اربع خطوات لازم تعمليهم قبل رحلة التشافي من النرجسي ومن اضطراب ما بعد الصدمة 

ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawthersanad.net/
رقم واتساب ٠٠٢٠١١٥٠٥٨٦٠٥٢
اربع خطوات لازم تعمليهم قبل ماتبدأي التشافي وعلاج اضطراب مابعد الصدمة او بالتواز يمع التشافي
اللي بتعيش الإستغلال النرجسي سنوات طويلة بيكون حاصل لها تدمير شامل ، العلماد بيفرقوا بين الإستغلال النرجسي والإستغلال بصفة عامة وبيقولوا ان الاستغلال ممكن يكون مادي او جنسي او عاطفي من أي حد من الناس اللي حواليكي والمستغلين كتير في حياتنا لكن المستغل عادة بيستغلك في اتجاه معين بياخد فلوسك او بيستغلك جنسيا سواء تحرش او خلافه او يستعطفك ويستغلك عاطفيا ودة بالنسبة للمستغل اللي مش نرجسي ،لكن الاستغلال النرجسي بيكون استغلال كامل وشامل بيكون استغلال واستعمار واحتلال للعقل والقلب والروح فالعلاج من الاستغلال النرجسي بيكون مطول ومش سهل زي لو كنتي تم استغلالك من أي مستغل عادي ، عشان كدة قبل ماتبدأي التشافي لازم تكوني واخدة اربع خطوات مهمين جدا كقواعد حتبني عليها التشافي دة
الخطوة الاولى : اول حاجة لازم تبطلي تعتبري نفسك ضحية وتبطلي تتبني دور الضحية وتخليه هويتك لان دة بيخدم النرجسي تماما في السيطرة عليكي وكمان بيعجزك عن التحرك للامام ، دور الضحية أحيانا بيكون مريح لصاحبه وبيكون منطقة راحة في منتهي الخطورة وبيعجزك عن انك تتخلصي من الشخصية الاعتمادية ،وبيوهمك انك تقدري تحصلي على تعاطف الاخرين عشان تبي احتياجك للتعاطف ودة حيخليكي تستحلي المكان اللي انتي واقفة فيه وحترفضي العلاج والتشافي بشكل غير واعي ومش حتتقدمي ولا خطوة
الخطوة التانية : تاني حاجة لازم تعترفي بمساهمتك ودورك في اللي حصل لك مع النرجسي لانك اذا كنتي معتقدة انك ملاك وهو شيطان فدة معناه انك مش مخيرة في أي حاجة وانك ملكيش أي اختيار في أي تصرف بتتصرفيه وكمان معناه انك حد كامل فمش محتاج يتغير وبالتالي مش محتاجة للعلاج ولا التشافي ولا تطوير الذات ومش حتتخلصي من اثار النرجسي عليكي ، وحتفضلي تكرري التجربة وحتفضلي تتنقلي من نرجسي لنرجسي يستغلوا فيكي ، لازم تسألي نفسك عن اخطائك في العلاقة وعن دورك فيها ودة مش معناه ابدا انك تجلدي نفسك وتلوميها لا لكن تعرفي اخطائك وماتكرريهاش وتشوفي احتياجاتك اللي وصلتك للوضع دة وتلبيها بشكل صحي بنفسك وماتستنيش حد يلبيها لك، وتشوفي علاقتك بنفسك شكلها ايه هل انتي كارهاها ولا حباها وهل كرهك لها ممكن يوصلك انك تجبريها تستمر في الإساءة كنوع من العقاب لها؟ لازم تتسائلي عن الأسباب والدور اللي شاركتي بيه في العلاقة دي ،لانك خدي بالك اذا قررتي ان ملكيش دور نهائيا فدة معناه انك بتعتبري نفسك شيء مش بشر بتعتبري نفسك شيء تم استغلاله بلا حول له ولا قوة والشيء مايقدرش ياخد خطوات للتغيير ولا للدفاع عن نفسه وهو دة اللي النرجسي بيعتقده عنك وعايزك تعتقديه عن نفسك عشان تكوني طوعه تماما ومتحاوليش تغيري ولا تتغيري ، فاذا اعتبرتي نفسك شيء فانتي بتعلمي نفسك العجز وبتثبتي نفسك في اضطراب مابعد الصدمة ومش بتخرجي منه .
الخطوة الثالثة : ثالث حاجة ودي مهمة جدا هي انك تميزي بين صوتك الداخلي واصوات النرجسيين اللي جواكي تعرفي مين فيهم صوتك ومين صوت النرجسي ودة قلناه بالتفصيل في حلقة قبل كدة ،
الخطوة الرابعة : رابع خطوة واخر خطوة لازم تتخلصي من صوت النرجسي اللي جواكي ولازم تقطعي التواصل الفكري اللي بينك وبينه ودة قلناه في حلقة " ليه مش قادرة تنسي النرجسي ؟ "الانجراف والاندماج مع عقل النرجسي" الحلقة دي دسمة شوية بس مذهلة شوفوها بتركيز شوية حتفهموا ازاي النرجسي احتل عقلك وسيطر على افكارك وبقى هو اللي بيتكلم مش انتي .لما تفهمي النقطة دي حتعرفي تتخلصي ازاي من صوت النرجسي اللي لسة بيحركك لحد دلوقتي بالرغم من انك ممكن تكوني أصلا اتطلقتي من كذا سنة ، بعض الحالات بتكون اتطلقت لها خمس وثمان سنوات ولسة جاية تقول لي مش عارفة انساه ومش قادرة ابطل افكر فيه ، هي دي خير مثل لان صوت النرجسي معشش جواها
#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية