يعطيك العافيه اخوي احمد وموضوع جميل جدا ونصيحه للاخوان اللي يشتغلون بالسيارات ان اي سياره طالع ايربقاها يصلحها وكاله لان لو مات لاقدر الله تكون روحه في رقبتك على انه اخذ سياره ايرباقها شغال
أنا ابوية صاحب معارض خذ هالنصيحة اذا السيارة مصدومة تلقى الفراغات بين السيارة مي زي بعض أقصد الفراغ ألي يجي بين الرفرف والكبوت والبيبان وثاني شيء شغل النور حق كشاف جوالك او اي نور تلقى النور ينتثر فالبوية بوية البلد تشوف حدود العدسة فيها والمكاين من 6 وفوق والأمريكي والنيسان شغل شوي وطفيها على بال تسخن وخلها 3 دقايق وفك غطاء الزيت اذا فيها شيء يطلع دخان والاربعة يعني شغالة كثير والممشي الكثير تلقى الطارة فيها تبهيت او ناعمة وأضغط لي البي سي في وشوف رجة المكينة اذا ماشية كثير ترج معك بقوة ومرة وحدة تشيك عالكراسي ولا تنسي تشوفة أنة مو مغير بجديد
أنا أعتقد أن التلاعب في قراءة عدادات السيارة من التطفيف والتي نزلت فيها سورة المطففين جاء في تفسير الطبري ( القول في تأويل قوله تعالى : وَيْلٌ لِلْمُطَفِّفِينَ (1)يقول تعالى ذكره: الوادي الذي يسيل من صديد أهل جهنم في أسفلها للذين يُطَففون، يعني: للذين ينقصون الناس، ويبخسونهم حقوقهم في مكاييلهم إذا كالوهم، أو موازينهم إذا وزنوا لهم عن الواجب لهم من الوفاء، وأصل ذلك من الشيء الطفيف، وهو القليل النـزر، والمطفِّف: المقلِّل حقّ صاحب الحقّ عما له من الوفاء والتمام في كيل أو وإن).
يازين ريحة الموتر الوكالة الله يرزقنا من واسع فضله مافيه مثل الجديد تفكها وكالة على يدك وخاصة بانك تدفع مبلغ وقدره تعبت في جمعه وقرض وتحطها في مستعمل حرام والله زود شوي واشتر جديد من الوكالة ضمان وراحة بال أحسن ما تنخدع وتروح فلوسك على سيارة مستعملة مغشوشة
مو بس الشريطي اي شخص الان ماله علاقه بالسيارات وعند موتر يبي يبيعه لازم يكذب شيء مخيف انتشر الكذب وغش المسلمين لبعضهم وعدم مخافة الله وكل الدعوى كم الف راح يكسبها مقابل السيئات والدعاوي من المسلم اللي انغششش
الله يبارك فيك و في علمك . و يرزقك . من واسع فضلة في الدنيا و الاخرة ويكثر من امثالك و يجعل عملك خالص لوجه الكريم . كل شيئ يزيد مع الزكاة فزكاة العلم تعليمه للناس
حتي انا والله انغشيت حسبي الله عليهم ولحد الان وانا اوالله والي خلقني اني اصلح فيها ولاحول ولا قوه الا بالله والسياره سوناتا موديل 2015 حتي العداد قد نزل والايربااق الي في الطبلون لكن حقي ضاع في الدنيا لكن ماضااع عند ربي حسبي الله عليهم ربي ونعم الوكيل عليهم ....
