الله يزين الصنعة خدمة باينة متقونة . من فضلك شاركي معانا لموديلات الواجدين للبيع باش اللي عجباتو شي حاجة يجي ياخدها مباشرة . ماكرهناش موديلات جلالب كريب مخدومين اللون فاللون
تبارك الله عليك اختي ام عثمان .واش ممكن اختي تخيطي لي جلابة مليفة اميرة .بالراندة لون ترابي بلا فتاحي نصيفط ليك المقاس نتاعي .عشقت شي جلابة من ايدياتك تحياتي
تبارك الله اعليك أختي أم عثمان،أنا من عشاق خدمة اليد ونتمنى تبقاي فهاد الستايل التقليدي الأصيل. بااااينة خدمتك نقية بزاااف فيها الإتقان ومخدومة بحب وإخلاص. سأزورك قريبا إن شاء الله،أنا الآن مقيمة في طنجة وكنت ساكنة قريبة منك فالأزهر/البرنوصي ولكن خسارة مكنتش انعرفك.كنت كنمشي لفاس باش نحط حويجاتي لأن والدي كانو كيسكنو تما
انا بالنسبة ليا غنلخص لكم ام عثمان زيدات كفاش تطلع جلابة وديك الساعة نحكمو واش شبعانة . اولا خصها توقف على الثوب واش كليطي مزيانة ثانيا خصها توقف على الفصالة حيث هي اساس فالخياطة ماشي اي واحد غيخرج لك فصالة على حقها وطريقها ثالثا تمشي تقدا الحرير المزيان وتوقف على اختيار الالوان رابعا خصها توقف على الطرز او اي خدمة خصها توقف عليها تخدم على حقها وطريقها خامسا توقف على المعلم الي اقدر اخدم خدمة نقية سادسا الفينسيون ضروري ومأكد تفيني ديك الجلابة مزيان سابعا خصها توقف على المصلوح باش تصلح كما ينبغي. وهدشي كاااااامل إلى ماقربتي تسالي ووقوع شي افات إلى قدر الله خصك تعاودي من الصفر حيث الكليان تيعرف غير جلابتو وخلاص ماتيعرفش منين دازت ومننساوش ان الوقت الي درتي مع الكليان تجي معاه هو هداك. ودابا هاهي جلابتنا واجدة اوا هل من حكم الان 😂😂😂😂 غير التلخيص سخفني ونا بلاصتي تنكتب هههه. بالتوفيق للجميع.
