ازهري محمد علي خمسة سنين كمان لي شنو 

ياسلام عليك الشاعر الثوري. أزهري محمد علي ....كلمات تعبر عن واقع مرير في بلادي. أحسنت الاختيار الإعلامي هيثم كابو نحن في حوجه ماسه لمثل هؤلاء الشعراء الثوريين .دمت طيب شاعرنا أزهري محمد علي

الابداع. بعينه. اديك العافيه ويصلح الحال

نحن القدمنا الشعوب الحرة في درب النضال ورجعنا.... نحنا بكينا يوم بيت القزاز جدعنا...

اخ يا وطن

ياسلام يابوالزهور💚

يسلام ي استاذنا والشاعر المبدع .. ازهري محمد علي كلمات كاالدهب الاصيل الذي لا يصدا . ❤❤❤❤

يا شعب السودان منتظر شنو اتي زمن نكرم أزهري والقدال

ازهري الحب ❤✌🇸🇩

والله نحن محظوظين اننا عاصرنا ازهري محمد علي شخصا وابداعا اسفي علي اجيال ستقرأه في الكتب وتسترجعه من التاريخ

مبدع والله

ملك الكلمه الرصينه ....شاعرنا الحب ازهري

خمسة سنين كمان لى شنو نشيلك هم على هم القراية أم دق و دي لا بتحوق و لا بتلحق تُلبِس عورة الباطل تياب الحق كفاك ارحل دي خمسة و لا بتسوي زلط رقصت على الخماسي سنين أمانة عليك كم في الخط *** خطاوي على الوجع عديتا في السكة البديتا غلط شعائر اقمتها و صليتا لا نزلت عليك خيرات و لا اخضرت مشاعرك قط رهاف قامو الولاد الهجعة و لطاف مرقن بنات الوجعة لعبن حجله جمب الشط وقعدن يشخبطن في الرجعة ورسمن في الغمام لوحات ملامح لى وطن طيب و نكران ذات و بت في الغيمة بتمشط براحات الغنا الواسعات و كتبن في الهوا و شطبن تلات تسعات 999 *** اتمغي البحر في الميعة و اتحين سحاب العينة في لهات التراب نقط مرابي و عسكري منقط منقط و من هنا و من هنا منقط و ناعم و الكلام طاعم يبين تحت التبن أرقط ينوم فوق الجرح منحل و يقوم زي الحبن منحل دحين يا ورطة كيف الحل .. كيف الحل و كم في الخط ؟ مفخخ و خطبتو الملغومة تشيلا تصلحا الحيكومة تصدق كضبتا الموهومة تزيد في غيها المنحط تزيد في غينا المنحط غيبوبة دوار السلطة و الهوس العلينا هبط سكرانا المنابر طينه سكرانه المدائن هايصة و أشباح القرى المسكينة سكران التراب و الموية و السهلة ودواهي الغابة وأحزاب الهوى الكضابة والحيكومة وقفت لط *** وقف خاطر البلد مجروح وقفنا على الجرح غافلين نحن سلالة الواطة و ولاد الطين بقينا على خشاش الأرض محل قامت صلاة الغلة نتوضا نشوفك في المنافي رهاب تلاويح ايدك البضة وداعا يا حبيب الروح وداع و السامر انفضى مرقنا على مدائن التيه خفاف كان نابا كان نرضى مرقنا ودمنا اتفرق ولد شلناهو للأيام مسك شارع المطار شرق لمحناو زي خبر عاجل و زي رفة حمام زاجل و يا منسلي من ضلف الضلام في الليل تعاااال بالباب أكان راجل و اركز و اوعى تدرق *** من القبلي السحابو ربط من العبادي يوم ينصرا في وش السما وينمط وكم في الخط نحن بنحب شاي الصباح الشقلة و الديم و الجخِيس و الثورة و أُمبدة السبيل بالعكسي و محجوب الشريف ال بالمكاوم مكسي أدانا الطريق الما عتر في يخسي أنت رجفت و اتحسست وضع الكرسي و نحن نزفنا مهر الثورة بين البُوت و ضهر البُوكسي *** نحن هتفنا يااااا ليل السجون أسمعنا يا أخي اسمعنا ليه ايش معنى ؟؟ نحن مرقنا قدمنا الشعوب الحرة في درب النضال و رجعنا و نحن نزلنا لى آخر درك و طلعنا أجمل من ملائكة رحمة فجينا الضلام ولعنا قلنا الجاتنا في وليداتنا جاتنا إن شاء الله تنفعنا نحن بكينا يوم بيت القزاز جدعنا لا ادتنا الشوارع عين لا صابت نفوسنا اللعنة علمناك عناق اللهفة و الحرف البراود المعنى علِمنا الثبات و الوقفة و علم نصلك المسنون يعلم فجة الطعنة *** و كم في الخط مشينا على الجرح سيره و كل ما فحط الدفار تطير من العيار طلقة و تطرق حسها مهيره ينمل جلدك المدبوغ على العلقة سياط العسكري الطيرة و نحن على الدوام نغفر نسامح و خيرا في غيرا سماحات الزمان الفات زمان الدنيا بى خيرا رزاز الونسة و الضحكات مطيرة تزفها مطيرة *** على شِديرة الغنا الحتت خلاس تاني المطر شالت خلاس تاني المطر ختت و بركة و خير و بركة أخير براك يالاهي سميتا براك فتحتها النيران على الناس الطلع زيتا كمل رايا و فلت من إيدا راس خيتا على الهملة وقطعت الرأس وقع فوق راسا رأس بيتا و هيا ريتا لو شافوك في النايبات مشمر في الوحل جيتا و جيدا يا مطر جيتا *** و جيدليها البلاد بالجاتا جلابة الجن و الجنادب و الجراد و جلجلة الجلالات و الجنود و الجنجويد نبكي و نعيد كل السماحات كل السماحات روحت خلتنا لى باس الحديد كل المصائب في أمان هل من مزيد هل من بوادر رجعه للماضي البعيد ؟؟؟؟؟ هل من قصائد أو مكائد أو مصائد تاني للدقشو الصعيد *** و ياااااااا بلد الكرام طااااااالت عليك الكرسة و الجوك في الضلام سرقو المباهج خلسة تبكي و تستغيث لا زول سمع لا حسا نتاح الضرس الما بتحلو الجرسة يديك السهر يقعد يتاورك لسهة تاريهو الوجع بين اللسان و اللسة و الداير القلع احسن تلخلخو هسة قبل الطير تقوم يا الما بتعرف الخسة في الطابور تنود و تدقس تنوم في الحصة غاااايتو على العموم خلست خلاس القصة ماااااات بطل الفلم وطلعت حبيبتو اللصة *** و طلعت شعاراتكم وهم و طلعت حكاياتكم ملوص فايرين تعوسو بلا فهم ساسقتو بين ساسا و يسوس فقرا و لصوص ساقونا لى آخر درك وب اعوونا بى وسخ الفلوس كم من نفوس خانت نفوس بيناتا قاسم مشترك صلت على نار المجوس حاولنا نتحاشى الشرك و وقعنا في فخ النصوص قاتلنا في غير معترك و دهستنا غارات البسوس *** و أمانة عليك كم في الخط و أمانه عليك يا بلد السماح سامحيني مجبور مرقتك من دماي لليل بحهجهك السقط ريح العوارض تلفحك ومن ايدي تمشي سقط لقط وخمسه سنين كمان في شنو نشيلك هم على هم القرايه أم دق و خمسة عشان تسوي شنو و دي لا بتحوق و لا بتلحق تُلبِس عورة الباطل تياب الحق كفاك ارحل .. دي خمسة و لا بتسوي زلط رقصت على الخماسي سنين أمانه عليك كم في الخط خطاوي على الوجع عديتا في السكة البديتا غلط

اديك العافية الاستاذ ازهري 🇸🇩❤️

ربنا يعطيك العافية يا استاذ أزهري

❤❤❤❤❤

ازهري الابداع والكلام الطاعم....

كل المصائب في امان هل من مذيد لكفاك هذا البيت عن كل اشعار الدنيا ،حفظك الله استاذنا ازهري

ابداع تالت تعليق

الله يطول عمرك يا خال تصادم لم تلين له قناة

ياسلام عليك لك كل الحب والتقدير انت الوطن وانت كل سودان

ي سلام ازهرينا

لك التحيه والتقدير ي أسد

و الله يا ابو وضاحة يكبو جواد الفصاحة و يتعثر عند محاولة التعليق و كفي ...

الله يشفيك و يقومك بالسلامة

يامبدع

ابداع

الزول دا تحس بيهووووو صادق

❤خطاوي ع سكة بديت غلط ❤

وداعا يا حبيب الروح وداعا والخاطر انسدا

خمسة سنين كمان لي شنو

عندي إستبيان حول القناة دي ماشه تبقه منبر حر ويكون عندهم وطنيه ويحسو بي انو الاعلام في خدمة الشعب وليس في تلميع وتطبيل للبشير والكيزان المعاي لايك والمختلف ديسلايك

ازهري والله ربنا يطول عمرك بس. لكن مافي اي تعليق يليق بيك

كبير يا ازهري

صباح الخير أبو الزهور

برغم أحداث الفتن القبلية المنتشرة الا ان السنبلة ستنتصر على أسراب الجراد

هل من بوادر رجعه للماضي البعيد

هذا الاشعار والكلام الجاب لينا الهواء نخستو الشياطين طلعو بي الثوره وهسي اصبحنا منكوس في الامان الاكل دا نسينا زاتو الامان الامان

يا سلام يا سلام تحياتي استاذي

ازهري السودان

منتصر الصادق ابكك

💯💯

ازهري محمد علي بطل قومي يستحق أن يكون عملة السودان

والله دا كلام عغل

همست نغم

لاذم اقعد معاك

الحصة وططططن

عفيت منك ي عم

أجمل كلام بس المنبر غلط

حسبنا ونعم الوكيل من السعودية و الامارات ومصر وحميدتي الجنجودي وبرهان قاتلهم ألله تجمع المهنيين هم يمثلنا بس الحكومة مدينة كامل السيادة

كفاك ارحل

😂

,,,,

حير المذيع ذاتو

أزهري بالرغم من أني بحب شعرك بس اعرف إنو بعض من شعرك يخدم حزبك الشيوعي تاجرت يا أزهري بقضية الشعب.....؟

ازهرى ..ماعنده غير شنبه وشعره الابيض