ازاى تتخلصى من صوت النرجسي اللي جواكي بيخوفك ويعطلك ويربطك بيه 

ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
ازاي تتخلصي من صوت النرجسي اللي بيحركك واحيانا يخوفك واحيانا يربطك بيه
هو النرجسي له صوت جواكي هو النرجسي هو اللي بيتكلم ولا انتي؟
احنا اتفقنا قبل كدة ان النرجسي بيخلي دماغك نسخة من دماغه نتيجة تكرار الجمل الإيجابية في مرحلة اللافبمبينج وبعدين تكرار الجمل السلبية في مرحلة التحقير ووقلنا ان التكرار دة بيعمل تناغم بين دماغك ودماغه والكارثة الحقيقية اني اكتشفت من الحالات بيقولوا لي ان لما هي تكون بتفكر في حاجة في نفس اللحظة النرجسي بيقولها وبالعكس ساعات تقول حاجة يكون النرجسي بيفكر فيها بس دي الحالات اللي بقالها سنين طوييلة معاه من فوق ٢٥ سنة ، المهم ان دة مش حب طبعا دة تناغم الدماغ ،طيب ايه بقى صوت النرجسي اللي جواكي دة وبيعمل أيه فيكي ؟ عارفة لما حد يقول لك كلمة تضايقك وانتي ماتعرفيش تردي عن نفسك وبعد ماتبقي لوحدك ييجي صوت من جواكي يقول لك انتي مش بتعرفي تتصرفي او انتي طيبة زيادة عن اللزوم او انتي حتفضلي طول عمرك مابتعرفيش تدافعي عن نفسك الجمل دي بنسميها الصوت الداخلي ،الصوت دة بيكون تركيبة من عدة أصوات ، ازاي؟ يعني يا اما صوتك الأصيل يا اما صوت امك او صوت ابوكي او معلمينك او اعلامي قوي او صوت النرجسي ،كل حد بيقدر يؤثر فيكي بيسيب جزء من صوته جواكي وطبعا الأشخاص المسيئة سواء اب او ام او زوج او اخوات بيسيبوا جواكي صوت سلبي هدام وانتيب تتبني الأصوات دي وتفكري انها صوتك ، طيب ازاي تعرفي اذا دي صوتك ولا صوت النرجسي او غيره ؟ الصوت اللي بيتكرر بالسلبيات طول الوقت زي انتي أصلا فاششلة ، انتي غبية انتي قبيحة انتي محدش يبص لك ولا يتجوزك انتي تخينة انتي عاقة انتي انانية ، كل الصفات السلبية دي لما تسمعيها باستمرار اعرفي انها مش صوتك انتي ممكن تقوليها لنفسك مرة كل فترة في موقف معين ويبقى صوتك لكن لما في كل موقف تسمعيها من جواكي وتتكرر اعرفي انها مش صوتك دي صوت النرجسي غالبا ، ازاي طيب تتخلصي من الأصوات دي؟ ازاي تغيري الحوار الداخلي بتاعك وتوجهيه في الاتجاه اللي يبني ويطور مش يهدم وتتخلصي من الأصوات النرجسية اللي اتزرعت جواكي؟
شوفي ممكن تعمليها بطريقة من اتنين
الأولى انك تراقبي نفسك لمدة أسبوع مثلا تشوفي كل ساعتين قلتي ايه لنفسك وتكتبيه او انك كل ماتقولي لنفسك حاجة تكتبيها زي ماتعرفي يعني قلتي لنفسك ايه الغباء دة تكتبي او ايه الجمال دة تكتبي ، بعد أسبوع تمسكي اللي كتبتيه وتشوفي السلبي لوحدة والايجابي لوحده وتشوفي ايه من السلبي بيتكرر عشان تخرجي اللي مش صوتك وتحطيه على جنب وبعدين تكتبي قصاده العكس ، انتي غبية ،انا ذكية انتيب يتضحك عليكي ،انا واعية ومش ساذجة انا فطنة ،وبعد كدة تراقبي نفسك وتراقبي حوارك دة وكل ماتقولي تاني جملة سلبية تنفيها في وقتها وتقولي عكسها طول مانتي مركزة وبتفكري في افكارك حتقدري تتغلبي على الأصوات دي ومع الوقت حتختفي تماما من دماغك ،الطريقة دي حتخلصك من صوت النرجسي الزوج وكمان أصوات أي نرجسي سابق في حياتك واي أفكار سلبية اتزرعت جواكي من أي حد مر في حياتك ، على فكرة دة جزء من كورس التفريغ الوجداني اللي قلت لكم عليه ،المهم الخطوة دي من اهم الخطوات اللي لازم تعمليها قبل او بالتوازي مع التشافي لان طول ما انتيب تعالجي نفسك من الإدمان وانتي معاكي صوته طول مانتي تمشي خطوة وترجعي خطوة وفي الاخر تلاقي نفسك واقفة مكانك ،عشان كدة بعض الحالات تيجي تقول لي انا بمارس التشافي بقالي وقت طويل ومفيش فايدة برضه بحن له وبرضه مش قادرة استوعب انه مش بيحبني وطول الوقت افتكر الكويس وناسية الوحش وهو ساعات يتصرف تصرفات تقول انه كويس وانا برجع اشك في نفسي مش يمكن انا اللي افتريت عليه مش يمكن انا اللي ظالماه . الحالة دي بتكون مسلمة نفسها تماما لصوت النرجسي ومحاولتش تتخلص من التناغم اللي بين مخها ومخه
#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية