انا معاك صحتك هي الاولى حنا لي كنديرو الفلوس وكنحققو الأحلام الا مكانتش الصحة مكاين لا فلوس لا أحلام هههه الله يرزقنا ويرزقك من واسع فضله انا كنت صايبت شي حاجة في فمي يعني شي حاجة عمرتها وشي حاجة فكس وصلت فيها 3 مليون
اختي سنانك اهم من اي فلوس راه السنان ما معاهومش اللعب انا كانت عندي ضرسة معمرة وكانت كتعطيني الزديح ومدتهاش فيها ومنين تهرسات لي ومشيت لطبيب لقاها رباتلي لولسيسة من تحتها الحمد لله تبعت وعالجتها ولو ممشيتش لطبيب وداويتها كون دارتلي المرض الخبيت لا قدر الله لفلوس يمشيو ويجيبو والصحة الى مشات معمرها ترجع وان شاء الله ربي يخلفها
حتى حاجه ما صعيبه على صحتك حبيبه ديالي كاتمشي وكاترجع ولكن فمك الا مشى ما غاديش يعاود يرجع لك احبيبتي سنيناتك اهم من الفلوس فكرتيني في راسي انا ذاك العام مليون اللي حطيته ما كملتش ولكن الحمد لله كون من بعدا شويه
سبب مهوقني عن جميله اختي الفم راه هو كل شيء راه ملي كايعطيك الصداع في الليل ولا في شي سبته حد راه تقولي نموت هي هذه سير الله يشافيك ويعافيك يا ربي الوليداتك قلت لك مزيان بعدا غير ملي لقيتي الفلوس تحت منك بنادم باش يقضي بهم
حتى سنان اختي شي حاجة مهمة صراحة مبلغ زوين وتحدي فالمستوى يخليك تزيدي تجمعي خاص غير المتابرة انا راجلي كنقولو دير تحدي ديال مليون ولكن عندو مصاريف كتيرة صعيب تحطي هاد مبلغ كل شهر
اختي ديري التحليلية ديال فيطامين د راه حتى هو أكبر سبب في تسوس الاسنان وضعفهم وهذا بالتجربة كانو كلهم كيضروني حتى لقيت فيطامين د ناااااقص فاش بديت تناخدو الحمد الله هناو علي سناني
الصحة هي الاولى وصداع الضراس ماتمنايه حتى لشي واحد .واكثر من ذلك سير وجي عند الطبيب والالام . الله يسر امورك . زوجك مسكين قال بان ذاكشي غالي ماشي مابغاكش تصاوبي حيتاش كل طبيب داير الثمن ديالو . نتمنى كلشي يدوز بخير ومايبقافيك لا فلوس لا والو مزبان ملي لقيتيها بعدا . هاذوا هوما دواير الزمان