يارجال في أمريكا في فلل و شقق ارتفاعها مايزيد عن ٢٤٠ وهم طوال و الشخص الطويل ممكن يلمس السقف بيده وهو واقف بدون سلم ولا تشددوا في الارتفاع زي عندنا ٣٣٠ قبل التشطيب بدون دكت مقبول ٣٦٠ قبل التشطيب مع الدكت مقبول ان كان عندك فلوس و تبي تدفع الله يقويك اما انك تلزم الناس كلها ب انهم لازم يزيدون الارتفاع و كأنه شيء ضروري و مهم هذا غير مقبول خصوصاً الناس اللي إمكانياتها محدودة و بالدف تخلص بناء بيوتها واللي يقول الارتفاع ما يزيد في التكلفة غير صحيح كل شيء بيزيد معك المقاول بيطلب فلوس زيادة البلك بيزيد اللياسة اجرة و مواد بتزيد اسلاك الكهرباء و مواصير السباكة بتزيد الواجهة اذا كانت حجر بتزيد بلاط جدران دورات المياة بيزيد الدهان اجرة و مواد بيزيد التكييف بيزيد حجم الوحدة و الفاتورة حتى الإضاءة بتزيد دائماً اسمع الفرق بسيط لاوالله الفرق مو بسيط مو كثير جدا لكن مو بسيط للي يعرف يحسب التكاليف صح بشكل دقيق و بعدين المسألة نسبة و تناسب يعني غرفة نوم ٤*٤ مو حلو يكون ارتفاعها عالي جدا حتى مو جميل كذلك الحمامات الصغيرة ١.٥*١.٥ و ارتفاعها عالي جدا مو حلو صحيح كل مازادت مساحة الفراغ اجمل يزيد الارتفاع لكن مو ضروري و كل ما قل مساحة الفراغ غير جميل يزيد الارتفاع كانك جالس وسط منور يا جماعة الخير اللي يقدمون محتوى في البناء لا تكلفون على الناس باشياء غير ضرورية الأشياء الضرورية و لها علاقة بسلامة المبنى و هذا صح و هذا خطاء حنا معكم و مشكورين لكن اشياء جماليه غير ضرورية و ما تأثر ماله داع التسويق لها و تكلفون على الناس
@@user-pf1ev8ik8b مناسبه للفلل المتوسطة و الصغيره الشرح بالأعلى واضح ٣٦٠ مع مكيفات دكت مقبول ٣٣٠ بدون دكت مقبول الصافي بعد التشطيب الى ٢٩٠ كحد ادنى مقبول عندنا في ثقافة البناء في السعودية في دول ثانيه شفت ٢٤٠ عندهم مقبولة
@@user-pf1ev8ik8b مناسب مافي مشكلة يصير عندك ارتفاع حلو للصالات الكبيرة الارقام اللي ذكرتها ل الحد الأدنى لو زدت مافي مشكلة ((أجمل)) المهم يكون الارتفاع متناسق مع المساحة
السلام عليكم ورحمه الله وبركاته النجاح يحققه فقط الذين يواصلون المحاولة بنظرةةة إيجابية للأشياء. وانت من الاشخاص الناجحين واسال الله ان يجعل ماتنشره للناس في موازين حسناتك . تقبل مروري ...
اخونا المتحدث من افضل من يقدم عن البناء جزاه الله خير لكن كلامه هذا فقط يخص المقتدرين ماديا وهو دائماً يتعامل معهم نحتاج منه جزاه الله خير التكلم فيما يخص اللي على قد حالهم في خطوات البناء السليمه لان مثل هذه الطريقة تزيد التكلفه في البلك واللياسه والدهان واليد وحتى الكهرب
اللهم اغفر لي ولوالدي وللمؤمنين والمؤمنات والمسلمين والمسلمات الأحياء منهم والأموات اللهم إنا نعوذ بك من البرص والجنون والجذام ومن سيء الأسقام اللهم احفظنا وجميع المسلمين بحفظك فأنت خير حافظا وأنت أرحم الراحمين
من أشد المعجبين فيك بارك الله فيك..لكن استفسار بالنسبه لزيادة السقف اعتقد يترتب عليها مصاريف بالعظمه و اكثر من لياسه وبويا وسراميك كلها تزيد علي المالك حتي بالاناره اذا عالي السقف تحتاج اناره اكثر وبالصيف تتاخر الغرفه تبرد والشتاء تتاخر تتدفى من وجه نظري ..اتوقع 3,25 متر صافي من الجبس الي سراميك الغرفه كافي جدا
طبعاً كلامك سليم ولا فيه خلاف ابداً لكن انا اتكلم نيابة عن محبي الاسقف المنخفضة وانا ساكن في بيت قديم ارتفاع سقفه 2.7 وبدون جبس المكيف يبرد سريع سرييييع و الغرفة الواحدة ما ابالغ اذا قلت لك تكفيها ثريا واحدة في المنتصف وربك سميع الدعاء
كل ماكان السقف عالي كل ماكان التبريد افضل. الهواء البارد ثقيل ينزل اسفل الغرف ويكون هناك متسع للهواء الساخن في الأعلى. للمساحات المتوسطه ياسلام لو صفي بعد الجبس والبلاط 4 متر قمة الشراحه ترى كلفة الارتفاع بسيطه جداً بس دائماً يتهربون منها المقاولين مدري ليه شكلها صعبه عليهم
لان جكاتهم اغلبها بارتفاع 3 متر بالموت يزيد لك ارتفاع بلكة فإذا قلت له أربعة متر اول ما يفكر .. يفكر بتكاليف استئجار الجكات لمدة شهر الامر الاخر بناء المتر الرابع اللي فوق يتعب البنايين حاجة بسيطة لكن النقطة الصعبة هي الجكات ( الحديد اللي يسند السقف المصبوب ) طبعا بيجيب لك انواع الاعذار الهندسية والمحلية والعالمية
استاذي ممكن سؤال لو سمحت... انا حاليا في طور البناء وطبعا دور واحد فقط الي هوه دور ارضي وعندي ارتفاع الاعمدة 340 احب ان يكون السقف عندي عالي في حدود 4.2 فهل هذا ممكن بالنظر الى طول الاعمدة؟؟ مع العلم بان المقاول عامل 17 رصة بلوك وتوقف خلاص بعدها راح يعمل الجسر والسقف
الله يعطيك العافية شرح ممتاز ومفيد. لاكن الارتفاع تحكمك فيه مقاسات الغرف والمداخل . كل ماكبرت مقاسات الغرف والصالات مع المداخل . كل ماكان الارتفاع افضل وانا افضل الارتفاع ٤ متر صافي .
التصميم الجيد للفيلا يعطيك شعور باتساع المنزل ولكن بدون ما يعلق السقف في السماء... راح تكره الصعود للدور الثاني لو خليت ارتفاع السقف 380... هذا ارتفاع كبير جدا ومبالغ فيه لدرجة كبيرة... وخاصة أن غرف النوم في الدور الثاني..... تحتاج رجول ماعز علشان تطلع للدور الثاني......السبب ضعف امكانات المصمم المعماري في تصميم فيلا جميلة.. يختصر التصميم في ارتفاع السقف... واللي بيسكن المنزل بيذوق المر... ارتفاع السقف 300 سنت صافي.. 15 سنت للجبس أو بالكثير 30 سنت.. المجموع 330 سنت... أو ارفع السقف 380 سنت و ركب اصنصير وانسى موضوع الدرج..