اهنيك جداً ع الفيديو الأكثر من رائع 😊👏👏👏 جهدك وااضح بارك الله فيك.. وجزاك الله خير الجزاء للتوعية الناس من تلاعب بعض الشريطية.. ولتبيين حقوقك في حال تم التلاعب في السياره 👍
ابدعت الله يعافيك فعلا حصلت عندي مشكله شريت مكسيما 2010 فحصتها كمبيوتر بمعرفة صاحب السيارة واتضح كل شي سليم لجهلي بهذي الاشياء ولكن بعد شرائها واستخدامها فحصت كمبيوتر بعد شهرين طلعت عندي اعطال وكانت لمبة المكنية لاتعمل نظامية بسبب وعند فتح الطبلون اتضح انه قام صاحبها بتوصيل لمبة المكينة مع لمبة الزيت. حسبي الله ونعم الوكيل عليه وعلى كل من يعمل كذا
والله العظيم خويي اشترى سيارة ملعوب بعدادها وجلس اربع سنين يطارد في المحاكم ولكن للاسف المحاكم ما انصفوة مع ان القضيه واضحة وضوح الشمس حتى هو طفش من الدعوة كلها ولكن حسبنا الله ونعم الوكيل في كل من يغش الناس الله يجعل كل امواله لاتكفى لعلاجه يارب
أحمد الحربي - تقنية وسيارات والله انك صادق لو تم التشهير به وتغريمة بمبلغ وتم سجنه لكان عبره لغيره الصراحة اكثر الناس ياخوك ما عد عندهم امانه ماعد يفرقون بين الحلال والحرام اهم شي فلوس تدخل جيبه وبس مايدري ان في اخره مايدري انه بيتعاقب على كل فلس يدخل جيبه ولكن الغباء والجشع استفحل فيهم
@@turki5643 نعم صحيح ردت الدعوى على المدعي ولا عد راح راجع فيها طفش الرجال ايامها كانت حضور الجلسات بالمحكمه في جده وهو اصلا في الجنوب ذبحته المشاواير على غير فائدة المشكلة احواله المادية صعبه ولكن الشكوى لله والله مايفيدهم هذا الغش شي يمكن تجية امراض او يخسر احد عياله او يخسر كل ماله بسبب غشة للناس ولا تنسى عقاب الله في الاخره اشد من هذا كله و انا كذالك رفعت قضية قبل فترة وللاسف ردت الدعوى بسسب عدم فهم القاضي للقضية وحكمه الاخير على القضية واستئنافت الحكم ولكن لاجدوى تم تاييد الحكم لصالح المدعي علية بعدما قاربت سنتين مواعيد وجلسات على برنامج التايمز ولكن مانقول الا حسبنا الله ونعم الوكيل فيهم حسبي الله ونعم الوكيل فيهم راحت اموالنا والله فوق كل ظالم
انا أعيش بالنرويج يوجد هنا فحص دوري للسيارة كل سنتين وعلى الشركة الفاحصة تنزيل وارسال البيانات والعداد لدائرة المرور يوجد حالات كهذه لكن نادره بسبب هذا الفحص الدوري ودائرة المرور توثق دائما المعلومات الأحدث واذا كان هنالك تلاعب توقف السيارة وتلاحق التلاعب
انا شريت لكزس من معارض الرياض الدركسون طبيعي يجي في اليسار وبعد فتره رحة مغسلة السيارات ابغسلها وجاء العامل وشال الفرشه اللي تجي داخل السياره وهي الدعسه الارضيه من يمين السياره واكتشفت ان فيه قاعده تبع دعسة البنزين موجوده تحت الفرشه ورحت الوكالة اكشف قالوا لي هذي السياره كان الدركسون في اليمين وتم تغيير الطبلون كامل مع الدركسون إلى اليسار وهذي اللكزس جايه من اليابان ومعدله في دبي ومشتريها حرامي شريطي من المعارض الرياض ولحفني فيها بسعر السعوديه حسبي الله عليهم وبعدها حرمت اشتري مستعمل حتى لو من الوكالات لأن أحد أصدقائي شرى من ابو جميل كامري من قسم المستعمل وللأسف طلع الشاسيه مضروب نصيحتي خذ جديد وكبر دماغك ولا اشتر مستعمل من إنسان تعرف أنه يخاف الله وسلامتكم
