الترطيب الترطيب ثم الترطيب والماء والله غي تشوفي نتيجة بعد شهر وشوية ونزيدك كاين وحد الإبر يدير 700 الف التغدية البشرة وإبعاد التجاعيد معندهمش حتى أعراض
علاه ماتنوضيش علاه شكون يخمم فيك شكون راه رافدك شكون الي راه واقف معاك .....صحتك عمرك هوما الي تلقيهم نوضي اتهلي فيهم نوضي أوقفي على الشعر عمريه مسك ساعتين وادخلي دوشي قشري الوجه وديري مسواك ونحي لي بوان نواغ قشري الجسم بالقهوة وسكر تقشير يهبل وحكي الرجلين بالحجرة اخرجي وفحفحي روحك بالروايح وريحة البخور والجسم رطبيه باي مرطب كوافي الشعر وديري شوية كحل في عينيك أشري ثوب صلاة جديد وعولي تجددي علاقتك بربي سجلي في لصال دو صبور تتعرفي على بنات جدد وعلاقات جديدة ولادك يحوسو على ام سعيدة مش ام منكدة افرحي خليهم يحسوك مليانة إيجابية باش يفرح قلبك راهم يحسو كي تكوني مكسورة الت كانت عندك دراهم أوقفي على لبستي جددي فيكلش اخرجي ايييه اخرجي دوري شوفي الناس ويشوفوك قعاد الدار يدمر ومتقعديش تعسي ف المشاكل سامحيني مقدرتش نفصلك راني مسافرة طريف وقلت معليش نجاوبهاا
@@LoubnaAbdelhakem يوصلك على خير ايييه انا متمنيتش نخرج من داري قدر الله وماشاء فعل ومزال كي خرجت نساوين دخلتهم لداري يتصلوا براجلي ويقولوا ليه تهنئته منها كانت تقول فيك وتنمنم فيك بالكدب حسبي الله ونعم الوكيل حاولت نخرج من هاد لجوا ديت ولادي سافرت بيهم للبحر رجعت لداري ترجع ليا حالتي مقديت ننسا راجل رغم الكسر لي كان يكسرني والكلام الجارح حدا ولادي مڨديتش ننساه ومستغربة في نفسي هاد شي كل والحڨرة لي كان خاڨرني والى الان نبكي عليه ههههه لاحول ولاقوة إلا بالله العلي العظيم
@sjjkssjjks8284 كنتي متعلقة بيه وكنتي تشوفي فيه حياتك وراكي حلالية باينة المهم انا نعطيك وصفة هي الاستغفار شوفي حاولي توصلي 30 الف استغفر الله ف اليوم راها من أعمال الصالحين والله ثم والله غي الا عاد فيه الخير غي يرجعلك ويرجع يحلل راني دايرة فيديو على الموضوع وراح نحطو هذوم يومين تفارقو 3 أشهر وشوية وهي دا مت على الاستغفار وسورة البقرة نهار وقفو قدام القاضي قالو منطلقش مرتي ونبغيها وخرجت بسكنتها وحدها وراها بالحمل 2
@@LoubnaAbdelhakem أييه انا خرجت بعد صبر طويل ودعاء في قيام الليل أن يصلحه الله لي ويهديه لي لكن المشاكل كانت ماشية وتزيد وكتب ربي وتطلقنا وعند القاضي كنت نقول دوك يرجع ويطلب مني سماح لانوا كان يخنقني والوا ومزال يكدب على لقاضي باش يبرر لنفسوا قلت ليه خايف من قاضي الأرض وماخفتش من قاضي سماء وعييت مانتفكرش لحاجة سلبية نتفكر غير لحاجة الإيجابية معاه رآه تاعبتني وهذي مدة تقدم لي انسان ونا خايفة يدي عليا لولاد من جهة باغية نتزوج ونتستر وننساه ومن جهة خايفة يدي عليا ولادي باالقانون وراه مهددني انوا إلى تزوجت ينحهم مني راني حايرة مهناني في زواج مهناني في طلاق الله المستعان
اختي حبيبتي انصحيني لوجه الله انا متزوجة وام لبنتين ربي يحفظهلي ويحفظ ماعندك اختي عندي عجوزتي مهما ندير فيها خير من كل شي ليها ولبناتها نوقف معاهم في كلش لكبيرة وصغيرة نواسيهم بالكلمة الطيبة لكن هوما مايستعرفوش بالخير تاعي يجرحوني يطيشولي الهدرة وعجوزتي مهما نديرلها ماتستعرف دايما تميل كنتها الاولى على الرغم انها واعرة معاهم دايما تجي لعندي عندها القيل والقال بزاف وانا من النوع لي مانحكيش بزاف وديما تقارني بكنتها الاولى وانا والله والله ماشافو مني غير الخير والله عما اقول شهيد دايما تقولي فلانة دارت وحكات هكا وقالت هكا وهي مدايرة فيهم المنكر دافع عليها على الرغم انها هي ظالمتني بزاااف حكايات بزاف عبالك اختي الغالية دارولي القولون العصبي تغيضني روحي لاني يتيمة الام وانا طفلة واحدة عند والديا نحس بالحقرة من جيهتهم انا غايضتني من امهم هي كبيرة الدار قصدي عجوزتي حاجة بيت ربي دارولي صدمة بعد صدمة وفاة امي صدقيني يا اختاه انني لست من مرضى القلوب والحمد لله على النعمة ارجو منك نصيحة تشفي قلبي من غيضه وحتى زوجي كي نحكيلو واش ديرو معايا يقولي عندك فمك اهدري دافعي عن نفسك انا منديرلهم والو واجهيهم كي وليت نواجهم وندافع عن نفسي يولو يشنفو كي شغل انا لي ظلمتهم وانا لي عملت فيهم المنكر انصحيني جزاكي الله خيرا الله يرضى عليك ايتها الطيبة ❤
