انا عايش حاليا الفترة الي قولت عليها و بيتقال عليا نفس الكلام بس هختلف معاك, لازم نتكلم في الدين اه هنتعب و الموضوع هيفضل متعب للاسف بس ان كان هيحصل تغيير في الناس من الناحية الدينية فا في الغالب مش هيكون من نفسهم لازم ننصح و نفهم اللي حوالينا عشان لما نقابل ربنا و يسألنا نكون عملنا الي علينا ,وربنا يقوينا
@@Abdo_Hamza119 مظنش انه قصده يكون عندك ارضية هو قال ان الناس هتتكلم عليك و مش هيتقبلوا الموضوع ، ده غير ان عادي مش لازم تكون ازهري عشان تنصح يكفي ان يكون عندك معلومة فاهمها و متأكد منها و تنصح بالتي هي أحسن
مش مقتنعة لان ال عايشيين في البابل بتاعتهم دي عيشتهم اصلا يعني معاهم فلوس وربنا يزيدهم انا ممكن افصل عن ال بيحصل باني اعمل حاجة بحبها او اروح اماكن بحبها بس الاماكن دي مش لازم تبقي غالية جدا بالعكس في ناس بتتبسط مجرد ما تتمشي في الشارع او تقعد في كافيه او قهوة في الشارع او وسط البلد المكان مش ب هو بكام والله ومش شعارات والله زائد اني هستفاد ايه لما ابقي مع ناس طبقة تانية غير طبقتي تماما هما بيصرفو علي حسب مادياتهم وانا اصرف كل مرتبي مثلا علي خروجاتهم يبقي انا كده استفدت ايه او اشتغلت علي نفسي ازاي !! هو الحل الوحيد ال اتفق معاك في ان الواحد يعمل فلوس كتير اوي عشان يعرف يعيش في البلد وساعتها يبقي يعيش في اي بابل تعجبه بس الفكرة ان لو احنا عارفين نعمل فلوس كتير مكناش فكرنا في السفر اصلا للاسف في ناس مكنتش حابة السفر اصلا زي ما قلت نفسيا وجسمانيا لكن بدأت افكر فيه لان خلاص مبقاش في حلول خالص
بص بعيدا عن اختلاف وجهات نظر فى كل ال قولته بس كواحد عاوز عارف انى هموت فى يوم من الايام فكره متكلمش فى الدين دا فكر قصير الامد جدا ليه بقا ؟ لانك فعلا هتعيش فراحه نفسيه ومفيش صراعات وبتاع بس لو كنت اتكلمت فى الدين واشتغلت فى الدعوه عارف لواحد فقط استجاب والباقى كله طنش وشافك ارهابى والى اخره كنت خدت ايه ؟؟ فو اللَّهِ لأنْ يهْدِيَ اللَّه بِكَ رجُلًا واحِدًا خَيْرٌ لكَ من حُمْرِ النَّعم لمقصود بحمر النعم هي: أجود الإبل وأحسنها، وهي الإبل الحمراء وكانت أعجب وأنفس الأموال وأحبها إلى العرب، ومنهم من قال: هي الإبل الحامل وقال الله عز وجل وَمَنْ أَحْسَنُ قَوْلًا مِمَّنْ دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ
@@MahmoudKhaled هوا الراجل عايز يقول الفقاعة الى انت داخلها ممكن يدخل معاك فيها ناس متعرفش اى حاجه زي ما ذكر وهتفهمك غلط الصح ان الفقاعه بتاعتك تكون مليانة بالناس الصح ع كل الاصعده قدر الامكان وفي الاخر الامر مش سهل لانه بيتكلم عن طبقه معينة ومش الجميع قادر على التواجد مع او العيشة مع طبقة من مستوى اعلي منه الراجل مأكد ان الفيديو ممكن تعتبره خيالي او غير حقيقي او مش جد لكن ربنا يسترها علينا جميعا يا رب
سبحان الله بدل ما يقول للناس خليك انت القدوه والقوى عشان تخلى تقرب لربنا لأ قالك بس دا فى ضرر هيحصل من الدعوه بس فكك من الدين خالص تفكير انانى بحت وضد ما كان عليه الانبياء والرسل
@@iiyoussefpvp257 فيه فرق بين الصالح والمصلح مش فى كل الأوقات ومش مع كل الناس تقدر تبقى مصلح أنا شفت راجل متدين راح يعتب على سواق ميكروباص أنه بيسب الدين السواق شتمه واتخانق معاه
فخور بفكرك برافوا ممكن وانت بتفتح كلام في كل حاجه بتخلي الواحد يزعل بس لما بتكمل فيها بتبين الرؤيا ودا حاجه حلوه جدا. انا لما بنزل مصر احب الشعبي جدا. يجي يقولوا تعالي بقي اخدك مدينتي مش عارف ايه ولا حاجه اشوفها حاجه زي الزقت ههههه ولما بنزل الشعبي بستريح بشوف حاجه جديده حياه جديده جدا وشكلها جديد واحسن احسن حاجه قلتها الصلاه ❤️
عندك انا قاعد في مصر بشتغل نفسي. حافظ القران. صوتي جميل مش عارف اهرب من مصر قاعد اعيط طول النهار علي منظر اطفالي. انا مش قادر اسد احتياجاتهم حسبنا الله ونعم الوكيل
تعديل و اضافة بمنظور اسلامى ١- لا تتابع الاخبار بل تابع اخبار السماء بقراءة القرآن و وتدبره ٢- حافظ على الصدقة ..( وما أنفقتم من شيء فهو يخلفه وهو خير الرازقين )[ سبأ: 39] ٣- الصحبة الصالحة.. وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ وَلا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا [الكهف ٢٨] ٣- اجعل اخلاقك و معاملاتك تكون دعوة إلى الله
حتي لو الواحد بقي معاه فلوس كتير بردو هيفضل يزعل علي اهله و ناسه و شعبه الي مش عارف ياكل حتي او الي كان مستواه كويس و بقي تحت الصفر دلوقتي ....لو سافرت بردو هفضل ازعل علي مصر و اني بخدم شعب مش شعبي رغم ان الواحد نفسه فعلا يسافر و يشوف مستقبله
أول مرة من سنين ألاقي وجهة النظر دي، من الصحي جدا للشخص إنه يخلق البابل الخاصة بيه خصوصا لو كان في ظروف كتير سلبية حواليه ، عشان ما يخسرك صحته النفسية لغاية يا إما يطفش من البيئة دي يا إما ما يتجننش.
الصاحب ال مقدرش اتكلم معاه في الدين لا يصلُح يكون صاحب اصلا. كلامك فعلا ضايقني ، فرضا شخص جاء يهنيني بعيد انا لا اعترف به هقوله ايه ؟ مهو الطبيعي هكون واضحة و اقوله والله لا احتفل به . ثم ان الانسان يفتخر انه متميز و انه ثابت علي دينه وسط مجتمع سئ، ده شئ ما يهز ثقتي بنفسي بالعكس يحمد الله . متزعلش مني بس انت منهزم نفسيا. ازاي ال بيعصى يجاهر و عادي و انا الصح استحتى اقول كلمة حق في ديني او حرام😕
لما تكون دارس دينك الاول يا استاذ مسلمين كتير بالاسم ميعرفوش دينهم اساسا طالما انت متفهمش فالدين في اهل العلم علشان مينتشرش كلام غلط عن الدين بسبب فتوي من شخص مش فاهم يدمر بيها الناس ويضللهم عن الدين غير كدا مفيش مشكله فا مش اي حد تتكلم معاه الا لما يكون دارس وفاهم دينه كويس ودا قليل ما تشوفه اساسا بيبقوا عايشين في وهم المعرفه ومبيسمعوش او يقروا فالدين فا مينفعش تقول هتكلم مع اي حد فالدين افرض لسه بيدرس فالدين هتخليه يتكلم برضوا؟ لازم يفهم الاول بعد كدا يتكلم والا هتخليه يفضل يتكلم عن جهل ويبقي وهم المعرفه وينشر كلام يضل الناس عن الدين
انا ذكرت امر بسيط زي الاحتفال ، ال اكيد اي مسلم عارفه ده مش محتاج تكون خريج دراسات اسلامية ، الشاهد انه المسلم المفترض يكون معتز بدينه . مخجلش اقول علي حرام حرام ، { كتابٌ انزل اليك فلا يكن في صدرك حرج لتنذر به}
الطبقة دى اللى صاحب القناه بيتكلم عنها اصلا معمولها غسيل مخ من فترة والبركة في اصحاب الكومباوندات والمدارس الانترناشونال صباح الخير والدولة نايمة على ودانها هيتفاجؤ بجيل جديد بتاع رمبو وحرية العقيده وحرية المساكنه
بالنسبة لموضوع اننا نتكلم في الدين فا انا شايفة اننا لازم ننصح اللي قدامنا اولا علشان مصلحتة هو لان دينا منصور مهما مر احداث كتير ف في الاخر احنا اللي هنتصر برضوو سوء من احدث غزة حاليا او يوم الحساب ثانيا علشان لو ما اتكلمناش في الدين هنصبح امة مسلمة ولكن بالاسم فقط وان الدين اخر حاجة نفكر فيها واننا كمان مطالبين بالدعوة علشان نجاة للي حولينا اولا ولكن الفكرة كلها في ازي هتقدم الدعوة دي او النصيحة لازم تفهم دماغ اللي قدامك كويس جداا انا مثلا اصحابي مش متديين خااللص فا مش طول الوقت بتكلم في الدين ولكن بحول افهمهم ان مثلا لو جبنا سيرة الاغاني فبقولهم ان بسمع اغاني بس من غير موسيقي و بقولهم اضرار الموسقي وكدة بعيد عن الدين خاللص فيشوفوا الموضوع من ناحية علمية اكتر فيقتنعوا مثلا لو ع جبنا سيرة البس فبقولهم ان مش شرط نلبس خمار ممكن نلبس شيك وفي نفس الوقت واسع وفضفاض علشان محدش يفكر فينا تفكير جنسي او ياخد فكرة وحشة عننا و ان علمينا تفكير الرجل مش ذي الست و ان شهوتة اعلي و ان احنا ملكات ومحدش يستاهل يشوف زينتنا غير جوزنا وانة يستحق هدية زينا وفي نفس الوقت بقولهم اي رائيكم نروح جامع وبنجيب اكل وبناكل فية ونصلي وننام ولو حد بيدي درس في الجامع بنروح نسمعة ممكن مثلا يبقاا بكرا الاتنين او الخميس فقولهم اي رائيكم نصوم بكرا كنوع من تغير الروتين ونحس ان عملنا انجاز او حاجة جديدة روحت جميعة خيرية فخليتهم ينضموا لها وفي نفس الوقت بنخرج وبنتفسح وبتكلم عن تطوير الذات وباخد كورسات وبروح وباجي ف الللي هو شايفني مبسوطة وحياتي متوزانة و مش مقعدة ذي الفكرة اللي هما واخدنها عن حياة المتدينين دي بنصحهم بفيدوهات لتطوير الذات مش شرط ديني لان الفكرة اصلا ان كل اللي الدين بينصحنا بية فهو لمصلحتنا فبرضوو الاتنين مش مختلفين عن بعض كتير كمان تطويرك لنفسك واحدة واحدة بيخليك تهتم بدينك يعني مثلا ذي الارتباط ان بيعطلك وبياخد من وقتك وتفكيرك وقلبك وفي الاخر بيحصل مشاكل ومستفتش بالوقت دة بحاجة فعلا تنفعك وممكن انزل استوريهات هي مفيدة وعلمية بس مش دينة انت كمان ممكن تنشر الدين عن طريق استوريهاتك ممكن تعمل حساب انسجرام مثلا فية نصائح دينة او قراءن ع الاقل هيبقاا صدقة جارية ليك او ممكن تكون سبب لهدية حد وممكن تكتب تعليق تنصح فية حد وهكذا حرفيا استغلال السوشيل ميديا دة كنز لان فكرة ان صوتك بيوصل لناس كتير حتي لو شخص واحد استجاب الخلاصة : قدم لهم النصيحة بس بطريقة علمية اكتر من دينة ومش هتفرق المهم النتيجة واحدة وبس اسفة ان طولت عليكم وشكرا انك اديتني من وقتك وشوفت رسالتي لحد هناا ❤