apo ahmed apo ahmed اخوي كيف دخلت المملكه الي اعرفه مننوع دخولها لليمن والمملكه منع بات لانه يكون فيها مشاكل بالضفيره فلحق على عمرك وترا الدركسون المحوال يجي فيه قطعه لازم كل اسبوع تشحمها وتشدها واذا كان لحام طامع كبرا لانه باي لحضه يفتك الحام يلف الدركسون وزياده على ذالك اماكن طلوع ابجبال او النزول قد يفتك الدركسون هذي كانت تجي من دبي لليمن وسببت حوادث كثير خاصه عندها جبال وطلوع ونزول تلقى عايله فجائه يفتك الدوكسون يلف لحاله يمين شمال ينقلبون وفيات كثيره بسبب المحول نصيحه من اخوك اشتك عليهم وراح يجيبون الاسم حق الي باعها لك لانها ممنوع دخولها المملكه واليمن وووالخ وسياره خطيره اي لحضه لاسمح الله تنقلب او تحترق بسبب التحويلات بالضفيره لو فتحت الطبلون حتنجن من التحويلات انتبببببببببببببه
عزيزي الغشاش الي تغش المسلمين اتمنى تقرا تعليقي ، ثق ثقه تامه انك راح تنبسط في الفلوس بالدنيا بشكل مؤقت لكن تذكر ان فيه قنطره على الصراط اسمها قنطره المظالم ، ماراح يعدي منها مخلوق مؤمن على وجه الارض حتى يرد الحقوق لـ اصحابها والعكس .. يعني الموضوع فوق ماهو حرام كارثي في الاخره بشكل شعر راسك يوقف من مكانه
انا انصب علي من معرض بحراج المدينه اول ماتدخل المعارض اول معرض على اليمين شريت اللنترا 2016من الحراج حصلت فيها شايب راكب عمره ثمانين ممكن مع ولده المهم زودت بالحراج لين شريتها منهم المهم عيو يخلوني افحص قالو ماتاخذ مفتاح السياره لين تدفع فلوس وتنقل المهم دفعت ونقلت يوم مشيت طلع القير مايغير تعشيق بعد كذا اكتشفت ان الشايب وولده مهم راعين السياره وان المعرض معطيهم فلوس عشان يثقون فيهم الناس لاكن ما اقول الا الله يجعلها بصحته هو وولده الخبثا عشان خمسميه ريال من الشريطي باع ذمته الله لايوفقه معرض الحربي اللي على اليمين اول ماتدخل معارض المدينه
ملاحظة اخرى هامة جدا ارجو منك شرحة معرفة اذا كانت السيارة قد قام صاحبها بإلغاء عمل بعض الحساسات بجهاز hp tuner او غيره لانه بعض اصحاب المعارض يستخدمونها لتجنب صيانة الحساسات مثل حساسات الشكمان. لو في طريقه لمعرفتها ياليت شرحها وإفادة الناس بها
90% من سيارات المعارض معدل عدادها لفيت عليهم ادور سيارة لاخوية بس الخبرة يعرف كم مشت من دون ينظر للعداد وفيه بعض السيارات اغلا من الجديد او زي قيمة الجديد نفس الموديل ويمكن المستعمل اقل موديل وليتها نظيفة
انا صارت لي هالحركة من معرض خذيت لكزس موديل 2009 قبل فترة عداده 123 الف كيلو والسيارة صراحة كانت استخدامها نظيف ما خلاني اشك بممشاها و بالصدفة شفت ستيكر من الوكالة على مكينة السيارة أنها راعيها جايبها الصيانة على ممشى مئة الف كيلو قبل و مسجل عليه تاريخ قبل ثلاث سنوات و الي خلاني اتأكد أكثر ورقة الفحص راعيها موديها الفحص الدوري بممشى 221 الف كيلو قبل يبيعها على المعرض والموتر ما طول عندي بعته بعد 6 شهور استخدام فقط و جاب لي نفس سعر شرائها وقتها و طنشت موضوع نصب المعرض بصراحة
حسبي الله ونعم الوكيل انا اكبر متضرر من الشريطيه شريت سياره مديل ١٧ ماشيه 5000 ك فقط وبعد شهرين اتضح لي أن المكينه مفكوكه والقير مغير من التشليح والعكوس مغيره ومتهالكه بس لمعوها وغيرو كل شي فيها خلوها تقول جديد وتم النصب عليه وغشي ١٠٠% وراحت فلوسي والله المستعان
يا اخي بالنسبة للتلاعب بموضوع الايرباك.. او انها تعرضت للحوادث .. في اشخاص خبراء يعرفون ادق التفاصيل في البودي والشاصي ولو كان خفيف جدا ويعطونها نسبة ..ويعرفون هل انقلبت او تعرضت للاصطدام او لا...
