فديو فعلا بيمس موقف بيضايق كتير من اصحاب العربيات ولازم تدفع مقابل ولا حاجه ومعرفش ازاى طلعت الشغلانه ديه وبقت منتشره ولو مدفعتش تلاقي قله ذوق واحيانا تلاقى خناقات بسبب انه مقتنع ان ده حقه ... شاطر يا على حاولت تسليط الضوء على مشكله من خلال فديو قصير وهادف وعقبال كل الفديوهات الجايه
دي بقت مهنة ال ملوش شغلانة وحاجة وحشة جدا بجد نظام تسول يعني ولا يمسح العربية ولا اي حاجةوترجع تاخد العربية تلاقي واحد تاني عاوز فلوس تاني..حاجة صعبةلكن الفديو كوميدي وجميل 😂😂
هما بيشتغلو في موضوع الركنه دي علشان مفيش شغل تاني وبيعتبر ده مصدر دخل ليهم ودي حاجه عاديه بصراحه لانهم ناس غلابه منبقاش احنا والزمن عليهم انا عن نفسي بدلهم اللي في النصيب والحمدلله
😂😂😂 والله فكرتني بموقف حصل مع سايس قبل كده ..ركنت وهوه مكنش واقف والشارع فاضي اصلا وبعد اما رجعت للعربية لقيته جاي واقف عند الباب ويقولي حاسبيني قولتله علي ايه انت اصلا مركنتنيش ولا كنت موجود يروح قايلي بكل بجاحة انا كنت واقف بفطر بعيد وشايفك وانتي بتركني😂😂😂
ال20 جنيه الي حضرتك مستكترها عليهم دي بعضآ منهم مستغلين بس الاغلبيه في ناس شقيانه بتعمل الفلوس دي عشان يجيبو أكل لعيالهم اليوم بيومو أدعلهم بلستر ربنا يسترك
هى الناس اللى بتقول غلابة واعتبرها صدقة دول عايشين معانا بجد ولا فى كوكب تانى لا مش غلابة وكلهم واخدنها بلطجة وملكية شارع واذا مادفعتش مش هتركن ولو ركنت هتيجى تلاقة عربيتك متجرحة والكاوتش متقطع ملوش دعوة بظروف صاحب العربية لو طالع كشف او عملية عند دكتور ولا اى ظرف
في الإمارات الموضوع دا مقنن الدولة مستفيدة والسايس دا بيشتغل في الدولة ومستفيد . اما مصر ف بتتاخذ على شكل اتاوة وأكيد في مجموعات مضبطة مع الناس دول وهما بيدفعوا للاشخاص اللي في ظهرهم ويحميهم ويبيع لهم جزء من الارض يمارس عليها فتونته وممكن يشتمك لو مشيت من غير ماتدفع وعلى فكرة دي ظاهرة مسيئة جدا لصورة مصر لأنها بتتعمل مع الغير مصريين بطرق ابشع واكتر إساءة للدولة وللشعب. نحن معك في القضاء على هذه الظاهرة المشينة.
لا يجوز هذا الفعل وكثير من الذين يركبون السيارات الله اعلم في حالهم ليس كلهم ميسورين تجد منهم الميسور والمعسر والمديون والفقير لذالك يجب منع هذه الظاهرة اما أن يعرض على صاحب السيارة فلا بأس
الأغلبية بلطجه وفرض علينا والناس اللى بتقول اعتبرها صدقه دى إتاوة لانها بتخرج غصب عنك أنا قلت مش دافع سرق الكاسيت والكوريك لما رجعت لاقيت واحد تانى ورحت القسم مفيش فايده والحى قال مش تبعنا ولا اخدت حق ولا باطل بلاش نقول صدقة علشان الأغلبية بياخد مخدرات ومسجلين لازم يكون فيه حل من الأحياء والشرطة لان دى بلطجه وعافيه وقله أدب وبلاء نقول اعتبرها صدقه
ياستاذ الناس ده مش لاقيه شغل فبدل ما تسخن الناس عليهم ياريت تناشد المسئولين إيجاد فرص عمل لهم وستجد الظاهرة اختفت معظمهم شباب مؤهلات ومش لاقيين شغل ناشد المسئولين فتح باب التوظيف في الحكومة المغلق منذ عشرات السنيين المشكلة التي تتحدث عنها سببها عدم وجود فرص عمل