يعطيك العافيه على كل ما تقدمه في القناة انت ذكرت مبيعات الكافي ولم تذكر كم راس المال المستثمر حتى نقارن صح وجزاك الله خير العقار له طرق كثيرة للاستثمار وليس طريقة واحده
الله يجزاك خير ويسدد خطاك ، نعم التجارة فيها خير وسريع باءذن الله ، والشباب اللي متطبح في المجالس وقاعد ينتظر الوظيفة انزل للميدان وتاجر ، يقولون ما عندنا رأس مال ، ماهو شرط تتاجر بمليون ريال خمس الاف او ثلاثة الاف تكفي في بداية متاجرتك روح لحلقة الخضار وعب الوانيت خضرة وتاجر او روح لسوق الجملة وشف الشئ اللي ينفع تبيعه اون لاين وابداء ‘ او سوق المواد الغذائية وخذ عينات بالفين ودور على البقالات والسوبر ماركات الصغيرة وقلهم بأجيبلكم اللي تبونه وحط لك مكسب مناسب وهكذا ، والله اسأل ان يوفق الجميع .
محل الكفي اللي عنده فروع وصافي ربحه ٤٠ مليون ريال ترى عنده عقارات تغطي عين الشمس واصلا ما دخل بمشاريع الكفي وغيرها الا من ارباح العقارات التي لازالت تأمنه وتأمن كل مخاطر الكفي والدواجن والمياه والشاورما والايسكريم
بارك الله فيك ، شكرا لك ، اقترح عليك بعد ان تسوي بلاي ليست في اليوتيوب ترتب فيه نصايحك لشي معين بحيث يكون في اللسته مرتب يستفيد المشاهد وتكثر المشاهدات .
الرجل لم يهمل العثار ولكن وضح قال ابتدي براس مال صغير واذا وفقك الله توسع واذا جاك عائد مادي مجزي اشتر اصول في العقار كفي ووفي الله يجزاه خير انا عندي مقاولات ووضح لي نقاط استفدت منها وهي نقطة ابعد عن الناس السلبيين فعلا بمجرد فكرت تبعد انفتحت لك افاق جديده والليوفق الجميع شكرا فواز واتمني ان تطرح حلقة عن المقاولات لان فيها خير كثير بس مستغل من العماله
قسم بالله صادق انا اشتغل بمحل مواد غذائية التارقت الي هو الرقم الي لازم تحققه عشان يجيك بونص كان اول شي ٢٣٠الف بالشهر بعدي فتره زاد صار ٣٠٠والحين صار ٤٤٥الف شهرين هذا فرع واحد بس ونعتبر اقل مبيعات بنهم والرجال ذا يشهد الله انه كفو و نعم انه يعلم الناس بالارقام الحقيقيه وجعلها في ميزان حسناتك
العمل التجاري عالي المخاطر كثير الارباح قليل الناجحون فيه قد يذهب راس المال كامل وقد تخرج بديون ثقيلة اذا لم تنجح وهذا غير موحود في العقار والعقار يوجد فيه ارباح عالية في حالات معينة اذا عرفت كيف تصداها والعقار آمن آمن آمن ولايمكن تقعد على الحديدة ابدا طبعا بعد ارادة الله فلاتتهوروا ايها الشباب وتاخذوا هذا الكلام علي ظاهره وبدون تخطيط ومشورة وعدم عجلة مع ضرورة وضع خط رجعة حتي لانراكم مسجلين في منصة فرجت ههههه وفق الله الجميع
السلام عليكم ورحمة الله وبركاته ، اختي مشاريع النساء كلا حسب بلده ومنطقته ، ممكن الأسر المنتجه تعمل في المنزل اكل او خياطة او اي شئ بسيط ومفيد ، مثلا الأكل مثل المفرزنات سمبوسة لحوم او خضار او اجبان ، او اكلات ويبيعونها ، وخياطة فساتين او ملابس اطفال ، والله اسأل ان يوفق الجميع .
ياشين بني آدم اذا تكلم بانه يعلم مالايعلمه الاخرون ويفهم مالايفهمه غيره وظن ان ذكائه وفطنته وجرآته وأسلوبه هن فقط أدوات نجاحه وفلاحه ألا تعلم ياصديقي أنه يوجد معاقين فكريا رزقهم الله ملايين واملاك هم انفسهم لايحصونها وربما لا يعلمون عنها شيئا وهل تعلم ياصديقي ان هناك تجار ورجال اعمال كان يشار لهم بالبنان في قمة الذكاء والعبقرية وكانت دول تستدين منه وباخر عمره كان يتسول و مات فقيرا معدما
ياولد انت محلق فوق وتتكلم مع ناس محلقين معك ترى الارزاق مالها علاقة بهالفلسفات والله ان الله رازق الجميع وكلا بياخذ قسمه فلا داع لهالفلسفات والنصايح من فوق برج عال وترى فيه امة كاملة كدحت ولازالت تكدح وتكح في الميدان وعندهم من الفكر والعلم والتجارب مايستطيعون به تأليف مجلدات وبالاخير ما اخذوا الا ما كتب الله لهم قل او كثر فخل عنك الثقة المتناهية بعقلية من دخل جنته وهو ظالم لنفسه قال ما اظن ان تبيد هذه ابدا
