*متنساش تذكر ربنا وتصلى على سيدنا محمد عليه افضل الصلاة والسلام بقلب خاشع وبصوت * شرح مسائل شدة اضاءة المصابيح | فيزياء الثانوية العامة عمر غريب 2022 *لينك الفيديو اللي شكرت فيه حضراتكم بطريقتي الخاصة : • اسهل طريقة لحساب جهد ن...
جزاك الله كل خير يابوحميد ❤️❤️- انا الفيديو ده كنت بحاول اوضح الفكره بتاعت المسائل اكتر من الحل ولكن هحاول احل اكتر عن الباب الاول عموما - قولي بظبط ايه الحاجه اللي عايز تثبتها
@@omargharieb1 فرحت جدا بردك ❤️..على العموم انا مش عايز اقلك حل الكتب وكده..لأ انا عارف انك فى الجامعة وربنا معاك بجد .بس فيه أفكار مسائل كدة مثلا بتربط بين القدرة والمقاومات + عايزين أفكار مسائل على درس قانون اوم وبالزات لو فهمتنا الحاجات الأساسية بأسلوبك البسيط ومش شرط حل كتير دلوقتى ❤️
أولا شكرا جدآ علي الشرح الجميل ده ثانيا بقي ممكن سؤال هو مش الاضاءة بتعتمد علي شدة التيار واللي مقاومته اعلي تياره هيبقي أقل انا حليت المثال قبل ما حضرتك تحله وفكرت بنفس الطريقة بس جيت عند المقاومة قلت اللي مقاومته اعلي تياره هيبقي أقل وبالتالي اضاءته كمان
جزاكي الله كل خير - ايوه فعلا لو المقاومه ثابته القدرة الكهربيه هتزداد اما قيمه التيار الكهربى اللي بيخش فيها يزداد فبتالي شده الاضاءه هتزداد ، ده قصد حضرتك ولا ايه؟
السلام عليكم يا استاذ عمر لو سمحت شفت فيديو لحضرتك بتقول أنك بتحب الفيزيا جدا انا دلوقت تانيه ثانوي و انا مش بتعقد من حاجه في حياتي غير الرياضيات و الفيزياء ما هي إلا رياضيات انا نفسي احقق حلمي جدا والله ربنا و حدو ال يعلم بس انا مذاكرتهاش في أولى و مش عارفه إلى الآن اذاكرها في تانيه معقداني قوي بصراحه بخاف افتحها حرفيا كدا عمري ما بخاف من حاجه كدا عادي لكن الدراسه هي الشئ الوحيد الي بقيت بخاف منو فعلا مش عارفه اذاكر لوحدي يعني مش عارفه اعمل اي في المواد دي الي هتبقى متراكمه اتمنى اتمنى ان حضرتك ترد عليا بأي نصيحه لأن فعلا بثق في كلام حضرتك جدا يا ريت يا استاذ و الله ربنا يعلم بحالي نفسيا أنا هموت و احقق حلمي يارب ترد عليا إن شاء الله
وعليكم السلام ورحمة الله تعالى وبركاته - اولا شكرا لحضرتك جدا علي الثقة واتمني او اكون اهل لذلك ثانيا ونا في ٢ اعدادي فيما قبل كنت اكتر شخص بيكره الرياضيات والفيزياء فا ابشري، غير اني اعرف ناس كانت في ٢ ثانوي لا تفقه شئ وجابو ملحق ولكن اشتغلو علي نفسهم و بسم الله ماشاء الله عليهم في ٣ ثانوي جابوا مجاميع عالية جدا ماشاء الله تبارك الله وخدي المفاجاه ناس كتير من دفعتي كانو في اولي وتانيه ثانوي بسبب الظروف اللي حصلتلنا في النظام والجديد راحوا تالتة ثانوي وهما للأسف ناسيين ٢ و١ او مش مذاكرينها اصلا فا مابالك انتي فايتك اولي بس ( طبعا مش بقول لحضرتك كده بحيث انك تريحي ومتذاكريش انا اقصد اقول لحضرتك انك في امل وامل كبير جدا كمان) ولو وقفت معاكي حاجه عادي جدا متسبيش الاستاذ او الأستاذة بتاعتك الا اما تفهميها منه ويفهمهالك براحة لان صدقيني لو بيقابلك حاجه ومش فاهمه واتكسفتي تسئلي وكل شويه علي كده انتي كده هتيجي في الاخر هتلاقي حاجات كتير مش فهماها، بالنسبه للرياضيات انصحك وبشده بقناه ملوك الرياضيات ( هتلاقيهم مدرسين اتنين استاذ اسامة واستاذ عيسي) معرفش شارحين منهج ٢ ثانوي كامل ولا لا بس في الغالب شارحين جزء كبير جدا منهم وتقريبا بيدوا اونلاين بس كنت بتابعهم ونا في ٢ ثانوي بجد ماشاء الله عليهم تابعيهم من اول منهج ٢ ثانوي وخديها واحده واحده هتلاقي نفسك ان شاء الله في تحسن كبير، بالنسبة لفيزياء ٢ ثانوي بشمهندس محسن الحسيني كان شارح جزء منه علي اليوتيوب مجاني ممكن تشوفيه وان شاء الله يعجب حضرتك الحاجه التالته والأهم ادعي ربنا كتيييييييير انه يساعدك ويفهمك وانه يفتح الابواب المغلقة امامك وانه يقف جمبك صدقيني ده مش كلام وخلاص لازم تدعي كتير وعيطي لربنا عادي جدا وقولي كل اللي في قلبك واقرئي مثلا صفحه قرآن قبل متذاكري وتدعي او ربنا يرزقك الفهم وقولي كل اللي في قلبك وبالتوفيق ان شاء الله يادكتور وان شاء الله تبقي الأولى على الجمهورية في جميع سنواتك الدراسيه