أنا حاليا عايش بره لكن لما كنت في مصر كنت مبسوط اكتر رغم اني كنت عايش علي قدي بس كنت حاسس بدافا اكتر مكنتش شايل الهم ومكنتش برتاح لما اروح أماكن غالية كنت مرتاح وانا قاعد علي الرصيف أنا وصحابي وجايبن شوية لب
اعتز بما انعم الله عليك وابتغي رضى الله وحبه ليحبب فيك خلقه وأكثر من الدعاء على الثبات ولا يجب أن نكون في مواضع فتنه فلا يؤمن على حي فتنه ولا تترك المجاهرة بالطاعه والدعوة الس سبيل ربك بالحكمة والموعظة الحسنه، نسأل الله الثبات لنا جميعا،. رؤية الله في الجنة ومصاحبة الأنبياء تستحق يا صديقي
كلام من القلب بس لازم لما يكون ليا صاحب اعظه بالمعروف و بالتي هي احسن و ادعي ربنا كتير يعيني و مامعلش زي بني اسرائيل، ده مش فضل مني ده واجب عليا و ربنا هياجرني على صبري بفضله الدنيا ستظل دنيا و لا يمكن تكون جنة و ربنا يعينا جميعا
أنا فاهمه إنك كلامك موجه لفئه معينه من الناس و هما الصفوه ماديا بس ليه ميختلطش بباقى الناس عشان نفسيه الثغنن ؟؟ يعنى قمه الأنانيه إن حد يغمى عينه عن الطبقات المفحوته عشان ميحسش بسوء الوضع و هو قادر يساعد ماديا - و ده مش الحل كدا كدا - بس اللى أقصده إنه غلط إنك فى ظل الظروف دى تقوله اعزل نفسك تماما لأنه فى ناس كتير من اللى حالتهم الماديه كويسه بيختلطوا و بيساعدوا و بيتكفلوا بأسر و ده مخلاهمش يكرهوا البلد و لا حاجه و حياتهم فل الفل الطبيعى اللى يتقال فى الوقت ده هو التعاون و التآزر مش حط نفسك فى البابل و اقفل كويس ! طبعا فى ناس كدا كدا فى البابل بس بلاش نخلى اللى برا يدخل معاهم كمان بدعوى إنه كدا هيعرف يعيش بنفسيه أحسن
اللى عاش الحياتين فى مصر هيعرف ان الحياه البسيطه ملجأه وملاذه تمام يعمل فلوس لكن حياه الصفوه ومش شايف اللى تحت ونسيان الدين فى كل صغيره وكبيره شئ بشع والله ضلال بمعنى الكلمه ربنا مايكتب علينا الغفله والتوهان تانى تفكير غربى بحت فين أهلى وصله رحمى فين لو مت انا على غفله ع الاقل حد يصلى عليا ويترحم عليا تكون دعوته مستجابه
انا متفق مع حضرتك جدا جدا جدا لان عايش شبه كدا بظبط انا من أسرة متوسطة عادية جدا و لكن بدرس في كلية غالية حبتين الي هو نظام اهلي باعو الي وراهم و الي قدامهم عشان اقدر اكمل دراسة و تعاملت مع كل الفئات حرفيا و لكن للاسف فيه اختلاف صغير انك بتكون عاجبك مجاورة الفئة الي هما الصفوة ماديا و لكن بيقابلني مشكلة اني مش نفس المستوي المادي و الاجتماعي و الموضوع بيعمل حواجز و صعوبات كتيرة جدا الي هو انت مش عارف تتعامل مع الصفوة افضل حاجة بسبب