+ammoor2009 صحيح ولكن ليس الكل خبير. وانا حبيت أوضح بعض النقاط اللي لا يمكن للكمبيوتر كشفها. وأغلب المحتالين يقنعك بحجه افحص السياره بالكمبيوتر. وكل منا لابد أن يقوم بدوره ومن هذا المنطلق سجلت الفيديو لأخذ الحذر ليس الا
ي اخوي احمد حبيت اشارك مع موضوعك في برنامج اسمه موجز هذا يعلمك كم شخص اشترى السيارة وكم عدد الحوادث اللي تحولت على المرور بس اللهم تشتري من نفس البرنامج تقرير ويعلمك كل شي اسمه (موجز) يطلب منك لوحة السيارة مع رقم الهيكل
انا اشتريت سياره وفحصته في مركز فحص وقالولي السياره سليمه بعد مااشتريتها اكتشفت فيها عطل فالمحرك توجهت لاكثر من جهه واشتكيت وفالنهايه قالي الشيخ مالك درب عليهم مع انه طلب مني فحص الوكاله وتبين فيه ان المحرك فيه عطل ياليت احد يفيدني لي حق ام لا
المفروض منصة الكترونية معتمدة ترجع لها جميع ورش السيارات والفحص والمرور ومعارض السيارات يبين فيها جميع مايحدث للسيارة من البداية إلى النهاية تسجل فيها البيانات اجباري مقابل الغرامة والعقوبة في حال عدم تسجيل بيانات حالة السيارة وهذا هو الحل الوحيد مثل موقع كار فاكس الامريكي
ياخوي احمد فيه سوال في بالي الحين ابي اشتري سياره جديده مثال كامري ٢٠١٥ ماشيه ٦٠ الف وانا خايف تكون متلاعب هل لو اودي سياره للوكاله يعرفون او يطلعون اخر صيانه له ؟؟؟؟ وكم كانت ماشيه ولا لا
Tech And Cars - أحمد الحربي - تقنية وسيارات استاذي كلامك على عيني وراسي بس من خلال شرحك الهكر ماخلا طريقة تكتشف الغش ماضل الا شغلة المرور يحلولك مشكلتك بس كتاجر بدك تشتري مصدوم وتبيع رح تكون مهمة صعبة بهي الحالة
السلام عليكم الله يجزاك خير اخوي أحمد عندي جميع لمبات التشييك أثناء تشغيل السويتش تشتغل ماعدا لمبة check engine ماتشتغل وش الحل نوع السيارة emgrand ec7 الصينية
يوجد طريق معرفة تنزيل العدد منها بترمين هم الي يعرفونه سيارتي كامري 13 طبولها ممشى حقيقي 91 مركب انا طبلون اوريون انوارها ليزا ممشى طبلون 290 وعليها انا غيرت زيت طلع لي 97 الف في ورقه وشكرا
موحد لله اذا حاب تشتري افحص او خل احد من معارفك في اي وكاله يجيبها لك غير كذا انتبه مافيهن ثقه بعضهم مصدومات وبعضهم الشاصي حقها منتهي جاله حادث وسياره شاصي جاته صدمه ماتنفع لو بلاش لانك راح تخسر قطع على استمرار ومافيها ثبات ابد وراح يكون مع المشي ميلان فلو حبيت تاخذ وكاله قلهم بشرط افحص برا وتفحصهاكمبيوتر وتتاكد منها غير كذا لاتاخذ او اذا تعرف احد بالوكاله بعض السيارات عليها اقساط مسحوبه تمون نضيفه وعارف وضعها ممكن غير كذا لاتلخذ سياره الابفحص لو يكلفك الف ريال انا انغشيت بسياره وتندمت بسبب اني مافحصت افحصصص
