والله حقيقي انا بستفاد من حضرتك جدا ربنا يباركلك و يجازيك خير.... انا محاميه جدول عام و لسا متخرجه و مستلمه الكارنيه و اتعلمت من حضرتك كتير شكرا جدا علي مجهودك
عايز اطلع اشتغل بس متردد.. انا 43 سنة ومعايا الكارنيه.. بس ماشاء الله كلام حضرتك بيشجع.. ربنا يصلح حالك ويوفقك.. مع احترامى لحضرتك.. حضرتك شبه الفنان محمد انور اللى ف مسرح مصر بنفس طريقته فى الكلام وخفة الدم وبجد يمكن دى اكتر حاجة خلتنا نحب نسمعك ونستفيد.. لأن كدة تحس بتفاؤل وانت داخل المهنة لما تلاقى حد زى حضرتك وان المهنة دمها خفيف مش كآبة ومش خايف تدخلها.. ربنا يوفق الجميع يارب
انا اللي متشكر لحضرتك جدا والسن عمره ما كان مقياس ابدا كلنا بنتعلم وما زلنا بنتعلم المحاماة بحر من العلم ملوش نهاية ربنا يوفقنا جميعا وشكرا لحضرتك مرة تانية
معالى المستشار ياريت حلقة عن الفرق بين الطعن بالتزوير أمام محكمة الجنح والطعن بالتزوير أمام المحاكم المدنية بأنواعها وطريقة سداد الأمانة ومباشرة الدعوى سواء المدنية أو الجنائية أمام الخبراء وهل يختلف دور الخبير أمام المحكمين والإجراءات العملية لكل ما سبق اخوكم محامى جدول عام
الله ينور اول مرة حضرت مكنتش لس طالعت كارنية دخلت متلغط ورجل تتقدم ورجل ترجع حتي جاء الرول دخل والموضوع ماشي الحمدلله،وبعد ماطلعت كارنية وانا عوز بردو اعطي لزميل يحضر كان رول في الاول وبعدين جالي تلفون لس يخلص لقيت بينادي علي الرول بس الحمدلله عاديت أنا أؤمن أن الحياة فيلم واجمل ما في الفيلم الإثارة والمغامر
انا محاميه تحت التدريب بس بصراحه متدربش مع أي محامي لحد دلوقت لأن كل المحامين مش بيفهموا حاجه ف اخدتها من قصيرها وقولت اشتغل لوحدي ف انا دلوقت حضرتك جتلي واحده عايزه ترفع قضيه دعوي نفقه أقارب علي جدها لأن ابوها متوفي وباذن الله همشي فيها خلاص بس انا خايفه من الجلسه مش عارفه اقول اي للقاضي أو اقنعه ازاي وخايفه يكون محامي الخصم اشطر مني ياريت تقولي اقول اي او اكتب عريضه الدعوي ازاي بصيغه حلوه اكون شاكره فضل حضرتك
ولو نمتي هتحلمي بكل اللي هيحصل ف الجلسة وهتصحي مخضوضة ان الجلسة عدت ف الاول كدا بعدها خلاص بتبقي حاجة عادية جدا بالتوفيق ومستني لما تخلصي جلستك وتعرفينا ايه اللي حصل
احيانا بيكون القاضي فاهم لو ده حصل بيعرف انك تحت التمرين وف بعض منهم بيسال ع الكارنيه ع طول ويشك فيك انك ممكن تكون مش محامى ولو معاك الكارنية وهو بيعرف ع طول وبيعدى الموقف
اول جلسة كانت فى دار القضاء وانا واقف على باب القاعة جية الاستاذ وراح قالى بص انا عاوز اقولك على حاجه قولتله قول قال أنت اللى هاتحضر وتقول كذا كذا كان تانى يوم ليا تقريبا اتصدمت قالى انا مردتش اقولك قبلها بيوم مكنتش هاتنام دخلت الجلسه اديته الورق وبعد كده وهو بيديه للسكرتير مديت ايدى اخد الورق تانى منه مع العلم المفروض ما استلموش خلاص 😂 المحامى اعتذر للقاضي ونده عليا أخرج خلاص كل ده وانا مش عارف شكلى هاحبس الموكل ولا عملت ايه غلط قالى بعد ما خرجت عادى مفيش حاجه بالنسبه لاول مره انت كويس بس ... دعواتكم بقى ربنا يوفقنا فيها على خير انا كده حوالى 6 شهور
عشان اكون صريح معاك انا تليفونى بيرن ٢٤ ساعة وكلهم من ع القناه ف انا اسف لو انت محامى يا استاذ هانى ابعتلى صورة الكارنية وتحت امرك وهبعتلك رقمى خاص انما لو من الجمهور ف اسف اى استشارة مدفوعة الاجر
