله وعمرنا ما هنتقدم ذي الدول التانين قرارات فاشله وكل دقيقه بكلام ينعل ابو اللي عايز يتعلم انتو قاعدين حاطين رجل علي رجل ومش حاسيين بينا ولا بأهلينا ودفعين دم قلبنا في سنه كامله حسبي الله ونعم الوكيل منكم لله يارب اشوف فيكم يوم زي ما بتعملوا فينا كدا حسبي الله ونعم الوكيل
هو القرار دا ع دفعة 2024؟ انا مش عارفة اذاكر كيميا ولا اقعد اعيط ولا اعيد السنه ولا اعمل اي كل الشواهد تحاكينا أننا ضِعنا لكن الله لن يضيّعنا.. حسبي الله ونعمَ الوكيل 💚.
يعني مش فاهمه اى الحلو في القرار دا يعني احنا يطلع عنينا طول السنه وفي الاخر يجبولنا امتحانات تعجيزيه يعني العيب من فينا ولا حاجة دول بيدمرونا حرفيا ويجي بسبب الامتحانات دي منجبش اللي بنحلم فيه وندخل اى كليه حتي دي كمان مستكترنها علينا ولغينها يبقي نقعد في البيت يعني ودا كلو عشان الكليات الخاصه هي الدوله دي عاوزه الفلوس وخلاص ميهمهاش الشباب ولا مستقبلهم دي بتدمر فيهم اذا كان انت حضرتك بقول كان المفروض تجيب حاجه وتسعين وكنت شاطر جدا يعني اتظلمت شوف كان الف واحد نفس وضعك حتي الكليه اللي انت دخلتها بقت محرمه علينا انا مش فاهمه انت فرحان علي اى دي مصيبه بدال الدوله ما تساعدنا دي بتدمر فينا حسبي الله ونعم الوكيل
بجد أسوأ قرار لان انا مش متخلفه عشان ادخل علمي بسبب نظره الناس هي الناس بتشوف تعب كل واحد فينا بتحس احنا بنحس ب ايه واحنا طالع عينا في الدروس الناس بتشوف واحنا بنموت من التعب والارهاق وبرضوا بنقعد نذاكر عشان أهالينا اللي طالع عينهم عشان يدوا بس حق حصه نظره الناس مش هتنفعني ولا هتنفع غيري احنا بندخل علمي عشان لو مجبناش مجموع ندخل كليه ادبيه وبرضو ادبي مظلوم لانه لو مجبش مجموع هيقعد جمب امه اقنعني ازاي هدخل علمي عشان نظره الناس خلي الناس تشوف الامتحانات اللي م بتتحلش وحسبي الله ونعم الوكيل ف دي منظومه وف دا تعليم وف دي بلد
والله خش معهد ده احساس كل دفعة فى ادبى السنه اللى فاتت مع ان احنا بنجيب مجموع بتعب ودروس وفلوس ولله بس محدش كان حسس بنا بس علمي يتريقوا علينا و عايزين كليتنا واحنا نخش معهد طيب ليه
اساسا تربيه بيدرسوا كيفيه التعامل مع الطالب اكتر او بيهتموا بالجانب النفسي اكتر عكس اداب بيهتمو بالنحيه العلميه اكتر ف لو حابه تتدخلي تربيه كان الاولويه من ادبي لانك بتدرسي علم النفس وعلم النفس كله مايخص النفس من اول مراحل نمو الانسان لحد تكوين شخصيته ف تربيه مهم جدا الجانب التربوي اكتر م الاكاديمي وده مهم جدا ف عشان كدا تربيه سواء تربيه اساسي او تربيه طفوله مبكرة كليات قمه ف ادبي لانه مش اي طالب ميعرفش حاجه يدخل وخلاص
@@mariemmohamed8551تفتكري كل المدرسين اللي بيدونا دلوقتي هما كانو أدبي بالعكس كانوا علمي ودخلوا تربيه من علمي وهما دلوقتي أنجح من اللي دخله تربيه من ادبي
@@mariemmohamed8551 اديكي قولتي تربيه بيدرسوا كيفيه التعامل مع الطالب جوا الكلية و بعدين انا گ حد ناوي علي تربيه كنت بقرأ كتب عن الحاجات دي و ببحث و كنت بحاول اطبق دا في الطبيعه عشان اتعلم و اتعود لان انا هدفي تربيه و اتوقع مش كل المدرسين اللي بناخد معاهم دخلوا تربيه من ادبي بالعكس في مدرسين كتير بتعرف تتعامل مع الطلاب عادي جدا و هما اصلا كانوا علمي و دخلوا تربيه وانا مدخلتش ادبي عشان مش بحب المواد الادبيه مش اكتر و بعدين اقولك حاجه اللي عايز ينجح في حاجه معينه هيطور من نفسه و ينجح حتي لو اي حصل انما اللي مش عايز مش هينجح حتي لو معاه الف شهاده ف انا شايفه ان مش شرط اني ادخل ادبي و ادرس علم نفس عشان انجح في تربيه و لو كان دا صح مكنش اصلا ينفع حد من علمي يدخل تربيه لانه هيفشل طالما مش دارس علم نفس بس دا مش بيحصل
@@arwaMohamed-qw6lo معلومة لعل ولعسى تفيدك ثبت عن النبي صلى الله عليه وسلم أنه نهى عن الحلف بغير الله تعالى. قال النبي ﷺ: من كان حالفًا فليحلف بالله أو ليصمت، وقال: لا تحلفوا بآبائكم ولا بأمهاتكم، ولا بالأنداد، ولا تحلفوا بالله إلا وأنتم صادقون، وقال ﷺ: من حلف بشيء دون الله فقد أشرك أخرجه الإمام أحمد بإسناد صحيح عن عمر عشان كده ماتحلفوش بالنعمة او المصحف او حياة حد او النبي وهكذا الحلفان بربنا بس والكفارة تقول الشهادة وتتوب لربنا انك مش هترجع قال النبي صلى الله عليه وسلم: من حلف فقال في حلفه: واللات والعزى، فليقل: لا إله إلا الله
