انا نفس موترك و اتذكر شريناهم بوقت واحد بس الممشى عندي حول 11000 والله انا مروق عليه و فيه راحة عجيبة بالمدينة و بالبر وحش مايوقفه شي ما شاء الله تحياتي
الله يعافيك على هالفيديو .. أنتظره من زمان .. أنا من أهل حايل وعاجبن الموتر وكنت متخوف لكن كل يوم يثبت نفسه .. والله يقوي هالصينيين وتصير لهم كلمة بالسوق .. مواصفات وسعر محترم وضمان عكس أبو جميل وطقته ذبحونا وكسروا ظهورنا
انا مستخدمه ومعي ٢٠٢٠ موتر وجبار وكلش بس نصيحتي ونصيحة اي واحد من الملاك اذا ما عندك وكالة بمدينتك لا تشريه لان محد يعرف له الا وكالته حتى برمجه الكيلوات للصيانه لازم كمبيوتر خاص بالوكالة
ماشاء الله تبارك الله انا من متابعينك وبصراحه اثق بتجربتك لاغلب السيارات لانك تذكر ايجابيات وسلبيات السيارات بشكل عام وهذا اللي يميزك عن بعض القنوات وشكراً 🌹
@@mohammedalluhaybi5121 ترتفع اذا جلدتها في البر وفي العقبات مثل عقبة الكر في درجات الحراره العاليه يحتاج تطلع على الرايق بدون ضغط عليها لكن غير كذا الحراره طبيعيه جدا
انا معي الي اصغر منه H6 وله معي حول ٤ شهور من ناحية السياره ماشاءالله تبارك الرحمن ممتاز اما القطع الغيار فا ما غيرت شي للحين اما الصيانه فا لازم تحجز قبلها ب اسبوعين وزحمه وقروشه وقطع الغيار حسب كلام الشباب الي معي بالقروب غاليه مره وفي واحد معنا بالقروب صدم وقعدت السياره حول ٣ شهور بالوكاله بسبب عدم توفر قطع الغيار فا الله يعين .
الكبير اوي محمد حدائدي مر من هنا 💚💚 حيالله هالوجه الطيب الموتر والله جيد يامحمد بس لا يخفى عليك مااحد يقول الصدق 100٪ خصوصا مشاهير اليوتيوب قنوات الاخوان ابو بندر وغيره ( يخافون على مشاعر الصينين بزيادة ) اعطيك الزبدة من تجربة 8 شهور تقريبا الموتر والله مش سيء للان لكن تراهم نافخينه بزيادة اقدر اوصفه تقريباً ( بضاعة صينية لاي براند عالمي ) اسواء مافيه وكيله وخدمة مابعد البيع ذي تحس بعد ماتشتري انهم معطينك بلاش رغم ان سعره يعتبر مبالغ فيه اختصر لك اذا فلوسك تجيب لك كوري او ياباني ولو بمواصفات اقل بشي بسيط اشتري الوكيل نصيحة
@@rrgrrg8913 ليه جربتها؟ شفتها؟ هل حدا تعرفه اخذ منها تجربة سيئة؟ اشوف الناس تستهبل على الصيني بدون سبب او ادلة اذا جبت ادلة رح ابتعد عن السيارة وما اشتريها بس تقولي احذر طبعا لا 😂
يعني لي ٦ أشهر من سألتك ولا جاوبتن ، انا بحايل وش اعمل اذا ابي صيانه وقطع عيار وتشييكات !! يصير كل م ابي شي امغط للرياض ؟ اتمنى تجاوب وتترك عنك التسويق ع حسابنا
ياخي زمان لازم نروح للوكالة،، الحين فيه جهات معتمدة من وزارة التجارة و أسعارهم افضل من الوكالات و يمشون على جدول صيانة الشركة الام،، و القطع تجيك من الوكيل الى باب بيتك و قسم بالله ان هافال وصلوا قطع لي إلى باب بيتنا بالطايف من وكالة جدة و من ظمن القطع صدام جايبينه من الدمام بعد عيد الحج، لأن ذيك الفترة كان ظروف كورونا باقي مسوي قلق بالعالم و خربطه بتوزيع القطع، المهم ٤٨ ساعة و هي عندي و لو كل القطع عندهم بذاك الوقت كان ٢٤ ساعة فقط،، الحين متوفره الأمور بكل مدينة،. و ابشرك ما طولوا فتحوا عندنا فرع معرض مع ورشة صيانه قبل شهرين و الصيانه راح تتفعل برمضان بحول الله وقوته و اظن حايل بيجيها الدور بالاشهر القادمة،، حتى لو تأخروا شوي بإذن الله فاكين فرع عندكم لا محالة
أهم شيء عندي في الموتر، كيف وضع حرارة السيارة في الصيف مع البانوراما؟ المشكلة في النص فُل أن ما فيه إلا سبير علاقي، لو منه مخفي بروح له علشان البانوراما. ولو فيه فُل كامل حتى بدون فتحة سقف، ما عندي مشكلة أشتريه.
اخ عبدالله خذها قاعده ،،، اي سيارة نظام تبريدها سليم ماراح ترتفع حرارتها ،،، واي موتر عندك فيه حرارة يا المراوح فيها مشكله او الرديتر او المكينه لو كل شي سليم ماراح ترتفع
ماشاءالله تبارك الله يا ملك السيارات الله يعطيك خيره ويكفيك شره الحقيقه الموتر على طلب كثير وبعد تجاربك راح يكون أكثر والله شكرآ حبيبنا الغالي كفيت ووفيت بكل مصداقيه نسأل الله لك التوفيق والنجاح 😘
صطب السياره شكله طلبيه. بعد كم شههر. انتبه الددام ما يجيك الا بعد كم شهر وبخصوص الصيانه. زحمه. وحجز. يطول وهل السياره لك ويلا دعاية كذالك نبي اسعار القطع الاستهلاكيه
السيارة حلاله،، بالله عليك لو دعاية بتحصل اصطب مكسور،، بالله لو دعاية بتحصل مرتبتها متوسخه،، يقول السواق و إخوانه و اهله يسوقونه،، انت شكلك ما شفت المقطع، مجرد فتحت الفيديو و بسم الله على التعليقات
انا عندي هافال h9 نفس الون اسبير بس كان عندي الباب الخلفي يتسكر بصعوبه بس وديت صيانه هافال وزنوه سار يتسكر بخفه ممتازه وماقصره معي والسيارة ماشاء الله ممتازه مافيها اي عيوب وأكثر الي عاجبني فيها سواقتها مريحه وثبات في الطرق 👍 واما صوت مروحه التبريد عن تشغيل المكيف هادي مو مثل اكسبدشن الي كان معي صوت المروحه مزعج .. بس انصح كل ملاك هافال يضع في الاعدادات الادار تلقائي والسبب يوم توقف السيارة او بجانب الرصيف تفتح الكميرا تلقائي وتوريك المسافه . وسلامتكم
عندي سوناتا 2015 الشكل الجديد لها معي 6 سنين ماصرفت عليها غير الزيت والبنزين وبس لا تغير لون المراتب ولا صار انسداد ولا اصوات وحاطها بالشارع تحت الشمس بعد
السلام عليكم أسعد الله أوقاتك بكل خير يا أبو بندر ، بالنسبة للون المراتب تنصح باللون اللي معك البيج او اللون الغامق ، وهل تغير اللون اللي معك ممكن يرجع للونه الطبيعي ؟ ، وهل يعتبر أفضل جيب صيني ؟ وهل هناك إمكانية لعمل مقارنة بين الهافال h9 وشانجان CS95 ؟
هافال 2020 سنه ماشي 60 الف ، ما انصح فيه بالمره واشتري سياره مستخدم وبعد عن الصيني كله عيوب 1-المكيف ضعيف مايبرد وهو واقف بالمره وضعيف اذا مشيت اذا الجو حار 2- ديكوراته اي كلام تتخلع وتقلعت كم قطعه راحت من مكانها ويطلع اصوات لديكوراته الداخليه ، ترتفع درجة الحراره مع الطرق العقاب مثل الجنوب ، قطع غياره مرتفعه فلاتر وفحمات ، الان طالع اصوات في الاقمشه عاليه وهي لسه مركبها جديده غير اصوات انتها الفحمات ، الفرامل ضعيفه جداً عند الوقوف ، اصوات عند لف الدركسون وامشي ، الزيت حقها غالي جداً ، في الرمل والبطحاء والطرق الترابيه السياره زباله ضعيفه بالمره قوه ومزعجه بالمره ودك تتركها وتمشي علي رجلك ، ما انصحك فيها بقوه لايعتمد عليها وسوف تبلش بصيانتها وقطع غيارها ولو تبي تتخارج منها وتبيعها لن تجد من يشتريها منك
جزاك الله خير يابوبندر الله يعطيك خيره ويكفيك شره.. من محبينك في الله.. تغطيه جميله للسيارة وصارت علاقة حب بيني وبين الهافال. بس ياليت تتكلم عن الوكيل وسرعة انجاز الصيانه. تحياتي لك.. أستمر يابطل
الي متضايقين ان الشمعه غالية ب ٥ مدري ٧ الامر بديهي ترا ماهي شمعه هيلوجين شويه منطق شمعه فل led بتقنيات متطوره تبي تقارن سعر الشمعه لاتروح تقارن بشمعه هيلوجين بلاستك ولمبه رح قارن شركه عندها نفس التقنيات او مقاربه لها بعدها احكم غاليه او لا
بعض الاخوة عانى من ارتفاع حرارة المحرك بالسرع العالية ! فهل هناك من يعاني من هذا الامر و هل هي مشكلة عامة ام ان الامر طبيعي ( ضمن الحدود المقبولة ) ...تحياتي