بالعكس اذ تضمن صدق ماينقص عن 2.7 مع انه مغامرة والله مرررررره كويسه في بيتي الحين بعد الجبس بالضبط 2.7 ومرررره حلو لكن صراحة انا في الدور الثاني اشوفهااا مررره كويسة
ياناس السقوف المرتفعة حلوة مااحد يختلف لكن السقف الرفيع محتاج مساحة كبيرة توازي ارتفاعه ......اقصى ارتفاع للفلل الخاصة مثل ماشرح اخونا في المقطع والمسألة اذواق
والله كلامك مضبوط لكن انا اشوف تخفيض الاسقف افضل . لاعتبارات عديدة توفير حديد + توفير في التكييف + الانارة تكون اقوى و اوضح ولا تحتاج عدد كبير في اللمبات
لايقل ارتفاع السقف بأي حال من الاحوال عن 280 سم اقل من كذا غلط لاتغلط غلطة عمرك في البيت و 3 متر مناسب جدا ولا تزيد عن 3 متر الا اذا ناوي تحط مساحات واسعة مثلا صالة 8 متر في 10 متر واللي ما معوش مايلزموش
@@a.b.of.h9727 صالة بهالمساحة يفضل ان يكون ارتفاعها من 3 متر الى 3.25 متر صافي بعد تركيب الجبس ، هذا في حالة انك ماعندك نية ولا 1٪ مستقبلا تركب مكيف كونسيلد ( سبليت مخفي ) واذا عندك احتمالية تركيب مكيف مخفي في الصالة فيجب تعمل له حساب 60 سم إضافي الخلاصة : اذا ناوي على مكيف سبليت مخفي فاعمل حسابك يكون ارتفاع السقف 4 متر صافي عظم واذا كنت ناوي مستقبلا بعد عشر سنوات تركب مكيف فلابد ان يكون ارتفاع السقف 4 متر صافي في مرحلة العظم ، وتنزل الجبس من 70 سم الى 80 سم حسب الرغبة ، واذا نويت بعد سنوات تركب مكيف مخفي ، تركبه بكل سهولة اذا ماعندك نية ابدا تركب مكيف مخفي فيكون الارتفاع 3.5 متر وينزل الجبس 25 سم فيكون صافي 3.25 متر او ينزل 30 سم ويكون الارتفاع صافي 3.20 متر واذا ناوي الان او مستقبلا على التكييف المخفي لابد ان يكون التصميم الانشائي مناسب لمجاري الهواء . بحيث لايكون فيه جسر ساقط يعترض طريق مجرى الهواء واعرض الكروكي على اي مهندس تكييف وسيخبرك بكل سهولة عن انسب مكان للمكيف المخفي ( غالبا يكون فوق سقف دورة المياه أو الموزع ) وطريق مجاري الهواء المناسبة بحيث يراها المهندس الانشائي ويراعيها عند التصميم
جدا كان مهم انك تطرح مثل هالمواضيع ابو انس ، بالنسبة للمداخل اللي ما راح يكون لها باب انا اشوف انك تخليها مفتوحة بالكامل الين يوصل إلى الجسر اللي غرضه تقريبا ٣٠سم او ٤٠سم الهدف من ذلك عشان أثناء التشطيب يكون شكلها اشرح واجمل . ولكن هل فيه ضرر على ذلك في شئ انا ما ادري عنه؟
نحن عندنا مبالغة زائدة في تسليح الحديد وتكبير القواعد والاعمدة هدر مالي وكأن الواحد بيبني برج يمكن اختصار الكلفة بطريقة هندسية في التسليح وعدد لاعمدة والارتفاع المثالي 3.3 م ليش المبالغة وهدر الأموال
احلي ارتفاع يكون 3متر ونصف وازيد لا ضرر .لا ضرار يكون تمام بعد الجبس والديكورات والمكيف وفعلا شرح صاحب المقطع تمام التمام التمام والشغل ميه ميه الشغل مفيهوش غلطه وانصح اصحاب البيوت باستخدام الخشب القديم احسن ولاكن لو بليود جديد يكون خشب ابيض بليود يطلع شغلك عدل وللمساح احسن من البليود الاسمر بانواعه لان لو الخرسانه ناعمه تعوز تت ظ م ب ر او تتدقدق كل اربع سم دقه بشاكوش تقيل وحياكم الله وبرجاء ان كل صاحب بيت يتابع شغله من اول الحفر لييين النهايه باشراف هندسي
