احسن سلو او سفوف التقليدي الفاسي بدون اي اجتهادات لا زيادة و لا نقصان بدون قلي بمقادير مظبوطة 

الله يبارك وش يعجب فيك انك تقدمي الوصفات المغربية الاصيلة على اصولها و ليس كما يقدمها الاخرين باضافات مزعحة تغير الطعم و الذوق ربي يكملك بالخير مع العلم انا لست مغربية انا جزاءرية

شكرا جزيلا عبير على الوصفات العريقة . نعم الا كان ممكن سلو لاصحاب السكري 🙏🙏😍😍

أحسن طريقة لتحمار الطحين وجنجلان هي الكوكوت الله يعطيك الصحة على الشرح التفصيلي

الله يعطيك الصحة والعافية عفاك ديري لينا بريوات الحوت عما قريب باقا ما درتهمش كاتنسناك شكرا على مجهوداتك ❤

احسن طريقة شرح ديال السفوف شفتها،بارك الله فيك اختي عبير

تبارك الله عليك لالا عبير، أختي العزيزة أتمنى أن تحضري لنا السفوف بدون سكر لأنني مريضة بالسكري، و شكرًا جزيلا لك على كل المجهودات. متابعتك من باريز ❤

برافو عليك اختي عبير سلو مميز على حقو و طريقو 👏👏👏❤️❤️❤️ ملاحظة بالنسبة للعسل انا اختي كنستاعملو ما كيطرى ليه والو و كيبقى عندي حتى سنة كاملة فالثلاجة غزال و بشهادة كل الاصدقاء الحمد لله 😊😊

ما شاء الله عليك أنتِ أول وحدة حسيت أنها قدمات السفوف كما يجب أن يكون، كثرة القوام و الاختراعات اللي ولات الناس كيديروها كتخليني نشعر أنهم دايرين وصفة ديال زيادة الوزن ماشي وصفة مغربية أصيلة على حقها . تبارك الله عليك و بالتوفيق لك في ما تقومين به .

تبارك الله على بنت عمي!👌❤👏👏👏 هذا هو سلوالفاسي على حقو. تقديم راءع. الله يعطيك الصحة. رمضان مبارك مسعود عليك و على الأسرة الكريمة.

الله يعطيك الصحة انا كاتعجبيني منين كاتعطي جميع النصائح كاتعطي اسرار نجاح الوصفة شكرا لك الله يجعلها فميزان الحسنات ديالك ان شاء الله شكرا لك

والله ماكرهتا تعمليها السفوف خاص بمرضى السكري

شكرا على هاد التقديم أجمل سرد واجمل وتوضيح تبارك الله عليك وعلى النظافة باينة عليك نقية ومثقفه ماشاء الله عليك 🥰🥰🥰🥰🥰🥰🥰🥰

ما شآء الله ما شآء الله ما شآء الله الله يحفظك إذا كان ممكن،وصفة المقروط الله يجازيك بالخير و يبارك فيك

بطريقتك اختي عبير خليتيني نشوف سلو بانه ساهل ماهل الله يسهلها عليك ويحفظ ليك كل عزيز

السلام عليكم ورحمة الله وبركاته. اولا كنشكرك على المجهودات ديالك. كيبان بأنك كتبغي بزاااااااااف داكشي اللي كتدري، فطبيعي تقنيه عفاك قدملنا وصفات للعشاء والصحور خفيفة.

Machallah, Franchement,avec amour, confiance, volonté et douceur, vous avez dévoilé Mme Abir tous les secrets et les astuces pour une recette traditionnelle et bien réussie . Chapeau très bas Madame. Grand merci pour le partage. Bon courage et bonne continuation.

