احذرى الزواج من هؤلاء الرجال ! 

اكتب سؤالك هنا
gannaty.com/
التواصل الاجتماعي
instagram
/ esraagannaty
twitter
/ lr33mpmybraydk1
facebook
www.facebook.c...
tiktok
/ gannatyesraa77
الفترة اللي فاتت انتشر فيديو لبنت كانت بتحكي قصتها مع عريس قابلته صالونات وكل كلامه معاها كان عن مرتبها وعن عربيتها زي ما انتم شفتم كده في المقدمة بالظبط
والبنت كانت بتحكي يعني وهي فعلا مصدومة وهي اكيد رفضت العريس ده.
قبل ما اسمع فيديو البنت ده على طول كنت برضه شوفت نفس الحالة عريس جاي للبنت هو ومامته يتقدموا عندها في البيت والعريس
كلامه بيدور حوالين شغلها وان هي مش المفروض تسيب الشغل بعد الجواز وان هي المفروض تساعد جوزها في مصاريف البيت وهكذا. وكأن العريس ووالدته جايين بس طمعانين في البنت وفي المرتب بتاعها
الغريب بقى في الموضوع ده ان البنت كانت رافضاه لكن اهلها كانوا بيقولوا لها ما تقعدي معاه مرة تانية او ادي له فرصة تانية.
وطبعا احنا هنا مش بنعمم ونقول ان كل الرجالة بقت كده طبعا اكيد ده مش مظبوط. فيه رجالة كتير جدا محترمة مش بتبص ابدا البنت عندها ايه او مرتبها كام والكلام ده
وفي طبعا للاسف نماذج زي اللي احنا شفناها دي.
طبعا مش محتاجة اقول ان الراجل اللي زي ده المفروض طبعا يترفض.
علماء النفس اتكلموا في النقطة دي وقالوا ان الراجل بيحس
بالقوة بالانجاز بالثقة بالرضا عن نفسه لما بيكون قادر ان هو يعطي وان هو ينفق على مراته واولاده.
لان الراجل بيعتبر ان ده جزء اساسي من رجولته.
وان الستات بيحسوا بالامان وبالرعاية وبالحب لما بيهتم بيها راجل وبيساعدها وبينفق عليها
اي خلل في الموضوع ده بيعمل مشاكل نفسية عند الطرفين.
تعالى كده نشوف الرجالة زمان كانوا بيعملوا ايه.
كان الراجل عشان يثبت ان هو فعلا يستحق البنت اللي هو عايز يتجوزها. اول حاجة كان لازم يوفر لها الحماية. وده عن طريق
ان هو يعمل لها بيت يبني لها كوخ وهكذا.
هو كده بيثبت لها ان هو عنده القدرة وعنده الحماية.
هو كمان اللي كان دايما بيبدأ ويطلبها للجواز. فهنا بيثبت لها ان هو لازم ياخد القيادة والمبادرة. من صفات الرجولة كمان الحزم والثقة
كان الراجل كمان لازم يثبت لمراته انه راجل قوي فكان بيصطاد الحيوانات وبيجبها لها لغاية عندها عشان تاكل هي واولادها. وهنا برضه طبعا هو بيوفر لها الانفاق والحمايه (في غلطه في الفيديو انا قولت الرعايه الصح هو الحمايه)
وهي دي الفطرة اللي ربنا سبحانه وتعالى فطر الرجالة عليها. اي خلل في الموضوع ده طبعا بيعمل قلة ثقة وبيعمل مشاكل نفسية.
قرأت كمان مرة جملة عجبتني قوي كانت بتقول ان الراجل دايما بيدور على واحدة ست يديها ماديا اكتر بكتير ما ياخد منها
تمام. هو ده رأي علم النفس. هل انا بقى هنا بقول ان الست مش المفروض خالص تشارك في مصروف البيت او تساعد جوزها في المصاريف? لا خالص بالعكس مش ده ابدا اللي انا اقصده. بالعكس انا دايما بشجع
الستات ان هي تشتغل ويكون عندها دخل خاص بيها. يعني انا مثلا لو زوجة شايفة جوزي بيعمل على قد ما يقدر ان هو يسدد كل الفواتير وهو راجع من الشغل بيعدي على السوبر ماركت يشتري كل طلبات البيت على قد ما يقدر
يحاول ان هو مايقصرش ماديا في اي حاجة. وانا بشتغل وعندي الدخل بتاعي. بس شايفة مثلا ان في حاجات تانية ناقصة في البيت يعني او اطفالي مثلا محتاجين لبن محتاجين فاكهة. هل بقى مش المفروض ان انا اجيب الحاجات الناقصة دي واقول لا اصل الراجل هو بس اللي بيصرف
طبعا لأ الام بالغريزة اللي عندها لما تشوف بيتها او اولادها ناقصهم حاجة طبيعي ان هي بتشتري الحاجة اللي ناقصة دي. لكن ده بتعمله باختيارها او بمزاجها. لكن ما يكونش بالاجبار.
يعني مش جوزي هو اللي يجبرني ان انا لازم اشتغل
يجبرني وياخد فلوسي بالعافية او يجبرني ان انا لازم اشتري حاجات بالفلوس بتاعتي. هنا بتحصل المشكلة.
يعني الخلاصة او اللي انا اقصده ان الست طبعا المفروض تساعد في البيت وخصوصا في الظروف الاقتصادية اللي احنا فيها دي. لكن الموضوع يتم بمزاجها مش بالاجبار
وان انت لو مش متجوزة ولقيت واحد جاي كده من الاول وطمعان فيك عينه على الفلوس بتاعتك او الفلوس بتاعت والدك. مش المفروض ابدا طبعا ان انت توافقيه او تكملي في علاقة زي دي
لو حد مر بتجربة زي دي او عدى عليه عريس زي كده يا ريت يحكي لنا تجربته. انا كده خلصت يا رب الفيديو يكون عجبكم. اشوفكم على خير ان شاء الله. والسلام عليكم ورحمة الله وبركاته