انا مآبونية معاك وصفاتك ولا أروع وراني جربت بنينة وحدة درت زوج صابلي وخرجتلي هاااايلة وخلاصت تم تم يعطيك الصحة ونسيت باش نحطلك تعليق هادا وين شفتك علقتلك ❤.
عيدك مبارك الاخت حسنة من فضلك رني نطلب منك للمرة الالف وريلي لانسطالاسيون تع لافيسال تاعك بالتفصيل الممل من فضلك رني من فيفري من لي شريتها ومالقيتش شكون يبلاصيها حبيت نبلاصيها وحدي من فضلك ساعديني لوجه الله تعالى طلعولي المنشور خياتي الله يستركم دنيا وآخرة
السلام عليكم اختي ساهلة ديري التويو تاع الماء بلاصيه في العين اللي يخرج منها الماء و التويو الثاني يكون شوية خشين ديريه في البلاصة اللي ترمي الماء و الحاجة الثالثة لابريز ( الكهرباء) و خلاص تبقى باش تشعليها كاين بزاف le choix إن شاء الله نكون فدتك 😊
@@user-gn6ts5cp1k والله ياختي حوست فاليوتوب فديو مور فديو لقيت روحي فهمت وبانتلي ساهلة بصح كي نجي نسي وحدي نلقى عراقيل بزاف يعني التيو تاعها لي يجبد الماء ماعرفتش وين نلصقو فالكوزينة باش يوصلها الماء سينو التيو لي يخرج الماء خممت نحطو في بيدون وخلاص ونسلك راسي المشكل بقالي كيفاش نوصل الماء ليها خاصة كوزينتي مبنية من قبل مكنتش دايرة بلاصتها وكوزينتي صغيرة عندي سيتيرنا تع الماء
@@user-ew6mk7qr9vانا اختي درتها في البالكو نتاع الكوزينة لازم تركبي فم في العين من عند لاكنكير باش تقدري تركبي تيو نتاع الماء والتيو الي يخرج الماء زيدي اشري واخد لاصقيه فيها لازم يبقى طالع باش ميهبطش الماء وقت تعود تعمر
صح عيدكم شحال قاستني كقلتي صح عيد كل متغربة والله حتى طاحتلي الدمعة مايحس بينا غير الي متغرب ولالي عندو عزيز عليه متغرب صح عيدكم وكل عام وانتم بخير يارب العالمين
والله نفس الأجواء لي حكيتيها كي كنت صغيرة نفسها لي عيشتنا ياها ماما ربي يحفضها وانا هكاك وليت ندير لوليداتي سبحان الله الام تتعلم من امها الى كانت صالحة ولا طالحة
صح عيدك حسنة كل عام والجزائر بألف خير ❤ والله يا أختي حسنة يا ريت يعود الزمن للوراء ونولي صغيرة ونحس بالفرحة الطفولة البريئة. كلش تبدل ولات الناس ماترحمش بعضاها 😢وراهي البنة ياحسنة مانغطوش الشمس بالغربال البنة كي في 100 يذبحو 10 وراهي البنة والناس مهيش قادرة تشري كيلو لحم لولادها وراهي البنة ايلا ذبح واحد الجيران يخزرو بلعين والله غير في هذا العيد الناس فرحانة وأنا نبكي ماشي على روحي الحمدلله ربي رزقني وذبحت على قدي نبكي على نصف الجران ماذبحوش واولادهم قاعدين يخزرو والله قلبي تقطع تمنيت لكان تتشق الأرض وتبلعني وما نعيشش مثل هذا الموقف 😢لكن ماباليد حيلة غير الدعاء ربي يفرج على كل محتاج ويرزقنا من نعيمو وحسبي الله ونعم الوكيل في كل من كان السبب في إرتفاع الأسعار وخلا الناس تشوف بلعين 🤲
السلام عليكم تقبل الله منا ومنكم صالح الاعمال وغفر الله لنا ولكم ينعاد علينا وعليكم بالصحه والعافيه يارب ❤ عندي نفس المنشار عنا في ثلاث سنوات ما شاء الله😊😊
حنا كل عام نضحو لكن هدا عام ماضحيناش، ماشي ماعيدناش لي يضحي يعيد ولي مايضحيش يعيد وحنا لي نصنعو الاجواء شرينا جيڨو و كبدة و طيبنا وشوينا وغافرنا وخوتي صغار عون جيران في الاضحية وتصورو مع الاضحية صنعو الاجواء لنفسهم حتى عندي خويا في عمرو 17سنة هدي اولى مرى يضحي جارنا شافو يصلي و ملتزم قالو اذا تعرف تضحي قالو لالا قالو راك راجل لازم تتعلم ورالو دعاء عود موراه من ضربة الاولى ضحى الكبش جا فرحان قلي حسيت بلي شريناكبش نفس الاجواء وخير بسك هدا عام ضحيت انا بيدي 🎉 وجات افراد من عايلة تاعنا قصرنا وضحكنا ولعبنا وانبسطنا حتى زوج تاع صباح باش شدينا بلاصتنا ..... وش حبيت نقلك بلي قولي لي ما ضحاش ماشي لي ماعيدش، عيد ثابت تضحية لمن استطاع وكل عام وبركتو
عندك الحق بزاف كي مايشروش كبش يقولو ماعيدناش وهذا خطأ العيد للي ضحى ولي ماقدرش يضحي لأنو سنة الرسول صلى الله عليه وسلم كي ضحى دعا وقال هذا عني وعن من لم يضحي من أمتي يعني كامل نعيدو والعيد فرحة لجميع الأمة الإسلامية تعليقك جميل