الله يعطيك الصحة هذا هو سليلو لي كنصاوبو فمراكش من زمان ما كيخصر ما يكيوقع ليه حتى حاجة أما المذاق يا سلام

ماشاء الله اللهم بارك بنتي بالنسبة للقالب التركي دري السولوفان في الداخل عاد حطي السفوف ضغطي مزيان وغادي تنجح ليك المهمة

احسن سلو لي كليتو.... عملتو السنة الماضية وغادي نديرو هاد العام.... Top du top merci bcpppp

ماشاء الله عليك، صراحة من أروع القنوات اللي عرفت، السخاء فالشرح وفإعطاء المعلومات اللي محتاجها المتلقي. إستمري موفقة بإذن الله

ماشاء الله عليك ابنتي. فعلا هدا هو سلو الفاسي حليت عيني على ماما و جداتي الله يرحمهم كيحضروه بنفس المكونات .حتى انا نفس الطريقة كنستعملها. عواشر مباركة وسلمي على ماماك للا زنوبة

تبارك الله عليك ما شاء الله الخدامة والتاويل والاحترام والحياء والحشمة ما كاين لا دراع معري لا صباغة الاظافر لا مجوهرات اما صاحبات المجوهرات والصباغة الله يعفو عليهم من الفرحان واصلا ينقلون وصفاتك من دون حتى الشكر

فعلا سلو على حقو وطريقو . الله يعطيك الصحة ويوفقك في مسيرتك. شكرا لك ىسيدتي.

ماشاءالله عليك. صوتك فيه واحد الطاقة إيجابية

آلله يعطيك الصحة باين لذيذ جدا وهذا هو سفوف الفاسي الاصلي

السفوف الفاسي، السفوف الشلحاوي السفوف الزمراوي☺☺☺ شنو زعما نسمعو فاس صافي؟ مكناس و مراكش فيهم سر الطبخ التقليدي الأصيل

اختي تباارك الله عليك 👏😘ولكن لي مااقادش يشري البلدي الله يرضي عليكم ماتهرسووش فرحة الدرويشة لي ياالله دركة ديك كيلو دياال اللوز ومتبعااكم بااش حتى هي تدير سلو ديالها حتى اللوز العادي والزنجلان الروومي اذا درناالو القواام رااه كيطلع هاائل وتباارك الله على الحاادكاات فين ماكانو 🌷🌷💝

السلام عليكم أختي عبير معندي من نقول طوب طوب تباركلاه علك نادية من أگادير واخا تكسر ليك في المول معليش بين واعر طريقة باش خدمتيه زوينة وفي نفس الوقت شرحتيه لينا شكرا حبيبتي عبير بيتوفيق إنشاء الله

لأول مرة كنشوف سفوف على حقو وطريقو الله يعطيك الصحة رائع جدا حتى أنا كنعمل غير الزبدة الحيوانية تبارك الله عليك ربي يحفظك الحاجة من البيضاء

الله يعطيك الصحة على ما تقدميه من اطباق ووصفات ناجحة من النظرة الأولى، الله يبارك فيك واتمنى لك التوفيق والنجاح في مسيرتك انشاء الله.

شكرا على هاد الوصفة 👍👍 وعلى النصائح القيمة والمهمة جدا....ومافيها باس خطرة في العام ناكلوه واخا فيه السكر والزبدة الدقيق الابيض لي انا صراحة ماكناكلهومش....شكرا عزيزتي😘😘

الله يعطيك الصحة .. عفاك ممكن ديري لينا سفوف كيتو .. وشكرا 🤩🤩

الله يجازيك نعمة التربية الله يرحم من رب لك إخلاص في المعلوماات واتقان واصلي على خطاك المستقيمه لأنك متميزة.جربي film almentaireفل قالب ثم زي دى سلو

تبارك الله عليك وعلى وصفاتك كنتنمنى تعطينا وصفة لاصحاب السكري نعطيوهم حقهم مساكن حتى هما الله يجازيك بخير

والله من أحسن القنوات والقناة دأم ديالك زنوبة تريتور كل أسرار كدعطوهانا والله رجع كيجيني طبخ ساهل وممتع معاكم الله يحفظكم ديما جيم

تبارك الله عليك الله يحفظك هادو هما السفوف لحقيقيين ملي كتزيدو شي حاجة اخرى كيتغير الدوق اما بالنسبة دقيق الحلويات محمر مكيبقاش مضر لان التحمار كيقتل النشا والغلوتن gluten ديالو أ ما بالنسبة السكر يمكن يتعوض ب ستيفيا stevia لصحاب السكري و نطلب من عبير تقدم لنا سفوف د السكري ونشوفو طريقتها إ ن شاء الله وبالتوفيق للجميع 😍😍😍

في الصراحة ملي كنتبع طريقتك كنحس براسي مرتاحة وماكيرهقنيش الشغل لانه كل المراحل منظمة ومشروحة بشكل سهل. مسيرة موفقة تابعي.

السلام عليك الأخت الغالية عبير عند قروب شهر رمضان ارجوك تضعي في قناتك وصفة سلو لمرضى السكري الله يحفظ لنا ولعاءلتك ولامك الغالية الله يوفقك

مشاءالله تبارك الرحمن عليك عبير داءما متألقة وصفاتك طوب انت ولالة نادية جزاكم الله خيرا على كل مكتقدموه لينا يارب ❤️

تبارك الله عليك اختي الله يسهل عليك و يجازيك عنا كل خير فعلا سلو ديال الزبدة و السكر عوض من العسل هو الالذ

تبارك الله عليك . سلو ممتاز وجامع وكامل . ملاحظة صغيرة : عامة عند الإشتغال في المطبخ وخصوصا عند التخليط باليدين ضروري تجمعي كمايمك .

الله يعطيك الصحة إنسانة جدآ راقية ماشاء الله عليك

كنحماق و كنحب و صفاتك و شهيواتك مشاء الله عليك و صوت العذب ❤️

الاخت عبير ديري البلاستيك الغذائي فالمول عاد حطي السفوف يتقلب بكل سهوله 💕😘

يعطيك الصحة والعافية🙌 سلو لي نعرف من زمان هو هذا💖 والمزيد من الوصفات ديالك الرائعة.

تبارك الله عليك الرزانة والتاويل ماشاء الله عليك الله يكتر من امتلاك والمزيد من الوصفات الرمضانية 🙏🏻🙏🏻

الله اعطيك الصحة اختي، نصائح قيمة وعطيتي كل اسرار نجاح السفوف 👍👍🥰🥰

الله يعطيك الصحة والعافية هذا هو السفوف والا فلا بلا كثرت التوابل والاشياء غير الضرورية شكرا حبيبتي على كل المجهودات والاسرار بالاخص لي ماشي كلشي كايقولهم الله يجعلهم فميزان حسناتك ي ربي دمتي متالقة

ماشاء الله عليك اختي 👍، وصفاتك أنيقةو اكيد شهية ، وصوتك تلفزي اذاعي بامتياز ✅

ماشاءالله عليك شرح ديالك زوين بزاف.نفس المقادير اللي كنستعمل كل عام ماكنغير والوا صراحة

السلام عليكم.انا جديدة فالقناة.وعجبني هاد الشي لي درتي بزززاف الله يوفقك.حسيت من صوتك بالمصداقية.اذا امكن غنطلب منك وجبة طاكلياتيل بفواكه البحر و الصلصة البيضاء ديال مطعم l avant goût.شكرا مسبقا.

تبارك الله عليك احسن سلو عيعجبني بهذه المقادير شكرا لك استفدت من طريقة العمل الراقية لكل حاجة استعملتها ومن معلومة ان العسل كيحد ليه التراوة والقرمشة ديال اللوز وجنجلان شكرا لك👌 فيك الأصالة والمعاصرة👑

الله تعالى يرزقك بالجنة ديري لينا السفوف للناس المصابة بداء السكري عافااااك او نجاك ربي الحبيب منو

شكرا جزيلا الا ممكن هاد العام ديري لينا السفوف صحى لمرضى السكري

سفوف رباطي على حقو و طريقو تبارك الله عليك خلاص عليا من كثرة التخلاط، السفوف الحقيقي هو هادا