الله يعطيك العافية ارتفاع السقف جميل جدا لاكن فية مشكله غير تعب المقاول والزياده المتوقعه اللي راح يطلبها عشان شغل البناء ، بيكون عندك هدر في حديد التسليح لان الطول المصنعي 12م والحداد بيقص 3 قطع بطول 4م صافي 3.30 الجدار مع الكمره + 15سم بلاطة يبقى معه 55 عشاير للعمود اللي بعده اذا قص 5م الاجمالي يكون 10م يبقى معاك 2م صعب تصريفها كلها والخساره عليك في الحديد بكم انه اغلى المواد المستخدمة في العظم انصح تجنبها اذا كانت امكانياتك محدود واذا ربي موسع عليك فأعمل 5م براحتك
سلام عليكم: السقف هو السقف الشيء المتغير هو الخدمات اللتي تكون بين السقف الخرساني و السقف الوهمي، وبتالي تغير السقف الأصلي حسب الظروف)هندسه البيت خطوط السباكه التبريد
في حال ارتفاع السقف يجب زياده عرض العامود اقل مايمكن 30سم ،مع وضع حسبان الدرج القائم والنائم 385لو افترضنا السقف وسماكه السقف25 سيصبح 410÷15،5سيصبح لدينا 27 درجه وهذا يعتبر درج متعب .
السقف المرتفع في المناطق الباردة جميل بس الي زينا في الشرقيه لا تزيد عن ثلاثه متر مع الجبس الى مترين و٨٠ عشان التكييف يبرد اتكلم عن تجربه الدور الأرضي ارتفاع السقف عندي ثلاثه متر وربع المكيفات تبرد بس والله تأخذ وقت بعكس الدور الأول مترين و ٨٠
طولت علينا ياابا انس لك كم يوم مانزلت مقاطع من تجربه في بيتي ارتفاع الاسقف والابواب يعطي رحابه للمنزل مع كبر النوافذ وكلام الاخوان بشان الاضاءه والتكييف مكلف ولاكن ماوقفة على لمبتين زياده و 10 دقائق يشتغل المكيف فيها الله يهنيكم جميعا
الفلل ذات القطاع المعماري الصغير لا يناسبها الارتفاعات أكثر من 370 م بدون ديكور لأنها تصبح غائرة غير متناسبة، أما المساحات المتوسطة و الكبيرة فمن الافضل زيادة إرتفاع الاسقف إلى 4م فهي فهذه ميزة جمالية كبيرة، و إذا كان العزل الحراري بجودة فلا يخشى من تكاليف الكهرباء بالاضافة إلى اعتبار معامل الضوء من حيث مساحة فتحات النوافذ ، والله أعلم .
ارتفاعات الأسقف لازم تكون متناسية مع درجات السلم وهي ١٥ سم كل درجة يعني اذا كان عندك ٢٥ درجة الارتفاع ٣٧٥ وإذا ٢٦ درجة الارتفاع ٣٩٠ يعني ٣٨٥ ارتفاع يعني في خطا في الحساب
Ali Yosf المقاول اول ماتقول له ابغى السقف اعلى من ثلاثة متر يفكر مباشرة بالجكات لان جكات المقاولين غالبا بطول 3 متر واذا قلت بترفع السقف 20 سم معناها بيرفع كل الجكات على بلكة واذا قلت بترفع السقف 40 سم انجلط لابد الاتفاق على ارتفاع الاسقف قبل توقيع العقد مع المقاول لان ممكن يكون فيها تكاليف استئجار جكات اعلى من 3 متر لمدة شهر كامل ممكن تكلف من 500 ريال الى 1000 ريال لكن اغلب المقاولين يموت ولا يدفع ريال واحد اللي يبغى يركب سقف جبس لازم يكون ارتفاع السقف من ثلاثة متر وثلاثين سم الى ثلاثة متر واربعين سم اما في حالة تركيب مكيف مخفي فالأفضل يكون ارتفاع السقف من ثلاثة متر وستين سم الى ثلاثة متر وسبعين سم عموما اي زيادة في ارتفاع السقف تقدر تنزل الجبس وتحلها لكن نزول السقف لو 10 سم ما له أي حل
@@AA-sv3td عندي المقاول رافض وماكان يبي يوقع العقد ... يبغاء يعمل لي ارتفاع ٢.٩ ... هههههههه ورافض رفضا قاطعا .. وأنا طالب ٣.٧٥ مع السقف ٤ م .. دهنت ب٥ الف قال تبغاء ٥ م مافي مشكله هههههههه
ياحبيبي البيوت الشخصية الصغيره،، السقف ٣.٦٠ تكفى وتزود خاصه ان المكيف اسلبيت ليس دكت،، والأبواب ١١.٥ رصه ممتاز يكون بعد التشطيب ٢.٢٠ م،، مناسب له سعرها،، لاتطولون وتتورطون بالاسعار
انا اعارض ارتفاع الاسقف عن الحد المعقول والمتعارف عليه في البناء وذلك الأسباب التالية :- ١-التكلفة المادية جدا عالية ولكم الحساب ٢- كل ما زاد الارتفاع زاد عدد الدرج وهذا متعب . ٣- التكييف كل ما زاد الارتفاع احتجت الى وحدات اكثر لتبريد المساحة طول × عرض × ارتفاع. ٤- الاضاءة لابد من زيادة قوة الاضاءة. ٥- استهلاك كهرباء عالي للتبريد والإضاءة وكله على الفاتورة .
حسب المساحة إذا مساحات كبيره لازم يتناسق الارتفاع مع كبر المساحة اما الغرف الصغيرة ماينفع يكون الارتفاع عالي هو يتكلم في اعتقادي عن الفلل الكبيره جدا اما الفلل الصغيرة ارتفاع ٣.٣٠ من الصبه للصبه كافي مع مكيفات سبليت و جبس و دفان يصير الصافي ٣ متر أو ٢.٩ مقبوله اما ارتفاع ٢.٩ صافي للصالات و مجالس كبيره ١٠ في ٨ مثلا غير متناسق
3.85 عالي جدأ . وفوق كذا استهلاك بلك ومواد على الفاضي . وفي الصيف المكيف صعب يبرد الا بعد فترة طويلة واستهلاك عالي على الفاضي . ايضا لا تنسى الاهم وهو في حالة انشاء درج داخلي او حتى العادي يكون صعب و بزاوية حادة . المعايير العالمية تعتمد 2.8 متر صافي بعد الجبس و الارضيات كحد اقصى . خاصة و ان الثريات النازلة بطلوها الناس من زمان . هذا كوم وشكل السقف العالي القبيح كوم ثاني . الارتفاع اللي سويته يمكن يصلح للمساجد و قاعات الافراح . لكن باللنسبة للبيوت فهذا عالي جدأ و طريقة قديمة تعود لـ 30 سنة .
السلام عليكم. ورحمة الله. وبركاته. ارتفاع. اليقف. يعتمد. على كبر. الغرف. والصالات. اذا كانت. الغرف واسعه. خمسه. في سته. او. سته. في سته. ممكن. ان يكون السفف. في هذا. المنسوب. الاكن. اذا. كانت. الغرف. الربع. في خمسه. او اقل. فمترين. وثمانين. صافي. افضل. ويضاً. اخذ الاعتبار في كبر. العمود. في حالت الارتفاع. يجب ان يكون العمود. 30. وليس. 20. ارتفاع. الباب. جيد. لاكن. كل مكان. ارتفاع. المسافه. فوق الباب. تزيد. عن. 50. سنتي. تقلل. جمليت. المبناء. هذي. مت خبرتي. في البناء. وشكراً.
شغل الطابوق رديء للغاية مفكك والمونة قليلة هذا خلال 5 سنين بالكثير بتبين مساوئه على شكل شروخ حرارية مزعجة ما تطلع الا بعد كم دورة حرارية بين شتاء وصيف .. إتقوا الله في الملاك واشتغلوا شغل نظيف يا مقاولين
