انا مش عارف ليه انت مركز على محتوى الفنادق رغم انك بتجيد محتوى تقيم المطاعم وليك كارزما افضل من محتوى الفنادق + محتوى الفنادق الشريحة الي بتتابع المحتوى ده قليله اوي في اليوتيوب ومحدوده عكس محتوى الاكل او تصوير المدن والبلدان شرحتها وجمهورها كبير ف ياليوتيوب
يا راجل ٧٠٠ جنية فى الليلة والفندق مع احترامي يعنى السعر مبالغ فيه جدا جدا من الآخر كده عبط واستهبال ده محصلش بنسيون من بتوع رمسيس والعتبة وتقولى فندق 😂😂😂😂😂😂
اكيد من سنين لاننا نزلنا فيه السنة الى فاتت واللى قبلها والغرف زى الفيديو وفيها الكاتل والكوفى ترى والتلفزيون واتجدد السنة اللى فاتت عن اللى قبلها كمان
@@إبتسام-ش5ح اتجدد بس مازال ع اد سعره لانه مش اربع نجوم حتى بس هو فيه المحتويات دى ولو ملقتيش اسال استاذ عماد مدير الفندق على اى حاجة ناقصة فالغرفة بيوفرهالك فورا هو محترم وزوق جدا وبتحس انه بيعاملك ك فرد من الاسرة بصراحة هو والاستاف بروفيشنال فالمعاملة
لا لا كلامك مش صح ولو تعرف تنصحهم قولهم يختصروا الفطار ويخلوه ٥٠ مثلاً تمشي الامور، إنما تحط حاجات مش ضرورية وترفع السعر باسمها ده مش نجاح، النجاح انك توفر لناس فا تكسب زباين، إنما الشعور بالاستغلال بيطفش الناس
ممكن لو رايحة شواطىء قريية زى الهنا والبوسيت ودريم والليدو تتمشيها لو رايحة شواطىء بعيدة زى الغرام وكليوباترا والابيض هتركبى الباص الاحمر وده هتلاقيه قدام البنزينة الىى عند البنك الاهلى قبل الفندق على طول اسمه موقف القصر بس تعملى حسابك تخرجى من الشواطىء بالكتير ع الساعة تلاتة عشان تلاقى مواصلات فالرجوع مفيش موقف عند الشواطىء ولو رايحة الفيروز والنخيل والباسنت وباب البحر وروميل باى يبقى هتاخدى اى ميكروباص من عالبحر من عند المسجد اللى ف شارع المتحف وده ف اتجاه اليمين من الفندق اى شارع يطلعك عالبحر هتلاقى شعار المحافظة الشراع اركبى من عنده متعديش السكة والسنة اللى فاتت كان اخد مننا تلاتة جنيه سعر الفرد ممكن السنة دى يكون خمسة مثلا لان المسافة صغيرة جدا والشواطىء دى مناسبة لو معاكى اطفال خصوصا الفيروز وباب البحر والهنا لانها شواطىء بحر مش مفتوح يعنى مش غريقة
ليه يا استاذنا بلاش نسافر بالعربية؟. انا كنت مخطط أسافر بعد شهر بالعربية ومعايا زوجتي و الولاد... ياريت توضح لنا المشاكل اللي في الطريق وايه الاحتياطات اللي المفروض ناخدها في الحسبان..شكرا ياغالي ❤
انا لسه راجع من مطروح ومشكلة الطريق انه بيتعاد رصفه من بعد الساحل الشمالي والعلمين الجديدة لحد مطروح .. رصف (اعادة هيكلة مش حاجه بسيطة الطريق بيتفور بالكامل وبيوسع هيبقي بدل 3 حارات الفردة هيكون 7 او 8 حارات زي طريق الساحل الجديد