+احمد الدوسري سبق تك تغريم إحدى الوكالات لبيعها سيارات مصدومه على أنها جديده. ابحث في قوقل وستجد العجائب. ولكنها حالات نادره طبعا مقارنه بالمعارض والسيارات المستخدمه
ابو عهود العمودي صدقت بس اذمر واحد من الشباب راح عند عبد الطيف جميل يقول قال اذا تبي سياره معدله فيه ويطيح بسرعها ممكن ١٥ الى ١٠ الف ريال ..بس يقول يعلمك بس يبيع علي وانا مدري انها مصدومه مصيبه
بس مايعتمد عليه ١٠٠٪١٠٠ يعتبر تشييك مبدأي . وقراءه العداد الي المذكوره من مركز الفحص الدوري هم مايفحصون اذا العداد منزل او لا . يفيدك اذا في ملاك سابقين او لا . ويفيدك اذا مسجل عليها حادث . نقطه مهمه اذا الموتر مالك اول تشوف مسجل ( صفر ) هذا دليل انه الموتر مالك اول نصايح عامه ؛ اذا بتشتري اشتر موتر تحت فتره الضمان من ٢٠١٦ وفوق وعداد تحت ١٠٠ . اطلب من صاحب المعرض او المالك يرسلل لك (رقم التسلسلي للأستماره ) ورقم اللوحه و شيك بموجز عن عدد الملاك السابقين واذا مسجل حادث روح الوكاله واسأل مركز الصيانه برقم لوحه السياره اذا صاحبها يتابع صيانتها اول بأول . اذا شفت تاريخ الصيانه بالوكاله اول ١٠ او ٢٠ الف وبعدها ماداوم ا لا تثق في عداد السياره الا بعد الفحص عند الوكيل يفضل تفحصها بالوكاله قيمه الفحص ماتتعدا ٥٠٠ ريال . ملاحظه ( بعض الوكالات ماتفحص بدي) عشان كذا تأكد . الي يميز الوكاله انها تطلع لك العداد الحقيقي للسياره . لكن اذا مافي حولك وكاله تفحص افحص بمركز معتمد . واطلب منهم يفحصون ضغط البساتم بساعه الضغط . وياخذ عينه من زيت القير . اذا قال لك فقط يفحص ضغط المكينه بالكمبيوتر رح لمكان ثاني . الكمبيوتر مو مقياس لففحص حاله المكينه والقير خل تواصلك مع صاحب السياره او المعرض بالواتساب (كتابي) مو اتصال . لاأنه لا سمح الله اذا غشك المحادثات تشفع لك اذا رفعت عليه قضيه اذا شفت صاحب السياره او المعرض يتوتر في كلامه او يقول تفحصها قريب ماتوديها وكاله وكذا . لا تتعامل معه . لأنه انت المستري ولك الحق تفحصها وين ماتبي مو البائع الي يتشرط اذا عرض البائع السيارة على السوم ( لا تسوم الا بعد المعاينه) لان السوم من دون معاينه هذي اغلبها حيله من البائع لكي يرفع من قيمه السياره الله يحمينا واياكم من الغش
أخوي أحمد عندي gmc سييرا 2006 عداد ساعات المحرك كانت طبيعي وشغال وبعد خلل في اصابع البطاريه تفصل وتشبك فجأه صفر عداد ساعات المحرك فقط !! أقدر أرجع الساعات اللي كانت موجوده أقصد يكون فيه تخزين بالكمبيوتر (ارشيف) عشان أعرف العدد الفعلي السابق
ابشرك الان نزل برنامج اسمه موجز ماخوذ من المرور يجيب لك كم مره تم عمل فحص دوري وكل مره كم كان الممشى فيها ، وكم حادث مسجل في المرور او نجم ، وكم مستخدم للسيارة