بارك الله فيكم وجزاكم الله خيرا وحفظكم الله ورعاكم هذا هو السفوف البلدي المعروف 👍👍👍

لا لا على الحداكة اتمنى ان نتشرف برؤية وجهك الحسن لان صوتك جد راقي و مؤدب الله يرحم الام الي رباتك واش انت حفيدة زنوبة 🙏😍 و نعم التربية و الحداكة راه كنحماق عليك بالتوفيق و النجاح 👍🙏👏👏👏👏😍 من متتبعة و فية من امريكا ✋✋

الزيت البلدية كتجي زينة وصحية فنفس الوقت الله يعطيك الصحة

السفوف المغربي الفاسي في عار الله را كاين لي كينقل وينكر حسبنا الله ونعم الوكيل

Bonsoir abir chaque fois tu nous étonne avec tes belle recette bonne continuation on attend patiemment tes recette merci de nous faire makrout datte merci

تبرك الله عليك . الوصفة فعلا سلو الفاسي و طريقة الشرح و التركيز على التفاصيل جيدة و أنيقة. (أنا أضع أكثر من النافع البلدي)

ماشاء الله على خدمتك او كلامك اللطيف 😊 بالتوفيق ومزيدا من العطاء، خاصة في أكلات للأطفال والشباب.😅

تبارك الله عليك ، وصفة بلدية على حقها و طريقها ❤️

شكرا بزاف عبير نصائح ذهبية عاد كنقي السفوف هدي نحمر و نجمعو بطريقتك شكرا على المشاركة المفيدة متابعة من أگادير

مشاءالله عليك وصفة اصيلية، من فضلك المزيد من المملحات بحشوات راقية مع طريقة صنع القوالب، كل المتمنيات لك بالتوفيق والتالق

تبارك الله عليك جربتو صراحة غزال بززااف الله يعطيك الصحة

يخليلي التاويل يا لالة والكلام الموزون الصراحة جربت شي وصفات ونجحو من اول مرة .عفاك كترلنا من الوصفات الصحية. وعفاك وصفات بالفيلو فعوط الورقة حيت مكيناش هنا

أنا اليوم وجت السلو المداق رائع وصفاتك كلها ناجحة ماشاء الله عليك شكرا جزيلا حببتي متألقة دائما انشاء الله 💕💕

تبارك الله، نفس لي كندير، نفس المقادير لكندير، و نفس الطريقة غي انا درت رمضان لي فات بالدقيق الكامل و كمية قليلة ديال النخالة محمرة و مطحونة، جاني سلو رائع و لذيذ جدا جدا

The same exact recipe as my mom used to make it. It is the traditional and the best one! Thank you for sharing.

الله يعطيك الصحة للا عبير هذا هو سلو الاصلي ديال فاس ولكن حنا فاس ما تنقولوش عليه السفوف كلشي تيقول سلو. قناة رائعة ووصفات ولا أروع مزيدا من النجاح والتوفيق بإذن الواحد الاحد

ماشاء الله عليك اختي عبير الله يحفضك يارب راقية في كل م تقدمينه بصوتك الدافيء احيي فيك اخلاقك الفضلة .

تبعت نصائحك جاني رائع. شكرا جزيلا على الوصفة

الله يعطيك الصحة يا عبير ،إسم على مسمى، شرح واضح. وصفاتك راقية اللهم بارك. مسيرة موفقة.👍👍👍👍👍👍👍👍

Merci beaucoup pr la recette, jl'ai essayé c'est une tuerie 👌🏻

برافو الله يكتر خيرك على النصائح لي كتفيدنا بهم احسن وحدة كنتبعا و كنستنا الفيديوهات ديالا غير فوقاش تنزلون الله يرحم من رباك و علمك

انا كنخلطو بزيت الزيتون كيجي غزال مكيتغيرش المذاق عندي غزال مافيهش الحموضة حلو

نفس مقادير امي الحبيبة سفوف روعة 👍🌹

ختي عبير ملي تبغي ديري سلو فالقالب ديال الكيك غلفيه بالسولوفان الغدائى وغيجي ساهل باش تقلبيه😍😍😍😍

شكرا على هاذ الوصفة تبعت بالتفصيل وجا راااائع.البنة والتقرميشة.