الفرق المادي و فنفس الوقت عاجبك طريقة تفكيرهم و قلة الشكوي منهم و لكن للاسف الطبقة الي انت منها مبقتش تعرف تندمج معاهم بسبب كثرة الشكوي و قلة الطموح فا الواحد بيسعي للسفر لان للاسف الحل الوحيد انك تعيش مبسوط هو زي محضرتك قلت بظبط كدا لازم يكون ليك مشروع خاص و لازم كمان تتعلم الرضا و تنقي الناس كويس جدا لان مش كل الصفوة كويسين لان صدقني حضرتك المشكلة الاساسية فالناس مش بس الدولة تلاقي شباب كتير متعمدة انها تقلل منك لمجرد انك مش معاك عربية شخصية بتاعتك و بتركب مواصلات و مثلا بتسافر مكان متوسط مش حاجة زي الساحل الشرير او كدا فا الي حضرتك قلتو دا اهم جزء فيه انك تدخل دخل زي الناس ديه و الباقي امرو سهل
كلام كتير صح وكلام كتير مش منطقي بس الاكيد ان الناس اللي بتقول عليهم بيعملو كده بيحاولو يقنعو نفسهم ان ربنا عملهم اغنيا وعمل الناس التانيه فقرا عشان مبيشتغلوش وان ده الطبيعي وصعب جدا على اي انسان سوي يعيش في الفقاعه دي
@@i_am_Muslim2 الحقيقة المرة إن حوار تصليح البلد فيه مخاطرة وصعب ومكلف . الناس كلها بتهرب من الحوار ده علشان الضغط النفسي والمادي . أنت صح وأنا عايز أعمل زيك، بس الحقيقة المرة إن العقبات بتصدم الناس جامد وبيطنشوا الفكرو
متفق معاك فى كل كلامك ..انا مشكلتى مبعرفش افصل نفسى عن الاحداث اللى بتحصل .. وفعلا مسببالى اكتئاب وفقدان امل فى البلد دى .. نفسى اهاجر بلاعودة .. والله دى مبقتش بلدنا .. البلد اتخطفت من عصابه
طيب ازاي اعمل كدة وانا مش معايا عربية؟ (بسأل بجد يعني بدور على حلول) لأن المواصالات اكتر حاجة بتخليني اشمئز وارجع من الVIBE اللي بيرجع فجأة من الذاكرة؟ وازاي اقضي مصالحي الحكومية من غير ما اختلط مع الناس؟
عاجبني فيك انك مش متمسك برايك و شايف انه عادي يطلع غلط، بس كلام زي حاوط نفسك بالصفوة و متروحش غير الاماكن النضيفة، دا كلام موجه لطبقة واحدة بس مش كله يقدر يطبقه
طب ما انت لو اتكلمت ف دين برا مصر هيبقي نفس فكرة ومينفعش حد يبقي ليفل طبقة معينة يقعد مع حد اعلي طبقة منه عشان هيتعب نفسيا ومش هيعرف يعيش عيشتهم دي وجهة نظري🤷♂️
لو عايز تعيش في مصر يبقى لازم تعيش في Egypt . وبما إن ده حظ مش اختيار ولازم يكون أهلك اصلا من Egypt فمفيش قدامك غير إنك تسرق عشان تقدر تتنقل من مصر إلى Egypt لان مفيش أي business حيجيب فلوس بالملايين دلوقت حالا. ولانك لو حقيقي تعبان في الفلوس مش حتصرفها على عيشة Egypt.
هو انت معاك ومش معاك لان كلامك صح وغلط زى ما انت قلت هو نوعا ما استسلام لكن بعده سلام نفسي واحساس الذنب فيه اضعف من احساس الضعف واليئس فللاسف اتفق معاك جدا والحمد لله بنسبه كبيره ده اللى بعمله حاليا
دين ايه اللي الناس نسيته دا المصريين مفيش حاجة مش بيفكروا فيها بالدين ماعدا المعاملات المالية دي بس اللي بيقفوا الدين فيها لكن هما فالحين بس يشغلوا الدين عشان يتحشروا في حياة الناس
