تسجيل نادر للفنان الراحل الجميل / احمد ربشه لأغنية يا مواسم من تأليفى والحان الموسيقار د.صلاح محمد الحسن .. مع الشكر للأخ محمد عوض لتزويدى بهذا التسجيل النادر.
يا مواسم
******
يا مواسم توهينى وزيدى فى عينّى أساها
ما دروبى بدون عيونها ، ماشه فى سكة متاهه
**
كنت قايلك يا غيوم .. يوم تجيبك لينا صُدفه
الشموس ترقص معانا ، والضباب البينا يصفا
وكنت قايل فى وجودك النجوم تخضّر الفه
الاّ خوفى على عيونك .. القى ريدنا الفيها جفّ
**
الغريب من قبلك انتى
ماعرفت دروب مَحنّه
لا عيون بكّت عيونى ،
ولا خطاى تاهت مظنة
اصلو فيك انا روحى تاهت
والقليب بى ريدو .. جنّ
وما اظن من غير عيونك
القى فى دنياى جنه ..
**
يا عيون دوّبنى ريدا
شوفى لى سكة سلامه
انتى لى كل الامانى ،
وانتى مرسى .. وابتسامه
وانتى رحلة عمرى كلو
وباقيه فى دنياى علامه
اصلى عايش فى حماكى
وخطوى من دونك .. ملامة
_________________ بشرى سليمان
21 сен 2024
