استاذه ولاء لو سمحتي انا كنت باثق فيكى ثقه عمياء واكن لكى كل احترام ولاكن للاسف اشتريت سجاد من محل هانوفر صاحبه استاذ محمود وجدت سجاده مقطوعه بتصل بيه علشان يشوف لى حل لكن للأسف بيقفل التليفون عندى ومبيرودش عليا حرام عليه دى السجاده ٩٥٠ جنيه انت عارفه الظروف ايه وانت كنت عامله فيديوهات للسجاد عنده وانا اشتيريت على كلامك انه شخص محترم ارجوكى لو سمحتي تتدخلى وتحللى الموضوع الله يبارك لكى
محمود ما بيقفلش فى وش حد ولو السجاده جتلك مقطوعه مستحيل يرفض يبدلها ..احكيلي انتي بقا التفاصيل وهل انتي كلمتيه اصلا وقولتيله السجاده مقطوعه وهو رد قال ايه ولا علشان لقيتي التليفون مقفول قولتي مبيردش❓
ليه حبيبتي بتدخليلي داخله مش حلوه كده الراجل بعتلي الشات اللي بينه وبينك وكاتبلك فى الشات كلمه ترجع وما اعترضش ولا قالك مش هيرجع ليه بقا عايزه تطلعيه وحش الراجل قولتيله نزلي فى سعرها قالك هنزل ميه وخمسين جنيه قولتيله لا النص بالنص تلراجل رفض وقالك ابعتيها وعايزه غيرها سليمه هيبعتلك عايزه تمنها هيبعتهولك يبقا فين بقا انك كنتي فكراه شخص محترم ما هو فعلا كلامه معاكي اهو فى منتهى الاحترام معاكي رقم الشركه اللي جابتلك السجاده كلميهم خليهم ياخدوها ويرجعوهاله وفلوسك تتبعتلك فى الحال اول ما السجاده ترجعله وانا المسؤله
رد على حضرتك وما اعترضش على ترجيع السجاده يا فندم وهو بنفسه كاتبلك ترجع حضرتك كتبالي كنت فكراه محترم وحسستيني ان الراجل رفض يرجعلك او اعترض مثلا ..ليه لما بيكون فى مشكله ما بتحكوليش الحقيقه كامله بتحكولي الكلام اللي على مزاجكم بس يعني انتي كتبتيلي مش بيرد عليه ما قولتيش ليه انه رد عليكي وقالك ابعتيها وخدي فلوسك مفيش مشكله ❓ ابعتيله يا فندم السجاده وفلوسك هترجع على طول