حبيبتي شوفي راه كاين وحدة نفس مشكلتك وجاوبتها حسبتك انت من الاخير الهاي في علاقتك بربي عمري فراغك احفظي سورة والا اخدمي ولا تعلمي صنعة ولا......افكري حاجة تلهاي بيها متقعديش تعسي زوجك الا كثرتي عليه الشكوى كنش نهار يقلعلك ويقولك أنت خفيفة ونقراشة متزيديش تهدريلو مباشرة ديما احكي بطريقة غير مباشرة وكأنك تطرحي ف الأسئلة ميمتك الله يرحمها ويوسع عليها واحد واحد مايخلف بلاصة الوالدين الهاي في ولادك ربي مليح حفظي القرآن قري المهم انت كوني اسرة نموذجية متقعديش لاهية بكلام العجايز ومرت السلف يبغوها يكرهوها الله يديهم كامل بعدي بعدي على هذي البيئة انت مميزة متقارنيش روحك ديري حدود حافظي عليها والي غلط معاك اندبيلو وجهوووو من الاخير وحكاية بغيتهم يعاملوني كما اهلي ولا كما ميمتي. ياااااختي والو راكي غالطة يا بنتي كاينة أمهات مهمش دايرين الخير في بناتهم حتى وحدة برانية وهذو كامل راه مشكلة الغيرة تنوض فيهم اكيد شافوك مميزة يا قارية يا جميلة ياراجل يبغيك نتمنى تفهميني الا قريتي واش كتبتلك رديلي
@@LoubnaAbdelhakem شكرا غاليتي حفظك الله ورعاك انا صح قارية ومتخرجة بشهادتي الجامعية ليسانس الفضل لله نصيحتك قريتها مشكورة انك رديتي عليا انا انسانة قنوعة جدا والحمد لله على النعمة وايماني بالله قوي وايضا حب زوجي ومعاملتو مليحة معايا واكيد هذا السبب لي نقدر نقول انهم عندهم مرض الغيرة لاني عرفت عقليتهم هوما من الناس لي يغيرو من اتفه الاسباب ربي يشفيهم ويبعدهم عني نصيحتك يا حبيبتي جد جد قيمة رغم انك متعرفنيش مبصح كي حكيتلك حكايتي عرفتي تجاوبيني ممتنة لك حبيبتي ايتها الطيبة بوركتي ربي يسترك انت ايضا من كل سوء مشكووووورة
@LayaneLayane-mz9yk رانا مع بعضنا في هذي القناة الي تقدر تعاون اختها تتفضل نصف عقلك عند أخيك ننصحك متبينيش حبك لزوجك ولا حبو ليك علنا نصيحة نصيحة اخت حذاري خلو حبكم وعشرتكم بيناتكم اما الناس الاحترام فقط
مساء النور تعيشي بدون ذكر الاسم تعيشي في وجه ربي ويشدلك وليداتك ديريلي فيديو انا متزوجة عني يسر ملي تزوجت في وهران مع ناس ميقيموني ميقيمو دارنا وكي يديرولو حاحة عينة كي نقابلهم كل واحد يبدا نتيا موسوسا مفيها ولو نتيا تهدري بزاف بصح كي تولي فيهم يديرو حالا وليت كيما لكلبة ومن حقي نزعف يجرحوني فلوجه يحشموني وكي نهدر تخلا راني حابة ندير حدود مع الناس لي متقيمش دارنا وحد اخرين يقيموهم وانا نشوف وكي نزعف يقلولي اه نتيا تعمري راسك بزاف كيفاش نتعمل معهم وفي نفس لوقت نجبد روحي دبري راسك رجعيلي دركا
قللي الزيارة متتوقعيش منهم والو مهمش اهلك راكي غريبة وتقعدي غريبة ديري حدود متسمحيش بتجاوزها والا تجاوزها واحد اقلبي الدنيا بدلي العقلية تماما واعتبري غير موجودين ديري الحلول الي تساعدك اهلك قيميهم انت متستنايش الي يقيمهم وديجا كل واحد في حدو متخليهمش يتخلطو في حتى مناسب الاختلاط يجيب المشاكل مانخالط مانولي غالط وفي هذا الزمان الا لقاوك ناس ملاح وتحشمي ولا معندكش ثقة في روحك ياكلوك مالا قيمي روحك مكيش محتاجتهم تحتاجي راجلك واولادك واهلك أما عائلة الزوج إضافة لحياتك فقط مكيش ملزومة بيهم ابنهم هو الملزم فقط