تسلم الايادي اختنا في الله....انا وحدة من متتبعاتك و كذلك والدتك المحترمة اعطاكن الله الصحة و العافية و جعل عملكن في ميزان حسناتكن ....واخا ماشي موضوع الحلقة و لكن انا طامعة فتفهمك ...المول التركي اللي حطيتي فيه السفوف كنت خديته و عدبني فالكيك و تنظيفه باش تنصحيني و الاخوات اللي بحالي و جزاك الله كل خير وصلاح و فلاح و توفيق 🤲🏻

الله يعطيك الصحة اختي فاسي فاسي وليكن عداسي ماشاءالله عليك الله يحفضك مزيد من الوصفات الله يجزيك بكل خير وحفظك الله

التجديد في أي شيء اخر الا سلو المغربي الاصيل يبقى هو الاصل و الباقي تقليد . ما شاء الله عليك

رائع ،،بسيط ،،أصيل ،، تقليدي الصنع عصري التقديم ،،وصفات مميزة ناجحة ،، ماشاء الله عليك

الله يعطيك الصحة احبيبة لهلا يخطيك شكرا بزاف 🤲🌹🌼💟سلو على حقو وطريقوا شهوة منو 😋😋روووووعة 😍😍

Tebark alah 3lik😊et merci beaucoup pour toutes recettes! Kategekerini ghir f les recettes diyal milala alah ire7emha

تبارك الله عليك داءما متألقة في كل ما تقدمينه الله يخليك إلا ممكن سفوف دون سكر يكونوا بالعسل

L'élégance est toujours présente.❤ Travail sur le fond et la forme, C'est une exception. 💯 تبارك الله ٠

جربتو في رمضان. جا هاااائل. شكرا جزيلا على المصداقية

شكرا لك ما شاء الله على وصفاتك المميزة التي لا أتردد في تجربتها. من فضلك واش ممكن استبدال السكر بدبوز التمر عسل التمر؟ وشكرا

تباكلاه عليك ختي عبير غزالة تباكلاه نتي وصفاتك جربت بصطيلة ديالك غاية في روعة الله احفظك لينا🤲🥰🥰🥰🥰🥰🥰🥰🥰🥰🥰🥰🥰🥰

تباركة الله عليك ذلك الغصن من تلك الشجرة الله احفظكم🤲👍🙏

الله يعطك الصحة والعافية راكي ديما طوب راني متابعة منذ البداية شكرا ليك حبيبتي الغالية الى كان شي سلو بدقيق القمح والشعير يكون صحي جدا ربي خليك

تبارك عليك نتمنى ديري سلو صحي ومعسلات في الفرن

هذا. هو سفوف لي تندير بلا تعقيدات و تيجي بنييييييين و ساهل فنهارو تنصاوبو ...غير فقط انا لوز وليت تنخليه بقشرته لأن فائدة القشور كثيرة بغيت نستافد منها و متيبان الفرق صراحة فالمذاق

رأيك في كاوكاو في السفوف خفتو يفسد لي مع مرور الوقت ارجو الإجابة و مشكورة حبيبتي

تبارك الله عليك سفوف غزال غير بغيت نقول واحد الإضافة بحكم التجربه منين ديري الطحين يتحمر سواءا فالفران أو الكوكوة غير يبدى يسخن و يتجمع فبلوكس خاسك تغربليه عاد ترديه يتحمر راه مكيبقاش يتكور فمره.

الله يحفظك كل ماجربت من عندك الا وناجح الله يرحم والديك ويحفظ ليك اولادك يارب

تبارك االله عليك👍وشكرت على معلومات القيمة.عفاك بالنسبة للقرفة ومسكة حرة.باش نعرفوها جودة جيدة.و شكرا

تبارك الله عليك اختي نفس سلو لي كندير تماماً غير أنا مكنعلكوش بزاف