يا مستر مين قال إن تربية بتاع ادبي بس طب ما فيه تربية قسم كيمياء و تربية قسم ماث و تربية قسم جولوجيا و مين قال إن السن بتاع ادبي بس هما بيدرسوا عربي و انجليزي و لغة تانية و احنا كذلك عربي و انجليزي و لغة تانية ايه الفرق بينا بقي عشان يتقال إن الكلية بتاعتهم و مين قال إن اعلام و تجارة برضه بتاع ادبي انا من حقي كعلمي اخش اي كلية بتدرس تخصصاتي لو عايز تمنعني امنعني من اداب و اثار و حقوق عشان دي كليات أدبية فعلا لكن تمنعني من كلياتي ده حرام❤
انا معاك في حوار االقرار صح مليون فالمية. بس بالله عليك دا اللوقت المناسب في ظل الهبل الاحنا فيه دا انه يطلع قرار زي دا؟ انا اصلا ديما كنت بتقرف من حوار البيقلوا من ادبي لسبب محدش فاهمه لكن عن نفسي انا مش شاطر لا في جغرافيا ولا تاريخ ولا اعرف اي حاجة عن فلسفة فالانسب لي عشان اسلك فالتعليم الفاشل ده و اخلصه ع خير اني ادخل الفرع الانا شاطر فيه. انا كان نفسي في فنون جميلة او السن او تجارة انجلش. فربنا ييسر بقا و نغور من البلد دي عشان نرتاح من هبل الدولة دي بأمانة
هو يجينو مش حوار احنا زعلانين انا اصلا معرفش القرار غير بالصدفه منك القصه وما فيها جايين ينشروا خبر زيي دا بعد معكينا ف الامتحانات وبالذات الفيزيا وصعوبتها هي مش بتبقي بأيدينا يجينو القصه اننا داخلين عشان هدف معين يعني انا نفسي اخش طب اسنان ومن وانا طفله وكنت بمثل ع اهلي وانا طفله عشان بس اروح اشوف دكتور الاسنان بيعمل ايه وبفرح وعمري مخوفت منه ودا حلمي من صغري ف الامتحانات تيجي تكسرنا مع تعبنا طول السنه ومصاريف أهلنا و ف الاخر عشان امتحانات مغلوط فيها زيي فزيا وانجليزي غصب عننا فيه ناس ممكن تجيب كليات ادبيه م احنا لو كان نفسنا ف كليه ادبيه كنا دخلنا ادبي علطول وأدبي مش سهله ومفيش حاجه اسمها علمي اصعب من ادبي احنا بنذاكر وهما بيذاكروا ف نبطل التفكير المتخلف دا المشكله كل واحد بيسعى لحلمه وال مش بيلحق غصب عنه يدخل حاجه ادبيه مهو معلش اهلي مش هيطفحوا الدم طول السنه مصاريف ف دروس ويجوا يدفعولي ف كليه ولا معهد خاص عشان قرار ملهوش ايه ٦٠لازمه زيي دا
والله انا شايفه ان القرار دا مش كان وقته ينزل دلوقتى خاااالص كان ممكن يستنوا شويه ويقولوا قرارتهم انما دلوقتى فى ناس احبطت وشايفه ان الفرص بتقل شويه بشويه
أولا كدة علمي زي ادبي انت عندك سبع مواد وهما عندهم سبع مواد انت بتذاكر وهما بيزاكرو فا متحكمش علي حاجة من برة هي كل الفكرة بس انو في ناس بتكون داخلة علمي عشان عندها حلم معين بس مش كل الناس بتجيب المجموع اللي هي عيزاه وتبقي اختيارات ربنا افضل طبعاً فا اللي هو مجبش مجموع دة هيروح فين نفترض ان اهلو مش معاهم يدخلوه خاص هيروح فين مثلاً 😅 جاي يطبق النظام في سنة جايب فيها الامتحانات دشملت احلام العيال أصلا وبقي كل حلمهم يعدو صافي 💔
تمام رأيك يحترم بس ايه يروح فين دي بقي طب وادبي بردو يرحوا فين لما يبقي حد في ادبي يجيب 60% ويدخل معهد عشان خاطر العلمي دخل كليات ادبي فين العدل في كدا والله احسن قرار ويارب يبقي السنه دي ويتنفذ بجدد
اوسخ تعليم التعليم المصرى حرفيا ما كل الناس برا بتتعلم عادى والدنيا حلوة مفيش غيرنا اللى لازم يشربونا المرا 😢ربنا ميرحيش بال اى وزير او مستشار مادة بيحطها صعبه علينا منه لله ربنا ينتقم منه
هو دلوقتي اي حد يقولك ادبي أسهل ادبي أسهل ! هما مشافوش اي مواد من عندنا فعلا السنادي او امتحاناتنا يبقي ديه مش مشكلتنا احنا بنتعب جامد في المواد وبالنسبه برضه للمعظم القرار مش حلو هما عايزين يشغلوا الجامعات الخاصه ف ده حاجه مش احنا السبب فيها عشان تقول سهله ويعني ايه انت مش شاطر تخش ادبي ؟؟ الموضوع مبقاش خناقه بس ده بقي مرض ومحدش مهتم لنظره المجتمع اصلا غير فئه معينه وبس ربنا يهدي بجد