سؤال صغير ولكن الشرح يطول الشعم الصيفى بيتم صيده من الشواطئ الصخرية او الشواطى الرمليه اللى على اولها صخور ويتم الصيد بالطعوم الصيفية مثل الشريب (الجرايات) وهى من انواع الكابوريا صغيره الحجم قد عقله الصابع كده ودا طعمها المفضل فى الصيف وكذلك مصران الدجاج بتدككه فى المصران وبتستخدم سنون من رقم 3 حتى 6 ولكن متصغرش السن اوى عشان لو حاجه كبيره متروحش منك
اما الشعم الشتوى فبيبدا من شهر يناير وحتى مارس ودا بيتم صيده من الشواطئ الرملية والطينية والطعم ربيان ويفضل ربيان سعودى مزارع وسن صغير من 3 الى سته وكل ما كان اصغر يكون افضل فى الشتاء وفى جميع الاحوال للشعم يفضل السن يكون تحت البلد ( الرصاصة) لانه فى معظم الاحوال بياكل الطعم من على الارض
