*السلام عليكم ربي يحفظكم مرق الدجاج jus de rôti انا درتلو الملح و الفلفل اسود لكن ماخرجتش بالفيديو انتوما اضيفوها اما مرق الارز بدون توابل و اسمحولي على الخطأ درت والمونتاج على الثانية صباحا و بخصوص الارز هذه طريقة صالحة لكل انواع الارز تبقى حاجة صغيرة لي هي نوعية الارز انا استعملت ارز مفور sub و ممكن استعمال اي نوع ارز. من الاحسن نختار نوع و نبقاو نخدمو بيه دائما لانو كاين لي يشرب زوج عبار بالظبط و كاين لي قل بالربع و كاين لي كثر بالربع و الغالبية كيلو ارز و زوج كيلات ماء لدى من الاحسن المواصلة بنوع واحد تشفاي شحال يسحق ماء غير هذا بإذن الله ينجحلكم دائما بإذن الله*
بسمة أمل انتي الي نحيتي الاشتراك من قناتي هههههه انهار سقسيتي اعلى البغرير لكان بيض مقلي امبعد جاوبتك خالتي قلتلها مديرليش السمير(...)لخاطر جوبتك ديجا حطيتي بلي انت الي درت السمير لا حول ولا قوة الا بالله ولكان مش انت 😕
لاحظت في playlists كل انواع الطبخ : من مقبلات و حساء و أطباق سورية وحلويات وو...و و ناقص شيء واحد نتمنى توضعه و هي السلطة و بما أنك عملت في مطاعم و فنادق أكيد عندك فكرة في أنواع السلطات.نتمنى شاف هشام ديرهانا و ماترجعنيش أخي.
أنا حتى اليوم باش جربتو جاني فوووور بزاف 😋 راجلي هبل عليه . و أول مرة ينجحلي الأرز خاتش عندي مشكل معاه جامي جاني بنين و على حبة بصح هاد الوصفة top يعطيك صحيحتك ان شاء الله
صباح الخير على الجميع شهادة لله جربت الروز جا روووووووعة اذا كان فيه الدجاج بزاف يجي اروع يعطيك الصحة شاف انا راني معولة نجرب كامل وصفاتك ونكتب تعليق بكل مصداقية تحياتي شاف
اليوم نسجله في التاريخ يعني كائن قبل هذ الفيديو وبعد ، درتها واش نقلك من اروع ما يكون ما بقاش من البنة ربي ينجحك ما كتر ويعطيك ، يا خوتي جربوها وما تندموش
ليوم نجربها انشاء الله زدتي حمستيني ومن الصورة راه يبان ماشاء ألله ربي يحفظ الشاف هشام وصفاته راها روعة لبارح جربت كرانتيكا تاعه واش نقولك مبقاش منها حتى شوية
واش نقلك البارح درته فالعشاء جا بنييييييين بزاف الله يعطيك الصحة راجلي كلا الي في الطبسي وزاد راح ياكل من البلا حتى كمله قعد ديما تجيبلنا ليغوسات الساهلين والبنان هههه الله يعاونك وديما ندير جام بلا مانشوف
تبارك الله رني حسا راح يكون عندك مطعم من اشهر المطاعم في الجزائر وراح يجوك ناس من جميع الولايات فقط من اجل نبل طريقتك في الشرح ربي يعطيك واش تتمنا يارب فورررررر واصل شاف هيشام
كنت نشوف فواحد لفيديو لجزايرية في تركيا،طيبت بركوكس وفي التعليقات قالولها روحي شوفي الشاف هشام للطبخ وتعلمي منو،جيت نجري نشوف لقيتك روووعة،دزبونيت كاااامل لي عندي،ونتبعك غير انت،بارك الله فيك،مليار جام
يعطيك الف صحة و اخيرا صبت الوصفة لسنين و انا نحوس عليها بارك الله فيك كثرنا من اكل المطاعم و اسرارو و عندى طلب لو تكرمت دجاج محمر بالصوص تاع المحلات و رانى اشتركت في قناتك و بالتوفيق
شاف نطلب منك طلب وان شا الله ماتردنيش كون غير ديرلنا لي قراتان كيما تاع المطاعم بصح ماشي اي قراتان هاداك لي يخدموه بالجاج و لا اللحم اجي معمر فروماج و مافيهش لباطاطا فيه واحد النوع تاع purée جي بنينة بزاف و اكترولو فروماج غابي و اجي محمر. ربي يحفظك ان شا الله و راني دوك نولي نبارطاجي لي فيديو ديالك باه نعاونوك تلحق للمليون مشترك ان شا الله😍😍❤
راني درتو واش تقولك روعة بصح خرجت كامل الكسارن لوكان زد🤣🤣ت شوية نروح نتسلف عند الجيران😅😅😅😅 زيد بزيادة الفورنووات كامل شعلتهم ألغاز غالي في فرنسا يامحاينك .بصح ماشي خسارة.