ياخي فهافال كويسه بس الوكيل الي في المدينه واضن في باقي المملكة ضعييف والله ثلاث شهور وانا انتظر قطع كل شوي يطلعلوي سبب للتاخير والتعامل مااش قبل اسبوع كلمتهم ابغا موعد للصيانه ردو علي قالو لازم موعد قلتلهم طيب ابغا موعد ولا ردو علي لليوم سياره ممتاز بس وكيل ضعيف
ماشاءالله موتر ممتاز وجميل يعطيك خيره و يكفيك شره الصينين مبدعين اثبتو أنفسهم في السوق أسعارهم تعتبر مناسبه واضح الموتر فيه جوده كويسه ماهي اي كلام بالنسبه الكوريين واليابانين أسعار مبالغ فيها يعطيك العافيه اخوي الغالي ابو بندر
كل ما ذكرته مقبول، الا المكيف، ما شاء الله طيب، يمكن تويوتا أسرع حبتين لكن و الله ياهو مكيف قوي عموماً الله يبارك لك بموترك،، البرادو لو نشوى سعره و بعض نواقص الدلع و الا كان من ظمن خياراتنا،، أنا اشتريت اثنين هافال واحد لأبوي و الثاني لي
امتحنوه المتابعين و المستعجلين على مشراه،، بالنسبة لي قسم بالله كارف ابو ابوه،، و الحين ممشاه ٤٠ بالظبط،، و سويت له وزن،، ابد نظام تعليق كامل من تويوتا و لاعن ابو جده بالصخور،، بطنه ممخش و لكن مقصاته قويه جدا ما شاء الله،، تتحمل ضربات يمين بالله ما توقع الا ان الموتر يحذف هذا اذا ما تفلشت و تفككت عضلاته لكن الحمد لله أموره تمااااااام دلالة على الجودة و المتانه،، اضطريت للميزان بسبب أهمالي بضغط هوا الكفرات الين تسبب في مسحيه بواحد منها خلى الموتر يحذف بشكل خفيف، نقلته للخلف َ زانت الأمور بشكل أفضل،، و اعدنا ميزانية الاذرعة بالكمبيوتر على البرادو؛ لأنه ما حصل هافال بسبب انه ما حدث جهازه، و الحمد لله الامور على ما تحب
بو بندر بغيت اسألك عن تبريده وشلونه مع هالحر انا ادري ان الصيني تبريده فاشل بس الصوت لا اكثر ولا اقل ترا حتى الكوري في الازدحامات يبووخ ويصير حار. عقب الياباني وهو واقف يبرد مايجي شي عقب الياباني
ليه، هل هي شركة ابوه و الا ملكه الخاص عشان يسوق،، بعدين موتره الخاص و نعرف ابو بندر و معنا بالقروب لما اشترى الموتر، و شاريه بحلاله، و تراه يعرف قيمة قدره، فما راح يضيعه على موتر ما يستاهل،، ممكن لو دخلنا بنيته و نقول يقبض فلوس التسويق و يروح،، اما يشري موتر له و لعايلته و سواقه ثم نجي نقول تسويق ‼️ وش هالنهج اللي صرنا عليه
بعدين قالها لك بشكل واضح ،،. المتابعين امتحنوه بوضع الموتر، وش يسوي يعني، هل ودك ينتظر ٣ سنين عشان يلبى طلب متابعينه؟؟ قالها بالفيديو ان موتره ماسي بالعشرين و انه ما احتاج يغير قطع،. بل طلب من المتابعين يودونه بأسعار بعض القطع،، شكلكم من تفتحون الفيديو و بسم الله على التعليقات
تجربه خياليه..الدبلات والبر وما يحتاج تنسم الكفرات ..صيانه جده الحمدانية قمه في الأخلاق...حديد صافي اتمنى البودي على لاندكروزر ..حديد يكسر الأكتاف في الأبواب
عندي هافال h9 2021 ماشي ١٤ الف كل شي تمام و موتر بطل بس الملاحظات : باب الراكب لازم تسكره بقوووة و ثاني شي أحيان أنظمة الردار و تثبيت السرعة تطفي و تصير باللون الاحمر و نظام المشاه و ترجع تشتغل و تصير باللون الاخضر و شكرآ
خفه الوزن بسبب المواد المستخدمه ما ابي احكم وقول انها كلها بلاستيك خفيف بس الشي الأكيد لان مكينته صغيره عساس كذا الموتر خفيف وانا مستغرب من الشركه جيب وكبير ٤ سلندر 2.0! وتيربو صغير جدا ما اعتقد يسوي تغيير جذري رما تلاحضون ان سوبر الهيلكات اكبر من المكينه نفسها 😂 مدري شقول بصراحه بس سياره وزنها ٣ طن ومكينه 2000 cc؟