يعطيك الصحة اخي الكريم وربي يجعله في ميزان حسناتك ... حبيت برك نقول انو الروز المفور جامي يتعجن ويجي دايما حبة على حبة ياريت لو تديرلنا الروز الابيض لي يجي كي شغل مكسر شوية هذاك صح يتعجن وصعب انو يجي حبة على حبة .. وشكرا لك
@@biba_world اختي انا بعد تجربتي للروز لقيت بلي لازم يتغسل مليييح قبل ما تحطيه يطيب وتبدليلو الما حتان يولي الماء صافي ... و كي تحطيه في المرقة لازم يكون يساوي كمية المرق يعني هو كيلة والمرق 2 كيلات . وكي تحطيه على النار تكون قاوية ويغلي فيعا هو يهز الغلية قد قد وانتي نقسيلو لازم نار هادئة بزاف ومغطية عليه حتان تشوفي بلي شرب مرقتو كامل طفي عليه وبعديه على مكان النار وخليه مغطي مدة ربع ساعة على الأقل ... وشوفي كيفاش يجيك حبة على حبة
يعطيك الصحة يا هشام خليتيني وجهي احمر قدام اولادي وراجلي درتو الروز وجاني مليح ودعيتلك بي الخير والله يرحم الوالدين وربي يعطيك الجنة وما تتمنى وراني يتيمة وفرح راجلي وشكرني وديتي دعوة الخير من عندي روح ان شاء الله تربح وتفرح يا هشام
عيشك أخي انا مشتركة جديد ة حبيت خدمتك كلها في القمة حبيت نسقسيك على. البيتزا في العجينة استعملت بيضة ممكن تقولي باش تقدر نعوضوها لأنه ممنوع على زوجي نعوضوها بالياغورت الطبيعي و كم الكمية
والله غير يعطيك الصحة وربي يحفظك ان شاء الله طول عمري تطيب الأرز فلفوغ وعمري ما رضيت عليه مع انو ينتكل ما يترماش بصح كنت نحوس على وصفة بنينة واليوم لقيتها(باين بلي بنين) مشكور اخي
هدا واش يوالمني على خاطر راجلي مايحبش الروز ناشف اليوم ان شاء الله نديرو... الله يعطيك ماتتمنى كل ماندير وصفة من وصفاتك ندعيلك وزيد راني درتلك pub عند صحاباتي 😉
السلام عليكم ورحمة الله وبركاته. ماشاء الله لاقوة إلا بالله .ربي يبارك فيك خويا هشام .وصفاتك رائعة .انا اول مرة نشوف فيديواتك وباذن الله راح نجربها. شكرا على التفاصيل والحيل اللي ماراكش تبخل علينا بيهم. لك كل التقدير والاحترام.
ابداع وتالق في تحضير الوصفة اخ هشام💪👏👍💪👏👍💪، هاد الروز الفاير؟ ولا لا.. من فضضضضضلكككك حضرلي طلب تاني، الاول اني نستنا والتاني هو ls crépes sallées. بحشوة بنينة من يديك لبنان. راني في الانتظار 🙋 🙋 🙋 🙋 🙋
تحضير روز في فرن : نوجدو مرقة دجاج نديرو شوية زيت ونحطو في عظم تع جاج يتقلى شوية وبصل ورودية ورقة رند وبصل مقطع شوية كبير منبعد نخلوه يتقلى ونظيرولو لماء ونخلوه يغلي منبعد نجيبو لمبلة نديرو فيها شوية زيت نقلو لجاج نديرو بصل وطماطيش وزرودية وسنة توم ورقة رند ونخلوهم يطيبو منبعد نوجدو لخضرة نديرو لجلبانة ونقطعو لقرعة الى قطع صغيرة منبعد نقطعو بصل مكعبات صغار وزرودية تان نقطعها صغيرة ونقطعو فلفل حلو الى قطع صغار منبعد نديرو في مقلة زيت وشوية زبدة ونحطو لخضرة لي قطعناها ونخلوها طيب سبع دقايق ونخلوها على جهة منبعد نجيبو قدرة لي نطيبو فيها روز نديرو ملعقة ونص زيت وشوية زبدة منبعد نديرو روز ونخلوه يتحمص منبعد نرمولو لخضرة مقطعة زنجبيل وفلفل اسود وراس لحانوت وزوج ملاعق صغار زعفران وملح ونقلبوه ورقة تع رند وزعيترة منبعد منبعد نحو من لصوص لي خدمناها نحو ونفرغوه في روز وندخلوه في فرن تاعنا من فوق ومن تحت منبعد نجيبو لخطرة تاعنا ونطحنوهانديرولو كرام فراش ثلاث ملاعق وملعلقة لموتاغد ونحطو فوق نار ونشوفو روز حتى ينشف شوية من ماء منبعد نغطوه بالورق ألمنيوم ونخلوه يطيب حوالي عشر دقايق ونحوه
ياأخي واش نقولك ولى واش نقولك.... أنا عندي 14 سنة زواج وزوجي يحب الروز بالطبع...وانا طبعاً في أحلامي منديرش الثلث تاع روز بالطبع للأسف الشديد ...للعلم أني سيت بزاف وصفات ولكن منجحتليش...راني نقول بالك السبب في نوع الأرز، خاصة أنه توجد بعض الوصفات لتقولك إستعملي أي نوع روز عندك، لذلك نظن أنوا هذا الأمر خطأ وبسبتوا متنجحش الوصفة...نتمنى نتكورج ونسيي التاعك...وإنشاء الله ينجحلي.... راح نتبع التعليمات مليح ونجربوا...ولكن أخي معطيتناش إسم الروز لخذمت بيه...لأن نوعية الروز في الطهوا تلعب دور كبير...شكرا لك ونتمنالك النجاح في مسيرتك المهنية....👍👍👍👍👏👏👏👏
الارز كاين 3 انوع كاين لي يشرب زوج عبار بالظبط و كاين لي يسحقةربع عبر زيادة و كاين العكس و افضلهم البسمتي احسن شي اخدمي بنوع واحد تشفاي عليه و بإذن الله موفقة